اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
mohager

هل فى فرص عمل للصيادلة فى الامارات

Recommended Posts

والله لو حد فى الامارات ايه فرص الصيادلة فى الشغل

والرواتب

الأخ الكريم مهاجر

أعتذر عن التأخير في الرد على استفسارك، لغيابي عن المحاورات منذ فترة ليست بالقصيرة.

يا سيدي .. أود أعرف قبل أن أرد على استفسارك ... هل سبق لك السفر خارج مصر من قبل ؟ هل سافرت إلى إحدى الدول العربية وخاصةً السعودية؟

أرجو معرفة الإجابة لأقيم مدى جدوى فكرة البحث في الإمارات أصلاً.

في هذا الباب قمت وقام غيري من الأخوة الأفاضل بالمشاركة والردود عن معلومات مختلفة عن الإمارات وفقاً لظروف العمل ومستويات الأسعار إلخ في الفترة الحالية.

فقط نصيحة سريعة ...

أنا لست صيدلياً لكن عشت في السعودية وفي الإمارات ومن خبرتي أقول لحضرتك أن المجال الطبي بتفرعاته في الإمارات يختلف عنه في السعودية والكويت مثلاً بشكل كبير جداً ..

فالمجال في السعودية ما زال حتى الآن مصري الهوى ... يعني الأغلبية الغالبمن الأطباء والصيادلة ومندوبي شركات الأدوية والتجهيزات الطبية مصريون ... وبصفة حاصة شركات المستحضرات الطبية والتجيهزات الطبية التي تجزل المقابل بشكل كبير حتى الآن وأرجو ألا يتغير الوضع.

لكن في الإمارات الوضع مختلف تماماً .. كما قلت لك الحياة بشكل عام وحتى لا أكرر نفسي ... كتب عنها الكثير في هذا الباب مني ومن غيري..

لكن يا أخي الكريم ..

المجال الطبي في الإمارات هندي الهوى ... ونادراً ما تجد في دبي أو الشارقة صيدلياً مصرياً .. فالصيدلي إما أن يكون هندياً أو من الأخوة الفلسطينيين الذين عاشوا هنا وتعلموا هنا .. أو حتى استقدم من الأردن أو من فلسطين عن طريق أقربائه ..

لكن الذوق هندي.

الشهادات ليست مشكلة كبيرة ...

الرواتب للصيادلة على حد علمي متواضعة .. ولو رأيت الصيدلي الهندي .. قد تشك في كونه درس في كلية للصيدلة كما فعلت حضرتك .. لكن شهاداتهم قصة أخرى ..

لكن الخلاصة .. أن الصيدلي الهندي مثله مثل العامل .. يرضى بالأجر القليل جداً وبالتالي ... يؤسفني أن أقول لك ... فرصتك في السعودية أوالكويت أفضل.

وإن شاء الله أحاول التوضيح أكثر على ضوء ما تتفضل به من إيضاحات.

ولك كل التقدير .. ووفقك الله لكل خير

أخوك الرافعي

شارك هذه المشاركه


رابط المشاركه
شارك

السلام عليكم

اشكرك اخى الكريم على التوضيح اللى ذكرته

بالنسبة لى كنت شغال قبلكدة فى السعودية

فى صيدلية خاصة

وفعلا فى عدد ضخم من المصريين موجودين فى صيدليات و شركات

بس زهقت من السعودية

والعيشة هناك مرفهة ومستوى مادى كويس

بس مليت بشكل فظيع

ولما نزلت مصر تقريبا من سنة

بس الحال هنا موش عاجبنى ونفسى اسافر تانى او اهاجر

لان عندى احباط من الحالة الاقتصادية اللى بتمر بيها البلد

اتمنى انى الاقى اى فرصة للسفر او الهجرة

شارك هذه المشاركه


رابط المشاركه
شارك

عموما العمل في كافة المجالات الطبية في الامارات يحتاج الى اجتياز امتحان وزارة الصحه او دائرة الصحه حسب نوع المكان اللى هتعمل فيه وهو حسب معلوماتي من اخواني واقربائي اصعب بكثير جدا من امتحان السعودية

العمل كصيدلي كما قال الغالي الرافعي غير مجد هنا اما العمل كمندوب مبيعات في احدى الشركات فهو له عائد كبير نسبيا حسب مجهود الشخص ولكنه يتطلب في البداية الحصول على رخصة قيادة وهو امر صعب جدا في الامارات الا اذا كانت معاك رخصه سعودي يمكن استبدالها من دبي او الامارات الشماليه

تحياتي

شارك هذه المشاركه


رابط المشاركه
شارك

حمد الله عالسلامه يابو الروافع

شكراً لتوضيح نقطة هامة لي في موضوع عمل الصيادلة بالامارات

فاحد اصدقائي كان شغال هنا صيدلي تمام التمام ولكن زهق برضوا ونزل مصر اتجوز وصرف القرشينات وماعملش حاجه لمستقبلة وجاءت له فرصة عمل بأبو ظبي على مرتب اعتبرته فطيس

حوالي 4500 درهم توتال باكيدج ( اتاري الاُطش الهندية مبوظين الدنيا هناك )

والافندي مأجر شقة استدوديو بـ 35000 في السنة ... يعني شغال لله وللوطن وبقى له 3 سنين بيحلم بمن يدق بابه ليقول له انك قبلت في وزارة الصحة ... اصله مقدم على وظيفة هناك من يومها وعمال يحلم وهو بعيد عن زوجته التي قضى معاها ايام قليلة وحملت وخلفت وكل اللي عاشه في الزواج لا يتعدى 3 شهور خلال تلك الفترة

هو في ايه ... وليه المرمطة اللي ببلاش دي ؟

شارك هذه المشاركه


رابط المشاركه
شارك
حمد الله عالسلامه يابو الروافع

شكراً لتوضيح نقطة هامة لي في موضوع عمل الصيادلة بالامارات

فاحد اصدقائي كان شغال هنا صيدلي تمام التمام ولكن زهق برضوا ونزل مصر اتجوز وصرف القرشينات وماعملش حاجه لمستقبلة وجاءت له فرصة عمل بأبو ظبي على مرتب اعتبرته فطيس

حوالي 4500 درهم توتال باكيدج ( اتاري الاُطش الهندية مبوظين الدنيا هناك )

والافندي مأجر شقة استدوديو بـ 35000 في السنة ... يعني شغال لله وللوطن وبقى له 3 سنين بيحلم بمن يدق بابه ليقول له انك قبلت في وزارة الصحة ... اصله مقدم على وظيفة هناك من يومها وعمال يحلم وهو بعيد عن زوجته التي قضى معاها ايام قليلة وحملت وخلفت وكل اللي عاشه في الزواج لا يتعدى 3 شهور خلال تلك الفترة

هو في ايه ... وليه المرمطة اللي ببلاش دي ؟

الله يسلمك يا أبو عمر ... صباحك نادي إن شاء الله

والله العظيم يا جماعة أنا تركت شقة في جدة عام 2003 كان يرمح فيها الحصان بدون مبالغة وبلكونات في كل غرفة وغرفة خادمة وحديقة وموقف .. والله كنت أدفع 15 ألف ريال، وكان زملائي يقولوا لي إنت جاي تفرق فلوسك .. ما علينا من وجهات النظر وأيدولوجيات المغتربين المختلفة اللي قتلناها بحثاً في موضوعات أخرى .. لكن في هذا العام أعرف من كان يدفع 37 ألف درهم في غرفتين وصالة في الشارقة، وقال له المالك .. هذا العام الأخير لك في الثلاث سنوات (هناك نظام في الشارقة بأن المالك لا يستطيع الزيادة قبل 3 سنوات) المهم ... قال له لو كانت ناوي تكمل معانا إن شاء الله الإيجار هايكون من 60 إلى 70 !!!!!!!!

كما قال زعلان الإيجارات في دبي فلكية ووالله حتى في الشارقة وعجمان ..

يا إخواننا الناس بتسكن في إمارة أم القوين وبتدفع ثلاثينات وحسب علمي كانت الشقق هناك بـ 7000 أو 8000

علشان تروح شغلها في دبي .. يعني بتمر على الشارقة وعجمان علشان توصل دبي .. أصلاً من يسكن على حدود الشارقة يأخذ على الأقل ساعة وربع ليصل لعمله لو عمله في أول دبي .. يعني منطقة ديرة ... أما من يعمل في جبل علي أو شارع الشيخ زايد مثلاً فربنا يعينه ... بالقليل يطلع الفجر ...

ناهيك عن الزحام والمدارس وارتفاع مستوى المعيشة الخرافي.. والله العظيم يا ناس ... يا من تقرأ من مصر ومن أي مكان ... والله لم تعد فرصة أبداً إلا لو كانت هناك فرصة بتقول لك أرجوك خدني ومش هاتلاقي زيي.

كما قال الأخ الحبيب ياسو الإجراءات الإدارية والشروط هنا صعبة جداً لإجازة طبيب أو غيره ... علماً بأن في أطباء كثيرين من الجنسية المذكورة أعلاه .. لا تعطيهم أكثر من دبلوم صنايع مع احترامي لكل حملة الدبلومات .. لكن ما يجيبش على طبيب أو حتى تمرجي قديم ... لكن كما قلت أعلاه ... الهوى هواهم وهم من يعين وهم من يشترط ويقيم.

صدقني ... ما يبدو أنه زيادة بضعة آلاف في الراتب بين السعودية وغيرها لا يعتبر زيادة حقيقية ...

ذكرني الأخوة الأكارم بالمدارس .. لقد كنت أرسل أبنائي إلى مدرسة عالمية (تدرس المنهج الأمريكي) بإدارة لبنانية كالعادة في جدة .. كنت أدفع حوالي 8000 أو 9000 في عام 2003 .... نظيرتها هنا من حيث المستوى التعليمي مدرسة الشويفات .. ولو ابنك في KG تدفع حوالي 22 ألف وبالحجز وتدفع من الآن ليدخل العام المقبل فلو عندك مثلاً 3 من الصف السابع وانت نازل زي حالاتي يبقى بعد شهرين .. هتقعد مكان الرجل اللي كان الخواجة بيجو عامل عليه مزاد في فيلم إسماعيل ياسين في مستشفى المجانين ... فاكرينه ؟؟ كان لابس بيجامة ومكتوب على صدره يافطة بتقول "وفاء لدين شرف"

إزيكم بجااااه ؟؟؟

والله يا س.س عندكم بركة صدقوني ...

تم تعديل بواسطة الرافعي

شارك هذه المشاركه


رابط المشاركه
شارك

السلام عليكم يا جماعة ارجو ان حد يفيدنى ضرورى

انا جيلى شغل فى ابو ظبى والمفروض انى هقضى فترة تدريب الى ان امتحن الامتحان الخاص بالامارة

انا اتعرض عليا 3000 درهم +سكن اعزب الى ان انجح فى الامتحان باذن الله

ماهو العرض اللى المفروض اوافق علية لو نجحت باذن الله فى حين انى ارغب فى احضار زوجتى معى؟

وفى حين ايضا اننى معروض عليا عقد فى جدة 5500 ريال شاملة السكن+ا%مبيعات+اجازة شهرية مدفوعه الراتب+تذاكر طيران.

انا لى خبرة فى السعودية ولكن ليس لى خبرة فى الامارات

وهل لو اجتزت امتحان الامارات هل يمكن لى العمل بفرصة افضل من عقد جدة هذا رغم ان عمرى 33 سنة يعنى مش هنفع فى الدعاية من الاخر

ارجو مساعدتى لانة اختيار صعب ومصيرى

اخوكم الصيدلى وليد

شارك هذه المشاركه


رابط المشاركه
شارك

أنا ممكن أقولك رأيى فى عرض أبو ظبي من حكم خبرتى لأنى زوجى كان هناك 5شهور ومن واقع بحثي على النت لأنى بحاول نسافر تانى خالينا نفكر واحدة واحدة مبدأيا هو عرض مرفوض

ليه نيجى لمستوى المرتبات أنا زوجى أصغر من حضرتك وبالتالى خبرته أقل ومحاسب يعنى مش صيدلى ومع ذلم ده مش مستوى الراتب خالص المقبول فمبال حضرتك كمان صيدلي يعنى المفروض مرتبك يكون أعلي بكتير جدا

ثانيا 3000دول يا دوب تصرف انت وزوجتك وقسط عربية وبنزين بس مافيش بقى إيجار شقة ومدارس أنا لما كان زوجى هناك كان راتبه 5000وكان لما أنا أروح هيكون 6500ومع ذلك كنت هنضطر سكن فى العين وكان لازم أنا أشتغل

أنا أسفة لو كنت سودتها شوية بس أنا بيصعب عليا أوى أنى حد يسافر وهو حاطط أحلام كبيرة ويفجأ بالواقع أما عن عرض السعودية حضرتك أإدرى بيه لأنك بتقول ليك خبرة بالبلد

وأتمنى لك التوفيق من كل قلبي

شارك هذه المشاركه


رابط المشاركه
شارك

دكتر dofi

انا من راىى تتفق معاهم على مرتبك هيكون كام بعد ما تنجح

على فكرة امتحان الصيادله موش صعب خالص

انا اعرف ناس كتير نجحوا من اول مرة

مرتب الصيدلى هنا ف ابو ظبى نوعين على حسب صيدليه

لو صيدليه تبع مستشفى او مركز طبى يعنى شغاله 24 ساعه وشفتات وكدة المرتب 8000 درهم

لو صيدليه ف شارع ولها مواعيد ثابتعه المرتب بيقل شويه

طبعا لو انت متزوج يبقى تبحث ان النوع الاول

وربنا يوفقك

شارك هذه المشاركه


رابط المشاركه
شارك
Guest Riyad Saif

السلام عليكم

انا كنت بدور على مرتبات و خدمات الصيدلي الي معاه رخصةالHAAD في ابوظبي

كلام حضراتكوا مختلفتماما عن كلام ناس كتير بخصوص المرتبات حتى موقع Payscale 

انا كنت فاكر انها بتبدأ من 7.5 لحد 13 الف للي عنده خبره سنتين او تلاته

و كمان اعتقد ان في حد ادنى للصيدلي مش فكر جنيسه هندي او مصري

اتمني التوضيح و شكراً 

شارك هذه المشاركه


رابط المشاركه
شارك
3 ساعات مضت, Guest Riyad Saif said:

السلام عليكم

انا كنت بدور على مرتبات و خدمات الصيدلي الي معاه رخصةالHAAD في ابوظبي

كلام حضراتكوا مختلفتماما عن كلام ناس كتير بخصوص المرتبات حتى موقع Payscale 

انا كنت فاكر انها بتبدأ من 7.5 لحد 13 الف للي عنده خبره سنتين او تلاته

و كمان اعتقد ان في حد ادنى للصيدلي مش فكر جنيسه هندي او مصري

اتمني التوضيح و شكراً 

خلي بالك يا أستاذ : تعليق حضرتك في موضوع قديم آخر مشاركة فيه 2009م 

شارك هذه المشاركه


رابط المشاركه
شارك
Guest Riyad Saif
8 ساعات مضت, tarek hassan said:

خلي بالك يا أستاذ : تعليق حضرتك في موضوع قديم آخر مشاركة فيه 2009م 

 شكرآ  عالرد :) 

طيب ممكن حضرتك لو تعرف الجديد بخصوص امتحان الHAAD و المرتبات للصيادله و الخدمات؟ 

شارك هذه المشاركه


رابط المشاركه
شارك
1 ساعه مضت, Guest Riyad Saif said:

 شكرآ  عالرد :) 

طيب ممكن حضرتك لو تعرف الجديد بخصوص امتحان الHAAD و المرتبات للصيادله و الخدمات؟ 

أتمنى على أي متابع عنده فكره أن يرد على حضرتك .... كل التحية ومرحبا بحضرتك وبمساهماتك في كل الأبواب

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • الامارات بالله ممكن اعرف ايه اللى المفروض بعد توقيع العقد و ارساله

      السلام عليكم جميعا  بعد اذت الاخوه المحترمين  انا جالى عقد عمل فى الامارات وتواصلت معاهم ومطلوب منى انى امضى على العقد وابعت رقم جواز السفر فى العقد  انا رحت طلعت جواز سفر وهستلمه يوم السبت القادم ان شاء الله  كنت محتاج اعرف من حضرتكم ايه الخطوات اللى المفروض تتم بعد ما ابعتلهم العقد ممضى عليها وايه الللى المفروض اعمله عشان اضمن حقى  انا فهمت من العقد انى تكاليف كل حاجه عليهم من تجهيز الاوراق وتاشيره العمل وتذكره الطيران  بالله ممكن اعرف ايه اللى المفروض يتم وشكرا

      في المغتربين المصريين - egyptian expatriates

    • قادم من الامارات و استفسار بخصوص الجمارك

      السلام عليكم و رحمة الله و بركاته  من فضلكم يا اخوانى كان عندى سؤال بخصوص الجمارك و هو انى نازل ان شاء الله يوم الخميس القادم من الامارات لمطار القاهره و معايا 3 هواتف جداد متبرشمين هل هيتم احتساب جمارك عليهم او الموظف هيرخم عليا ولا هيعتبرهم استخدام شخصى لانى معرفش بيتم التعامل ازاى نظرا لانها اول مره انزل بعد ما سافرت  و شكرا ليكم

      في المغتربين المصريين - egyptian expatriates

    • إستفسار عن تأشيره عمل الامارات

      السلام عليكم  ممكن إستفسار بعد إذن حضراتكم أنا جاتلى تأشيرة عمل الامارات بس مش متوثقه من المستشار العمالى وروحت أطلع تصريح العمل فى موظف قالى لازم تتوثق وفى موظفين تانيين قالوا مش مهم وسافر بيها كدا وأما ترجع تبقى تتطلع تصريح ونحاسبك ع الجديد والقديم وأنا خايف يوقفونى فى المطار  شكراً مقدماً 

      في المغتربين المصريين - egyptian expatriates

    • ايهما افضل الامارات ام السعوديه ام مصر

      السلام عليكم سبق طرح موضوعى من قيل للسفر الى السعوديه بفيزا حره ولكن جائنى عرض الى الامارات امن بمبلغ 2000 درهم و1000 اضافى وانا خريج ليسانس حقوق وانا اعمل بمجال الموارد البشريه لمده سنتان ولكن الظروف التى تمر بها مصر وهى لا تخفى على احدكم جعله جميع الشباب يفكر الى السفر الى الحليج وبلاد النفط ولكن اه اه اه ؟ هل السفر هو الحل وهل يمكن ان استقر فى احدى هذه البلاد كما يمكن فيما بعد استقدام زوجتى على هذه الفرص وهلى السفر حارج مصر هو حل للمشاكل ام يزيدها تعقيد هلى الامارات افضل ام السعودي

      في المغتربين المصريين - egyptian expatriates

    • استفسار عن تاشيرة عمل الى الامارات

      سلام عليكم يا جماعه انا جتلى انهرده تاشيرة عمل الى الامارات على النت و مش عارف اروح بيها فين بعد كده حد يقدر يفهمنى الخطوات اللى المفروض اعملها

      في المغتربين المصريين - egyptian expatriates

×
×
  • اضف...