اذهب إلى المحتوى
محاورات المصريين

MBA


deemuck

Recommended Posts

العزيز حسام...

1) اللغة للبيزنيز هي الGMAT برضه... طبعا التقدير و موضوعات التعبير و شهادات المدير (حلو السجع ده) ليها اعتبار... بس الجامعات في كندا أغلبها مش عالي قوي كده، و الاقبال عليها مش مفزع... هات انت بس نتيجة 700 أو أكتر في الGMAT و ما تشيلش هم البافي...

2) أنصحك انك تدخل الMBA part time ... لأن الحضور وسط طلبة هو نص قيمة الدرجة... حضرتك بتستفيد جدا من أسئلة ناس لها خبرة عملية... ده غير العلاقات اللي بتبنيها و تفضل تنفعك طول حياتك... الموضوع مش علم و بس... أعتقد ان ده أقيم من الدراسة علي النت أو بالمراسلة... و حتي في الوظايف لها قيمة أكبر... و تمنها مش أغلي بكتير من اللي علي النت

3) طبعا الTop 50 علي عينا و علي راسنا... بس حضراتكم ناويين تصرفوا أد ايه علي الشهادة دي؟ لما جيت أبص هنا في كاليفورنيا علي الفرص المتاحة... لقيت الstate university الغلبانة اللي جنبي بتدي الشهادة بحوالي 11000 للمقيمين، الجامعة الخاصة اللي جنبي ب 50000، الجامعة الخاصة البعيدة شوية بس ليها اسم معقول كانت ب 90000، ستانفورد كانت ب 240000 (ربع مليون أمريكاني) و مافيهاش غير full time... حتي لو معاك المبالغ دي فبرضه ما أنصحكش تستثمرها في شهادة قيمتها قلت قوي بعد الكساد الاقتصادي اللي خلا بتوع هارفارد نفسهم علي قفا مين يشيل!! احنا عايزين نتعلم بس بالمعقول... كل واحد و طموحاته...

4)الMBA part time يفضل تعمله و انت بتشتغل... و ده هيحد اختياراتك للجامعات القريبة من البيت أو العمل... لأنها شهادة طويلة الأجل و حضرتك مش هتقدر تسوق السنين الطويلة دي... أنا فاكر في كندا كانت UBC في فانكوفر بحوالي 27000 كندي من سنتين... هتلاقي الجامعات في الشرق أغلي شوية و اسمهم أقوي... تقدر تعرف قيمة الجامعة من عدد الطلبة اللي في البرنامج... كل ما زاد هيكون السعر أغلي و شروط القبول أعلي... يعني هي في الآخر البيضة هي الفرخة و الفرخة هي البيضه... شوف انت شغلك هيكون فين... و اسأل حواليك... لا تتخيل كمية ال group meetings و المشاريع اللي هتعملها في سنين الدراسة... لو استبعدت الجامعة هتيأس في النص... أو هيفوتك كتير...

5) الMBA عموما مشكلته انك بتاخده في سن أكبر، و بتكون متزوج و مخلف... فبيحتاج دعم جامد قوي من البيت... و بيحتاج تنظيم وقت فظيع... بس لو أخدت علي الروتين... تأكد انها مش هتكون آخر شهادة تاخدها :happy: هتبقي غاوي تعليم بعد كده...

6) كنت أتمني أكون محدد و عارف انا هأعمل ايه بالظبط بالشهادة دي... بس صدقني دي حاجة صعبة قوي... كل اللي أقدر أقوله انك بتتعلم كتير قوي عن الدنيا و عن نفسك... و بتخرج منها دماغك كبرت... بس مش شرط يكون في نتيجة معروفة للشهادة في مجالك العملي (مش شرط تغير مجالك أو يزيد مرتبك)... ادخل علي أمل التعليم، مش علي أمل الفلوس... لأنك ممكن تحبط لو الفلوس دي ما جاتش :happy:

كل الشكر لحضرتك يا رار باجاباتك الوافية :phar:

انا عن نقسي مش لازم اخدها من جامعة هاى رانكينج

معتقدش الفارق يساوى فارق الفلوس الرهيب ده

بس هوة فيه سؤال

الحصول على ام بي ايه مش سند قوى للحصول على عمل جيد؟

ولا خلاص من كتر ما زادوا اللى معاهم الماستر دي ماعادتش بنفس القوة والتأثير؟

يعنى اللى ياخد ام بي ايه فى كندا هتبقى الفايدة مجرد تعليم وخبرات وعلاقات وبس؟ :rolleyes:

تم تعديل بواسطة حسام يوسف
رابط هذا التعليق
شارك

  • الردود 206
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

فى شركات مالتى ناشيونال بتفضل الحاصلين على ال mba + الخبرة العملية

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

دة وجهة نظرى فى الدراسة للشهادات

الدراسة النظرى غير الدراسة العملى

العملى انت ممكن تعمل التجربة فى البيت لو عندك الامكانيات لان فى الاخر 1+1= 2

الدراسة النظرى اهم حاجة فيها النقاش والحوار وتبادل الخبرات والثقافات

لان فى النظرى 1+1ممكن ميكونش 2

عشان كدة انا مش بنصح اى حد يدخل شهادات نظرية عن طريق النت او self study

إلا لو كان مستعجل وعايز الشهادة وخلاص

والله بتفرق كتير جدا

الى مش مصدقنى يجرب ياخد PMP مع نفسة ويجرب ياخدها مع مجموعة عايزة تتعلم مش عايزة تاخد شهادة

هتحس ان دماغ مع المجموعة الاخيرة اتعملها فرومات ونزلت وندوز من اول

بس شطرتك فى تعريف الدريفر

مع حساب الفارق طبعا بين PMP and MBA

ولكن لتقريب وجهة النظر

رابط هذا التعليق
شارك

  • بعد 3 أسابيع...

يا حسام يا عزيزي...

ما فيش أي شهادة في الدنيا بتضمن شغل بعدها، الشيوعية راحت و يا رب ما ترجع تاني...

هي سند ايوة... بس في الآخر حضرتك و حضرتي هنروح نبيع نفسنا في السوق...

ادارة الأعمال طبعا سند لو حضرتك بتبحث عن entry level job... بس قيمتها الحقيقية لو حضرتك بتشتغل فعلا في مجالك، و عايز تدخل كادر الادارة... ساعتها العلم و الخبرة مش بس كفاية، و القدرات الأخري بتبقي اهم... و كمان لو حضرتك بتحاول تغير مجال زهقت منه...

يعني هي لسة ما رطرطتش للدرجة دي، ما زال ليها قيمة كبيرة، بس ك necessary condition و ليس sufficient condition !!!

اللي أهم من الشهادة عشان تشتغل، هو العلاقات... عشان كدة اهتم ان زمايلك ياخدوا عنك فكرة كويسة، أكتر من اهتمامك بالتقدير :rolleyes:

اَلاِنْتِهَارُ يُؤَثِّرُ فِي الْحَكِيمِ أَكْثَرَ مِنْ مِئَةِ جَلْدَةٍ فِي الْجَاهِلِ.

امثال 17 : 10

رابط هذا التعليق
شارك

السلام عليكم

انا لم ادرس MBA ولكن درست ماجيستير في تدريس اللغة الانجليزية وجربت النظامين عن بعد وحضور ولذلك اخواني انصح بالحضور او على الاقل البارت تايم خبرة المكان والبلد والاحتكاك كل ده يساوي كتيييييييييير فوق ما تتخيل. ونصيحه لا تنخدع بالشهادات الوهمية وبالمناسبة هناك جامعة اسمها American University of London شهادتها ولا تسوي بصله وبتدفع فيها من 5000 دولار وانت طالع يمكن اقل. لكن ما تسوي ريال.

يرجي الاطلاع على ردي في الموضوع التالي :

http://www.egyptiantalks.org/invb/?showtop...837#entry508934

كل الشكر والتقدير

رابط هذا التعليق
شارك

دكتور حسام .. ازيك و اية اخبارك و اخبار اسوان ..

المهم في ال MBA في الجامعات المحترمة اللغة و اللغة و ... اللغة و بعضهم طلب شهادات توصيه من مدرائك في الشركات اللي انت اشتغلت فيها عشان تقدم و ده اللي شوفته في جامعة لستر ..

اما موضوع التقدير الخاص بتخصصك الاساسي .. لا اتوقع لانك مش بتتقدم عشان تعمل دراسات عليا في مجالك .. ده مجال تاني خالص .. و خاصة ان الغرض من ال MBA هو تعليم كل من تخصصه غير اداري .. يعني هندسي او طبي او قانوني .. او غيره ..

