Diab بتاريخ: 27 يوليو 2010 تقديم بلاغ مشاركة بتاريخ: 27 يوليو 2010 الشرح جميل وعلي فكرة المعلومات كدة كاملة انت مقولتهاش كلها قبل كدة دلوقت تمام تشكر بس في نقطة مشو اضحة هو انت مش محتاج لا توفل ولا gmat عشان تدرس mba ؟!!!!! طب ازاي علي فكرة انا بحاول غير من طريقتي أني اخد الشهادة عشان العلم وليس عشان المنصب لأن الرزق بيد الله وكلها أسباب لتقوية cv ليس إلا عشان كدة إن شاء الله حأحاول اهتم شوية بموضوع language skills شوية أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
se_ Elsyed بتاريخ: 27 يوليو 2010 تقديم بلاغ مشاركة بتاريخ: 27 يوليو 2010 لا تويفل ولا تيفال زهران بس يُفضل يبقى النفر من دول كويس في الانجليزي لإن الشرح والمشاريع والكتب والأمتحانات بالأنجليزي وبالتالي هايتعب لو كان نص نص ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mekkawy بتاريخ: 2 أغسطس 2010 تقديم بلاغ مشاركة بتاريخ: 2 أغسطس 2010 سلام عليكم كدة يانهاااااار أبيض يا جدعان ده الواحد كان نايم نوووووم .. بس صحي خلاص و عاوز مساعدتكم باة يا جماعة الخير أنا خريج أداب عنجليزي و بجد مش شهادة على ورق .. لأني مستخدم اللغة من يوم ما اتخرجت و شغال مدير مبيعات منطقة (جدة) و عاوز أضيف لنفسي شئ .. ليه بأة؟ لأني عاوز أكبر و الفهلوة لوحدها مش كفاية و أظن كمان الخبرة لوحدها مش كفاية ولازم الواحد يضيف لنفسه خبرة علمية سوا سوا مع الخبرة العملية .. فكرت أخد دورسات مبيعات متخصصة لكن لقيت إنها هتبا صرف كتير أوي في حاجة ممكن مش كل شركة تكون عارفاها أو على الأقل مقدراها .. قولت يا واد يا مكي تعمل ايه يا واد مكي تروح فين و تيجي منين .. لقيت واحد كدة هنا اسمه حسام عبد الفتاح قالي عليك و على موضوع الام بي ايه بتاع أبوك س س قولت أيوووووة كدة يا ودييييع أعمل ايه بأة دوقتي؟ مكاوى رابط هذا التعليق شارك المزيد من خيارات المشاركة
se_ Elsyed بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 إقرأ الموضوع من الأول يا ميخو وانت هاتستفيد ... وبعدين عشان دراستك بالأنجليزي فالموضوع ده هايفرق معاك لأن المنهج كله بالأنجليزية ... بس هاتتعب شوية في مذاكرة المواد المتعلقة بالمحاسبة والعلوم المالية لكن سهله برضوا والنت ما خلاش حاجه الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mekkawy بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 إقرأ الموضوع من الأول يا ميخو وانت هاتستفيد ... وبعدين عشان دراستك بالأنجليزي فالموضوع ده هايفرق معاك لأن المنهج كله بالأنجليزية ... بس هاتتعب شوية في مذاكرة المواد المتعلقة بالمحاسبة والعلوم المالية لكن سهله برضوا والنت ما خلاش حاجه قرأته كله يا كبير و الله و نفس افادة الجميع .. ما فهمتش حاجة :lol: لا لا فهمت شوية بس بص .. أنا بصراحة لما بأثق في حد بأثق في اللي بيعمله و بم إني بأثق في سيادتك يبا أكيد الطريقة اللي انت اتخذتها بعد بحث و دراسة وافية .. في ناس كدة بتفيد نفسها و اللي بعدها .. زي صديقك رادوس الله يباركله في الخطاب اللي عمله ده فأنا لو تكرمت يعني و ينفع نتقابل في أي وقت قبل ما أشد على جدة تديني كافة كل التفاصيل و أسألك بأة أسئلتي الرخمة اللي بزيادة و اللي متوافقة مع طبيعتي المتشككة المباحثية و ربنا يسهل .. و بعدين أنا أصلاً كنت عاوز أدرس تجارة قبل الام بي ايه .. هو ينفع ألتحق بحاجة هنا و أدرس فيها تجارة إنجلش و أخد بكالوريوس تاني ؟ أصل أنا كنت في علوم رياضة و خفت أحول تجارة ما أدخلش إنجلش .. فرحت أداب انجلش بأة و اللي حصل حصل إني إفادة ؟ مكاوى رابط هذا التعليق شارك المزيد من خيارات المشاركة
