اذهب الي المحتوي
itsme_1666

العين عليها حارس

Recommended Posts

السلام  عليكم و رحمة الله و بركاته  :cool:  

كلنا عارفين ان معظم المصريين يعانون من عيوب فى الابصار منذ الصغر و معظمها وراثى  كطول او قصر النظر  و هذا يجعل و جود النظارة الطبية من سمات   شكلنا  :lookaround:  :cool:  :cool:

كلنا عارفين برده ان العلم تقدم و اصبح هناك عمليات بإستخدام الليزر  تعالج هذه العيوب  تحديدا  .. سمعنا عن نجاحها بنسبة كبيرة   جدا  ... هل هناك احد ما الاعضاء الكرام جرب الموضوع ده ... :dozingoff:  ???  يا ريت يقولنا عن تجربته فى الموضوع ده لان الرؤية مدخششة حبتين هنا ... :lookaround:  افيدونا افادكم الله  :dozingoff:  :cool:  :(  :turn:  :angry2:

شارك هذه المشاركه


رابط المشاركه
شارك

تشريط القرنيّه بالليزر هى عمليّه تهدف الى تعديل معامل انكسار الأشعّه الضوئيّه فوق سطح القرنيّه لاصلاح عيوب الابصار

وهذه العمليّه تصلح للمرضى الذين يعانون من قصر او طول نظر ولكن نتائجها غير مرضيه لمن يعانى من الاستيجماتيزم سواء كان استيجماتيزم منفصل أو مع طول أو قصر نظر

عيب هذه العمليّات أنها مكلّفه , كما يعانى أكثر من نصف المرضى من التهابات مزمنه فى القرنيّه(سواد العين) و والملتحمه (بياض العين) مما يؤدى الى احمرار وحكّه لفترات طويله بعد العمليّه

أفضل من يقوم بهذه العمليّه بمصر حاليا هو مستشفى المغربى وأعتقد أن موقعه بميدان السيده نفيسه

Edited By disappointed on Sep. 01 2002 1:18pm

شارك هذه المشاركه


رابط المشاركه
شارك
 

كلنا عارفين ان معظم المصريين يعانون من عيوب فى الابصار منذ الصغر و معظمها وراثى  كطول او قصر النظر  

تصحيح بسيط ومعلومه على الماشى

صحيح أن عدد كبير من المصريين يعانون من مشاكل فى الابصار , وصحيح ان قصر وطول النظر مسبّباتها فى الأساس وراثيه... ولكن معظم مشاكل الابصار فى المصريين (خاصة فى الأرياف والأقاليم) ناتجه عن الاصابه بالرمد الحبيبى

والرمد الحبيبى ينتج عن الاصابه بجرثومة الرمد

Trachoma

والتى تؤدى الى حدوث التهابات بأنسجة الجفون خاصّة الجفن العلوى , ثم تؤدى هذه الالتهابات الى تكوّن حبيبات بالجفن العلوى من الداخل تنتهى بالتليّف , وتقوم هذه الحبيبات والتليّفات بالاحتكاك مع القرنيّه والملتحمه فى كل مرّه يطرف المريض بعينه (يبربش يعنى) مما يؤدى الى تجريحها على المدى البعيد وتكوّن تليّفات بها فى اماكن الاحتكاك مما يؤثّر على حدة الابصار

وهناك معلومه طريفه

أن مصر تعتبر من أكثر دول العالم التى تتوطّن بها جرثومة الرمد نظرا لطبيعة المناخ والبيئه , ولذلك فقد درس الأطبّاء البريطانيون الرمد  بتعمّق فى مصر , ونظرا لأن ظهور حبيبات الرمد فى داخل الجفن العلوى تزيد من وزن الجفن العلوى وتجعله اكثر ثقلا , فان الجفن العلوى الذى يغطّى فى الطبيعى واحد على ستّه من الطرف الأعلى لقرنيّة (سواد) العين , فان هذا الجفن المصاب ينزل قليلا للأسفل فيغطّى جزء اكبر من سواد العين

ولهذا اطلق أطباء العيون على هذه الظاهره اسم : النظره المصريّه الحالمه

Egyptian dreamy look

:angry2:  :angry2:  :angry2:  :D  :D

ولازال العامّه يطلقون على طبيب العيون مسمّى دكتور الرمد

بل ولازالت المستشفيات الجامعيه بالقصر العينى والدمرداش تطلق على عيادة العيون الخارجيّه اسم : عيادة الرمد

