مواقف مضحكة

[سمـ مصر ــا]

كل منا مر فى يوم من الأيام بموقف مضحك أو محرج

وانا فتحت الموضوع دة علشان نتذكر معاً مواقفنا المضحكة أو المحرجة التى مرت علينا

وياريت كل عضو او عضوة يتفضلوا ويحكوا لنا بعض هذة المواقف

فمن يبدأ

أبدأ أنا

من كام يوم نسينا مفتاح المنزل بالداخل وخرجنا :P

وعاد زوجى إلى البيت وحاول كسر الباب وطلع الحارس على صوت الضجة :huh:

وجاء احد الجيران المهم تم كسر الباب واشترينا قفل غيرة

وبعد عودتنا مباشرة وجدت الحارس صاعد الينا ومعة هذا الجار

وسأل ابنى فين ياحبيبى القفل الجديد هاتة نركبة قلت ياسلام على هذا الجار 00 الدنيا لسة بخير

وفيها ناس بتهب للمساعدة بدون طلب

وظل وقت طويل يركبة وقال أبنى

ماما الراجل تعب جداً مش مفروض نعرض علية فلوس

قلت لة 00 لا ياحبيبى عيب دا جار والرجل جاى يساعد

راح الولد ورجع مصمم يعرض علية فلوس

فأعطيتة خمس دنانير وقلت أكيد حيرفض رفض بات وجايز يزعل

وأخذ ابنى الفلوس ووأعطاهم لة ففتح الخمسة وبص لها وقال لأبنى

لو حد تانى وعملت لة الباب حأخد منة عشرة بس علشان أنتو جيران هاتوا كمان أثنين دينار

[nash]

اهلا يا سما....بالنسبه للمواقف المحرجه عندي كثييييير ....

هاقول علي موقف بس مش عايزة حد يتريق...أوكيه؟ ;)

الصراحه كان بقالي سبع سنين ماسوقتش السيارة في القاهرة..

المهم أبو ياسر العزيز كان مريض وأنا أتشمللت وقولتله خلاص أستريح أنت وانا هاخد ياسر وأنزل علي كوك دور أجيب ساندويتشات...

المهم أخدت الكابتن والمفاتيح.....أول حاجه فتحت التكييف والكاسيت ونسيت طبعا أربط الحزام...وأنعزلت عن العالم الخارجي..وطلعت لوحدي من الركن...وأتوبيسات رايحه ومتروهات جايه..في ميدان تريمف...ووصلت بحمد الله للمطعم....وأتصلت بابو ياسر وأنا فرحانه....

رد بكل هدوء...بس أنتي أوصلي بالسلامه....وتمت المهمه بنجاح رغم رعب ياسر والله....وصلت عند البيت وجايه أركن ...وأنا في الركن ضايعه اساسا....وخصوصا الركن بالطول...الغريب كل ما أدخل ألاقي العربيه البيجو اللي كانت واقفه بجواري تتهز....يوة...وأنا مش فاهمه فيه أيه...أرجع أعيد المحاوله تاني ...برضه تتهز.......نزلت ياسر وقولته شوف فيه أيه.....وفي نفس اللحظه لقيت واحد خارج يجري من المحل ويقولي حضرتك بتعملي أيه؟؟ عجبني الصراحه أدبه...بصتله ببراءه وقولتله بركن...قالي ياستي الباب الشمال عندك أصبح شكله غريب...أتاريني رايحه جايه بالباب في العربيه البيجو اللي هي موديل 79وبالظبط عامله زي الزلطه....ببرود أديتله المفاتيح وقولتله ممكن تركنهالي سعادتك......طبعا وافق وركنهالي....ونزل يبص علي عربيته ويخبط عليها ويقولها أصيله يا عزيزة....عربيته ولا خدش واحد حصل فيها,,,أما أنا الباب عندي أتكحول علي الأخر....طلعت لأبو ياسر وقولتله.....قالي مش مهم...المهم أنكم رجعتوا بالسلامه.....

وراح مصلي ركعتين شكر لله.....

وبالليل ماجرؤتش أقوله أديني العربيه ..أروح لماما وإلا كان زماني دلوقتي ماكتبتش الموقف ده :P

[أبو زياد]

اقتباس ناش

اهلا يا سما....بالنسبه للمواقف المحرجه عندي كثييييير ....

هى المواقف المحرجة والا المضحكة ؟

على العموم يا ناش موقفك يجمع بين الإثنين و لكنه عادى ..