Diab بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 إقرأ الموضوع من الأول يا ميخو وانت هاتستفيد ... وبعدين عشان دراستك بالأنجليزي فالموضوع ده هايفرق معاك لأن المنهج كله بالأنجليزية ... بس هاتتعب شوية في مذاكرة المواد المتعلقة بالمحاسبة والعلوم المالية لكن سهله برضوا والنت ما خلاش حاجه قرأته كله يا كبير و الله و نفس افادة الجميع .. ما فهمتش حاجة :lol: لا لا فهمت شوية بس بص .. أنا بصراحة لما بأثق في حد بأثق في اللي بيعمله و بم إني بأثق في سيادتك يبا أكيد الطريقة اللي انت اتخذتها بعد بحث و دراسة وافية .. في ناس كدة بتفيد نفسها و اللي بعدها .. زي صديقك رادوس الله يباركله في الخطاب اللي عمله ده فأنا لو تكرمت يعني و ينفع نتقابل في أي وقت قبل ما أشد على جدة تديني كافة كل التفاصيل و أسألك بأة أسئلتي الرخمة اللي بزيادة و اللي متوافقة مع طبيعتي المتشككة المباحثية و ربنا يسهل .. و بعدين أنا أصلاً كنت عاوز أدرس تجارة قبل الام بي ايه .. هو ينفع ألتحق بحاجة هنا و أدرس فيها تجارة إنجلش و أخد بكالوريوس تاني ؟ أصل أنا كنت في علوم رياضة و خفت أحول تجارة ما أدخلش إنجلش .. فرحت أداب انجلش بأة و اللي حصل حصل إني إفادة ؟ مكاوى مكاوي questions أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
se_ Elsyed بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 مش محتاج تدرس لا تجارة ولا زراعة يا معلم .. لان الماجستير في كل الكليات تقريباً بيبقى أول سنة أو أتنين سميستر يعني بيبقوا general يعني حتى لو هاتتخصص نسا وولاده هاتدرس الحاجات دي برضوا .. أنا باتكلم عن الدراسات الحُرة .... بمعنى أول أتنين سميستر معظم المواد وده من حظنا إحنا يا بتوع كار التجارة .. بنبقى درسناها في الكلية أو عند بتاع الكبدة اللي بره المدرج يعني خد عندك 1- مباديء محاسبة .. 2- إقتصاد 3- إدارة ماليه وبلاويها من تحيليل وتخطيط مالي وحركات 4 أقتصاد 5- تسويق 6- بحوث عمليات 7- والعياذ بالله إحصاء ( أسف إني بأجرح مشاعر حد لما بأقول إحصا وكده يعني ) 8- موارد بشرية شوف يعني من ضمن 12 مادة بتدرسهم في السميسترين الأولايين ... 8 منهم درسناهم بأستفاضة في تجارة .. بس في الماجستير بيدرسوهم ككابسوللات مفيده وفيها البهاريز ... مع إني بأرى الحيرة والندم في عيون زملائي اللي متخصصين في الطب أو الهندسة بالذات لأن يا عيني لا عمره سمع عن كريديت أو ديبت أو الصابلاي أند ديماند والحاجات دي .. بس حاجات سهله وتتفهم يعني مش طلاسم هي ... عشان كده انا دخلت كلية التجارة عن إقتناع بالرغم من كان ليه كليات قمة او كما يطلقون عليها ... بس تجارة مجالات شغلها أوسع . وتحس إن خريج تجارة ده بتاع كله وواد عفريت ومتكحرت ويسلك في الحديد ... انا خايف أروح أكشف مره أمراض جلدية ألاقي الدكتور خريج تجارة عين شمس أو الزقازيق .. اهم حاجه يا ميخو إنك تمشي بمبدأ just do it حاكم بعيد عنك .. معانا ناس هنا عارفين نفسيهم بيقعدوا يفصعوا في الحاجه وفي الأخر يقول لك أنا كنت باخد فكره وهاشتري بكره .... اه والله ... التردد القاتل وتعدي 5 سنين ويدُب الشيب في شعره وهو لسه بيقول لك أنا لسه بأدرس الموضوع وبأقلبه في مخيخي .. أنا عملت كده من 3 سنين بس ما كانتش دراسه للموضوع فقط .. لكن كان كسل وقلة وقت وقلة أدب برضوا ... لحد ما زملائي بالعمل اللي أخدوا الاكسن بسرعه خلصوا فعلاً ودلوقت ما شاء الله نفسهم أتفتحت ودخلوا على الدكتوراة كمان تخيل نفسك كده يافطه نيون كبيرة وفيها أنوار بتلعب وتنطلق من حولها ألعاب ناريه ومفرقعات .. ومتعلقة على سور البلكونه في تاني دور في عمارة شيك في مساكن صقر قريش ومكتوب عليها دكتور / ميخا ..... أستشاري الأنف والأُذن والحونجرة بذمتك مش تستاهل ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mekkawy بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 و الله يا سي السيد فتحت نفسي ثم إني بأحب الريكودرات يعني لما أخد الام بي ايه على 28 سنة .. أكون مخلص يعني و أدخل ع الدكتوراة و أعلق اليافتة بتاعة الألعاب النارية دي على 32 سنة .. إوعي وشك .. أشتغل بأة و أخدلي لوكشة كدة محترمة و أركب لاند كروزر بأة و أصيع ع العالم اللي تحتي .. منا هأبقى مدير بأة و متعلم كمان .. لا بجد و الله أنا فعلاً عاوز أتعلم و عاوز أذاكر و أنجح و ألم علوم كتيرة .. و بالذات الأنف و الأذن و الحنجرة ... و الاحصا ولا مؤاخذة طب أنا أقدم هنا و أكمل في جدة ولا أقدم في جدة على طول .. و سمعت إن التقديم في أكتوبر و نوفمبر هأسألك بأة على الجامعة بتاعتك اللي بتدرس فيها .. ايه مستلزمات التقديم العلمية أو العملية ولا أروح بس أدفع ال1500 ريال و أقولهم عاوز أم بي ايه ؟ مكاوى رابط هذا التعليق شارك المزيد من خيارات المشاركة
se_ Elsyed بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 لأ كده هازعل منك وأخد البوتاجاز حق عرب .. أرجع أقرا عن الجامعة يا ميكو عشان أنا شارح كل حاجه .... وممكن تقدم هنا او في جده سيان يعني .. ولو روحت مقرهم ممكن تقابل ناس هناك ويشرحوا لك كل حاجه بالتفصيل ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
hOuSsAm بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 ميكاوى احتجت اى دروس يابنى انا موجود.......... وهكرمك فى السعر كمان (عشان بس انت ابن المنتدى) فيه مجموعة هتبدا بعد العيد ممكن اضمك ليهم وخلى بالك انا معنديش اختلاط البنات فى مواعيد.... والولاد ليهم مواعيد تانية اى حد عايز دروس فى الرياض ....... ينسق مع السكرتيرة بتاعتى:) طول ما املى معايا معايا وفى ايدي سلاح حافضل اجاهد وامشى وامشى من كفاح لكفاح طول ما ايدي فى ايدك اقوم واقف واهتف واقول حيّ حيّ على الفلاح داري يا داري انا احميك بايمـــــانى طول ماذراعى معايا ابني واعلي بنياني حافضل عايش فيها بجهدي واملى ابنيها انا روحى فداها وفدا اهلى واوطـــــاني زاحف يا شعبي تمحي الماضي رياحك عهــدك جوا ف قلبي والبطولة جراحك أيامنـــــا اللي جاية وارادتنا القويـــــة تنصرنا يا وطني ويملا الدنيا صباحك نمشي ونمشي والعزة تعيــــــش ويانا لأ احنا منرجعش ولاتتراجع فى خطانا تهتف اراضينا لنا والنصر ينــــادينا يلا بينا يلا وربــنا معانا رابط هذا التعليق شارك المزيد من خيارات المشاركة
se_ Elsyed بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 وخلى بالك انا معنديش اختلاط البنات فى مواعيد.... والولاد ليهم مواعيد تانية ممكن اجي في يوم البنات لأ ما تفهمنيش غلط .. عشان أطمن إن ما فيش حد بيغلس عليهم أو إن الزيت مش بيختلط بالماء ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
mekkawy بتاريخ: 3 أغسطس 2010 تقديم بلاغ مشاركة بتاريخ: 3 أغسطس 2010 طب بص يا حوس أبو الأسيان هيطمن ع الزيت و أنا هأطمن ع الماء بيس كدة يا معلم ؟ مكاوى رابط هذا التعليق شارك المزيد من خيارات المشاركة
hOuSsAm بتاريخ: 4 أغسطس 2010 تقديم بلاغ مشاركة بتاريخ: 4 أغسطس 2010 انا كدة مسكتكوا انتوا الاتنين تلبس وقال ايه عايزين تيجوا فى مجاميع البنات ودى الفرصة الذهبية عشان ابلغ الحكومات بتاعتكوا:)..................او تدفعولى فلوس عشان اسكت......... او تحجزولى تذاكر سفر لدبى اروح اشترى اتنين كيلو مشمش الحمد لله معنديش حكومة عشان حد يبلغها باى حاجة :) ---------------------- على جنب بقى ايه يا مكاوى حجزت ولا لسه........ صدقنى يبنى الحق ادفع الفلوس واسمع كلام ابو الاسيان ........... انت فى وقت ذهبى ولسه فى قوتك تعرف تذاكر وتنجح باذن الله وكمان الوقت مريح معاك الفترة الجاية دى ...... الحق الفرصة وخدلك شهادة محترمة تعرف تطلع ليفل اعلى كمان فيه حاجة كمان لما تحجز وتبدا الدراسة تعالى هنا فى نفس المكان وقول تجربتك لاخوانك وازاى كانت مفيدة وازاى تقدر تفيدهم عشان الخير يعم وممكن اسيبك تدى دروس فى الباحة او جيزان او عرعر (المناطق دى محتاجة اشبال تلعب فيها) بالتوفيق باذن الله تعالى طول ما املى معايا معايا وفى ايدي سلاح حافضل اجاهد وامشى وامشى من كفاح لكفاح طول ما ايدي فى ايدك اقوم واقف واهتف واقول حيّ حيّ على الفلاح داري يا داري انا احميك بايمـــــانى طول ماذراعى معايا ابني واعلي بنياني حافضل عايش فيها بجهدي واملى ابنيها انا روحى فداها وفدا اهلى واوطـــــاني زاحف يا شعبي تمحي الماضي رياحك عهــدك جوا ف قلبي والبطولة جراحك أيامنـــــا اللي جاية وارادتنا القويـــــة تنصرنا يا وطني ويملا الدنيا صباحك نمشي ونمشي والعزة تعيــــــش ويانا لأ احنا منرجعش ولاتتراجع فى خطانا تهتف اراضينا لنا والنصر ينــــادينا يلا بينا يلا وربــنا معانا رابط هذا التعليق شارك المزيد من خيارات المشاركة
se_ Elsyed بتاريخ: 11 نوفمبر 2010 تقديم بلاغ مشاركة بتاريخ: 11 نوفمبر 2010 كما عودكم إبنكم سين سين على كل ما هو جديد وفريد ووحيد ... عشان كده وبمناسبة العيد ... جبت لكم ملبس وأرواح وكرمله - يا نهار أبيض الكلمة دي ما سمعتهاش من سنة 79 أيام ما كنت بأسافر بلدنا ... يا ترى هي عامله إيه دلوقت وعايشه ولا لسه ؟ - فهاكومو جميع الماتريال الخاصة بشهادة الماجستير في جماعة SMU بُصوا الموقع أهو جميع الكتب الخاصة بشهادة الماجستير بجامعة SMU بصيغة بي دي إف هاتدخل عالشمال في نص الصفحة على جُملة Student Learining Materials هاتلاقي أول حاجه MBAN1 مالكش دعوه بها .. لأنها خاصة باللي بيدرسوا حالياً ... وهاتلاقي MBAN2 وبعدين First & Second هما دول المنهجين بتوع السميستر الأول والتاني لكل واحد هايدخل جديد لان المنهج إتعدل شويه للجُدد إطلع فوق تاني هاتلاقي في الـ MBAN1 Third & Fourth ده السميستر التالت والرابع بتاع التخصص .. ودول لسه ما أتغيروش .. وهاتلاقي قدامهم مواد زي مثلاً MBA0034 & 35 دول مادتين common الكل بيدرسهم بغض النظر عن التخصص وتتعلق مثلاً بنظريات البحث العلمي او المفاهيم القانونية في عالم البيزنس والإدارة ... وجنبها بقى التخصصات زي HR >>> PM ...إلخ دي بقى تنزل منها التخصص اللي إنت عاوزه .... على فكره بغض النظر عن التخصص بتاعي انا نزلت كتب من تخصصات تانية ممكن استفيد منها .. يعني مواد تنفع في الحياة العملية ( قال يعني مقطع الكتب المقررة لما أذاكر المناهج بتاعت الفصول التانية .؟ ) ... حتى بشكل عام في جميع مراحل الدراسة في مواد ممكن أبعد عنها لإنها very tough زي الحاجات اللي فيها رياضة وإحصا والكلام ده ... لكن في مواد لذيذة زي التسويق او الموارد البشرية او الخاصة بالكوميونيكشن سكيلز ممكن الواحد يقراها للعلم والإستفاده والتقدم الوحدوي القائم على أسس إضتراكية رأسمالية بناءه انا عكيت الدنيا في الشرح بالعربي على الأنجليزي وأعذروني بقى الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
hatemshebl بتاريخ: 19 نوفمبر 2010 تقديم بلاغ مشاركة بتاريخ: 19 نوفمبر 2010 كما عودكم إبنكم سين سين على كل ما هو جديد وفريد ووحيد ... عشان كده وبمناسبة العيد ... جبت لكم ملبس وأرواح وكرمله - يا نهار أبيض الكلمة دي ما سمعتهاش من سنة 79 أيام ما كنت بأسافر بلدنا ... يا ترى هي عامله إيه دلوقت وعايشه ولا لسه ؟ - فهاكومو جميع الماتريال الخاصة بشهادة الماجستير في جماعة SMU بُصوا الموقع أهو جميع الكتب الخاصة بشهادة الماجستير بجامعة SMU بصيغة بي دي إف هاتدخل عالشمال في نص الصفحة على جُملة Student Learining Materials هاتلاقي أول حاجه MBAN1 مالكش دعوه بها .. لأنها خاصة باللي بيدرسوا حالياً ... وهاتلاقي MBAN2 وبعدين First & Second هما دول المنهجين بتوع السميستر الأول والتاني لكل واحد هايدخل جديد لان المنهج إتعدل شويه للجُدد إطلع فوق تاني هاتلاقي في الـ MBAN1 Third & Fourth ده السميستر التالت والرابع بتاع التخصص .. ودول لسه ما أتغيروش .. وهاتلاقي قدامهم مواد زي مثلاً MBA0034 & 35 دول مادتين common الكل بيدرسهم بغض النظر عن التخصص وتتعلق مثلاً بنظريات البحث العلمي او المفاهيم القانونية في عالم البيزنس والإدارة ... وجنبها بقى التخصصات زي HR >>> PM ...إلخ دي بقى تنزل منها التخصص اللي إنت عاوزه .... على فكره بغض النظر عن التخصص بتاعي انا نزلت كتب من تخصصات تانية ممكن استفيد منها .. يعني مواد تنفع في الحياة العملية ( قال يعني مقطع الكتب المقررة لما أذاكر المناهج بتاعت الفصول التانية .؟ ) ... حتى بشكل عام في جميع مراحل الدراسة في مواد ممكن أبعد عنها لإنها very tough زي الحاجات اللي فيها رياضة وإحصا والكلام ده ... لكن في مواد لذيذة زي التسويق او الموارد البشرية او الخاصة بالكوميونيكشن سكيلز ممكن الواحد يقراها للعلم والإستفاده والتقدم الوحدوي القائم على أسس إضتراكية رأسمالية بناءه انا عكيت الدنيا في الشرح بالعربي على الأنجليزي وأعذروني بقى أنا عملت داوونلود أمبارح..... بس داخل النهارده علشان أقول لك ألف شكر و تسلم أيدك..... كنت عايز أخود رأي حضرتك في حاجه شخصية أنا حاتم 30 سنة خريج كلية تجارة طبعا زي أغلب جيلي مفيش شغل في مجالي .... دخلت المنحة بتاعت وزارة الأتصالات قسم الشبكات و أشتغلت في شركة بتعمل Banking Solutions..... وكملت دراسة ال Unix administration......يعني كل خبرتي في مجال ال IT طبعا فرصتي في التقية ضعيفة جدا في شركتي أو أي شركة تانية لأني مش مهندس.....بصراحة أحلامي أني يكون عندي مشروعي الخاص وحاليا بحاول أجمع رأس المال عن طريق البورصة والحمد لله ....تفتكر لو ربنا وفقني و درست الMBA هاستفيد منها في مشروعي الخاص أو هاتكبرني في الشغل ....لأني مشتت جدا لأني حسيت ان تعبي مالوش تمن في الشغل رغم ان صاحب الشغل مبسوط جدا مني للأني الحمد لله بيقولو أني شاطر و بيطمنوا ليا .....بس للأسف بقالي 7 سنين زي ما دخلت الشركة وظيفتيSenior System Operator for Banking Application.....أسف على الأطالة بس هو داه وضعي الملغبط رابط هذا التعليق شارك المزيد من خيارات المشاركة
se_ Elsyed بتاريخ: 20 نوفمبر 2010 تقديم بلاغ مشاركة بتاريخ: 20 نوفمبر 2010 بتاعت وزارة الأتصالات قسم الشبكات و أشتغلت في شركة بتعمل Banking Solutions..... وكملت دراسة ال Unix administration......يعني كل خبرتي في مجال ال IT طبعا فرصتي في التقية ضعيفة جدا في شركتي أو أي شركة تانية لأني مش مهندس.....بصراحة أحلامي أني يكون عندي مشروعي الخاص وحاليا بحاول أجمع رأس المال عن طريق البورصة والحمد لله ....تفتكر لو ربنا وفقني و درست الMBA هاستفيد منها في مشروعي الخاص أو هاتكبرني في الشغل ....لأني مشتت جدا لأني حسيت ان تعبي مالوش تمن في الشغل رغم ان صاحب الشغل مبسوط جدا مني للأني الحمد لله بيقولو أني شاطر و بيطمنوا ليا .....بس للأسف بقالي 7 سنين زي ما دخلت الشركة وظيفتيSenior System Operator for Banking Application.....أسف على الأطالة بس هو داه وضعي الملغبط شوف ... الإستثمار في التعليم بشكل عام إن ما كبسكش . فلن يخسرك ... يعني حتى لو عملت مشروع خاص .. فمثل هذه الشهادات بتفتح عقل الإنسان واهم شيء بتدعل تفكيره أكثر منطقياً ... خصوصاً لو كان مشروع تجاري وكنت إنت دارس تسويق ... فهاتفرق معاك جامد قوي .. هاضرب لك مثل .. الظباط المتطوعين في مصر بيسموهم " ظابط مخله " .. يعني ممكن يبقى نقيب مثلاً بقى له في الجيش أكثر من 20 عاماً وخبرة وتمام التمام ... ييجي بقى في نفس المعسكر بتاعه نقيب دارس في الكلية الحربية ومتخرج من 6 سنوات مثلاً يعني ... لازم لازم تلاحظ تأثير التعليم والثقافة وطريقة التفكير ... كله في صالح المتعلم المتخصص واللي دارس ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
hatemshebl بتاريخ: 21 نوفمبر 2010 تقديم بلاغ مشاركة بتاريخ: 21 نوفمبر 2010 بتاعت وزارة الأتصالات قسم الشبكات و أشتغلت في شركة بتعمل Banking Solutions..... وكملت دراسة ال Unix administration......يعني كل خبرتي في مجال ال IT طبعا فرصتي في التقية ضعيفة جدا في شركتي أو أي شركة تانية لأني مش مهندس.....بصراحة أحلامي أني يكون عندي مشروعي الخاص وحاليا بحاول أجمع رأس المال عن طريق البورصة والحمد لله ....تفتكر لو ربنا وفقني و درست الMBA هاستفيد منها في مشروعي الخاص أو هاتكبرني في الشغل ....لأني مشتت جدا لأني حسيت ان تعبي مالوش تمن في الشغل رغم ان صاحب الشغل مبسوط جدا مني للأني الحمد لله بيقولو أني شاطر و بيطمنوا ليا .....بس للأسف بقالي 7 سنين زي ما دخلت الشركة وظيفتيSenior System Operator for Banking Application.....أسف على الأطالة بس هو داه وضعي الملغبط شوف ... الإستثمار في التعليم بشكل عام إن ما كبسكش . فلن يخسرك ... يعني حتى لو عملت مشروع خاص .. فمثل هذه الشهادات بتفتح عقل الإنسان واهم شيء بتدعل تفكيره أكثر منطقياً ... خصوصاً لو كان مشروع تجاري وكنت إنت دارس تسويق ... فهاتفرق معاك جامد قوي .. هاضرب لك مثل .. الظباط المتطوعين في مصر بيسموهم " ظابط مخله " .. يعني ممكن يبقى نقيب مثلاً بقى له في الجيش أكثر من 20 عاماً وخبرة وتمام التمام ... ييجي بقى في نفس المعسكر بتاعه نقيب دارس في الكلية الحربية ومتخرج من 6 سنوات مثلاً يعني ... لازم لازم تلاحظ تأثير التعليم والثقافة وطريقة التفكير ... كله في صالح المتعلم المتخصص واللي دارس ... ألف شكر لردك و أهتمامك و لو تسمح لي هاستشير حضرتك في حاجات كتير و أعتبرني أخوك الصغير ..... حاتم رابط هذا التعليق شارك المزيد من خيارات المشاركة
moory بتاريخ: 3 ديسمبر 2010 تقديم بلاغ مشاركة بتاريخ: 3 ديسمبر 2010 السلام عليكم، لو سمحت يا جماعة الي عنده معلومات عن MBA Administration وبخاصة الحاصلين عليها ياريت يفيدوني بمعلومات أكتر عنها، وبخاصة في مجال ال IT. شكرا، إحنا بنعيش مرة واحدة بس، عيش حيياتك زي ما انت عاايزها، خليها أحسن حياة رابط هذا التعليق شارك المزيد من خيارات المشاركة
moory بتاريخ: 3 ديسمبر 2010 تقديم بلاغ مشاركة بتاريخ: 3 ديسمبر 2010 السلام عليكم، انا بقالي اكتر من ساعتيين شغاال قراية في الموضوع الجامد ده،،انا حاسس ان نظري خستع من كتر المقمقة في الشاشة..ااه يا عونياا وبصراحة موضووع هااايل و مفييد وملياان معلوماات كتيير جدا عن mba.. من كتر المعلوماات الي فيه يسيبك مش عاارف تاخد قراار بس انا اكتر معلومة طلعت بيها,,اني دلوقتي في السنتين تلاتة بتووع القرار بصراحة يا س.س. انت عاامل شغل جاامد جدا في التوبيك ده..بالمعلوماات والانفرادات الحصرية..وكمان الخطوات الايجابية الي ختها انت و اصدقائك و بحييك انك الحمد لله اجتزت مرحلة اتخااذ القرار طويلة الأجل و دخلت في مرحلة التنفيذ وياريت يا باشا تقولي مركب ال mba وصلت بيك لحد فيين؟ وهل فعلا استفدت من الدراسة؟ لأني استشفيت من اغلب تعليقاتك انك بدور على العلم العملي الي هيفيدك في شغلك أكتر من موضوع انها ranked او لأ.. منتظر ردك يا كبييير إحنا بنعيش مرة واحدة بس، عيش حيياتك زي ما انت عاايزها، خليها أحسن حياة رابط هذا التعليق شارك المزيد من خيارات المشاركة
se_ Elsyed بتاريخ: 4 ديسمبر 2010 تقديم بلاغ مشاركة بتاريخ: 4 ديسمبر 2010 السلام عليكم، وياريت يا باشا تقولي مركب ال mba وصلت بيك لحد فيين؟ وهل فعلا استفدت من الدراسة؟ لأني استشفيت من اغلب تعليقاتك انك بدور على العلم العملي الي هيفيدك في شغلك أكتر من موضوع انها ranked او لأ.. منتظر ردك يا كبييير الحمد لله بدأت السميستر الثالث ... وبإذن الله على نوفمبر القادم هاكون أنهيت الدراسة .. واكيد أستفدت كتير .. لكن الإستفادة الأكبر ستكون في سنة التخصص وهي الخاصة بالسميسترين التالت والرابع .. حيث أن اول سميسترين بتكون الدراسة فيهم عامة لجميع الدارسين ... وأنا باحسبها في الأخر إن هذا الإستثمار في التعليم إن لم ينفعني بشكل مباشر .. فلن يضرني بشكل مباشر أو غير مباشر .. يعني فرضاً حصلت على درجة الماجستير في تخصص الموارد البشرية .. وربنا كرمني بكره وأنشئت مزرعة فراخ مثلاً ... يبقى مش هابكي وأقول يا خسارة الماجستير اللي تعبت فيه .. لإن بالتأكيد هناك مجالات دراسة بتنفع في اوجه كثيرة من أوجه الحياة ... الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان