الجعجعة الكدابة والانتحار

[EducThinkRespectDemoc]

This article from CNN describes the home of Elsheikh Elzahed Mohamed Omar :

http://www.cnn.com/2001....ompound

notes on the article:

1- He had sculpture sits in the driveway in his driveway ( I thought he destroyed the Budhist statues because they are against Islam)

2- He had clean water and air conditioning for his COWS! whille only 12% of Afghan people had access to clean water.

and there is much more

And there is much more in this article.

[Akrum]

بسم الله ا لرحمن الرحيم..اخوانى و حبايبي و حته من قلبي.. السلام عليكم و رحمة الله  و بركاته..  

هاهاها .. ايه يا كرومتى انت .. سلامتك يا حبيبى .. انت ( مالك ) !! .. ايه ( حماس السب ) اللى جالك ..  الله هو ان دوست على ( ) من غير ما اقصد ..  لما قلت اعضاء انتفاضة الأمة يكشفوا عن هوياتهم !! .. الموضوع ده  اثار حفيظتك بشكل جنونى  و ظهرت على حقيقتك و شغلت وصلات ال( ) اللى ( متعود عليها من زمان ) ..سعادتك .. خليك انت موضوعى .. و فند ما اقوله يا زعيم ( ) ..  

اولا يا زعيم الزعماء اللى الأمال معقودة علية لتحرير المقدسات عن طريق مقاطعة الهمبرجر .. و الكنتاكى .. انا لم اعلق على مقالة صلاح منتصر بكلمة واحدة .. و الوصلة عند رفعت عبقرية عظمتكم .. تقدروا تراجعوا بانفسكم ..    

و كان الأفضل التاكد من هذا قبل التسرع الأهوج  بال( ) .. و الغرض من ايراد المقالة لأظهار ان عمليات الأرهابيين لم تكن عملا  ضد  النظام فقط و لكنها كانت هوجاء و تصيب المدنيين و ان السيد ايمن الظاهرى الذراع اليمنى لمثلك الأعلى بن لادن  .. يعد مجرما فى نظر العدالة .. و ليست كما حاولتم عن عمد لوى الحقائق كما هى عادتك ..  

ثانيا يا زعيم يا كبير اوى يا قدوة .. كنت رد عليا اثبتلى هل المقاله لما نشرتها ..  كنت بتختلسها لنفسك عندما اوردتها دون ان تذكر انها منقولة  ..  ولا هى مقالتك اساسا و حسب اخلاق علماء الأمه و عقلائها و المخلصين من ابناءها من وجهة نظرك ..  تنصلت من كلامك فى لمح البصر .. من باب اللعب على جميع الحبال و التطفل على جميع الموائد ..  مش كان افضل من وصله ( ) اللى انت عاملها ..!!

انا لم اتناول شخصية الزعيم .. التى لا تهمنى فى قليل او كثير .. فالمتسلقين فى الدنيا زى الهم على القلب .. و الطامحين فى التطفل على الموائد لا اول لهم ولا اخر ايضا ..

اما عن موضوع حشر انفى فيما يعنينى ..  .. فقد  كنت اظن ان الوطنية و الشفافية الثورية و الشجاعة الأدبيى التى يتحلى بها الزعماء الثوريين .. الذين قرروا ان يواجهوا بل وان  يركعوا اعظم دولة فى العالم .. حسب الأدعاءات الهوجاء .. ان لا يمانعوا فى كشف هوية انتماءاتهم المتأزمة هنا فى هذا المنتدى ..  الا اذا كنتم تعدونها من ( الأسرار العظمى ) .. يعنى العبد لله اوضح من زمان انه عضو فى الوفد ..  و لم اخف هذا .. .. و  بدلا ان يكون  الواحد بشخصيتين  زى الأفلام .... و لكن يبدوا انكم ( غير فخورين )  بهويتكم الأخرى فى الأنتفاضة المباركة حسب وصفك .. تمسحا بحسنى مبارك ..يا للنفاق ..

ولا انت شاطر بس .. تتخذ من ساحة منتدى الوفد مكانا تدعوا فيه الى منظمتك .. و تضع الوصلات لها .. و فى السكة تتطاول على معارضيك .. و تعرض لنا مهاراتك اللغوية المحصورة فى ( )  

انا لم اصف موضوع المقاطعة بالوضيع يا كرر .. يا عفريت!! .. انت عارف قصدى بالظبط بستموت تستهبل فى المواضيع ..انا بقول ان مقالتك وضيعة ..  و ليس المقاطعة .. التى اوضحت سابقا بوضوح انى لست ضدها .. غير مقتنع بجدواها نعم ..  و لكن لا يهمنى فى شيئ ان تستمر او ان يقتنع القائمين بها بانها ليست الا نوعا من انواع التهريج..  

اخوانى و حبايبي و حته من قلبي.. السلام عليكم و رحمة الله  و بركاته

حبيب قلبي وحته من كرشتي ...

علي فكرة انا سألت والناس كتر خيرهم صححوا لي بأن الفشة هي الرئة اما الكرشة فهي المعدة ولهذا وجدت انها انسب للتعبير عن كونك انت وموضوعاتك وردودك  قد ايه مهضومة وشو حلوة كثير وخفيفة علي المعده يعني .. صحيح اللي بنعيده بنزيده لكن معلهش حبيبنا برضه وحتة من القلب ولا المعدة ولا الرئة اهو كله اجزاء من الجسم برضه...

تصدق باللي خلقك بأنه لسه مشرفش المنتدي اللي ممكن يزعلني ولا يثير حفيظتي لكني كنت موضوعي اكثر منك وقلتها لك بدون مجاملة - اصل الصدق بيوجع دايما - سؤالك عن اعضاء الجروب مغرض وحاول تجرب وابعت لأي جروب ما وحاول تسألهم نفس السؤال - سوف تأخذ نفس الرد ولكن يمكن بطرق مختلفة ..

مسألة طللبك لمعرفة اسمائهم تحت زريعة الشفافية ؟؟ يجب الرجوع اولا للأعضاء واسألهم الأول بأن فري عاوز يتعرف عليكم ولما يوافقوا علي كشف اسمائهم سوف اوافيك بها ؟ ولا تزعل نفسك ؟ لكن بمناسبة الشفافية .. انا داخل هنا بإسمي والعديد من المتحاورين هنا يدركوا ذلك وهذا خير مثال علي الشفافية ؟؟ لكن ممكن تقولي يا مدعي الشفافية انت ليه مستخبي وراء اسم فيري !!! وازاي واحد حر قوي كده يخاف من يدخل بإسمه !!!! . ولا راح تجادل ونلف وندور حول معني الشفافية والمستخبي وتخرج لنا بتعريفات جديدة !!!- ابدا بنفسك الأول وبعدين تعال اتكلم عن الشفافية .

احب بس افكرك وااكد باسلوب المجادلة والخروج عن النص بأن رأس الموضوع كان عن طالبان وسقوطهم وكان ليه الجعجعة كما اشار الأخ رجب  ولكن شوف مداخلاتك وصلت بينا إلي ايه مناقشة ايمن الظواهري وانه مثلي الأعلي هو وبن لادن واشرت لجروب يستنهض الهمم بأنه تنظيم - يعني الإنحراف في الطرح اصل عندك.. ليه لعدم القدرة علي مواصلة النقاش فكل مرة تتقافز من نقطة إلي اخري وكاننا في سيرك نقول لكم اين المنهج الذي تدعو إليه - تقولي هي المقاطعة تعمل حاجة .. اقول لك القرآن ينادي بجهاد من يعتدي عليكم ... تقول عيشوا في سلام وليه تفجروا امريكا !!! وتتغافل اصل المشكلة بفلسطين!! .. نذكرك ..تقول تاريخ مزيف ... قولنا يمكن ازمة هوية ... زعلت ولم ترد وجريت تشتكي للمنسقين !!!! وفي الأخر تدعي بانك بطل واننا اتهمناك بالكفر والعمالة وعملت فيها شهيد الحرية ... قلنا لك في اكثر من موقع لا يا حبيب قلبي المسألة متستاهلش .. لكنك مازلت ترددها .. خلاص كيفك لكن المسألة لم تنطلي علي احد ؟. لا جديد خير خالف تعرف او حوريني يا كيكة ...

حبينا نوضح لك بأن المقاطعة مطلب شعبي واقطاب الأمة وشيوخها يطالبوا بها تقول لي كلامك وضيع وتنسب الموضوع لي رغم اني نشرت وصلته - مش عارف اعلق لك يافطة  مش عايز تصدق انت حر لكن راح نفضل نعيد ونزيد لحد امتي !! - قلت بتتنصل منها قلت لك لأ وما فيها يوافق رأيي لكن مفيش فايدة ... ده إسمه يا عزيزي فري إفلاس متزعلش مني بس دي الحقيقة ..

علي ذكر موضوع الظواهري فهو متهم في قضايا سياسية وعليه حكم بالإعدام في عدة قضايا . وما اوردته انت  يوافق رايك !!! فسيان كونه رأيك انت ولا صلاح منتصر في الجهاد .. كما انه لم يذكر اي تفجيرات وقتل للأهالي وهو ما حاولت توضيحه لننسوبيريور .. لكنك دخلت كده زي النغمة النشاز واتلفت الحوار زي ما انت شايف .. ولو حاولنا نوضح لك الأمر بتزعل .. وبدأت ما تسميه هجوم لكن انا شايف انه سوء فهم منك وبحاول اوضح لك .. وان كان علي الباغي تدور الدوائر ..

رجعنا تاني للتهيئوات - يا عزيزي لا انا زعيم ولا قدوة ولا اي حاجة وياريت تشوف علاج للمسألة دي عندك لحسن بدأت اشك في ان اعراض -اكرم فوبيا- بدأت تظهر علي البعض هنا بالمنتدي ...

رجعت وكررت موضوع ازمة الهوية ؟ وخللي الناس تحكم بيني وبينك .

انا داخل بإسمي وهناك من يعلم هذا - اما انت فلا ندري ماذا تكون تدعي بانك وفدي رغم انك  

انت في الأصل كاللهو الخفي - مخفي يعني وراء إسم فري !!!

انا مصري مغترب ومثلي كثيرين لكن مازلت مصري - انت مصري تسعي لتكون كندي وتدعو للهجرة لها معرفش علشان حاجات دنيوية زائلة .شأنك وانت حر فيه ؟ لكن كيف وانت تحاول الإنتماء لدولة اخري تنادي بإصلاح مصر ؟؟ بالريموت كنترول يعني ؟ ولا الوفد راح يفتح فرع بكندا وسعادتك تدخل الإنتخابات عن دايرة تورنيو !!!! زي ما قلت بأنك وفدي !! مبروك علي الوفد يا سيدي لكن تفتكر ان ده يعطيك حصانة مثلا بالمنتدي ولا ايه قصدك ؟

انا مسلم واطالب بالتمسك بالدين والقرآن واحكامه . انت مسلم لكن انت تنادي بإيه !!!!

حبيب قلبي ذكرت كلام كبير عن الهوية المتازمة - صراحة مفهمتش حاجة - يبدو انك كنت متوتر ومش عارف تعبر .. المهم اهي كلها هرتلة وايه دخل حسني مبارك بالموضوع !!!! وبعدين مين قال اني انا اتطاولت في السكة عليك .. انت ناسي انك انت اللي دخلت بالمداخلة وهات ياقص ولزق وانت قلت وبتتنصل ويكر وتفر .... - معلهش هي التهيئوات - لكن كل حاجة ولها علاج في مراحلها المبكرة ؟

شكرا علي تعبير كركر فكل اللي بيحبوني بينادوني بكرر وكيمو ... لكن ما تسترش ابدا رجعت تقول موضوعي - طب اعمل ايه علشان ارضيك - الموضوع موجود علي الموقع المبهم زي ما قلت وممكن تلاقي مواضيع كثير بالنت عن المقاطعة لوعملت بحث ؟؟؟ ولا تفتكر انا اللي كاتب كل تلك الموضوعات - علشان احاول اقنعك مثلا - ما هو مافيش غير حبيبي فيري استهبل عليه ..... يمكن بعد رمضان تخاريف الصيام دي تخف ..

مرة اخري دعنا نكمل الحوار وقل لي صحيح ازاي نصلح حالنا وقوانينا ودستورنا والكلام الجميل ده اوافق بالطبع عليه - لكن توقيت مناقشته مش مظبوطة ليه لآن العالم ببساطة مشغولة باللي بيحصل حولينا .. والآنكت انه يحدث علي حدودنا الشمالية الشرقية ..والغريب بأننا فجأة لقينا الإسلام والمسلمين بنضربوا في اكثر من بلد - فاعتقد بأن هذا قد يجعلنا نقول ايه اللي بيحصل يا جماعة مش كده ولا انت قصدك تقول وانا مالي خلينا نناقش احوالنا ؟ ولما موضوع إصلاح البلد بالسهولة اللي انت اتكلمت عنها في مداخلة منفصلة بأن نجعل الشعب يحكم البلد - سبت البلد وهجيت ليه !!!

ولا انت شايف انك تجس نبض النظام بأن تحط طالب:baaa:  بيافطة عليها مطالب ووراه كاميرا ويتظاهر امام الرئاسة - في وش المدفع يعني .. كما ذكرت سابقا وبالطبع وانت متخفي وراء اسم الحر المتحرر وقاعد في كندا ..:xmas:

طبعا ده خارج الموضوع لكن ياريت نسمع رايك ومنتظرين تعرضوا علينا حل لمشاكلنا المزمنة في الصراع الصهيوني - ولو اقتنعنت فأنا معكم ايه رأيك في الكلام الجامد ده ؟؟

علي فكرة انا خلاص عرفت اني زعيم - وصلت يعني ... فياريت تشوف حاجة جديدة علشان الملل ..

اتفضل ...

[Akrum]

الكابوس المزعج لأميركا : أين تبخر مقاتلو طالبان؟!

إسلام آباد 12\12\2001

كشف تقرير تتداوله دوائر محدودة فى المخابرات الباكستانية أن حركة طالبان استطاعت إخراج معظم مقاتليها وأسلحتها الخفيفة من قندهار إلى الجبال وذلك قبل تسليم المدينة إلى قادة المجاهدين السابقين، معتبرة ذلك بأنه الكابوس المزعج لأميركا فى حربها فى أفغانستان.

وأوضح التقرير الذى تسلمت الولايات المتحدة نسخة منه أنه أثناء عملية المفاوضات الجارية لاستسلام المدينة وحتى قبلها استطاعت حركة طالبان إخراج ما يزيد عن عشرة آلاف من مقاتليها مع أسلحتهم الخفيفة وأسلحة أخرى أهمها صواريخ "ستينغر" الأميركية والتى سبق للولايات المتحدة أن أمدت بها الثوار الأفغان إبان فترة الجهاد ضد الاتحاد السوفياتى ولم يبق فى المدينة الا بعض الصبية .

وكشف التقرير أن عناصر من المخابرات الأميركية قد ذهلوا عندما دخلوا إلى قندهار وتبين لهم عدم وجود مقاتلين تابعين لطالبان وأنهم جميعًا قد "تبخروا" بما فيهم زعيمهم محمد عمر مما حدا بهم الى الشك فى قادة المجاهدين السابقين وخاصة الملا نقيب الله الذى سلمته طالبان المدينة .

ويقول التقرير إن تلك المعلومات قد أزعجت المسؤولين بالبنتاجون والذين سبق وقدروا عدد مقاتلى طالبان بعشرين ألف جندى لم يؤسر منهم سوى ألف مقاتل فى كافة أنحاء أفغانستان مستبعدة فى الوقت نفسه أن يكون الباقون قد قتلوا جميعًا وهو ما دعا وزير الدفاع الأميركى دونالد رامسفيلد الى الاعلان بان الحرب لن تنتهى بالقبض على بن لادن وانها قد تستمر لفترة .

وأوضحت المعلومات أن المخابرات الباكستانية أرفقت تقريرًا آخر مع التقرير المذكور كانت قد تلقته قبيل سقوط قندهار من عناصرها المنتشرة فى أفغانستان يفيد بأن حركة طالبان قد قامت بإعداد مغارات تبعد قرابة المائة كيلو متر عن قندهار وأن تلك المغارات قد جهزت جيدًا للإقامة بها فترة طويلة، حيث زُودت بالمؤن وقبل كل ذلك نقلت إليها صواريخ "ستينغر".

ورجح التقرير أن تستمر عناصر حركة طالبان كامنة فى تلك المغارات وبما يشبه "البيات الشتوى" لحين هدوء الأمور قليلاً ثم القيام بعمليات حرب عصابات واسعة ستركز فى الأساس على اصطياد عناصر القوات الأميركية والبريطانية.

وتشير المعلومات أن المسؤولين بالبنتاجون ظلوا مشغولين خلال الفترة الماضية فى محاولة الإجابة على سؤال هام وهو أين صواريخ "ستينغر" التى تملك طالبان منها الآلاف ولم يطلق صاروخ واحد منها حتى الآن.

وتوضح المعلومات أنه ربما يكون التقرير الباكستانى قد أجاب بشكل شافٍ عن تساؤلات قادة البنتاجون. !!

[freefreer]

بسم الله ا لرحمن الرحيم..اخوانى و حبايبي و حته من قلبي.. السلام عليكم و رحمة الله  و بركاته..

كما ولابد ان يلاحظ السادة رواد المنتدى .. فان السيد اكرم مستمر فى وصلة الردح اياها ..  و لحسن حظ السيد اكرم .. فلقد جد فى الأمور امور .. حيث تم تشريفى من قبل فريق ادارة المنتدى بمسؤلية تنسيقية .. مما وضع على كاهلى عبئ تمثيل ادارة المنتدى و لو بصورة جزئية ..

و تفويتا لأغراض السيد العزيز .. فانى انئى بساحة المنتدى من تكون مسرحا لردع السيد المذكور .. و بناء على كل هذا فلقد تم اعداد الرد الذى يستحقه .. و تم ارسالة على منظمته ..

اخوانى و حبايبي و حته من قلبي.. السلام عليكم و رحمة الله  و بركاته

[Akrum]

حبيب قلبي فري - المتحرر- من غير حته ...

اولا سبق وقلت لك علي الباغي تدور الدوائر ... ومش انا اللي بدأت

ثانيا مبروك الإنضمام للتنسيق ةبالطبع المسئولية تغير من التبعة ونتمني هذا

ثالثا انا رحت جري علي الجروب - قصدي المنظمة ذي سعادتك ما ذكرت -حتي استمتع بردك واملي نظري منه لكن للآسف لم يصل بعد - يظهر بعته لمنظمة اخري  :th: ممكن تبعته لي علي المسينجر او الميل ونكمل دردشة هناك ده لو حبيت ..

رابعا كل سنة وانت طيب وصدقني انا مش زعلان منك - انا بس كنت بس بهز معاك ..زي ما انت بدات الهزار وعلشان تعرف بأن سهل قوي الواحد يتقيأ زي غيره ما بيتقيأ ..:music:

خامسا اعتذر لكل رواد المنتدي المحترمين فقط إن كان هذا النمط من الحوار قد اذي البعض لكن للضرورة احكام ...

سادسا : كنت منتظر نكمل الديالوج وترد علي اسئلتي لكن معلهش نخليها مرة تانية ...

متزعلش يا فيري مرة اخري وكل سنة وانت طيب

وعودة للحوار البناء ....

[Rawaqan]

يا سيد إبن البلد.... سيادتك قلت

وبعدين يا محترم سيادتك ماسك القضيه من زاويه واحده ..يعنى ولا مره سمعتك علقت على الأجرام الأسرائيلى ضد الأطفال الفلسطينين وباقى المآسى اللى بتحصل يوميا  

هو سيادتك لو الله سبحانه وتعالى نهى عن السرقة... ينفع تسرق في الدنيا وفي الآخرة تقف أمام وجه المولى وتقوله "ماهما كلهم كانوا بيسرقوا" !!!!!!!!!

دلوقتي شريعة الله واضحة وضوح الشمس وإتفقنا عليها... لا لقتل الأبرياء تحت أي مسمى.. صح؟ قمت جيت سيادتك وقلت "ما الأجرام الإسرئيلي بيعمل ويسوي... إلخ". يعني إيه؟

يعني لما نمسك أوامر الله قبل ما نطبقها نبص الأول على المحيطين وبعدين نقرر؟

الله نهى عن الزنى .. بس لو الكل بيزني يبقى ممكن نزني..

الله نهى عن الإرهاب .. بس لو إسرائيل وحشة يبقى الإرهاب مسموح....

مش ده كلامك؟؟؟؟؟

أنا يا سيدي ولا يهمني أعمال إسرائيل لما أنظر إلى حكم فعل من كتاب الله... كتاب الله وأحكامه ثابتة ولا تتغير بتغير الشخص إللي قدامك.... طالما الله عز وجل نهى عن شئ فالموضوع منتهي بالنسبة لي... هذا الشئ حرام.. والله إللي قدامي كانت إسرائيل كانت الهند كانت عفريت أزرق... برضه أحكام الله لا تتغير....

[Rawaqan]

السيد أكرم.. معلش فيه حة مافهمتهاش...

خامسا اعتذر لكل رواد المنتدي المحترمين فقط إن كان هذا النمط من الحوار قد اذي البعض لكن للضرورة احكام ...

هو ده

انا مسلم واطالب بالتمسك بالدين والقرآن واحكامه

إللي إنت بتقول عليه؟؟؟؟؟؟؟؟ نظام أنا مؤدب آه... بص لما حد يغلط في أبقى (.....) ....

أنا أعرف والله إنه إللي عايز يبقى مخترم حيفضل محترم على طول مش "أنا مؤدب دلوقتي" بس لو "الضرورة حكمت" ممكن أبقى (....) ...

شكرا على توضيح شكل الإسلام الذي تدعو إليه.... حقيقي نورتنا..

[uk sphinx2]

ياستاذ..

نسخه القرآن التى عندنا بتقول ..

وأخرجوهم من حيث أخرجوكم ... البقرة 191

كتب عليكم القتال وهو كرة لكم .. البقرة 216

وقاتلوا فى سبيل الله الذين يقاتلوكم ولا تعدوا .. البقرة 190

فإن قاتلوكم فأقتلوهم كذلك جزاء الكافرين .... سورة البقرة 191

وقاتلوا المشركين كافه كما يقاتلونكم كافه .. التوبه 36

فقاتلوا التى تبغى حتى تفىء الى أمر الله .. الحجرات 9

فليقاتل فى سبيل الله الذين يشرون الحياة الدنيا بالاخرة .. النساء 74

إن الله يحب الذين يقاتلون فى سبيله صفا .. الصف 4

ويتحدث عن البعض ..منا

فلما كتب عليهم القتال إذا فريق منهم يخشون الناس.. النساء 77

فإذا أنزلت سورة محكمه وذكر فيها القتال رأيت الذين فى قلوبهم مرض ينظرون إليك ... محمد 20

وقالوا ربنا لم كتبت علينا القتال لولا أخرتنا إلى أجل قريب ... النساء 77

فلما كتب عليهم لقتال تولوا إلا قليلا منهم البقرة

246

الله ..هى نسخه القرآن بتاعتك مافيهاش هذة الآيات .. ولا أيه

[Rawaqan]

تمام... سيادتك أثبت إنه لازم نقاتلهم.... عظيم.... ولقد أُمِرنا من قبل أنه في القتال لا قتل للأبرياء أو النساء أو الأطفال..... صح ولا أنا غلطان؟؟؟؟

هاتلي حته من كتاب سيادتك تقول إنهم لو قتلوا أطفالنا نبقى نقتل أطفالهم..

[uk sphinx2]

وكتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن

سورة المائدة 45

عرفت مكانها ..

استغفر ربك

[uk sphinx2]

ماكان للنبى والذين آمنوا أن يستغفروا للمشركين ... التوبه 113

[Akrum]

السيد أكرم.. معلش فيه حة مافهمتهاش...

خامسا اعتذر لكل رواد المنتدي المحترمين فقط إن كان هذا النمط من الحوار قد اذي البعض لكن للضرورة احكام ...

هو ده  

انا مسلم واطالب بالتمسك بالدين والقرآن واحكامه  

إللي إنت بتقول عليه؟؟؟؟؟؟؟؟ نظام أنا مؤدب آه... بص لما حد يغلط في أبقى (.....) ....  

أنا أعرف والله إنه إللي عايز يبقى مخترم حيفضل محترم على طول مش "أنا مؤدب دلوقتي" بس لو "الضرورة حكمت" ممكن أبقى (....) ...

شكرا على توضيح شكل الإسلام الذي تدعو إليه.... حقيقي نورتنا..

الباشمهندس الدكتور الكبير قوي روقة الرايق

ما شاء الله عليك بكالوريوس و2 ماجييستير ودكتوراة - عقبال نوبل - يااخي حاسس ان مصر راح تبقي بخير طول ما ابنائها الأفذاذ اللي زي روقه بالعبقرية والشطارة دي ... بس يا اخي انا حاسس كده من خلال حواراتك إنك تحت 30 وحصلت كل هذا العلم ما شاء الله .. وان تحليلاتك لمداخلتي تفتقد مهارات الحاصل علي الدكتوراه .. من حيث البحث والتحليل والإستنتاج ايضا ... لكن ارجع واقول مش هو ده باب القصيد ... لكن لي عتب إسمحي يا دكتوراه باشا ..

هو سعادتك لما تتعلم الإسلام خذه مباشرة من القرآن والسنة ومتاخدوش مني لاني انا بشر وممكن اتحمل شوية واصبر لكن لما الناس الراقية اولاد الإليت العايشين في الدول المتقدمة يخرج منهم العيب وبعد لما نرد عليهم بمثل ما يقولوا ... يزعلوا ويقولوا هو الدين ينصحكم بذلك ... هو الدين ده علينا بس وعليكم انتم لا - ايه خدت شهادة براءة منه - ولا مغفور لكم مقدما !!!!

العيب من سعادتك ومن زعيمكم الذي علمكم السحر - المتحرر جدا - حلال ومنا لأ يبقي عيب وميصحش ..

شوف لكل مقام مقال واعتقد اننا نعرف نتكلم ونتحاور ونرد علي اي شاكلة من الحوار وللصبر حدود ... وحفاظا علي الود وإحترام الأخرين يجب ان تكون علي مستوي الحوار ومستوي الشهادات الحاصل عليها ... ولكن سبق وقال لنا اهلينا ان الأدب فضلوه عن العلم ... الأدب يا روقة يا حبيبي ...

لما تعلق مرة تاني وتدافع عن فري لا تخرج الكلام من سياقه ... انا لسه مركز ومتوهتش ولا بنسي .. انا قلت انا مسلم واطالب بالتمسك بالدين لكن انت وغيرك بتطالبوا بإيه

ولذلك ووفق المنهج العلمي للحاصل علي الدكتوراه فإن الإجابة تكون علي سؤالي علي ما تطالب به انتم !!! مش تروح تناقش اسلوب ردي !!! وبعدين انا ذكرت ان ده ديالوج بيني وبين حبيب قلبي وحتة من .... فري  فقط - ولم ندعو سعادتك له إلا اذا كنت متطوع او تدافع عن المتحرر دي تبقي مسالة تانية ..

والغريبة ان الميزان عندك لوزن الأمور به خلل يعني نتشتم وتفسد علينا الحوارات ونتشتت ولما نبدأ الرد بمثل ما تخرج من افواهكم ونتكلم بنفس لهجتكم الحوارية البناءة ونتخذكم قدوة لنا تقول وكأن لسان حالنا احنا مؤدبين بس لما حد يخلط بابقي زي " فيري وروقة "

حاضر يا دكتور روقة انا حعمل بنصيحتك ...يعني لما نتشتم نخلينا محترمين ومن ردش .. حاضر .. الصبر من عندك يا رب العباد

ومرة اخري  - لا تأخذ الدين مني او من غيري - إذا حبيت خذ العلم من الكتاب والسنة - علشان انا لا قدوة ولا زعيم ولا اي حاجة ... والغريب ان شهادات التنوير والدكتوراه لم تمكنك من إدراك هذا .. :th:

[EBN ELBALAD]

[b:post_uid0]يا سيد روآن أعيد المداخله مره تانيه علشان أفوت الفرصه على سيادتك لتحريفها:devil:

يا سيد روآن واضح أننا بنأذن فى مالطه  

أنت ليه مصر على ربط الأرهاب بالأسلام فى حين أن الجميع وضح أن الأسلام لا يقر الأرهاب بالعربى وبالأنجليزى

وكمان لازم تفهم أن حق مقاومه الأحتلال ده حق مشروع وأقرته القوانين الدوليه

يعنى بلاش الخلط فى المواضيع ...وأظن الكلام واضح ..

وبعدين يا محترم سيادتك ماسك القضيه من زاويه واحده ..يعنى ولا مره سمعتك علقت على الأجرام الأسرائيلى ضد الأطفال الفلسطينين وباقى المآسى اللى بتحصل يوميا ...ولا ده مش أرهاب وأجرام    

عموما نقول كمان  

الأسلام دين التسامح والسلام ولا يقر الأرهاب وأيضا يحثنا على استعاده حقوقنا المغتصبه وعدم التنازل عنها وأعتقد أن الكلام ده متوافق مع الفطره ...يعنى مقبول بالنسبه لأى واحد لم يسمع عن الدين من قبل  

وهناك فرق بين الأرهاب ومقاومه الأحتلال

يبقى ما فيش داعى حضرتك تفسر كلامى على مزاجك ...

أنا أقصد أنى  قرأت أنك ضد ما يحدث لأخواننا الفلسطينين على ايدى المجرمين المحتلين

بل على العكس كل مداخلاتك ضد حق العرب والمسلمين فى مقاومه الأحتلال وكمان بتسميه أرهاب ???

وعلشان كده يهمنى جدا أعرف رأى سعادتك أحتمال أكون غلطان...

مع مراعاة أن مقاومه الأحتلال حق مشرووووع أقرته القوانين الدوليه ...

ولا عندك أعتراض على دى كمان؟

وزى ما قالك السيد سفنكس

وكتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن

سورة المائدة 45

وزى ما بنقول فى مصر...

العين بالعين والسن بالسن والبادى أظلم [/b:post_uid0]

[uk sphinx2]

أنا يا سيدي ولا يهمني أعمال إسرائيل لما أنظر إلى حكم فعل من كتاب الله... كتاب الله وأحكامه ثابتة ولا تتغير بتغير الشخص إللي قدامك.... طالما الله عز وجل نهى عن شئ فالموضوع منتهي بالنسبة لي... هذا الشئ حرام.. والله إللي قدامي كانت إسرائيل كانت الهند كانت عفريت أزرق... برضه أحكام الله لا تتغير....

---------------------------------------

هذا هو نص كلامك اعلاة ..

ولقد تحديتك وبرهنت لك كلام الله وأحكامه .. ومن غير تفسير من عندى ..وقلت أنت بعظمه لسانك أنه تمام ..

فهل اعتبر ان الموضوع منتهى بالنسبه لسعادتك .. كما قلت اعلاة .. ام .. علىرأى امثال عمنا فريفريرير وهو صاحبك وحته من قلبك ..

يموت الزمار وصباعه بيلعب

[ragab2]

اذاعت

وكالة الأنباء الروسية أن أيمن الظواهرى تم قتله بواسطة مجهولين فى جبال أفغانستان

[Cleo]

انا مش قادرة اصدق ان لسه فيه فى الدنيا ناس مصدقة حكاية ان ابن لادن هو السبب فى أحداث سبتمبر  ...!!!!!!! :0  :0  :0  :0  :0