أنا لسة ماشفتش ست بتعرف تركن :P ;)

وهو فكرنى بموقف ظريف لما كنت باركن فى احد المواقف و السايس جاى لى جرى يقوللى مقولته الشهيرة : ماشى ماشى .. و بعدين ماشى التالتة خبطت فى عربية تانية - طبعا هو متعود يقول كدة من غيلر ما يشوف أى حاجة

نزلت أقوله ماشى إيه يا عم حرام عليك أسكت أحسن ..

ودى كانت أول حادثة فى حياتى و الحمد لله .. ربنا يستر على الجميع

تحية للأخت سما و إلى المزيد ..

عايزين نضحك شوية

[memo2007]

الدور عليه صح ولا انا غلطانه هو ده كان موقف محرج "بس ماحدش يضحك عليه" اوكيه كنت فى مرة ماشيه مع بنتين "صحباتى" المهم كان الشارع بصراحه طويل كنا لسه فى اول واتكعبلت فى طوبه لسه جايه اعدل نفسي روحت اتكعبلت فى طوبه تانيه المهم انى اترميت فى اخر الشارع"يعنى بمعنى اصح طرت" اللى غايظنى فى الموضوع ده ان اصحابى عملو كأنهم مايعرفونيش وقعدوا يضحكو "بس من ستر ربنا علينا ان ماكنش فى ناس ماشيه فى الشارع فى اللحظه دى

[inas]

اقتباس ناش

اهلا يا سما....بالنسبه للمواقف المحرجه عندي كثييييير ....

هى المواقف المحرجة والا المضحكة ؟

على العموم يا ناش موقفك يجمع بين الإثنين و لكنه عادى ..

أنا لسة ماشفتش ست بتعرف تركن

وهو فكرنى بموقف ظريف لما كنت باركن فى احد المواقف و السايس جاى لى جرى يقوللى مقولته الشهيرة : ماشى ماشى .. و بعدين ماشى التالتة خبطت فى عربية تانية - طبعا هو متعود يقول كدة من غيلر ما يشوف أى حاجة

نزلت أقوله ماشى إيه يا عم حرام عليك أسكت أحسن ..

ودى كانت أول حادثة فى حياتى و الحمد لله .. ربنا يستر على الجميع

تحية للأخت سما و إلى المزيد ..

عايزين نضحك شوية

بالنسبه للحوادث دي انا اول ماخدت رخصه نزلت وتشمللت برضو واخدت بعضي اتبضع من جمعية الروضتين في حولي وقلتلهم والله محد قايم انا هجبلكم الي انتم عيزينو

ويومها ضللت الطريق وعرفت اتصرف وقبل بلوغي الجمعيه ببضع ثوان ماشيا على عشرين كيلو :huh: في شارع مظلم خلف المطافي للي عرفين حولي شكلها عامل ازاي واذا بعربيه بويك يقودها واحد بدوي برجل وحده ( رجلو مش مقطوعه) بس هما البدو بيسوقو كده دخل فيا من الجنب باقصى سرعه mfb:

انا اصلا مشفتهوش بس عربيتو محصلهاش خربوش :excl:

جيت احرك عربيتي كان الكاوتش مخلوع

والدعاميه الاماميه كذلك :blink:

والفانوس اتكسر :)

والباب راح فيها :blink:

الحمد لله جت الشرطه واخدونا على المخفر ( اول مره في حياتي ادخل قسم شرطه)

وجت نوره وداركر بيضحكو عليا :sad:

واخدوني من قسم الشرطه ورحنا الجميعه نجيب الطلبات وكانت اول واخر حادث لي الحمد لله :unsure:

المهم في الموضوع اني تنازلت عن المحضر وصلحت انا السياره على نفقت والدي :wub:

الدور عليه صح ولا انا غلطانه هو ده كان موقف محرج "بس ماحدش يضحك عليه" اوكيه كنت فى مرة ماشيه مع بنتين "صحباتى" المهم كان الشارع بصراحه طويل كنا لسه فى اول واتكعبلت فى طوبه لسه جايه اعدل نفسي روحت اتكعبلت فى طوبه تانيه المهم انى اترميت فى اخر الشارع"يعنى بمعنى اصح طرت" اللى غايظنى فى الموضوع ده ان اصحابى عملو كأنهم مايعرفونيش وقعدوا يضحكو "بس من ستر ربنا علينا ان ماكنش فى ناس ماشيه فى الشارع فى اللحظه دى

انا يا ميمو يا حببتي تخصص وقوع ولو اعدت احكي على مواقفي مع الكعبله مش هخلص mfb:

[سمـ مصر ــا]

nash

أكيد أبو ياسر قدر لك مقدرتك العالية فى القيادة فى زحمة مصر

وعلشان كدة تغاضى عن الباب اللى اتكحول :huh: وتعيشى وتركنى سيارتك :blink:

أبو زياد

حكاية خبطات العربيات فكرتنى بصديق لزوجى ظل يسير وراء ترلة لمسافة خمسة كيلو وخايف يتجاوزها

وظل على حالة لغاية مامل فقرر يتخطاها ويخلص نفسة وفى اللحظة الذى أصبحت سيارتة جنب الترلة مباشرة ضربت

عجلة السيارة الترلة وسقطت على جنبها فوق سيارة هذا الرجل

الحمد الله الرجل خرج سليم لكن العربية اتفشفشت :blink:

فالحمد الله أول حادثة لك ياأبو زياد كانت بسيطة :)

memo2007

مش عارفة لية دايماً البنات هما اللى بيتكعبلوا لغاية دلوقتى مشفتش راجل وقع فى الشارع

ياترى الكعب هوة السبب ؟؟ ولاة اية

inas

جيت احرك عربيتي كان الكاوتش مخلوع

والدعاميه الاماميه كذلك

والفانوس اتكسر

والباب راح فيها

اية دة دة انتى خرشمتى السيارة

حكاية حولى فكرتنى مش بحادثة لكن بموقف مع ضابط المرور

كنت فى حولى ولقيت فاتحة الف منها مقبلانى على يسارى كبيرة جداً مكتوب عليها إلا سيارات المطافى

عادى أنا لسة حلف من بعيد خلينى أدخل وخلاص دة الحوار اللى دار بينى وبين نفسى

ومكدبتش خبر ودخلت أنا يادوب لفقيت لقيت سيارة الشرطة وبيشاور أنى أقف

وقفت جة وطلب الرخصة والبطاقة وسألنى إنتى مشفتيش مكتوب اية على الفتحة قلت لة ااااااااة طبعاً طبعاً

قال 00 مكتوب عليها اية

قلت لة 00 إلا سيارات المطافئ

قال يعنى إية 00 قلت لة بمنتهى الهدوء يعنى كل السيارات تعدى إلا سيارات المطافئ

:sad: :unsure: :excl: :wub:

(طبعاً العكس هوة الصحيح ) الراجل سمع كدة وراح مطلع دفترة وكتبلى مخالفة وقالى من بكرة بنبهة على المطافي ميمرش من هنا

تم تعديل 9 يناير 2007 بواسطة سمـ مصر ــا

[نانو]

و الله يا ولاد فكرتوني بالذي مضي

احرج موقف محرج حصلي من سنتين كده في اجازه الصيف

واخدت العربيه .... و ماما قالت لي خلي بالك يا نانو العربيه بتطفي لما تسخن قلت لها ولا يهمك .....

بس وبدات القصه الماساويه....كل اشاره تعدي عليا تقف العربيه والناس يبداو ينهالو عليا بما لذ وطاب من الشتايم لحد ما يكتشفوا ان العربيه هيا

اللي فيها مشكله مش انا

و طبعا اول ما يحصل كده ابدا انا وصاحبتي في قفل شبابيك العربيه لنقلل من شلال الترحيب اللي بنلاقي بيه

و اخرها كنا شارع مطلعايه متفرع من البحر ( اللي علي ناصيته كنتاكي في رشدي ) و هوبا جات زوبا وقفت في اول المطلعايه....وهنا بقه قبل ما توقف....قلت لصاحبتي بس احنا بقه المره ديه

نلحق نفسنا لان الوابل المره ديه هيكون اشد من غيره ... :) .و فعلا ربنا ما يوريكم

[inas]

في مره جت نوره تاخدني من الشغل كان قبل مجيب عربيه

وكان اول يوم رمضان

وجينا وقفنا في اشاره وكان امامنا سياره نقل كبيره

احنا مكناش شيفين الاشاره ومعتمدين على ان السياره تتحرك الي امامنا المهم

وفضلنا وقفين يجي نص ساعه قلنا اول يوم رمضان باه الدنيا زحمه موت

واعدنا نسمع اغاني وقران وطلعت القصافه قلمت اظافري وحكينا وضحكنا

وفجاه بقولها الاشاره طولت اوي :)

بس محدش واقف غير الصف ده :lol:

المهم بنبص جمبنا لقينا واحد هندي اعد تحت شجره بيقولنا ( ماما يبي شي ماما سياره مال انا خراب) :rolleyes:

واتضح ان السياره النقل الي امامنا عطلانه والطريق فاضي مفيش حاجه :)

[se_ Elsyed]

موقف لسه حاصل لي طازه

- رجعت من الاجازة في أغسطس الماضي وقعدت ييجي شهر لوحدي على ما ييجي الأولاد .. المهم بأفتح الدولاب عشان أرتب هدومي لقيت جاكت بدله جديد " ببير كاردان " بس لوحده من غير بنطلون ... فقلت أكيد المدام جت ترص البدل في الدولاب ورمت البنطلون هنا ولا هنا ... عدت الأيام ومن إسبوعين تلاتة إتكعبلت في الجاكت وروحت ناده أم العيال ومديها دُش بارد عشان ضيعت البنطلون وأنا من رابع المستحيلات ألبس بدله مشكلة الجاكت لون والبنطلون لون ... فقلت لها دي البدلة حرام عليكي لسه جديدة وبيير كاردان كمان مع إني كنت حاسس إنها وسعت سنة بصيته عليه ولكني أقنعت نفسي إن أنا اللي خسيت شويه .. وقلت ما فيش حل غير إني أخد الجاكت معايا وأنزل ألف به على محلات القماش وأنقي له قماش بنطلون شكله وبالتأكيد هالاقي .. رجعت في اليوم ده من الشغل عشان أخد الجاكت وأنزل لقيت نسيبي طب علينا يتعشوا معانا .. المهم وإحنا قاعدين ندردش مع بعض لقيته بيسألني : فاكر يا سين سين لما عيالنا كانوا مسافرين في الصيف وكان كأس العالم شغال وإحنا كنا قاعدين مع بعض ؟ قلت له فاكر ؟ قالي طب فاكر إني كنت بأحط هدومي في دولابك ؟ قلت فاكر ؟ قالي : طب فاكر إني نسيت عندك جاكت بدلة بيير كاردان عيني هاتطلع عليه مالحقتش أحطته على جتتي ؟ فقلت له لأ مش فاكر ... إوعى يكون الجاكت اللي كنت رايح أفصل له بنطلون ده بتاعك ؟ فقالي أعمل بقى فرش متاع ( بلغة الجيش ) وطلع بدلك كلها يا حلو وأفردها قدامنا أحسن في حاجات كتير ضايعه مني ( ما هي فرصه وهيصه بقى ) وفعلاً طلع الجاكت بتاعه وبنطلونه عنده في شقته .. طبعاً أخته شمتت في شماته لإني إتهمتها بالأهمال والتسيب ولقيتها فرصة بصراحة .. لكن في الأخير هما اللي شمتوا في على ذاكرتي اللي ضايعه ..

-----------

برضوا من كام إسبوع كده جبت عمر من المدرسة وقلت له أطلع على طول الشقة يا حبيبي وبلغ ماما إني راجع الشغل لأن عندي غداء عمل و هاجي كمان ساعتين تلاتة كده .. روحت إتغديت وهيصت وحاطط الموبيل على السايلنت وشايف خمسين ميسد كول ومنها ميسدات من المدام وعمال اقول أكيد عايزه تغلس عليه وتقولي بتاكلو إيه بالغضافة إلى مكالمات أخرى مجهولة الهوية ... المهم بعد حوالي ساعتين لقيت رسالة وصلتني بتقول : من فضلك .. لو حضرتك أبو عمر رد ضروري على الموبيل : فقلت ما بدهاش بقى .. رديت لقيت واحده بتقولي : أنا حضرتك جارتكو في الشقة اللي جنبكو وعمر عندنا ومامة عمر اتصلت وقالت لي خلي عمر عندكو أصل أبو عمر نزل الشغل الصبح وأخد مفتاحه ومفتاحي معاه ومش عارفه افتح لعمر .. والولد يا عيني فضل مصلوب عندهم بلبس المدرسة ييجي ساعتين .. سبت الأكل - ماكنتش حليت والله - وروحت جري لقيت عمر مستني عالسلم والشرر يتطاير من عينه وهاتك يا بستفه فيه وأنا مش قادر امسك نفسي من الضحك .... وهو لسان حاله بيقول ( هذا ما جناه علي أبي )

[أبو حميد]

حكاية حولى فكرتنى مش بحادثة لكن بموقف مع ضابط المرور

كنت فى حولى ولقيت فاتحة الف منها مقبلانى على يسارى كبيرة جداً مكتوب عليها إلا سيارات المطافى

عادى أنا لسة حلف من بعيد خلينى أدخل وخلاص دة الحوار اللى دار بينى وبين نفسى

ومكدبتش خبر ودخلت أنا يادوب لفقيت لقيت سيارة الشرطة وبيشاور أنى أقف

وقفت جة وطلب الرخصة والبطاقة وسألنى إنتى مشفتيش مكتوب اية على الفتحة قلت لة ااااااااة طبعاً طبعاً

قال 00 مكتوب عليها اية

قلت لة 00 إلا سيارات المطافئ

قال يعنى إية 00 قلت لة بمنتهى الهدوء يعنى كل السيارات تعدى إلا سيارات المطافئ

:) :rolleyes: :lol: :)

(طبعاً العكس هوة الصحيح ) الراجل سمع كدة وراح مطلع دفترة وكتبلى مخالفة وقالى من بكرة بنبهة على المطافي ميمرش من هنا

لا الفتحة دي - غالبا هي بتاعة شارع بيروت اللي قدام المطافي - عليها يافطة تانية أنتي مشوفتيهاش "ممنوع اللف" (لكل العربيات) أنتي شوفتي بس "إلا سيارات المطافي"

[سمـ مصر ــا]

الفتحة دي - غالبا هي بتاعة شارع بيروت اللي قدام المطافي - عليها يافطة تانية أنتي مشوفتيهاش "ممنوع اللف" (لكل العربيات) أنتي شوفتي بس "إلا سيارات المطافي"

فعلا يأبو حميد الظاهر هية بتاعة شارع بيروت

عموماً من اليوم دة وأنا ممشتش من هناك تانى

[memo2007]

memo2007

مش عارفة لية دايماً البنات هما اللى بيتكعبلوا لغاية دلوقتى مشفتش راجل وقع فى الشارع

ياترى الكعب هوة السبب ؟؟ ولاة اية

انا اسفه يا سما ان ردى جه متاخر اصلى كنت بمتحن المهم انا مش بلبس اى حاجه فيها كعب ومع ذلك بتكعبل :huh: ليه ماعرفش بس ممكن يكون السبب ان البنات بتسرح وهيه ماشيه :sad: شوفى بقى البنات بتسرح في ايه :o

[النسر المصري]

اما انتو عليكو شوية مواقف مضحكة .... :sad:

خليني احكيلكم على موقف رهيب حصلي وانا صغير هنا في الكويت

قال ايه ياجماعه...قال انا لقيت دينار واقع في حوش البيت (الجنينه يعني)....وانا بقى كنت غاوي تحويش وانا صغير (مش عارف الهواية اندثرت ليه وانا كبير :angry: )

المهم قولت ياض يانسر انت كبيرك بتحوش ميات وخمسينات فلس...ولو اهلك شافو معاك الدينار ده هيسألوك فين ومنين والذي منه...قلت مابدهاش بقى.... اناا اخبي الدينار ده ف حفره في الجنينه واعللمهم بزلطتين ....واستنى يوم انزل فيه انا واصحابي السوق واشتري اللعبه اللي على مزاجي

اللمهم دارت الايام ..وكان ايامها شتا ومطر....وقررت في يوم احوس منيل احفر حفرتي....

وفضلت احفر واحفر واحفر !!!! :huh:

...الحفر طول .. بس لابأس مع الحياه ولا حياة مع البأس!!!! :D

الحفره بقت عميقة جدا ونفسي اقتع ولسه الدينار ماظهرش؟؟؟!!!!! :sad:

ابويا طلع وسألني (انت بتعمل ايه يابني.....انت ناوي تزرع نخلة؟؟!!)

قلتله بصراحه يابابا انا خبيت دينار هنا من اسبوع ...ولما جيت اطلعه ...مالقتهوش؟!!!

بصلي ابويا نظره وبمل بطريقه عجيبه ورفع حاجب ونزل حاجب :sad: .....وهي ثواني ولقيت سخسخ على روحه من الضحك وجمع اخواتي وامي واتلموا حولي في الجنينه حكالهم الموضوع وقعدوا يسخسخو على روحهم من الضحك :o

حتى اخواتي اللي اصغر مني اللي لسه مش بينطقوا حرفين على بعض كانو بيضحكو على ضحكهم!!!!

المهم طبعا استنيتهم لما خلصوا اللي عندهم ...وبعد انتهاء الفاصل الاعلاني اللي كانو عاملينه ده ..سألت ابويا بكل نرفزه ....انت بتضحك ليه...ممكن اعرف السبب؟!!!

لقيت ابويا راح حط ايدي على كتفي ودمعة الضحكه لسه على خدة بتجري.....والعائله انتظمت وراه في صف واحد...والمسرح ظلم من جنب واحد....مع الحان حزينة لموسيقى عمار الشريعي.... وانا انظر الى ابي نظرة الابن الودود.... وصدى صوت .....اكشن....هنصور :

الاب: اي بني.... أن العلم يابني هو قوتنا في الحياه...ومن دونه ماوجدنا كل ذلك الانبهار في التقدم من تكنولوجيا وانشاءات معماريه وزراعيه وما الى ذلك...

ويقينا يجب ان تعلم...انه لولا التجربه ..لما وضعنا ايدينا على تلك العلوم...

اي بني...انك اليوم اثبت علميا بتكلفه ماليه قدرها دينار...ان النباتات والحيوانات تتحلل في الارض.....فهنيئا لك بتلك المعلومه الغاليه الثمن

وانتهى المشهد على ضحك متتالي متوالي من الاسرة... وتعلمت من والدي الكثير من العلوم...حيث طبيعة عمله كمدرس علوم.......

ومن يومها وانا بدات ازرع كل شيء في مكانه الصحيح

النباتات في الأرض الخصبه

والدينار ازرعه في البنك

كل ده مش مضحك....

.اللي يضحك بجد ....اني اصريت اني الاقيه...وبعد حفر مجهد وجهيد للغايه.........لاقيت ايه ياولاد!!!!!

عشرين فلس مصديه :sad:

طبعا أهلي قعدوا يضحكوا على الموضوع دة لغاية النهاردة :)

[yasovinas]

الموقف حصل من حوالي خمس سنوات كنت في قاهرة المعز :o وهو امر قليل الحدوث بالنسبه لاسكندراني اصيل :sad: ؛؛؛ ما علينا وانا بلف انا وام محمد (المدام مش مرات البواب) وكنت ركنت السيارة في احد شوارع وسط البلد متفرع من سليمان باشا مع العلم اني اصلا لا اعرف اسماء شوارع القاهرة - طبعا انا ماشي والمدام في ذراعي عامل نفسي بتفرج على المحلات وانا في الحقيقة بدور على مكان السيارة لاني مش فاكرة وطبعا عيب قوي اقول لها كده ؛؛؛؛ نرجع لموضوعنا ؛؛؛؛؛ اثناء اللف والدوران شاهدت في محل اتضح فيما بعد انه شارع الشواربي توجد في الفاترينه بدلة كحلي شيك قوي وسعرها مش معقول (260 جنيه) طبعا انا فوجئت وصعقت من السعر الرهيب ؛؛ وبسرعه اخذت المدام ودخلنا الى المحل وطلبت من صاحب المحل ان اقيس هذه البدله مقاس 52 وبكل ذوق وادب طلب منى الراجل ان اصعد الى الطابق الاعلى ؛؛؛ صعدنا سويا وهناك وجدت ؛؛ استغفرك يارب ؛؛؛ استغفرك يارب ،،، فلقة قمر من نوعية البسبوسة بالقشطه وبابتسامه لا يمكن معها الا ان تشتري هذه البدله الرخيصه جدا حتى لو المقاس مش مظبوط؛؛؛؛ طبعا تعطلت لغة الكلام في هذه اللحظه حتى اعيد اصلاح العطل بواسطه كوع من الحبيبة ام محمد (مراتي مش مرات البواب) المهم جربت البدلة وكانت ولا اروع ؛؛؛؛ وبابتسامه رائعه وصوت ياخذك الى عنان السماء سمعت كلمتين فقط {دي متفصله على حضرتك} طبعا حضرتي كان خلاص سلم ورق وراح في ملكوت تاني ؛؛؛؛؛ بعد هذا الفاصل من التوهان والعشق العُزري السريع نزلت من الجنه الى الطابق الارضي لادفع المبلغ الى رضوان حارس الجنه ؛؛؛؛؛؛ اعطيت الرجل ال260 جنية وانا منتظر هبوط القمر من الاعلى ليحضر لي البدلة بينما رضوان واقف متسمر مكانه ناظراً الي نظرة غريبة ؛؛؛؛ صراحه خفت وشكيت ان ممكن يكون رضوان متزوج من هذه الحورية ولكني لم اقتنع بوجود اي رابط بين هذه الحورية وهذا ال.......رضوان

بعد مده ليست قليلة وبعد نزول الحورية وتسليمها البذلة لي مع ابتسامه رائعه فوجئت بالحبيبة ام محمد (زوجتي وليست زوجة البواب) تتحدث مع صاحب المحل واخيرا ايقنت ان هناك اختلاف حول امر ما !!!! فعدت الى ارض الواقع :huh: لاعرف المشكله والتي اتضح انني قرات خطأ فالسعر هو (2600جنية) :angry:

[أبو محمد]

اهلا يا سما....بالنسبه للمواقف المحرجه عندي كثييييير ....

هاقول علي موقف بس مش عايزة حد يتريق...أوكيه؟ :happy:

الصراحه كان بقالي سبع سنين ماسوقتش السيارة في القاهرة..

المهم أبو ياسر العزيز كان مريض وأنا أتشمللت وقولتله خلاص أستريح أنت وانا هاخد ياسر وأنزل علي كوك دور أجيب ساندويتشات...

المهم أخدت الكابتن والمفاتيح.....أول حاجه فتحت التكييف والكاسيت ونسيت طبعا أربط الحزام...وأنعزلت عن العالم الخارجي..وطلعت لوحدي من الركن...وأتوبيسات رايحه ومتروهات جايه..في ميدان تريمف...ووصلت بحمد الله للمطعم....وأتصلت بابو ياسر وأنا فرحانه....

رد بكل هدوء...بس أنتي أوصلي بالسلامه....وتمت المهمه بنجاح رغم رعب ياسر والله....وصلت عند البيت وجايه أركن ...وأنا في الركن ضايعه اساسا....وخصوصا الركن بالطول...الغريب كل ما أدخل ألاقي العربيه البيجو اللي كانت واقفه بجواري تتهز....يوة...وأنا مش فاهمه فيه أيه...أرجع أعيد المحاوله تاني ...برضه تتهز.......نزلت ياسر وقولته شوف فيه أيه.....وفي نفس اللحظه لقيت واحد خارج يجري من المحل ويقولي حضرتك بتعملي أيه؟؟ عجبني الصراحه أدبه...بصتله ببراءه وقولتله بركن...قالي ياستي الباب الشمال عندك أصبح شكله غريب...أتاريني رايحه جايه بالباب في العربيه البيجو اللي هي موديل 79وبالظبط عامله زي الزلطه....ببرود أديتله المفاتيح وقولتله ممكن تركنهالي سعادتك......طبعا وافق وركنهالي....ونزل يبص علي عربيته ويخبط عليها ويقولها أصيله يا عزيزة....عربيته ولا خدش واحد حصل فيها,,,أما أنا الباب عندي أتكحول علي الأخر....طلعت لأبو ياسر وقولتله.....قالي مش مهم...المهم أنكم رجعتوا بالسلامه.....

وراح مصلي ركعتين شكر لله.....

وبالليل ماجرؤتش أقوله أديني العربيه ..أروح لماما وإلا كان زماني دلوقتي ماكتبتش الموقف ده :)

ولا يهمك يا أم ياسر .. أهم شئ الصحة

اللى يتريق على حكة بسيطة فى عربية بيجو وريله الصورة دى

ولو ما بطلش تريقة وريله دى

ولو ما اتكتمشى إديله دى

ولو لسه حيقاوح تروحى مطلعة دى فى وشه

ولو عاوزاه ما يحطش منطق حطى دى فى عينه

[nash]

أهلا يا أبو محمد.....

مش عارفه ليه مش مستريحه...لتعاطفك معي... :) وكلماتك المشجعه.... :D

وخصوصا وأنت بتقول حكه في العربيه البيجو.....ده حتي ولا نفنوفه شيء حصلها... :happy: هوة أنا قولت حاجه زي كده؟

الظريف لو شوفت ميدو صاحب العربيه....حاجه كده ماشاءالله عشرة أرتفاع في ستاشر عرض....يخزي العين علي رأي أخوانا

..........................................................................................................

مرة تانيه بس كانت العائله كلها وبرضه بالأمر سقت العربيه من مصر الجديده لجنينه مول...

ماشاءالله عليه......ولا المحترفين.....وكله تمام ...لكن عند الباركينج...وقفت...وراسي وألف...نو واي أنزل السرداب ده...

ممر عرضه نص متر ..والمفروض أنزل بالعربيه سليمه....قال ...قال..

بعد كذا محاوله فاشله,,,وتريقه من أبو ياسر..وولاده...لإن عند هذه النقطه...بعت ولادي ..اللي أنضموا لوالدهم ونزلوا تريقه معاه علي جبني...سيبتلهم العربيه ونزلت حردانه منها...وفوجئت...بصف طويل ورايا....من غير زومارة واحده...

مستني الست هانم تقرر تنزل ولا تخليها واقفه....أنا الصراحه أتخضيت...ووقفت محرجه جدا...

نزل أبو ياسر وأخذ العربيه...ويقول للسائق اللي ورانا...مانت عارف...يعني.....نظام شوف مين اللي كان بيسوق

.....................................................................................................................................

بس أنا ولا بيهمني....قولتلي مشاركتك دي يا أبو محمد...نيتك فيها سليمه يعني......؟؟؟ هه؟؟؟ أصلي كنت أدبي الصراحه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[se_ Elsyed]

صحيح يا ولاد .. صدق الشاعر الذي قال

" إمشي ورا أتوبيس هيئه .. ولا تمشيش ورا واحده سايقه "

مع الإعتذار لأم ياسر

وعجبي :lol:

[nash]

" إمشي ورا أتوبيس هيئه .. ولا تمشيش ورا واحده سايقه "

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الله يسامحك يا سي السيد.... :lol:

[Eldisel]

" إمشي ورا أتوبيس هيئه .. ولا تمشيش ورا واحده سايقه "

مقولة تخط بماء الذهب والله ياس س

اما عن الموقف الي انا افتكرتة فاهو مش موقف محرج لكن هو موقف مؤلم

كان يوم خميس واتصل بي واحد صاحبي ( انتيمي ) وقال لي احنى اجرنى عربية وطالعين اسكندرية انهاردة بالليل

قولت له : انت اتجننت الساعة دلوقتي 7 بالليل هنروح في اية وهنيجي في اية + ان يوم السبت ورايا شغل

قالي : ماهوا احنى هنتجمع الساعة 11 بالليل ونتحرك من القاهرة على الساعة 11.30 كدة ...... نوصل الاسكندرية الساعة واحدة ونص اتنين ... نروح ناكل اكلة سمك تمام وبعدين نلف اسكنرية شوية .... ونصلي الفجر في المرسي ابو العباس ...... ونشاهد فجر اليوم الجديد وشروق الشمسمن على البحر

وبعد كدة نفطر من عند ابو محمد ونرجع القاهرة على الساعة 11.30 -- 12 يعني قبل صلاة الجمعة

طبعن مع اغرائات متعة السفر بالليل والصحبة الحلوة والعربية موديل 2002 مع الحالة النفسية السيئه وجت في هذة الرحلة الخاطفة المجنونة الترويح والمتعة

الهم.............. اتجمعنى فعلن وعجبتني العربية وتوكلنى على الله واتحركنى الساعة 12 بالليل

المشهد الاول:-

سيارة ايبيزى زرقاء موديل 2002 تشق طريقها في طريق مصر اسكندرية الصحراوي بسرعة ( 110 -120 ) كم / ساعة بها اربع شباب ذي الورد يتبادلون الحديث والضحكات منسجمين بشريط عمر دياب الي شغال وبتكيف العربية وفجئة .... :o :o ... وفي نصف الطريق بالضبط في الكيلو ( 129) صوت انفجار اطار السيارة الخلفي بوووووووووووم

المشهد الثاني :-

اهتذاذ شديد في السيارة وارتباك وحالة من الذعر ممن معي ... قمت بتهدئتهم ( ياجدعان عادي دي العجلة فرقعت مافيهاش حاجة .. الحمد للة انها الي الكوتش الخلفي ... بس اركن انت على جمب في هدوء) ركن سامح ( قائد السيارة) على جمب ونزلنى بصيط على العجلة ( شوفتوا ... الموضوع مش كبير احنى نغير الاستبن ونروح نصلح العجلة عند اقرب بنزينة وخلاص ( مش محتاج اقول لكم ان الدنيا كانت كحل .... متشوفش ايدك و انهم مبيعرفوش يعملو حاجة في العربية .. كبرهم سامح بيعرف يسوق بس وهو الاي مأجر العربية ) فقمت انا بدور الاسطى

جبت الكوريك ورفعت العربية وفكيت العجلة كل دة تحت اضواء الموبيلات ورحت عشان اجيب الاستبن لقيت فردة كوتش في حجم فردة كوتش المتوسيكل

اقول لهم بتريقة : اية يابني فردة كوتش الاسكوتر دي الرد : ياعم الجديد كولة كدة انت هتترق المهم تمشينى ( صح المهم تمشينى )

بشيل العجلة وبحطها علي الارض اقيت صوت فسسسسسسسسسس العجلة نايمة :D :lol: mfb:

وبطبعتي المتفائلة وباسلوبي الهادي صرخت باعلى صوتي ( اذاي تاجر عربية من غير ما تبص على الاستبن .... ده انت طالع بيهى سفر ) :excl: :D

كدة احنى في نص الصحراء بعجلة نايمة والاستبن نايم هو راخر الساعة 1 بعد منطصف الليل

نتابع المغامرة بعض الفاصل ( عشان اعصابي تعبت ) وللمئاسي بقية

[أبو زياد]

((نتابع المغامرة بعض الفاصل ( عشان اعصابي تعبت ) وللمئاسي بقية))

ديزل حبيبى ..إنت فين ؟

وحشتنى جدا جدا ...

مش الحمد لله جت سليمة ؟؟

يا عمى الموضوع إسمه مواقف مضحكة :D

أضحك الله سنك و دورلنا على حاجة تضحك أحسن أنا عمال أبكى من ساعة ما مشيت :lol: