مشروع تحفة - مطلوب شركاء

[hosamhm]

أنا المشروع اللي حأقولكم عليه أنا عامله فعلاً بقالي 6 سنوات ونفسي أكبره

المشروع هو مركز تدريب لدورات كمبيوتر وعلوم إدارية وكذلك مساعدة الطلبة في عمل مشروعات التخرج

أنا نفسي في مكان (شقة ) في مصر الجديدة أو مدينة نصر أو سراي القبة و الباقي كله أن عارف إزاي ييجي ويتعمل

و المشروع أرباحة مضمونة إن شاء الله

[Scorpion]

الفاضل hosamhm

رائع ان يشارك المرء الآخرين تجاربه من اجل الربح السليم ... و مشروع مماثل ممكن ان يندرج تحت سلسلة المشاريع التي نبحث عنها جميعآ هربآ من كابوس الوظيفة او البطالة المميتة .. بل قد يغري المهاجرين منا علي القيام به كخطوة للرجوع الي الوطن ..

و حتي لا يبدو كأعلان في جريدة عمن يبحث عن شركاء .. و هذا ليس من أهداف محاورات المصريين .. فهل اطمع من حضرتك ان تشرح بالتفصيل خطوات هذا المشروع ... ما هو المطلوب ... المستندات المطلوبة .. رأس ماله ... عدد العاملين به .. الأدوات المطلوبة ... هامش الربح .... الخ...

و لك الشكر علي اهتمامك بطرح عرضك هذا علينا ...

[yasovinas]

الفكرة جميلة ولكن في الغالب بيتحول المشروع الى

مكتب طباعة وتصوير اوراق او الى سايبر للشباب الراغب في الدخول الى النت

في انتظار التفاصيل كما ذكر الغالي سكوب

[عوضين]

مشروع جميل وعندى بدل الشقة اتنين,,,,فين التفاصيل؟؟؟اخى hosamhm

[الحازم حسن]

مساعدة الطلبة في عمل مشروعات التخرج

خلي بالك لان الموضوع ده ممنوع

[Scorpion]

طب ما تكمل جميلك و تقول ليه ممنوع يا أستاذ حسن ...

[الحازم حسن]

طب ما تكمل جميلك و تقول ليه ممنوع يا أستاذ حسن ...

صلى ع النبي

لو الموضوع مكتب تصوير وطباعة زي اللي منتشرين حوالين اي جامعة بتكون عليهم العين شوية وبعضهم ممكن يتقفل لو اتضح ان المكاتب دي بتقوم بدور المفروض ان الطالب هوه اللي يقوم به

يعني مثلا ممكن الطالب يروح المكتب يقول له انا مطلوب مني بحث او مشروع تخرج عن موضوع معين ويدفع الفلوس ويرجع ياخده تاني يوم .. ده قانونا ممكن يقفل المكتب بمعني انه لو ثبت ان المكتب بيقوم ببيع أبحاث أو مشاريع تخرج جاهزة.

لكن لو الموضوع هو مساعدة الطالب في حاجات لا تقترب من مضمون البحث زي مثلا تنسيقه يبقى مفيش مشاكل

[عبده بيه]

المشروع جميل ولكن يلزمه الابتكار والتطوير بالتوفيق