صحيفه الميدان - صوره السادات

[freefreer]

و الله يا استاذ سيد .. انت عندك حق فى كل ما تقول .. ولابد ان يكون هناك زعماء .. قدوة .. و يلتف حولهم الشعب

و اما ان الجوع سيدفع الناس للأنفجار .. وهو ما لن تحمد عقباه غالبا .. لأنة سيصل الى الكرسى المتربصون .. و أولهم الجماعات المتطرفة ..

الموضوع جد .. ولا هزار فيه ..

البديل الأمثل .. ان يشفق الحكام على مصير هذه الأمة .. و يبدأوا الأصلاح و الأنسحاب من الحياة السياسية .. تاركين الفرصة للزعامات النزيهة بالظهور

[ســيد مرزوق]

معقولة؟؟؟؟ تعتقد إن فيه واحد فيهم قلبه عالبلد بجد؟؟؟

ياعزيزي إن للكرسي اللعين سحرا يجعل الواحد فيهم بعد ما كان بيقول ( مش هاجدد !!!!!) أصبح لازقا في الكرسي بغراء إيبوكسي إلى أن يحمل اللقب الأخير ( الراحل ) وحسابه عند ربنا بقى

صدقني ... ليس عندي أي أمل في تحقيق هذا الحلم الذي ورد في آخر مداخلتك

وتذكر مقولة كبيرة لمن أمرنا برفع الرؤوس يوما ما ( مش عارف ليه؟؟؟ ) ..... هذه المقولة  أو الشعار هو : ما أخذ بالقوة لا يسترد إلا بالقوة

ونحن كلنا شعبا ومقدرات وتاريخ وماضي وحاضر ومستقبل ... أخذنا بالقوة والجبروت ... ولم يراعوا فينا إلا ولا ذمة

وقفزوا فوق رقابنا واستعبدونا وضحكوا علينا وحطموا أبسط أحلامنا

وجاي دلوقتي تقول الكلام ده؟؟؟

يا عزيزي ... إحنا محتاجين كراسي ( تيفال ) ... عشان مسألة اللزق دي ماتطولش  ;)

[freefreer]

معقولة؟؟؟؟ تعتقد إن فيه واحد فيهم قلبه عالبلد بجد؟؟؟

أولا .. سبحان الهادى ..

ثانيا .. شاه ايران عملها .. قامت حرب أهلية .. و تنازل عن الحكم حقنا للدماء

ثالثا .. يمكن واحد ربنا يهدية .. و يستقرئ انه ممكن فى اى لحظة يحصل شيئ خطير .. فيبدأ يسلم الحكم للشعب

و يخلق ما لا تعلمون .. ما بين طرفة عين و انتباهتها .. يبدل الله من حال الى حال

[Faro]

لازقا في الكرسي بغراء إيبوكسي

الإيبوكسي مادة تسبب السرطان ولها تأثير سلبي على المخ ... هل كرسي الحكم هو الدواء المضاد ؟؟؟؟؟؟ ;)  :D

[الأفوكاتو]

كرسى الحكم هو سبب الداء, و قضاء الله هو خير دواء.

[Byte]

و يستقرئ انه ممكن فى اى لحظة يحصل شيئ خطير

المشكلة ياعزيزي ان رأس الذئب التي طارت، طارت قدامي ;)

[Abdel-Sattar]

اذا كان الكرسي هو السبب فأيه رأيكم بلاش كراسي ونقعد علي الأرض ...فمنها خلقنا واليها نعود.....والصورة التي جرفتنا الي هذا الطريق خير دليل علي أن الأنسان لم يأخذ معه شئ...

[freefreer]

يا عزيزى اللى بيقعد على الأرض .. عمرة ما بيقعد على الكرسى .. و اللى بيقعد على الكرسى .. عمرة ما بيقعد على الأرض .. و عجبى

[ســيد مرزوق]

دوام الحال ...... من المحال :dozingoff:

[مصري كندي]

ما هو عنوان موقع صحيفه الميدان التي نشرت صوره السادات في المشرحه؟

ياااااااااااااااه

لقد تحول تساؤلي البسيط الي مناقشه فلسفيه عميقه

عموما شكرا لقد حصلت علي الصوره من مصدر اخر

رجاء اغلاق الموضوع.

سلام

[ســيد مرزوق]

ياسلام؟؟؟؟؟ هو ده اللي كان قالقك أوي كده؟؟؟ سؤال بسيط ؟؟؟ عايز تتفرج على جثة واحد ميت ؟؟؟ والواحد ده مين؟؟؟ رئيس مصر؟؟

بقى بالنسبة لحضرتك مجرد جثة في المشرحة وقالب الدنيا عشان تتفرج عليها؟؟؟

إرتحت حضرتك دلوقتي لما اتفرجت وانبسطت؟؟؟

وعايزنا نقفل الموضوع ؟؟ خلاص ؟؟ لقيت الصورة ؟؟ ياألف نهار ( ...... ) وألف مبروك

على حضرتك

نفسي أعرف بس شعورك الحقيقي لما شفت الصورة ياسيد ( مصري كندي ) ؟؟

سيد مرزوق

( مصري مصري مصري)

[مصري كندي]

اولا: اهدأ ياسيد، احسن يجري لك شىء، وانت تعلم ان الدنيا لا تستاهل

ثانيا: أجيب علي سؤالك بأن شعوري عند رؤيتي الصوره هو الاسي والحزن لظلم الانسان لأخيه الانسان، وهو نفس شعوري عند رؤيه صور ضحايا حادث القطار المحترقين، ورؤيه صور ضحايا مخيم جنين المغدورين، يتساوي في ذلك اذا كان الضحيه رئيس او وزير او غفير، او اذا كان مصري او فلسطيني او كندي، فاهمني يا سيد؟

ثالثا: الغرض من بحثي عن الصوره لم يكن "الراحه والانبساط" كما اتهمتني باسلوب متهكم بعيد عن اللياقه والذوق واعتبارات حرمه الموت، ولكن للتأكد من صحه تصريحات سيده مصر الاولي السابقه علي برامج الفضائيات وصفحات المجلات بأن الراحل لم يصب الا برصاصه واحده في صدره بعكس شهاده كل شهود العيان سواء في المنصه او المستشفي.

رابعا: أنا تحت أمرك في ان اعطيك اي تبريرات لتساؤلاتي او مداخلاتي في هذا الموضوع او اي موضوع اخر.

سلام يا مصري مصري مصري

[ســيد مرزوق]

لأنني أحترم نفسي أولا

وأحترم هذا المنتدى

لن أنزل لمستوى الرد بهذا الأسلوب ( .....) المعروف

وإنني أناى بنفسي عن الرد عليك وسوف أترك هذا للأخوة المحترمين في هذا المنتدى المحترم

[ســيد مرزوق]

توضيح وإستدراك عاجل

لم اقصد بتركي الرد للأخوة المحترمين في المنتدى أن أقلل من قدر أي أخ ولكني لا أود الرد على الأخ السابق ذكره  لأنني شخصيا لا أود الدخول في مهاترات تريقة واستظراف و( خفة دم ) مفتعلة من أحد

وسأترك لكم تقدير الموقف

[مصري كندي]

!!!!

[ســيد مرزوق]

:sneaky2:

[Abdel-Sattar]

الأحوة الأصدقاء....فليكن بيننا ميثاق كتابة يحترم ولا داعي لكل ذلك..

[ســيد مرزوق]

عموما أنا من ناحيتي نسيت الموضوع

خلاص حصل خير

محدش فينا فاضي للمهاترات

نخش في المهم :cool:

[Facts researcher]

Dear Brothers, Dear Brother Masry Canady;

Returning to logic in thinking and justifications.

What you have said Brother Masry Canady as a justification is not correct unfortunately.

Kindly note that Mrs. Jihan El Sadat said Clearly in

Current Witness Program interviewes by Ahmed Mansour on Jazeera Channel - and I saw it completely while I'm in Brussels - that Sadat has been injured with many Bullets, and not only one. When Ahmed Mansour asked her about - for instance - the bullet that went to Sadat's neck , she didn't deny. But she said exactly:

Yes, and it was a small hole in his Neck.

More over, He asked her ""TWICE"" about the Bullets in His Knees and one Bullet in the Back, and she agreed, and descriped that without any denial from her side at all.

So, Kindly, I don't see any correct Justification in what you are saying. And you can go back to Al Jazeera Site, and retrieve Mrs. Jihan El Sadat interview.

I hope I made it robustly and clearly to you and all.

PLS accept my kind Regards;

Your Brother;

Ayman

[مصري كندي]

شكرا يا أيمن علي مداخلتك الرقيقه المهذبه

و المقطعين التي اشرت اليهما من برنامج شاهد علي العصر تجدهما فيما يلي:

وطلبت واحد من الدكاترة وهم واقفين وقلت لهم: أرجوكو يعني ما حدش يخش تاني، سيبوه يعني ما حدش يخش عليه، أنا مش عايزة حد يشوفه، مع إن يعني لو أقول لحضرتك وشه عادي وما فيش أي حاجة، يعني هي كل الحكاية البدلة متقطعة بس الكم علشان كانوا بيحاولوا يدوله ينقلوا له دم.

أحمد منصور [مقاطعاً]:

والرصاصة اللي كانت في الرقبة؟

جيهان السادات:

حتة خرم صغير.

أحمد منصور:

والرقبة..

جيهان السادات:

لا، الرقبة ما فيهاش حاجة، هو كان في الحتة دي عند الكتف كده طلعوا رصاصة تانية ما فيش غير رصاصتين على الصدر..

أحمد منصور [مقاطعاً]:

ما كانتش الدماء بتغطي ملابسه؟ 

جيهان السادات:

نعم؟

أحمد منصور:

الدماء لم تكن تغطي وجهه أو ملابسه؟

جيهان السادات:

لا.. لا، لا خالص، أو إذا كان فيه فهم غسلوها يعني، أنا دخلت على.. نايم ومرتاح خالص

ولما جه كلمني الدكتور محيي الدين … فؤاد محيي الدين.

أحمد منصور:

كان رئيس الوزراء.

جيهان السادات:

أيوه، وقال لي: فيه رصاصة في كتف الريس هنشيلها وبناخد إذن سيادتك، كزوجة يعني، فقلت له: إمتى هتشيلوها؟ فقال لي: هنشيلها النهارده بعد الضهر، فقلت له: حاضر، أنا هأكون موجودة هناك، فالراجل اتخض وسكت ما علقش، ورحت هناك، فلقيت الدكاترة بيقولوا: معلش بلاش سيادتك، قلت له: أبداً، ابني كان جه بقى وخدته معايا، فقلت له: لا يمكن أبوك يشيلوا من كتفه رصاصة وإحنا مش جنبه، لازم أنا وأنت نكون جنبه. يعني زي ما يكون بيعمل عملية، إزاي ما أبقاش أنا معاه؟! وكنت في السكة بأقول له يعني بأحاول أخفف عنه وأخفف عن نفسي، المهم وصلنا فكان فيه نوع من الرفض إنهم خايفيين عليه بيقولوا لي حاجة مش هتنسيها ومافيش داعي، فقلت لهم: استحالة، إنتو ما تعرفونيش، مش هتطلع الرصاصة إلا في وجودي، وأنا موجودة، لأني نسيت أقول لحضرتك، قلت لجمال وهو جمال يعرف في الحاجات دي، قلت له: شوف الرصاصة دي نوعها إيه؟ ليكون حد ضربه من ورا مثلاً، يعني المؤامرة أيه؟ صحيح في قدامنا جموضرب دي حقيقة، لكن يمكن حد ضربه من ورا، فأنت شوف الرصاصة هل دي بتاعة رشاش، أو رصاصة عادية بتاعة مسدس، يعني أنت تفهم أنا ما أعرفش. فقال لي: حاضر يا ماما.

فلما رحنا وبعدين أما رفضوا فقلت له: مش هتتشال إلا بوجودي، فكلموا الريس والريس قال.. جمال ابني كلمه، فقال له: خلاص يا جمال، إحنا كنا خايفيين على مامتك عشان يعني مش عايزينها تتعب، لكن أدام هي مصرة ده زوجها ما حدش يقدر يمنعها. ودخلنا أنا وجمال وهو جه على نقالة وعليه ملاية بس، والله والله كأنه نايم مبتسم!! يعني حضرتك أن إما بأصحيه ساعات يبقى صاحي الصبح عينيه تحت عينيه إرهاق، منتفخ، وشه تعبان، ما نامش كفاية، سهر زيادة، كان عنده شغل أكتر، يعني اليوم اللي شوفته يمكن الابتسامة عليه هو ده اليوم ده لدرجة إن أنا… أنا عارفة إنه مات، وعارفة إن أنضرب، وعارفة كل اللي حصل، لدرجة إن أنا وطيت أمسكه أحط إيدي عليه فبصيت لقيقه تلج، ساقع، فتنبهت بقى إن يعني لأ، ده ميت، يعني ما.. بس ولا خدش في جسمه إلا خرمين صغيريين عند صدره بالضبط، اللي هي منهم رصاصة دخلت وخرجت من ظهره وفاتت في قلبه، ودي كانت المميتة. وفيه رصاصة تانية دخلت وطلعت هنا، يعني ردت طلعت هنا، هنا في الحتة دي، اللي هي طلعوها قدامي وأنا واقفة. وفيه رصاصة ثانية في ركبته، بسيطة برضو عاملة خدش لا يذكر حتى في البدلة يعني سليمة كلها وخرم صغير قوي، ده كل.. ولا جروح، ولا حتى حاجة زرقة، ولا حاجة أبدًا في جسمه.