أخبار نادي الزمالك

[se_ Elsyed 1,726]

تاني روح المؤامرة

يا دكتور هوبا ده الراجل متصور بالصوت والصورة وهو رايح يعتدي على القضاة في مجلس الدولة بحجة غنهم اتأخروا في نسخ قرار بطلان شطب عضويته بالنادي الأهلي والزمالك

فهل الناس دي كلها بتتبلى عليه ؟

وهل شخصية مرتضى منصور فوق شبهات البلطجة ؟

على العموم كفارة يا دكتور ... أهو أتنش 4 أيام تحفظ لحين تقديمه لمحاكمة عاجلة

[أبو محمد 4,291]

لو تخلصنا من تأثير الإعلام الحكومى و الإنتمائات و نظرنا لأى قضيه بشكل عام و مجرد و محايد حنطلع بنتايج جديده و يمكن تتغير وجهة نظرنا فى قضايا كتيره أخدنا فيها أراء حاده و نعتبرها غير قابله للمناقشه

الكلام ده جميل جدا جدا ..

أنا عايز أسأل سؤال .. وأرجو إن الإجابة عليه تكون بعيدة عن تأثير الإعلام (مش الحكومى بس) :

إيه اللى يخللى واحد كان بيشغل منصب كعمل "تطوعى" ممكن يموت نفسه (سواء بإلقاء نفسه من النافذة كما ادعى الإعلام المغرض) أو بانفعاله لدرجة أن يصل ضغطه إلى 240/140 كما قال طبيبه الخاص أو بالإضراب عن الطعام والشراب ... ؟؟؟ .. أرجو ألا يقال دفاعا عن الحق ومسألة مبدأ .. فلقد سمعناه يثنى على سيد نوفل "الرجل المحترم" وفى نفس الحديث يتهمه بالفساد وإفشاء الحكم ..

رأيناه وسمعناه وهو يقول بحبك يا مبارك .. رأيناه يتهم زكريا عزمى ورأيناه يقول الدكتور زكريا عزمى راجل محترم .. وأنا الآن لا أنقل عن إعلام ولكن من على لسان مرتضى منصور

ممكن حد يفهمنى بدون ما يرجع إلى أى شئ نشره الإعلام

[DARWEEN 0]

منقول من موقع يلا كوره

http://yallakoura.com/arabic/news/details.aspx?ID=15930

تأجيل قضية مرتضي منصور أسبوع مع استمرار حبسه

قررت محكمة الدقي تأجيل قضية سب مرتضي منصور للأستاذ سيد نوفل رئيس مجلس الدولية لمدة أسبوع مع استمرار حبس الرئيس الأسبق لنادي الزمالك في سجن طرة.

وشهدت منطقة المحكمة حشدا صاخبا من أنصار مرتضي الذين توافدوا بناء علي دعوة من رواد عبد القادر مدير مكتب مرتضي منصور والذي ناشدهم في منشورات تم توزيعها بالقرب من نادي الزمالك يوم الأربعاء لحضور الجلسة من اجل مساندة رئيسهم السابق.

الجدير بالذكر أن مرتضي رفض أن يترافع عنه احد وقام بالدفاع عن نفسه وطلب إخلاء سبيله إلا أن المحكمة رفضت طلبه وأمرت بتأجيل القضية لمدة أسبوع مع استمرار حبسه في سجن طرة.

أظن كده مافيهاش مؤامرات خلاص

[se_ Elsyed 1,726]

زعلت جداً والله عندما عملت اليوم ان التشخيص الطبي لإصابة عبد الواحد السيد في مباراة الفيصلي الأخيرة أثبتت إنه أُصيب بقطع في الرباط الصليبي وبالتالي يحتاج على الأقل لفترة 4 شهور علاج .. عبد الواحد حارس متميز أخلاقياً ومهارياً

يعني راح الدور الثاني من الدوري ويمكن الدور الأول من الدوري اللي جاي كمان ...

لا حول ولا قوة إلا بالله .

خسارة للزمالك وخسارة أيضاً لمنتخب مصر

وخسارة أكتر للزمالك لإن عبد المنصف الشهير بشوربه متمرد وعنده طموحات إنه يحترف في لاتسيو الإيطالي - أحسن يستاهلو وخليهم ينزلوا درجة ثانية - وبالتالي هايلعب وهو مُكره .. ووائل زنجا صباح الخير يا قلبي ... فالحل هو التعاقد مع حارس مرمى كويس يعني مش محتاج يتعلم لسه بس ده هايكون في الموسم الجديد اللي جاي ..

أما البطولة العربية .. فربنا يستر والظاهر إن في حد أهلاوي شرير عامل للزمالك عمل جامد مش هايتفك إلا بذبح مرتضى منصو :)

[se_ Elsyed 1,726]

صعبان عليه قفاك ... بعد اللي شوفته يا فوزي

ده أبسط تعليق على حال نادي الزمالك بعد أن إتمرمط إمبارح على أرض ستاد القاهرة .. وبين ضفتي النسل .. وتحت سماء المحروسة .. من النادي الفيصلي الأردني في الدور قبل النهائي لبطولة صالح كامل ...

وتصبحوا على خير وإلى اللقاء في بطولات فاشلة أخرى

[Modest 4]

لا أراكم الله مكروهاً في عزيز لديكم ;)

[se_ Elsyed 1,726]

قبل ما تروحوا تناموا نوم العوافي قرأت خبر الان في الأهرام قصر على الطريق في موضوع طويل - حوالي 3 متر - كنت هاكتبه عن مشاركة الزمالك في بطولة صالح كامل ومرمطت إسمه كنادي عريق في الدول العربية والأفريقية ...

شوفوا كده

عباس يطالب الاتحاد العربي بمخاطبة الفيفا لوضع دوري الأبطال في الأجندة الدولية

غدا مناقشة طلب الزمالك باستضافة المباراة النهائية وتحديد موعدها

كتب‏-‏عمرو الدردير‏:‏

عمرو زكى شفى من الاصابة

أكد ممدوح عباس رئيس نادي الزمالك قبل ساعات من لقاء فريقه مع الفيصلي الأردني في اياب الدور قبل النهائي لبطولة دوري أبطال العرب‏,‏ أن المباراة هي الأهم للفريق خلال الفترة الحالية لأنها ستؤهل الفريق للمباراة النهائية في دوري العرب والتي يسعي الزمالك للفوز بلقبها ليحقق انجازا جديدا للكرة المصرية خاصة أن البطولة لم يفز بها أي ناد مصري من قبل‏.‏

وأضاف عباس‏,‏ ان بطولة دوري أبطال العرب بطولة قوية جدا‏,‏ وتجمع بين أفضل الفرق في إفريقيا وآسيا‏,‏ وطالب الاتحاد العربي لكرة القدم مخاطبة الفيفا لوضعها ضمن أجندة الاتحاد الدولي في السنوات المقبلة‏,‏ كما أن جوائز البطولة أصبحت أفضل من جوائز بطولة دوري الأبطال الإفريقي فتمنح دوري العرب مليونا ونصف المليون دولار للفريق الفائز‏,‏ في حين تمنح دوري إفريقيا مليون دولار فقط‏.‏

ومن جهة أخري‏,‏ أكد أيمن منصور مدير الكرة بالزمالك أن الجميع متحفز لتحقيق الفوز علي الفيصلي بعد التعادل بطعم الفوز الذي حققه الفريق في عمان في لقاء الذهاب‏.‏

الأخ عباس أو بيسو بيكذب على نفسه وبيقول إن البطولة العربية أفضل من البطولة الأفريقية ... شوفتوا الكذب والنفاق وصل لحد فين ؟

البطولة العربية يا سادة لمن لا يعرف غير معترف بها من الإتحاد الدولي ولا تؤهل لأي شيء

أما عن قوله بإنه تضم أفضل الفرق العربية ....

لووووووووووووووووووووول

أفضل الفرق العربية :

- أهلي بوعريج

- الهلال اسوداني

- القادسية الكويتي

- كان في فرق من موريتانيا وجيبوتي مش عارف أساميهم

- وفاق سطيف الجزائري

- الزمالك

.. ماشي هاتفق معاكو مليون ونص دولار سبوبه حلوه وتستاهل التعب

- لكن

هل يصح يا سادة يبقى إسم نادي الزمالك كوره شراب يلعب بها اللي يسوى واللي ما يسواش ؟

ويبقى عشان الفلوس يطنش نادي الزمالك ويغطرش على مصيبة وكارثة لا تحدث إلا مع صالح كامل بيه اللي لا مؤخذه إستهزء بإسم نادي الزمالك وحتى الان ومع إنتهاء الدور قبل النهائي لم يتم الإعلان عن مكان إقامة نهائي البطولة

اللي ببساطة تؤكد جميع الاخبار الواردة من عند صالح أبو كامل إن الزمالك مستبعد تماماً من الموضوع بسبب المجاملة والمحاباة

بمعنى

- 4 فرق وصلت لنهائي وهي الزمالك والفيصلي الأردني والاهلي السعودي ووفاق سطيف الجزائري ... وكلهم مرشحين إن المباراة النهائية تُلعب على ارضهم في حالة وصولهم لهذا الدور ... إلا الزمالك !!!!!!!!!

والزمالك قابل ومغطرش ومطنش وكان شيء لم يكن

والمبدأ نفسه إنك تشترك في بطولة مش عارف فيها راسك من رجليك وتفرط في كرامتك عشان حفنة من الدولارات وكان الزمالك نادي متسول او محتاج

وكانت النتيجة هي ما شاهدناه أمس على ستاد القاهرة وراح كل شيء ومش بس خسارة

دي خسارة بذل

ولسه الزمالكوية بيتكلموا عن المباديء والمؤمرات والحرنكش

[النسر المصري 2]

والله وفيت وكفيت ياحاج سي السيد :sad:

عداك العيب والله...

[kokowawa1979 1]

مش ها علق على أخطاء الحكم في عدم احتساب ضربات جزاء للزمالك ضد أسمنت السويس - لكن فعلا الحكم استفزني بجد لما كان واقف بجوار الكورة التي ضرب فيها عبد الحليم علي اللعيب الفشنك اللي مابيفهمش في الكورة إلا الشوط وبس - حينما ضرب عبد الحليم أو نقول رفس برجله بطن لاعب الأسمنت بكل قوة والاسطى سيد فتحي واقف جانبه تماما وبيتفرج - وحتى مافكرش يطلع الكارت الاصفر مش الاحمر لطرد هذا اللاعب الكاشرة عبد الحليم علي الذي أصبحت ظاهرة ضربه للاعبين بدون كورة مستفزة وعادية بالنسبة له !!!

ولإن الحكم أصبح رعديدا بعدعدم احتسابه ضربتي جزاء للزمالك فأصبح عليه أن يعوض الزمالك في أشياء أخرى ومنها طرد ثم طرد ثم طرد عبد الحليم علي - وليت اتحاد الكرة يشاهد هذه اللعبة ليوقف عبد الحليم !!!

صدقوني كان نفسي أمسك في زمارة رقبة عبد الحليم علي وقتها لإني أكره لعب العنف وخاصة المصحوب بالغباوة على طريقة بو جلبان وشوقي :rolleyes: ماهو مش معقول برضه مانرميش حتة تحية لحبايبنا الأهلوية :angry:

[se_ Elsyed 1,726]

تحياتي يا كوكو ... وشكلك إبتديت تتخلى عن زملكاويتك وتتكلم في الكورة فقط :rolleyes:

أومال لو شفت محمد فاروق إمبارح في مباراة الأهلي كنت قلت إيه على التحكيم

الأهلي كان يستحق الهزيمة لإستهتار لاعبيه وأستبسال لاعبي بتروجيت ... ده مفروغ منه

لكن مستوى الحكم كان زفت .. ويكفي أول ضربة جزاء للأهي عندما عرقل أحمد فوزي حارس بتروجيت محمد أبو تريكه اللي كان منفرد به تماماً فاكتفى إنه وجه له إنذار فقط وليس طرده وده كان في الدقيقة 3 ..

في الدقيقة 13 لاعب بتروجيت حجز الكرة بإيده داخل الصندوق فحسب ضربة جزاء تانية بعد إصرار حامل الراية .. وضيعها ابو تريكه ..

في الشوط الثاني ضربتين جزاء واضحتين للاهلي ولم يحتسبهما الحكم وكأن في كوتا معينة لضربات الجزاء لا يجب أن يتعداها .

لعبة عبد الحليم علي فعلاً لا تخلو من الغباء ...

والحكم كان مهزوز وبوظ المباراة اللي هي كانت بايظه خلقه .. وفرقتي أسمنت السويس والزمالك كانو عايزين فرقة تالتة تنزل وتغلبهم هما الإتنين

فبالرغم من فوز الزمالك 3 صفر إلا إنه للدقيقة 90 كان التعادل قائم بينهما ...

وكان لعيبة الزمالك بيلعبوا من غير أي دافع أو غيرة أو حتى لمصالحة جمهورهم بعد سلسلة الإخفاقات ..

واعتقد إن الأمور خرجت عن سيطرة الجهاز الفني الذي اتوقع أن يُكتب له الفشل بعد مسلسل تمرد لاعبي الزمالك

ومش عارف يعني إيه لاعب موقع 3 سنين ومقضاش منهم غير 6 شهور فقط وهابر ييجي 12 مليون مدفوعين فيه .. ده غير مرتبه .. ييجي ويقول علاقتي إنتهت بالنادي .. وأقصد عمرو زكي ؟

وكذلك فعلها إبراهيم سعيد الذي أنهى علاقته بالنادي كإنه موظف في شرطة ومن حقه يقدم إستقالته ... وفعلاً مشى كلامه عالنادي ومشي .

[kokowawa1979 1]

وها هو الستار أسدل على الفصل الأول من مسرحية : السلطة العقور مع مرتضى منصور !!! والعقور جاءت من عقر !!! بفتح كل الحروف !!

وقد نطق القاضي لا فض فوه ب3 سنوات سجن مع النفاذ !!! وكما قال مرتضى سابقا إن الحكم الذي تم إصداره أثناء التحقيق معه وجاهز للنطق هو 3 سنين !! مش عارف العفريت ده كان جاب النتيجة من الكنترول إزاي !!!

رفض بن نوفل الحضور أمام المحكمة لحلف اليمين بأن مرتضى تهجم عليه ولأنه شخص آكل على مائدة السلطة فقد اكتفى بإرسال ورقة بشهادته !!!

والله ليس دفاعا عن مرتضى منصور - بقدر ماهو يأس من الفساد الذي نخر في جسم البلد حتى وصل لتسييس القضاء الذي لعن وزير العدل كل من ينتمي إليه !!!!

ولقد شعرت بالسعادة من وجود كل تلك الجماهير الغفيرة التى وقفت خارج المحمكة وسارعت بالتنديد بالظلمة بعد إصدار الحكم !!! ولم تعر للشرطة أي اهتمام !!!

[النسر المصري 2]

تصدق انا زعلان يااونكل كوكي انه اتحبس... ده بكده هيخلي الزمالك يرجع ينافس الأهلي من جديد.... والزمالك هبقى حاجة كبيره وهيشتري لاعيبه كويسين وهيبقى نادي محترم اخيرا...

شكلها الحكومه دي زمالكاويه وعاوزه تنقذ الزمالك من براثين الأهلي...خساره والله

ياراجل ده بدل ماتفرح وتقول اخيرا الزمالك رجع.....بقى عاوز الأهلاويه هم اللي يفرحولك كمان

مش ممكن...يعني الأهلاويه ماسبوش حاجة كويسه ماعملوهاش

اما عجايب يازمالكاويه

[The Professor 4]

طبعا سيتم استئناف هذا الحكم ... لكن في رأيي الشخصي ان مرتضى منصور محتاج يفوق شوية من اللي بيعمله .. فيه مثل بيقول " الحجر الداير لابد من لطه"

ومافعله مرتضى منصور حتى الآن و منذ خلافاته المعروفة مع كمال درويش لا يجزم ولا يبين : هل هو حقا يحب الزمالك ام يعمل ضد مصلحته؟ لآن الزمالك لم تقوم له قائمة منذ تفجر تلك الخلافات...

[kokomen 2]

الأخ النسر المصري

لا تفرح يا أخى في موضوع مرتضى منصور لأن الزمالك سيبدأ في العودة بقوة .. حتى لا ينفرد الأهلى بالبساط الأخضر ؟؟؟؟؟؟؟؟؟؟

ولا تفرح يا أخى فالأهلى الآن مشغول ومجلس الشعب في البحث عن بيع التذاكر في السوق السوداء وتورط أصحاب المبادئ في الكسب الغير مشروع

ليك يوم يا ظالم ؟؟؟؟؟؟؟؟؟؟؟؟؟؟

أبو أحمد الأسكندراني

[kokowawa1979 1]

والله ياأبو أحمد يا خويا أنا مش زعلان على مرتضى بقدر زعلي على الفساد وخراب الذمة الذي وصل للقضاء - وفي عهد المدعو ممدوح مرعي في اعتقادي سيكون أسوأ عهد للقضاء وستزكم روائح الفساد فيه الأنوف !!!

صحيح أن فساد القضاء بدأ قبل مرعش قصدى مرعي بقصة تزوير التوكيلات الخاصة بحزب الغد ثم تلتها قضية المخنس تامر حسني لإن بنت رئيس المحكمة قالت له خف شوية عليه يا دادي أصلي بحبه !!! مع إن قضيته تزويرين في بعض - قضية مخلة بالشرف وهي الهروب من الخدمة العسكرية - وقضية تزوير شهادة البكالريوس !!

ومع ذلك دادي فقعه سنة - بينما أيمن نور اتهف 5 سنين علشان زور توكيل مراته اللي بتدافع عنه بكل قوة !!

وشوف قد إيه مصطفى بكري استجار بالنائب العام وقال له : أبوس إيدك اقبض على لإني اتهمت حسن حمدي زور بأنه سرق فلوس الأهرام وكان الغرض طبعا استفزاز النائب العام لكي يفتح تحقيقا مع الحرامية لكن الاسطى رئيس المحكمة الدستورية حاليا ( شفتم بقى رئيس المحكمة الدستورية ) عمل ودن من طين وودن من عجين وعمل إنه خريج مدارس تعليم الكبار ومابيقراش جرايد !!! وتابعه الآن نفس الشيئ !!!

نقول إيه واللا إيه يا أبو أحمد يا خويا !!

طول ما الأهلوية بيحكموا البلد قول العوض على الله فيها !!! :rolleyes:

[النسر المصري 2]

!!

طول ما الأهلوية بيحكموا البلد قول العوض على الله فيها !!! wst::

ويعني هو يا اونكل كوكي لو الزمالكاويه حمونا بالسنج والمطاوي والبلطجيه والضرب والشتيمه والمخالفات الماليه والسرقه والفشل والانانيه والبغيضه والكره والتربص .....ولسه القائمه مليانه بمميزات الزمالكاويه...

هل لو حكمونا بمميزاتهم دي.....هيبقوا احسن من الاهلاويه

حكمممممممم.......بس مين يسمع؟!!!

[drhouba 1]

وها هو الستار أسدل على الفصل الأول من مسرحية : السلطة العقور مع مرتضى منصور !!! والعقور جاءت من عقر !!! بفتح كل الحروف !!

وقد نطق القاضي لا فض فوه ب3 سنوات سجن مع النفاذ !!! وكما قال مرتضى سابقا إن الحكم الذي تم إصداره أثناء التحقيق معه وجاهز للنطق هو 3 سنين !! مش عارف العفريت ده كان جاب النتيجة من الكنترول إزاي !!!

رفض بن نوفل الحضور أمام المحكمة لحلف اليمين بأن مرتضى تهجم عليه ولأنه شخص آكل على مائدة السلطة فقد اكتفى بإرسال ورقة بشهادته !!!

والله ليس دفاعا عن مرتضى منصور - بقدر ماهو يأس من الفساد الذي نخر في جسم البلد حتى وصل لتسييس القضاء الذي لعن وزير العدل كل من ينتمي إليه !!!!

ولقد شعرت بالسعادة من وجود كل تلك الجماهير الغفيرة التى وقفت خارج المحمكة وسارعت بالتنديد بالظلمة بعد إصدار الحكم !!! ولم تعر للشرطة أي اهتمام !!!

أنا مش زعلان على مرتضى بقدر زعلي على الفساد وخراب الذمة الذي وصل للقضاء - وفي عهد المدعو ممدوح مرعي في اعتقادي سيكون أسوأ عهد للقضاء وستزكم روائح الفساد فيه الأنوف !!!

صحيح أن فساد القضاء بدأ قبل مرعش قصدى مرعي بقصة تزوير التوكيلات الخاصة بحزب الغد ثم تلتها قضية المخنس تامر حسني لإن بنت رئيس المحكمة قالت له خف شوية عليه يا دادي أصلي بحبه !!! مع إن قضيته تزويرين في بعض - قضية مخلة بالشرف وهي الهروب من الخدمة العسكرية - وقضية تزوير شهادة البكالريوس !!

ومع ذلك دادي فقعه سنة - بينما أيمن نور اتهف 5 سنين علشان زور توكيل مراته اللي بتدافع عنه بكل قوة !!

وشوف قد إيه مصطفى بكري استجار بالنائب العام وقال له : أبوس إيدك اقبض على لإني اتهمت حسن حمدي زور بأنه سرق فلوس الأهرام وكان الغرض طبعا استفزاز النائب العام لكي يفتح تحقيقا مع الحرامية لكن الاسطى رئيس المحكمة الدستورية حاليا ( شفتم بقى رئيس المحكمة الدستورية ) عمل ودن من طين وودن من عجين وعمل إنه خريج مدارس تعليم الكبار ومابيقراش جرايد !!! وتابعه الآن نفس الشيئ !!!

كده إنت جبت من الآخر يا كوكو و الله أنا ضميت المداخلتين بتوعك لأن ده كل الكلام اللى ممكن يتقال فى الموضوع ده بس يا رب الناس

تفهم ..... خلاااااااااااااااااااااص ..... خلص الكلام

[kokowawa1979 1]

تصدق يادكتور هوبا أنا بعد ما شفت اللي اسمه سيد نوفل وتعليقه بعد الحكم - حسيت إنه راجل في قمة التخلف - مش قادر يقول كلمتين على بعض - وبعدين ختمها بضحكة أبسط مايقال عنها ضحكة حش... - وقلت الله يلعن .. الواسطة اللي بتخللي بني آدمين زي دول يمسكوا مناصب قيادية !!!

[Ahmad Farahat 19]

لعلمكم أنا باكره مرتضى منصور

بس بالتأكيد مش شمتان فيه

مع إن بصراحة أنا شايف إنه ميستاهلش أي دمعة عليه

الراجل ده هو الي خرب الزمالك وكان بيتقوى بالنظام بس لما بدا يفضح النظام النظام تخلى عنه

فمن الآخر كده

ديابه وكلت بعض

وده رأي متواضع

ملحوظة

ماكنتش فاكر يا كوكو إنك بتحب الراجل ده

وصدقني أنا زعلان إنك من محبيه

كنت فاكرك زملكاوي مختلف

بس برضه خد دول :ninja: :sofa: :wub: wst::

[وائل كيوان 0]

السلام عليكم ورحمه الله وبركاته اعزياء الزملكوية الاهلوية

اخبارك ايه يا دكتور هوبا انت وكوكو واوا والنسر وارسين وكل الموجودين

اهلى اهلى

اوه اوه

بنبدء بس بتحيه الاهلى العظيم

بقولك يا ارسين متحطش فى بالك حب مرتضى لهوبا وكوكو الظاهر متوغل جوه النخشيش ومش هيطلع لاننا حاولنا معاهم قبل كدا وميت مرة قولنا البلطجة اخرتها وحشه ومش هتجيب لصاحبها غير الكافية

يلا سلام

لكم منى دى