اذهب إلى المحتوى
محاورات المصريين

ما هو عرف الزواج في مصر


noureldonia

Recommended Posts

السلام عليكم ورحمة الله وبركاته

وحشتوني جداً يمكن أكون اتنسيت لاني فعلاً بقالي فترة طويلة جداً مشركتش في المنتدي نتيجة لظروف خاصة بس كنت بدخول بين الوقت والتاني أتابع ، الحقيقة الموضوع اللي حابة اتكلم فيه النهاردة هو موضوع أنا شخصياً مريت بيه وحابه اعرف رأي كل المشاريكين في المنتدي فيه .

سؤالي للجميع ما هو عرف الزواج في مصر؟

-يعني الشاب القادر على الزواج واقصد قادر بأنو يملك امكانيات الزواج مش لسه بيكون نفسه ما هو المفروض أن يقوم به للإتمام الزيجة من مهر وشبكة ومؤخر صداق وتجهيز لمطلبات البيت يعني في ناس بتقولي العريس عليه يجيب (كذا ) والعروسة عليها (كذا) والمهر لازم يكون (كذا ) والشبكة (بكذا ) طبعاً انا بتكلم على الأسر ميسورة الحال؟

- وهل المفروض أن يكون هناك حرص وحذر من قبل الطرفين في التعامل اقصد اهل العريس والعروسة مع بعض هل دة أمر طبيعي .

عندي سؤال تاني للشباب إذا حبيت وحده وأبوا البنت رضي بكل كلمة أنت قلتها قولتلوا يعمي أنا هجيب شبكة بكذا قالك ماشي وهدفع مهر كذا قالك ماشي وممكن تكون اللي هتجيبوا او هتعملوا قليل بانسبة لهم بالنسبة للمستوي إلى الأب معيش بنتوا فيه وأنك تملك امكانيات أنك تعمل أكتير بس بتحسبها شوية ولكن الأب لم يعترض على كل اللى قلته لانه بشتري راجل ، ولكنة طلب منك مؤخر صداق كبير 250.000 جنية وانت بتحب البنت تعمل اية تكتب ولا ترفض لانوا مبلغ كبير مع العلم انوا ابوها لم يطلب منك اي شيء سوى المؤخر وهيكون على ورق ولن يستحق إلا وقت الطلاق ومفيش اب بيجوز بنتوا علشان يطلقها .

يريت القي ردود كتيرة ويريت كل واحدة مشاركة في المنتدي تحكلي ولو بإختصار اية المفروض العروسة بتعمله في المشاركة في الجهاز ما هو المتعارف عليه في مصر في امور الجواز.

رابط هذا التعليق
شارك

نور الدنيا

مرحبا بعودتك مرة تانية للمحاورات.

بخصوص عرف الزواج في مصر أنا شفت تلات اعراف هقولك عليهم بالتفصيل

الأول العريس عليه كل حاجة وحصلي شخصيا في موضوع مكملش وقالولي زي الدين ما بيقول وده بيتك وجهازك وحاجتك وأحنا ما لناش دعوة وما بنجبش حاجة قلت ماشي وأظفر بذات الدين ولما لقيت أنهم بيحطوا بعض المواصفات والإشتراطات قلت كده بقى مبقاش الموضوع دين دي دنيا فانية وسيبت الموضوع كله.

الثاني وده الشائع العريس عليه الأجهزة الكهربائية وغرفتين (منهم غرفة النوم) والمطبخ والعروسة عليها غرفة واحدة (الأنتريه أو السفرة) وحاجات المطبخ وكل غرفة تشمل الستاير والنجف بتاعها.

الثالث وهو في الأرياف العروسة عليها الأجهزة الكهربائية فقط والباقي على العريس.

معرفش غير دول كعرف عام وطبعا بتحصل بعض المفاوضات يعني الشبكة هدية من العريس هو يحددها ولا لازم تكون سوليتير وساعات بيحصل تفاوض على أدق التفاصيل وممكن تبوظ الجوازة كلها من تحت راس التفاصيل دي.

بحرص أو بدون حرص يجب أن يكون الإرتباط هو الهدف وليس تحقيق المكاسب المادية ولكن بعض الأسر بتختبر العريس بالضغط عليه في الشئون المالية للتأكد من جديته وكونه شاري ولا لا. بس الموضوع المفروض ميوصلش للفركشة علشان حاجة هايفة بكام آلف جنيه.

مؤخر الصداق يتفق عليه وبيعتمد على الحالة المادية للعروسين الخوف الوحيد من المقارنات بين مؤخر بنت خالتها ومؤخر بنت عمتها وأحنا مش اقل منهم. وردا على سؤالك بخصوص الربع مليون ده مبلغ مبالغ فيه جدا لعريس ميسور إلا لو كان مليونير وغالبا مالوش قيمة لأنه لو العريس عاوز يطلق وما يدفعش المبلغ ده هايبتدي يزهق البنت في عيشتها لما تقول حقي برقبتي وتتنازله عن المؤخر والقايمة كمان. أنا شخصيا هارفض مؤخر زي ده لأن الموضوع فيه مبالغة وتعجيز والبنت لازم تتدخل وتفاوض الطرفين للوصول لحل وسط. الأفضل يكون رقم معقول حسب مقدرة العريس.