Edited By disappointed on Sep. 01 2002 1:20pm

شارك هذه المشاركه


رابط المشاركه
شارك

الأخت اتسمى

فى

أول ظهور الليزر قام صديق لى فى الخليج بعمل الليزر فى أسبانيا

بعدها أصبح ششيش بيش

ولى جار بعد عملية الليزر من ست سنوات مازال يشتكى من التهابات فى عينه أثر مضاعفات الليزر

لذا

لا أنصح بالليزر أو العدسات اللاصقة

وأجرى على الله

شارك هذه المشاركه


رابط المشاركه
شارك

اشكرك اخ  محبط على المعلومات القيمة  جدا الى تقضلت حضرتك بكتابتها

:)  ???  ???  :turn:

والله يبشرك بالخير يا اخ رجب ..... وعلى رأى المثل كنتى فين يا لأ لما قلت آآآآآآآآآآآآآآآآآآآآآآآآآآآآآآآآه  يا عينى  :cool:  :cool:  :cool:  :cool:

انا بس بأستعجب ليه لما كنت بأسأل كل دكاترة المغربى سواء فى مصر  او فى السعودية كانوا بيقولوا بمنتهى  الثقة و الامانة ان ده عملية  مضمونة مية المية ولم يذكر احد اى شىء عن عيوبها من التهابات او عدم وضوح للرؤية بالنسبة لمن يشكو من الاستجماتيزم ...   يعنى اصبح مافيش  امانة  وإخلاص فى الطب امام اغراءات التجارة يعنى ؟؟  :sneaky2:  :sneaky2:  

نهايته عليه العوض  :cool:  ???  :cool:  :cool:  ???

شارك هذه المشاركه


رابط المشاركه
شارك

عملتها ؟؟؟؟؟؟؟ آآآآآآآآآآآآآه ليه؟؟؟ :cool:  :cool:  :cool:  :cool:

امال ب اسألكم عليها عياءة يعنى ؟؟؟ نهايته  :dozingoff:  :dozingoff:  انا عندى امل ان الرؤية توضح بعد شهرين زى ما قالولى الدكاترة وإن كنت أشك فى كلامهم وبما انى بأفكر بطريقة علمية اعتقد انهم بيقصدوا ان انا بعد شهرين ممكن اتعود على قوة الابصار الجديدة الى انا فيها دلوقتى  :dozingoff:  :dozingoff:

:sneaky2:

شارك هذه المشاركه


رابط المشاركه
شارك

الأخت اتسمى

مازال الجدل حول عمليات الليزر

وكلامى عن حالات عمليات الليزر التى ذكرتها هو منذ عشرون عاما فى أول اكتشاف علاج الابصار بالليزر وكان مازال تحت التجربة ولم يكن متوفرا بالبلاد العربية وقتها وكذا منذ ستة سنوات مضت

وأتوقع أن يكون قد حدث تقدم فى هذا الاتجاه خلال هذه المدة

فكونى مطمئنة

ياريت تحكى لنا على ضوء خوضك تجربة الليزر مابها وماعليها

وهل هى فعلا مفيدة وما الأعراض الجانبية لهذه العملية حتى يستفيد جميع الزملاء

مع التمنى بالتوفيق والشفاء العاجل

Edited By ragab2 on Sep. 01 2002 4:23pm

شارك هذه المشاركه


رابط المشاركه
شارك

اخ فرى  ... انا متفاءلة خالص اهه على الاخرررررررر  والله  :D  :D  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:  :cool:

اخ رجب

انا  خضت التجربة ده مع انى ما كنتش شيش بيش  خالص الاول يعنى  هو انا بس  بأهتم شوية بالمظهر و قد كنت اول من استخدم العدسات اللاصقة  اول ما طلعت فى مصر و ما اكدبش عليكم انا و غيرى كنا بمثابة حقل تجارب لنوعية من العدسات انتجتها امريكا و إظاهر انها كانت فرز تالت و الا إيه و إستخسروا يرموها قالوا يبعتوها للمصريين الغلابة الى بيستحملوا  لان الامريكان بسكويت خالص زى ما إحنا  عارفين

المهم تجربة العدسات اللاصقة  سوتلى عنيه خالص  و قررت ان اجد البديل و هو عملية الليزر او الليزك   بعد ان سمعت عن نجاحها من ناس كتير  فى المملكة  وتكلفتها  كانت 10 الالف ريال  سعودى يعنى خمسة للعين الواحدة و انا بصراحة فكرت انى اعمل عين واحدة للتجربة علشان لو راحت يبقى فيه غيرها  اتعكز عليها   :cool:  لكن جيت على آخر لحظة و غيرت رأيى   علشان النصيب  :cool:

المهم ان العملية مدتها خمس دقائق لكل عين  و قام بعملها دكتور استشارى فى طب العيون  مشهور و معروف جدا اسمه فتحى الصياد  ... الالم لم يكن يتعدى الثلاثون ثانية فى كل عين .. و المريض من دول بيكون واعى و حاسس بكللللللللل حاجة .. الظريف فى الموضوع ان الدكتور بيشرح كل خطوة قبل القيام بها  علشان المريض ما يتسرعش لما يشوف نور  شعاع الليزر او لما  الجهاز يضغط على عينه  ضغطة قوية زى ما يكون هيفقعها  او لما المريض يشم ريحة شياط بسبب  تلامس الليزر مع الانسجة فيحس ان المستشفى بتولع  ويقوم يجرى   :colgate:  :D

و بعدين بيقوم المريض بعد ما  تتيجى الممرضة علشان تسحبه لانه مش بيقدر يفتح عنيه من بعد العملية بخمس دقائق تقريبا  :bored:  و افتكر ان فيه تعليق ظريف من  احد الى عملوا العملية و الى كان خايف موووووت    و هو داخل العمليات   كان بيقول انا نصحونى اخد معايا  العصايا والكلب بتاعى قبل ما روح اعمل العملية علشان ان حاسس باللى هيجرالى  :colgate:  ولكن بعد ما خرج و بدأ يشوف بوضوح كبير عن الاول  نسى طبعا كل مخاوفه

المهم الى بعد العملية  ان الواحد عينه بتكون  حمرا شوية و بتزغلل شويتين  لكن بمراجعة الدكتور بيقول انها مسألة وقت و كل شىء هيكون تمام خاصة ان الواحد بيرجع نظره فعلا سته على سته  :dozingoff:  :dozingoff:  :dozingoff:

انا بصراحة إذا فعلا المشاكل البسيطة ده إنتهت على خير  احيى جدا جدا صاحب  هذه الفكرة فى علاج عيوب الابصار بإستخدام الليزر

هو حد يعرف مين الشخص العظيم ده ؟؟؟؟؟؟؟؟؟؟؟؟؟؟؟ :cool:  :cool:  :cool:

شارك هذه المشاركه


رابط المشاركه
شارك

للأمانه العلميّه

وللصدف السعيده

جمعنى صباح اليوم مؤتمر عن تأثير السكّر على شبكيّة العين بأحد استشاريى جراحة العيون ففتحت معه الموضوع وأفادنى بأن الليزر فعلا كانت له مشاكل كثيره ولكن نتائجه فى تحسن ملحوظ منذ عام تقريبا , ولكنّه شدّد على أن حالة كل مريض يتم أخذها بصوره منفصله , وأنه لابد من عمل مايسمّى بمسح أو رسم طوبوغرافى لسطح قرنيّة العين لقياس درجات التعرّجات وعدم الاستواء والخدوش الميكروسكوبيّه بها , ليتم بعدها تقرير مدى استفادة المريض من العمليّه , وهل هى مناسبه له أم لا , ونسبة احتماليّة حدوث أعراض جانبيّه أو مضاعفات بعدها

كما أفاد بأن هذا المسح الطوبوغرافى والتعامل مع كل مريض على حده قد ينتج عنه أن العمليّه قد تكون مفيده فى وجود استجماتيزم او فى درجات عاليه من قصور معاملات الانكسار الضوئى , بينما يمكن ان تكون العمليّه غير مناسبه حتى ولو لم يكن هناك استيجماتيزم وفى معدل منخفض لقصور معامل الانكسار الضوئى

وهو مايعنى أن هذا النوع من العمليّات شهد طفره مؤخرا وأن تقييم الحاله من قبل الطبيب هى الفيصل فى تحديد مدى ملائمة العمليّه ونسب نجاحها واحتمالية ظهور مضاعفات أو أعراض جانبيّه

شارك هذه المشاركه


رابط المشاركه
شارك

آآآآآآآآآآآآآآآآآآآآآآآآآه الله يطمنك يا اخ محبط  افتكر دلوقتى بس الزغللة راحت  :blush:  :blush:  ;)  :D  :D  :D  :D  :D  :D  :D

 وياريت  بعد إذنك  لو فيه اى مؤتمرات او ابحاث عن الموضوع ده دايما تنوه عنها  علشان إما الواحد يكون مطمئن او يعمل حسابه على  المدى البعيد   :cool:  :cool:

شارك هذه المشاركه


رابط المشاركه
شارك

بالمناسبة بقة بيقولك إيه طبيب  عيون بيحب وشايل وردة فى ايديه وقال لحبيبته شايفة الوردة  دى ياحياتى قالتله اه, قام  نقلها  للإيد التانية وقالها طب كده  :blush:  :blush:  ;)  :D  :D  :D

شارك هذه المشاركه


رابط المشاركه
شارك

الطب ليس إختصاصي ... الأطباء الروس متخصيصين فى معالجة قصر النظر بمهارة بدون إستخدام الليزر الذى يعاني منه الأغلبية كما ذكر الأخوة ... طول النظر / بعد النظر لا يحبذ الأطباء معالجته .

شارك هذه المشاركه


رابط المشاركه
شارك
بالمناسبة بقة بيقولك إيه طبيب  عيون بيحب وشايل وردة فى ايديه وقاللحبيبته شايفة الوردة  دى ياحياتى قالتله اه, قام  نقلها  للإيد التانية وقالها طب كدة  
           

:blush:  :D  :music:  :baaa:  :xmas:  :blush:  ;)  :D

حلوة

Edited By ragab2 on Sep. 03 2002 12:02am

شارك هذه المشاركه


رابط المشاركه
شارك

الاخت اتس مى اطمئنك على نجاح العمليه

اقرب صديق لى عملها من حوالى 10 سنوات وكله تمام

اخو المدام عملها من حوالى 3 سنوات وبقى بيشوف زى الجن

اخيرا المدام عملتها من سنتين ونصف وكل الاعراض اللى حضرتك ذكرتيها حدثت بالفعل ولم يكن التعود على قوة الابصار الجديده هو الموضوع فقد تحسن نظرها الى اقصى درجه ممكنه ،، تقريبا 6\6 الى 6\9 مش متأكد  ،، وكان عندها استجماتيزم اختفى تماما

فأطمنى

شارك هذه المشاركه


رابط المشاركه
شارك

لي مجموعة لا بأس بها من معارفي وأصدقائي عملوا نفس العملية .. وكلهم تمام وأصبح نظرهم 6/6

منهم واحد كان بلبس نظارة سميكة للغاية .. وعندما قرر انه يعمل العملية .. لم يكن يتوقع أن تنجح .. ولا أنا ..

وقد أجرى العملية منذ سنتين تقريباً .. وهو الآن نظره 6/12 على ما أعتقد .. ويستخدم نظارة عند العمل على الكمبيوتر فقط أو القراءة

مبروك مقدماً

شارك هذه المشاركه


رابط المشاركه
شارك
اقرب صديق لى عملها من حوالى 10 سنوات وكله تمام

اخو المدام عملها من حوالى 3 سنوات وبقى بيشوف زى الجن

اخيرا المدام عملتها من سنتين ونصف وكل الاعراض اللى حضرتك ذكرتيها حدثت بالفعل ولم يكن التعود على قوة الابصار الجديده هو الموضوع فقد تحسن نظرها الى اقصى درجه ممكنه

يااااااه

ده انت دائرة معارفك كلّها "ليزريّه" بقى

:D  :D  :inlove:

شارك هذه المشاركه


رابط المشاركه
شارك

أنا عندي ضعف -1 و انحراف -1

هل تنصحون بعمل ليزر.. علماً بأن نظري سابقاً كان 6 / 6 شارب.. و لكنه ضعف بعد أن أصبت بفيروس في يناير 2000 (الفيروس الذي قتل المئات في أوروبا في ذلك الوقت) و نمت في السرير حوالي أسبوعين.

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×