تم تعديل بواسطة أبو حميد

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

شكراً يا أبو حميد على المشاركة ، وياريت القي ردود أكتر من كدة كمان عاوزة أعرف حدود المؤخر المتعارف علية في مصر قد اية ؟؟؟؟

رابط هذا التعليق
شارك

الى اعرفة ان الناس دلوقت بتقول الشبكه من 7 الى 10 الاف

المهر من 15 الى 20 الف

العريس عليه الشقة والمطبخ والنجف والاجهزة والعروسه بتفرش الشقه

والمؤخر انا ليا فيه راى مختلف

الكل بيفتكر ان دة مستحق للزوجه فى حالة الطلاق

انما فى الدين لا دى زى هديه مؤخره

بمعنى ان الزوج المفروض يدفعها حتى لو استمر الزواج عادى

والمفروض ان الزوجه تقول الزوجها انا بابريك من مؤخرى

لان دة يعتبر دى فى رقبة الزوج وممكن يفضل معاه ليوم القيامه

الى جانب ان الناس بتفتكر ان المؤخر ده نوع من التامين

انما انا باشوفه انه عدم ثقه وان معناه انك بكره تطلع نذل وطلق فنمسكك من المؤخر

مع ان الواقع انهم بيتحيلوا عليه بعد كدة بالنازل عن المؤخر لتخليص البنت

ده لا قدر الله لو حصل مشاكل

رابط هذا التعليق
شارك

اهلا و مرحبا بيك

الاجابات كالاتى

اولا العرف ده فى رائى الشخصى تهريج لان الراى الاول و الاخير و التبعات تقع على العريس و العروسه كونهم يتجوزوا من غير عفش ده مشكلتهم هما و المهر لا محل له من الاعراب لانه المفروض المهر شئ رمزى مش قطم وسط على راى الشارع المصرى

ثانيا انا هسال الراجل اللى بيشترى راجل لو ابنك راح يخطب و اهل العروسه قالولوا ادفع ربع مليون مؤخر هتوافق و هنا فى ردين اولا هيقولى لا مش هوافق فهقولوا طيب ليه ترضاها لجوز بنتك و مترضهاش لابنك و كده هيحرج و يبقى كسبنا القضيه

الاجابه التانيه هيقولى و فيها ايه هقولوا خلاص اذا انت مش ضامن مستقبلها معايا و الضامن هو الله بعد كل شئ بتجوزهالى ليه ما انا ممكن ارميها من غير ما اطلقها ساعتها لا حتطول فلوس و لا هتتجوز تانى يعنى المؤخر مش هيحميك من نداله جوز بنتك الحمايه انك تديها لراجل لو حبها كرمها ولو كرها ميظلمهاش

و ان مقتنعش فالسمك فى البحر كتير يعنى مزنقتش على بنته

بعدين يعنى هيه موته و لا اكتر الواحد ينتحر بمزاجه مش بمزاج الاخريين

تم تعديل بواسطة otaka

و بكينا.. يوم غنّى الآخرون

و لجأنا للسماء

يوم أزرى بالسماء الآخرون

و لأنّا ضعفاء

و لأنّا غرباء

نحن نبكي و نصلي

يوم يلهو و يغنّي الآخرون

رابط هذا التعليق
شارك

العرف وبان الموضوع جد كدة

فالعرف( هو الشي الذي اتفق عليه مجتمع ما في زمن ما وصار يأخذ حكم القانون ) (ملزم) يعني ...

في مصر ...........

الزواج انواع يا سلالالالالام

فكرتوني بالذي مضي ( مشاعري الدفينة اتحركت ) علي راي الست زينات صدقي كتكيتي بني

فالتالي خاص بالرجال

اولا : السن من (20 : 30 سنة )

يتزوج في هذا السن الشاب القادر وعلي رأي اصحبنا (عصابة حساس) اللي بتعشوا كل يوم

فده الشاب من دول بيجوز فتاه زيه من اللي بتعشي كل يوم :D

ثانيا السن من (30 : 40 سنة)

يتزوج في هذا السن الشاب اللي كان من نوعية الشباب اللي كان مابيتعشاش كل يوم

فسافر بره علشان يكون نفسه فلما ربنا فتحها عليه بقي يتعشي كل يوم

فيرجع من بره علشان يجوز واحدة من فتيات الطبقة الاولي اللي بيتعشوا كل يوم ؟؟؟؟؟؟؟ :P

ولو محدش رضي بيه من طبقة اللي بيتعشوا كل يوم :ph34r:

يختار وحدة من طبقته قبل ما يسافر وربنا يفتحها عليه :)

ثالثا السن من ( 40 : الي ما شاء الله كان )

فدول رجاله بقي خلاص مينفعش يكونوا شباب :lol:

فدول كانوا شباب مش لقين يتعشوا كل يوم وظلوا يكونواانفسهم الي ان وصل الي انهم يدوب وبالعافية بدوا يتعشا يوم اه ويوم لا :o

والنوع ده اللي عدا عليه القطار ومضي قطار العمر يا ولدي ويمكن دا سعليهم كمان

وفي الاخر علي رأي خالتي بامبه

يا بخت من وفق راسين في الحلال :o

وكمان لما ربنا يوفق تلاقي الحكاية اتسهلت

وتلاقي الناس بتتعشوا كل يوم

بس السؤال

مش مهم العشا

المهم الفطار والغدا

العبقريه تنتهى بعود كبريت

رابط هذا التعليق
شارك

السلام عليكم

صحيح اني يمكن أكون داخله الموضوع غلط لاني مو مصريه بس حلوووو الواحد يتعرف على عادات مجتمعات ثانيه

مع انه عادات المصريين بالنسبه لنا معروفه عن طريق الافلام والمسلسلات لانه مافيه مسلسل مصري ماتكون فيه خناقه بين العريس

والعروسه على الشقه والعفش :D

اما عن عاداتنا... بما انه شبابنا من النوع اللي يتعشا كل يوم>>>حلوووه حكاية العشا :D

فالعريس عليه كل شيء شبكه ومهر والبيت والعفش .. والعروسه داخله ايد ورا وايد قداااام

لااااااااا صحيح نسيت العروسه بتساعد تجيب ارواب الحمام ومفرش السرير :D

تم تعديل بواسطة DESERT ROSE
رابط هذا التعليق
شارك

  • بعد 4 أسابيع...

السلام عليكم ورحمة الله وبركاته

سعدت جدا لما لقيت نقاش فى هذا الموضوع واحب اتكلم فية لانه موضوع شائك جدا وبيسبب حرج كبير لبعض الشباب وكذلك للبنت ان كانت مرتبطة وتريد ذلك الشاب .

اولا احنا فى مجتمع غريب الاطوار بمعنى ان كل منطقه ولها عاداتها وكل طبقة ولها عاداتها والمشكلة الكبيرة اننا فى مجتمع واحد وهو مصر ولما بيكون هناك عادات معينة بين طبقة اجتماعية واحدة اعتقد مبيكونش فيه مشكلة لان كل واحد بيبقى داخل على مشروع زواج بيبقى حاسبة مش بيحسبها لانه بخيل ولكن بيحسبها على قد امكانياته .

المشكلة بتحدث عند اختلاف الطبقات الاجتماعية بمعنى لو واحد على قد حالة اتقدم لواحده ميسورة والعكس كذلك فانتوا عارفين المشكلة الحقيقية بتبقى فين فان ديما الطبقة الميسورة بتحاول تعجز الطرف الضعيف علشان يطفش .

انا بقى راى الشخصى ومقتنع بيه تمام ان الامور المالية المعقولة يعنى فى امكانيات الشخص هى المفروض التى تتطلب وحتى لو كان احد الطرفين موجود لان الحياة الزوجية لايجب ان تبنى على مسائل مالية لان لو حسبناة ليس هناك انسان على وجه الارض اعز من بنت رسول الله الذى اختار لها الرجل الذى يتمسك بدينه ووهو سيدنا على بن ابى طالب ومن شدة خل سيدنا على لم يستطع طلب بنت رسول الله وذلك لعدم وجود مهر او اى شئ يقدمها لها فدعاه الرسول وقال لها ما عندك قال عندى درع اعطيته لى ( يعنى الدرع اللى كان يملكة سيدنا على كان رسول الله معطيه له هدية ) فرد رسول الله وقالة اعطنى الدرع وتزوج ابنت الرسول فهذا ليس موقف فى حياة كل انسان ليتعلم منه فليت ابائنا يسمعون ويجعلوا الزيجات تبنى على التقوى وليس على ماهو مستحيل لمعظم الشباب وده من الناحية الدينية .

اما بالنسبة للمؤخر ابوا ربع مليون اى واحد يرفضه وده مش لانه شارى او بايع بس اى راجل محترم فى نفسة حتى لو هو شارى هيحس ان اهل البنت بايعينة يعنى مش هيبقى فيه ثقة من البداية بين الطرفين وبعدين لية ميبقاش كل شئ بالتراضى وهتبقى الحياة هنية بين الطرفين .

وبالنسبة للعادات بقى ( فى مصر انا اعرف عرفين اتنين )

الاول : ان الزوج بيعطى الشبكة دون فرض من اهل الزوجة وبرضه الشباب اتعودت على شبكة متفاوتة كل واحد على اللى يقدر عليه لانها فى النهاية هدية ولو هحددها انا اعرف انها مش اقل من 10000 ومش اكتر من 20000 وانا عارف انى هكون فى التوتل ده لان عادتنا كده .

وبالنسبة للجهاز فى المجتمع اللى بعيش فية العريس بيجهز الشقه كاملة من غرفة نوم وانترية وصالون وغرفة اطفال وسفرة والعروسه بتجيب المطبخ كامل بالاضافة الى الاجهزة الكهربائية كاملة طبعا انتوا عارفين ان الشقة على الزوج .

العرف التانى اللى اعرفه بيكون العريس عليه مهر يحدد من قبل اهل الزوجه يدفعه والعروسه بتجهز الشقه كاملة يعنى بيكون المهر على قد تكلفة العفش .

اما بخصوص المؤخر اللى اعرفه بيتكتب ديما بيتراوح ما بين 10000 لحد 50000 حسب الاسرة طبعا وانتوا فاهمين الباقى .

اما فى باقى المجتمعات اللى فى مصر معرفش هما بيمشوها ازاى .

وانا شوفت كتير من الجوازات اللى اتفشكلت قبل اتمامها بسبب هذه المطالبات المالية مع ان اهلنا لو فكروا شوية هيلاقوا انهم اتجوزا على قدهم خالص وكبروا مع بعض واحده واحدة وده اللى المفروض يحصل يا جماعه ان احنا نخلى الزواج الفه وود وتراحم والرحمة تكون فى كل شئ ويكون الواحد والواحده داخلين حياتهم الزوجية على حب مش على فلوس زايلة كلها فى النهاية .

الى ارضنا الحبيبة ام الدنيا المحروسة مصــــر

ولو خيرت فى وطنــا ......... لقولت هواكى اوطانى

ولو انساكى ياعمرى ..........حنايا القلب تنسانى

إذا ما ضعت فى دربــا .......... ففى عينيك عنوانى

ونجلــس مثــلما كنــا ......... واهبــك نبــض وجانى

ويسقط كالمنى إسمى ...... وسوف يتـوه عنوانى

احبـــك واحـــة هــــدأت ........ عليــها كل احـــزانى

أحبـــك نشوة تســرى .......... وتشعل نــار بركانى

أحبـــك أنت يـــا امــــلا .......... كضوء الصبح يلقانى

أتيتـــك والمنى عندى .......... بقايــا بيــن احضانى

المستشار القانونى

رابط هذا التعليق
شارك

الثاني وده الشائع العريس عليه الأجهزة الكهربائية وغرفتين (منهم غرفة النوم) والمطبخ والعروسة عليها غرفة واحدة (الأنتريه أو السفرة) وحاجات المطبخ وكل غرفة تشمل الستاير والنجف بتاعها.

وده العرف الى ماشى عندنا فى بورسعيد ياابوحميد

بزياده طبعا ان الشقة على العريس لوحده اما الشبكة فبتكون باتفاق بين الاهل وطبعا مع مراعاة ميزانية العريس واحيانا كتير بيوقول للعريس والله كل واحد بيجيب قيمته ودى بتبقى تدبيسه شوية للعريس :)

لان معروف ان الشبكة دى من حق العريس عندنا بيقولوا كدا يعنى اذا بعد الفرح احتاج العريس فلوس لتكوين الشقة احايانا العروسة بتساهم بانها تعطيه الشبكة للبيع ويمشى الحال لكن مش فى كل الاحيان بيحصل كدا

اما عن حكايه المؤخر فقد قالت الاخت نانسى الاتى :

{والمؤخر انا ليا فيه راى مختلف

الكل بيفتكر ان دة مستحق للزوجه فى حالة الطلاق

انما فى الدين لا دى زى هديه مؤخره

بمعنى ان الزوج المفروض يدفعها حتى لو استمر الزواج عادى

والمفروض ان الزوجه تقول الزوجها انا بابريك من مؤخرى

لان دة يعتبر دى فى رقبة الزوج وممكن يفضل معاه ليوم القيامه }

انا اختلف معكى فهذه النقطه يا نانسى لان المؤخر يعتبر بيدفع فى حالتين فقط اذا طلق الزوج الزوجه فمن حقها اخذ المؤخر

والحالة الثانية فى حالة وافاه الزوجه فيعتبر مثل الورث وعلى الزوج دفعه لمن يستحقون الورث فيها من ابناء او اهل

لكن طلما العلاقه الزوجية مستمرة على خير فلا يفرض عليه دفعه للزوجه ولا يفرض عليه ان تقوله له ابريك

كيف تقول له انا ابريك من مؤخرى طب واذا حصل لا قدر الله بعد كدا طلاق كيف تستطيع ان تطالبه به الا اذا انكرت ما قلته وفى الحاله دى تبقى .؟؟؟؟؟؟؟؟؟؟؟ :lol:

والله اعلم ..

لكن هنرجع ونجاوب على سؤال نور بالنسبة لطلب مؤخر كبير اذا كان الاب راضى بكل ما قاله العريس يبقى ايه لزومه طلب المؤخر الكبير يعنى هو كدا بيعمل ذى اللى بيقولو بيقطع من هنا ويوصل من هنا

ده غير ان لا قدر الله حصل مشاكل فيما بعد او انفصال لا تستطيع الزوجة طلب الطلاق والحصول على كل مالديها عند الزوج بهذه السهولة ولا يصبح امامها غير طريق واحد " الخلع " وفى هذه الحاله لن تحصل منه على اى شىء بالعكس ده يمكن هى اللى تدفع كمان

فى رأى الاعتدال فى كل شىء افضل

تم تعديل بواسطة بنت النيل

وبحبك وحشتينى ... بحبك وأنتى نور عينى

ولو أنتى مطلعه ... عينى بحبك موووت

مــــــــــصــــــــــــــر

رابط هذا التعليق
شارك

فعلا موضوع شيق وجميل

الزواج الصحيح هو الذى يقام على الود والمحبه والسكينه وايضا على التفاهم ليس بين الزوجين ولكن بين اهل الطرفين

بخصوص المهر والتجهيز بين العروسين فى الاونه الاخير وبعض تجارب مرت امامى خصوصا فى بلدى ان العريس بيجهز الشقة من ثلاث غرف او غرفتين حسب الحالة المادية له ولا اعتراض لدى اهل الزوجه من هذا وتكون ايضا الشبكه على حسب مقدرة العريس وايضا يكون وبالنسبة للعروسه فهى تجهز المطبخ بالكامل وهناك اشياء تكون مقسمة مثل السجاد والقطن وقماش التنجيد والستائر لان الاب يريد رجل لابنته بمعنى الكلمة بيشترى راجل ذى ما بيقولوا وفعلا ده بيحصل لان معطيه ابنته وفيه ساعات ناس يتزوجون بغرفة واحده ومع مرور الايام والسنوات الغرفه تصبح اكثر من غرف .

اما بخصوص المؤخر لازم يكون فى المعقول ممكن الزوج يكتب مليون جنية مثلا بالرغم لانه صعب واذا حصلت مشاكل بين الطرفين ممكن هو اللى يحصل على هذا المبلغ وليس الزوجه لان الحب والود والرحمه والسكينه التى امرنا بها الله هى من اساسات نجاح الزواج ممكن الاب يطلب مؤخر مبلغ قد كده وعند حصول مشاكل وانفصال هو الذى يطلب من الزوج ان ياخذ اى مبلغ فى نظير الانفصال .

يجب على كل اب ان لا يغالى فى مطالبه بخصوص عريس ابنته وان يتعاون معه ويكسب ابن وزوج لابنه فى وقت واحد .

رابط هذا التعليق
شارك

  • بعد 8 سنة...

موضوع لكل العصور  في مصر و هو بدأ منذ ثمان سنوات و مازال يستحق مزيد من الحوار

مواطنين لا متفرجين


رابط هذا التعليق
شارك

بما إن الغالبية العظمي مننا فوق السن 


 


الموضوع عن الشبكة والمهر والجهاز 


للشباب 


ولو فيه واحده بتجهز بنتها 


هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

 

بما إن الغالبية العظمي مننا فوق السن 

 

الموضوع عن الشبكة والمهر والجهاز 

للشباب 

ولو فيه واحده بتجهز بنتها 

 

احييكم من ارض المعركة او ارض الحدث ..

انا ام و لى ابنة تخرجت هذا العام من كلية الحقوق .. عمرها 21 عام ..

هذا ليس اعلان زواج لكن لما سيكون بعد ..

بالبداية عندما يتقدم خاطب .. لاول وهلة يهمنا دينه .. عمره .. دنياه ..

اذا ارتضينا دينه من خلال معاملاته و ليس تشدق ..

ننظر للعمر .. اذا كان لائق ..

ثم الدنيا من وضع عائلى و علمى ..

الثلاث السابقة يتزاحمون بالراس .. لدرجة لا اعلم ايهما اهم ..

بعد الرضا عن الثلاث ..

اقول تقدم لابنتى كل اعراف الزواج السابقة .. لكن العرف الريفى و الذى يتحمل فيه العريس الكثير يتعجل الزواج .. و ابنتى طالبة ..

لذا كان الرفض ..

بحال العريس كان عمره يزيد عن الثلاثين و نفس وضعنا الاجتماعى .. ايضا رفض لفرق السن الكبير ..

ما دون الثلاثين ..

اذا كان يمتلك شقة تمليك مع وضع علمى مبشر بمستقبل معقول  فدى ميزة معها يمكن التهاون فى الشبكة و المساهمة فى الاثاث ..

و عدم الارهاق فى كل المتطلبات ..

اما بوجود شقة قانون جديد .. فكل حالة لها تقييم على حدى ..

مع عدم المغالاة .. لان عندى ابن ..

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

 

احييكم من ارض المعركة او ارض الحدث ..

انا ام و لى ابنة تخرجت هذا العام من كلية الحقوق .. عمرها 21 عام ..

هذا ليس اعلان زواج لكن لما سيكون بعد ..

بالبداية عندما يتقدم خاطب .. لاول وهلة يهمنا دينه .. عمره .. دنياه ..

اذا ارتضينا دينه من خلال معاملاته و ليس تشدق ..

ننظر للعمر .. اذا كان لائق ..

ثم الدنيا من وضع عائلى و علمى ..

الثلاث السابقة يتزاحمون بالراس .. لدرجة لا اعلم ايهما اهم ..

بعد الرضا عن الثلاث ..

اقول تقدم لابنتى كل اعراف الزواج السابقة .. لكن العرف الريفى و الذى يتحمل فيه العريس الكثير يتعجل الزواج .. و ابنتى طالبة ..

لذا كان الرفض ..

بحال العريس كان عمره يزيد عن الثلاثين و نفس وضعنا الاجتماعى .. ايضا رفض لفرق السن الكبير ..

ما دون الثلاثين ..

اذا كان يمتلك شقة تمليك مع وضع علمى مبشر بمستقبل معقول  فدى ميزة معها بمكن التهاون فى الشبكة و المساهمة فى الاساس ..

و عدم الارهاق فى كل المتطلبات ..

اما بوجود شقة قانون جديد .. فكل حالة لها تقييم على حدى ..

مع عدم المغالاة .. لان عندى ابن ..

 

مقولة صادقة

الزواج قسمة ونصيب

ستختفي الحسابات عندما يأتي النصيب

وهتلاقي كل الحسابات تخدمه

أستاذة : عطر

لكن

يهمنا ... ارتضينا ... ننظر

أراك أهملتي صاحبة الشأن من القبول والتوافق

إحنا مش هنتوافق لأولادنا

ولا هنقبل لهم

ولا هنحدد لهم 

ولا نضمن لهم شيء

هي نظرتهم وهو رأيهم أولا وآخرا

 

ولكن نساعدهم ... ننصحهم .. نبصرهم

ولا نتسلط عليهم

هم مسئولون عن اختياراتهم

هي حياتهم

 

اللي علينا إننا نجهر وندفع 

وإحنا ساكتين 

دا رأيي وممكن يكون غلط عند غيري

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

 الزواج و طقوسه و تقاليده في بلدنا هي مشكلة الأهل قبل ما تكون مشكلة الشباب ...


الأب غالبا هو اللي بيعمل كل حاجة من الجهتين ( العريس و العروسة )


 


هجاوب الاول على سؤال صاحبة الموضوع رغم انها مش موجودة ...


هي كانت طالبة رأينا في المؤخر الكبير... في حالتها المطلوب من العريس ( ربع مليون جنيه )  أنا شايفة ان اغلب الردود ضد المؤخر الكبير وعندهم حق الا في بعض الحالات كما في حالة نور الدنيا ...لانها قالت ان والد العروسة لم يطلب من العريس اي شىء... يعني سهله كل حاجة واشترى راجل فطبيعي علشان بنته ما تشعرش انها رخيصة انه يطالبه بمؤخر كبير على الاقل يضمن حق بنته لو لا قدر الله حصل انفصال ...  لذلك انا موافقة في الحالة دي على المؤخر الكبير... لكن في حالة اذا ما قام العريس بكل التزاماته المتفق و المتعارف عليها لازم يكون المهر معقول .


نيجي بقى لمشكلة الشقة و المهر و الشبكة و الموبيليا و الكهربا و حفلات الفرح و الخطوبة و الموال اللي كلنا عارفينه دا ... أعتقد ان الايام دي لغوا العرف... و أصبح كله بالاتفاق لكن رغم كدا مازال المغالاة و المعاناة  اللي بيعانيها كل الاطراف موجودة


لذلك لازم الشباب يقوموا بثورة على الاعراف دي و يعملوا زي العرايس و العرسان في كل الدول الغربية  اللي اما بحكي لهم عن اعرافنا و تقاليدنا بيفتحوا بقهم من الذهول خصوصا لما اقولهم ان الابهات هي اللي بتدفع و تجهز و تعمل الفرح و تجيب الشقة ... بيقولولي امال العرسان بيعملوا ايه ؟


يا عرايس و يا عرسان يا حلوين بلاش المظاهر الكدابة وبلاش افراح أصبحت مكررة و مملة ومزعجة جدا رغم انها بتكلف كتير  وبلاش نبص للناس المقتدرة علشان تعرفوا تتجوزوا ...كفاية على العريس او والده يعرف يشتري او يأجر  شقة ...ومش ضروري بقى الصالون الاوبيسون و السفرة ام نيش و السرير الدهب فرنساوي ...دي حتى الحاجات دي لما بتتفرش في بيوت 80 متر بتبقى شكلها بيئة اوي . خليكم عمليين واي حاجة رخيصة و ذوق يمشي حالها ومش لازم كله يكمل مرة واحدة شوية شوية بعد الزواج تجيبوا حاجتكم  .  الدبلة يا دوب صغيرة ورقيقة ومش لازم شبكة ولا مهر والمؤخر يكون معقول ... ما تكلفوش نفسكم ولا أهلكم مبالغ على مظاهر مش هتستفيدوا منها و ممكن تأخر زواجكم سنوات و ممكن تفشكله خالص  او تعمل مشاكل بين العائلات .


 


دي نصيحتي صعب تنفيذها بس مش مستحيل . 

خير الكلام ما قل ودل وإتكتب بالمصري الفصيح

رابط هذا التعليق
شارك

 

 الزواج و طقوسه و تقاليده في بلدنا هي مشكلة الأهل قبل ما تكون مشكلة الشباب ...

الأب غالبا هو اللي بيعمل كل حاجة من الجهتين ( العريس و العروسة )

 

هجاوب الاول على سؤال صاحبة الموضوع رغم انها مش موجودة ...

هي كانت طالبة رأينا في المؤخر الكبير... في حالتها المطلوب من العريس ( ربع مليون جنيه )  أنا شايفة ان اغلب الردود ضد المؤخر الكبير وعندهم حق الا في بعض الحالات كما في حالة نور الدنيا ...لانها قالت ان والد العروسة لم يطلب من العريس اي شىء... يعني سهله كل حاجة واشترى راجل فطبيعي علشان بنته ما تشعرش انها رخيصة انه يطالبه بمؤخر كبير على الاقل يضمن حق بنته لو لا قدر الله حصل انفصال ...  لذلك انا موافقة في الحالة دي على المؤخر الكبير... لكن في حالة اذا ما قام العريس بكل التزاماته المتفق و المتعارف عليها لازم يكون المهر معقول .

نيجي بقى لمشكلة الشقة و المهر و الشبكة و الموبيليا و الكهربا و حفلات الفرح و الخطوبة و الموال اللي كلنا عارفينه دا ... أعتقد ان الايام دي لغوا العرف... و أصبح كله بالاتفاق لكن رغم كدا مازال المغالاة و المعاناة  اللي بيعانيها كل الاطراف موجودة

لذلك لازم الشباب يقوموا بثورة على الاعراف دي و يعملوا زي العرايس و العرسان في كل الدول الغربية  اللي اما بحكي لهم عن اعرافنا و تقاليدنا بيفتحوا بقهم من الذهول خصوصا لما اقولهم ان الابهات هي اللي بتدفع و تجهز و تعمل الفرح و تجيب الشقة ... بيقولولي امال العرسان بيعملوا ايه ؟

يا عرايس و يا عرسان يا حلوين بلاش المظاهر الكدابة وبلاش افراح أصبحت مكررة و مملة ومزعجة جدا رغم انها بتكلف كتير  وبلاش نبص للناس المقتدرة علشان تعرفوا تتجوزوا ...كفاية على العريس او والده يعرف يشتري او يأجر  شقة ...ومش ضروري بقى الصالون الاوبيسون و السفرة ام نيش و السرير الدهب فرنساوي ...دي حتى الحاجات دي لما بتتفرش في بيوت 80 متر بتبقى شكلها بيئة اوي . خليكم عمليين واي حاجة رخيصة و ذوق يمشي حالها ومش لازم كله يكمل مرة واحدة شوية شوية بعد الزواج تجيبوا حاجتكم  .  الدبلة يا دوب صغيرة ورقيقة ومش لازم شبكة ولا مهر والمؤخر يكون معقول ... ما تكلفوش نفسكم ولا أهلكم مبالغ على مظاهر مش هتستفيدوا منها و ممكن تأخر زواجكم سنوات و ممكن تفشكله خالص  او تعمل مشاكل بين العائلات .

 

دي نصيحتي صعب تنفيذها بس مش مستحيل . 

 

 

هناك تفكير يخدم صاحبه 

وهناك تفكير يضر بصاحبه 

عندنا ملايين من العوانس ليست مشكلتهم عدم وجود عرسان ولكن مشكلتهم الجمود والتخلف

عمر المؤخر الكبير ما هيأبد العشرة أو يمنع الانفصال 

أبدا في النهاية الناس بتقعد وتتحل لمصلحة الطرفين

مش عارف هي علاقة زواج ولا تبني 

الزواج يكون بنية دوام العشرة 

ولكن عندما تستحيل العشرة بين الطرفين فالرجل غير مسئول يعطيها مبلغ كبير بالشكل ده

هو فقط نفقة عدة ونفقة متعة على ما تسير أمورها 

 

الست اللي عايزه تحجز زوجها عن الطلاق إلا أن تتحصل على أموال 

هي أيضا تعضل نفسها وتمنع نفسها ولربما يرزقها من هو أفضل منه 

في النهاية أحيانا الطلاق بيكون أفضل من الزواج للطرفين وبيكون لدفع مضرة كبيرة وخاصة عندما عندما تستحيل العشرة 

4_130.gif

 

 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

 

مقولة صادقة

الزواج قسمة ونصيب

ستختفي الحسابات عندما يأتي النصيب

وهتلاقي كل الحسابات تخدمه

أستاذة : عطر

لكن

يهمنا ... ارتضينا ... ننظر

أراك أهملتي صاحبة الشأن من القبول والتوافق

إحنا مش هنتوافق لأولادنا

ولا هنقبل لهم

ولا هنحدد لهم 

ولا نضمن لهم شيء

هي نظرتهم وهو رأيهم أولا وآخرا

 

ولكن نساعدهم ... ننصحهم .. نبصرهم

ولا نتسلط عليهم

هم مسئولون عن اختياراتهم

هي حياتهم

 

اللي علينا إننا نجهر وندفع 

وإحنا ساكتين 

دا رأيي وممكن يكون غلط عند غيري

 

انا نسيت اقولك ان الرأى بالزواج مقسماه 100 درجة ..

50 لى و لوالدها ..

و 50 درجة لها ..

اى ممكن احد ارتضيه و هى ترفض و حدث و كان هناك شاب ممتاز من كل الجوانب .. لكنه يكبرها ب 15 عام و رفضته هى من عامين .. و لم يتزوج لانه فعلا يرتضيها ..

و حدث و هى ارتضت احدهم و ايضا والدها .. لكنى رفضت .. و اعلنت رفضى لكنى قلت ممكن اتنازل و الموضوع يتم لكنى  لن اكون سعيدة ..

و زعلت بنتى شويتين ..

لكن بالاخير جاءت و قالت انى كان عندى حق فى اسباب الرفض ..

ليه لان التعاطف الذى ممكن يكون موجود بيجعل  ببعض الاوقات الرؤية غير واضحة للابناء ..

فيجب على الاباء شرح الامر لانهم يعرفون قابلية اولادهم للتغيير و تحمل الامور ..

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

 

انا نسيت اقولك ان الرأى بالزواج مقسماه 100 درجة ..

50 لى و لوالدها ..

و 50 درجة لها ..

اى ممكن احد ارتضيه و هى ترفض و حدث و كان هناك شاب ممتاز من كل الجوانب .. لكنه يكبرها ب 15 عام و رفضته هى من عامين .. و لم يتزوج لانه فعلا يرتضيها ..

و حدث و هى ارتضت احدهم و ايضا والدها .. لكنى رفضت .. و اعلنت رفضى لكنى قلت ممكن اتنازل و الموضوع يتم لكنى  لن اكون سعيدة ..

و زعلت بنتى شويتين ..

لكن بالاخير جاءت و قالت انى كان عندى حق فى اسباب الرفض ..

ليه لان التعاطف الذى ممكن يكون موجود بيجعل  ببعض الاوقات الرؤية غير واضحة للابناء ..

فيجب على الاباء شرح الامر لانهم يعرفون قابلية اولادهم للتغيير و تحمل الامور ..

 

 

 

أنا عندي ولدين من زوجتي كبار

وبنت صغيرة أختهم من أب

ومش ناوي يبقى رأيي مؤثر مع أي حد فيهم

يا أستاذة : هل كل البنات على مزاج نفسي واحد ؟

لا

بنت ممكن ترتضي بواحد أقل منها في السن

أو مساويها

أو أكبر منها

وأمامنا حكاية سعيد طرابيك وزوجته الجميلة التي تصغره بـ 40 سنة

متقدريش تعملي قانون ثابت

لأن فعلا مفيش قانون ثابت في الزواج

يعني هنرجع لمسألة القبول

أنا شايف إنك تخلي رأيك ورأي والدها 49 %

ورأيها 51 % على الأقل

هي اللي هتتجوز

ليه تعملي فيتو ؟

مالكيش حق يا أستاذة عطر

متزعليش مني 

وإذا كنتي تظنين أن تدخلك بسبب خوفك عليها

فهي أكيد بتخاف على نفسها أكثر منك

لأنك أكيد منحتيها الثقة وعلمتيها تقدر تواجه الحياة بنفسها

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

ابعد عن الشر وغني له


:harp:


وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

 

ابعد عن الشر وغني له

:harp:

 

 

يا أستاذ باهي كويس اوي ان الانسان يبعد عن الشر بس الموضوع بيتكلم عن ما بعد الوقوع فيه 

حضرتك ما نورتش المحكمة 

السؤال كان بالتحديد عن المؤخر الكبير 

خير الكلام ما قل ودل وإتكتب بالمصري الفصيح

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...