تحياتي لك

الله يكرمك ياباشمهندس عمرو

بخصوص اللغة مش بيبقى المقصود بيها الايلتس أكاديميك

؟

ان شاء الله هعمله بعد المقابلة بتاعة الكيبيك لو ربنا وفقنى

عشان معادلة الصيدلة وعشان فرصة ام بي ايه

ولا اللغة حاجة تانية غير الايلتس؟

وبخصوص شهادات من مديريني فدي سهلة

ولك خالص تحياتى وتقديري :ninja:

انا كنت حاسس ان مقبول دي جريمة هفضل شايلها طول عمرى :ninja:

اخي حسام

اشاركك جريمة المقبول ههههههههههههههههههه لكن الحمد لله انهيت الماجيستير الان واتمني ان احصل على افراج نص المدة لحسن السير والسلوك

الحمد لله بالرغم من عدم قبولي باى جامعه بمصر بسبب المقبول (سنارة) الا انني حصلت علي قبول غير مشروط بجامعه مانشستر والحمد لله كنت بجيب جيد وجيد جدا ههههههههههه العيب يظهر في نظام التعليم عندنا مش بيقدر العباقره الي زاي وزايك يا حسام باشا

ما عالينا يظهر الصيام عامل شغل خصوصا اننا هنا بنصوم 17 ساعه وشوية ههههههههههه

رمضان كريم

تم تعديل بواسطة mastro
رابط هذا التعليق
شارك

دكتور حسام .. ازيك و اية اخبارك و اخبار اسوان ..

المهم في ال MBA في الجامعات المحترمة اللغة و اللغة و ... اللغة و بعضهم طلب شهادات توصيه من مدرائك في الشركات اللي انت اشتغلت فيها عشان تقدم و ده اللي شوفته في جامعة لستر ..

اما موضوع التقدير الخاص بتخصصك الاساسي .. لا اتوقع لانك مش بتتقدم عشان تعمل دراسات عليا في مجالك .. ده مجال تاني خالص .. و خاصة ان الغرض من ال MBA هو تعليم كل من تخصصه غير اداري .. يعني هندسي او طبي او قانوني .. او غيره ..

تحياتي لك

الله يكرمك ياباشمهندس عمرو

بخصوص اللغة مش بيبقى المقصود بيها الايلتس أكاديميك

؟

ان شاء الله هعمله بعد المقابلة بتاعة الكيبيك لو ربنا وفقنى

عشان معادلة الصيدلة وعشان فرصة ام بي ايه

ولا اللغة حاجة تانية غير الايلتس؟

وبخصوص شهادات من مديريني فدي سهلة

ولك خالص تحياتى وتقديري :ninja:

انا كنت حاسس ان مقبول دي جريمة هفضل شايلها طول عمرى clp::

اخي حسام

اشاركك جريمة المقبول ههههههههههههههههههه لكن الحمد لله انهيت الماجيستير الان واتمني ان احصل على افراج نص المدة لحسن السير والسلوك

الحمد لله بالرغم من عدم قبولي باى جامعه بمصر بسبب المقبول (سنارة) الا انني حصلت علي قبول غير مشروط بجامعه مانشستر والحمد لله كنت بجيب جيد وجيد جدا ههههههههههه العيب يظهر في نظام التعليم عندنا مش بيقدر العباقره الي زاي وزايك يا حسام باشا

ما عالينا يظهر الصيام عامل شغل خصوصا اننا هنا بنصوم 17 ساعه وشوية ههههههههههه

رمضان كريم

الله يكرمك يا عزيزي

الكلية بتاعتنا لما قلتلهم كلمة دراسات عليا

بصولى من فوق لتحت

وقالولى مقبول مش من حقه

كأنى من قاع المجتمع :ninja:

والف شكر على توضيحك

رابط هذا التعليق
شارك

يا حسام يا عزيزي...

ما فيش أي شهادة في الدنيا بتضمن شغل بعدها، الشيوعية راحت و يا رب ما ترجع تاني...

هي سند ايوة... بس في الآخر حضرتك و حضرتي هنروح نبيع نفسنا في السوق...

ادارة الأعمال طبعا سند لو حضرتك بتبحث عن entry level job... بس قيمتها الحقيقية لو حضرتك بتشتغل فعلا في مجالك، و عايز تدخل كادر الادارة... ساعتها العلم و الخبرة مش بس كفاية، و القدرات الأخري بتبقي اهم... و كمان لو حضرتك بتحاول تغير مجال زهقت منه...

يعني هي لسة ما رطرطتش للدرجة دي، ما زال ليها قيمة كبيرة، بس ك necessary condition و ليس sufficient condition !!!

اللي أهم من الشهادة عشان تشتغل، هو العلاقات... عشان كدة اهتم ان زمايلك ياخدوا عنك فكرة كويسة، أكتر من اهتمامك بالتقدير :ninja:

الف الف الف شكر للتوضيح يا رار

:ninja:

رابط هذا التعليق
شارك

  • بعد 1 شهر...

حاولت انى اعمل بحث عن موضوع MBA لكنى لم اوفق فى العثور عليه بالرغم انى كنت شايفه قريبا هنا فى المنتدى

عموما انا فتحت هذا الموضوع وللادارة الرؤية فى ضمه للموضوع القديم .

سؤالى لذوى الخبرة ماهى مرئياتهم والجامعات المتاحة فى الدراسة عن بعد فى تخصص إدارة الاعمال وخاصة التسويق اذا كنت مقيم فى الخليج وخاصة الرياض

وماهى معلوماتكم عن هذه الجامعه

http://www.abahe.co.uk/master-of-business-...nistration.html

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

بعد إذن حبيبي رادوس اللي لسه سايبين بعض من شويه بعد مباحثات ثنائية حول هذا الموضوع بحثنا فيها سُبل دعم العلاقات الثنائية بين البلدين وكيفية دفع عجلة الـ MBA

إنتظروا مفاجآه جامده بخصوص هذا الموضوع لساكني الرياض والخبر وجده وعلى السادة المقيمين خارجها مراعاة فروق التوقيت

وبإذن الله كلها أيام بسيطة نتأكد من الموضوع اللي عارفين تكاليفه ومدته .... ونوافيكم بالأخبار

وبإذن الله هاتكون مفاجآة سارة لجميع المهتمين بماجستير إدارة الأعمال وعاوزين يكملوا تعليمهم زيينا ... بس عشان نكون متفقين الكورس باللغه الأنجليزية بس ... معليش بقى هي كده .

نتأكد ونرجع لكم

وكمان هاجيب الموضوع الدسم اللي في معلومات شامله عن الموضوع وأضمه مع موضوع سيدنا الرفاعي ده :lol:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

http://www.egyptiantalks.org/invb/?showtop...5713&st=135

الموضوع ده فيه حوالي 10 صفحات من الخبرات المتراكمة و النقاش في الموضوع بتاع ال MBA

انا اتوقع ان ده الموضوع اللي بتدور عليه

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

شكرا عمرو باشا هو الموضوع ده بالفعل لكن بخصوص الجامعة اللى انا ضايف لينكها ياريت حد يفيدنا

ابو الاسيان منتظرين اخبارك الحلوة

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

ابو الاسيان منتظرين اخبارك الحلوة

هاتدعي لي يا ريس ... وهاتقيد لي دستتين شمع كمان :lol:

بس إحنا بنحب نجيب الاخبار من مصادر مشكوك .. قصدي موثوق فيها ههههههه

كلها يومين بالكتير ونجيب الزبدة ..... عشان الدراسه خلاص هاتبدأ بعد شهر .. فعايزين العملية تبقى مستويه ونضيفه ... وما تخرش الميه .... عشان كده إحتمال نقطع الميه .هههههههه

بس إستنى ... إنتي رياضاوي ولا ابهاوي ؟

أصل الجامعه دي مالهاش إلا 3 فروع زي ما قلت الرياض خبر جده

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كده ازعل منك ياابوعمر دااحنا جران ياراجل طبعا رياضاوى وكمان رياضاوى من بتوع زمان الاصلى يعنى مش تقليد

لو اخدت بالك يا ابو الاسيان عن الجامعة اللى انا ضايف اللينك اعلاه هتجد ان الدراسة 12 شهر بس فى الباسيك وكمان المصروفات 3000 جنية استرلينى فقط

وده بخلاف الجامعات الاخرى اللى المصروفات فيها بتتعدى 7000 استرلينى

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

أنا جيت

ذهبت بالامس مع صديقي واخي رادوس وهو عضو عامل هنا بس قليل الكلام كثير القراءة ولكنه دودة مذاكرة وانا كسول وهو اللي بيشجعني

ذهبنا لمقر الجامعه هنا

وسأضع مقتطفات للمهتمين :

1- الجامعه هندية .. مش عاوز ضحك

اسمها سيكيم مانيبال .. مقرها في بنجلور ... دي جامعة حقيقية مش فيترشوال يا رفاعي باشا ....

2- شغالين هنا بالفعل والمقر الرئيسي بتاعهم في جده ولهم فروع في الرياض والدمام كمان

3- المحاضرات مرتين في الاسبوع خميس وجمعه

4- مدة الدراسة سنتين تبدأ من ديسمبر

5- التكاليف 16 الف تُدفع على 4 سميستر .... و500 تسجيل ... والماتيريال من عندهم

6- اول سنه بتبقى سنة دراسه عامه ... والتخصص بيبقى من العام التالي ....

7- لحد ما انزل البرشور هنا بكره او بعده لأنه في المكتب

عندهم

1- نظم معلومات

2- اوبيريشن ( كده تبقى عمليات ولا إيه ) مش عمليات جراحية ... عمليات تشغيل بيتهيألي بالعربي

3- اتش ار

4- بانكينج

وهابقى افتكر الباقي

لهم سايت على النت ... وممكن تروح تسأل عنهم بالتفصيل في السفارة الهندية عادي هنا

اهم شرط للتقدم هو غريب شويه ... انك تجيب شهادة الثانوية العامة موثقة من الملحق الثقافي لسفارة بلدك ... لان بعض البلاد بتدي المؤهل العالي جدعنه او زي كورسات ... يبقى لازم تكون معاك الثانوية العامة ههههههههه

مش عارف هاعملها ازاي دي

وهاحاول اروح الملحق الثقافي المصري يوم السبت أو الاحد مقابل فندق الانتركونتيننتال هنا واوريلهم شهادة البكالوريوس واقول له اديني خطاب موثق ان معايا ثانوية عاميه

حد عاوز حاجه تاني ؟

آه نسيت التقديم في اكتوبر ونوفمبر وقربوا يكملوا العدد وهو حد اقصى 60 شخص تقريباً للدفعة

آه مقرهم هنا في الرياض بمركز الامير بن سلمان اللي في البطحا ... المبنى الاداري الدور السادس مكتب 613

وهاضع معلومات اخرى لما اجيب البروشرات عشان اخواننا اللي مش من الرياض

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الله ينور عليك ياابو الاسيان

بس اهم شىء فيه ماركتينج ولا لا

وانت ايه رأيك الشحصى نتوكل على الله ولا ايه انطباعاتك

هو لو مفيش تسويق يبقى اقرب اختياراتى اوبراشن ,اعتقد الاوبراشن المقصود بيها الادارة التنفيذيه للمشاريع والادارة العامة وخلافة

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

اولا شكرا للعزيز سى السيد على المعلومات وعلى مجهوده فى جمع هذة المعلومات - وطبعا لاننا كلنا عندما بنقدم معلومه فبتكون بهدف الاستفاده العامه لكل اعضاء المحاورات من مصريين وغيرهم

بصراحه انا عملت سرش على الجامعه وهى برضو من نوع Distance learning وليس Full or Part time اللى ممكن فعلا يديها ميزة نسبيه - وليه عليها كتير من الملاحظات ومش كونها هنديه او غيرها لانى اعرف كتير من الجامعات الهنديه توازى wharton

1- الجامعه ليس لها اى رنك لا فى الهند ولا بره الهند

2- موقع الجامعه فى الرياض " مش هعترض على الباطحه " ياريت نشوف السايت على النت هتلاقيهم عاكسين الكورس بتاع الماستر فى التليكوم بدل الماستر بتاع نظم المعلومات " بالذمه دى جامعه الواحد يثق فيها"

http://www.smu-ksa.com/

3- وبعدين جامعه ايه دى اللى بتعمل ماستر فيها ويطلبو الثانويه العامه هى دبلوم ولا ماستر ؟

4- جامعه ايه اللى لا بتطلب GMAT ولا تويفل ولا حتى يكون الشخص وخد بكالوريوس ب بتقدير معين

5- الجامعه يا اساتذة Affiliate ودى بتختلف تماما عى Accredited حتى مش معتمده مجرد تحت رعاية وباشراف وزراة التعليم الهنديه

6- طيب لو قنلنا اهو ده اللى موجود فى الرياض ومفيش غيرة – طيب هسال سؤال هو ااحنا هنصرف قول 20000 ريال فى سنتين فى كورس بيعتبروه فى اليمن " مهى فاتحه فى اليمن وفى السودان" عارفين معتمدينه هناك على انه دبلومه

7- وهنا هتلاقو تعليق اخ سودانى على الجامعه دى

http://www.youtube.com/watch?v=SR_q9cC-nmU

8- وكمان تعليق اخوه من اليمن عليها

http://www.ecstudents.com/forum/viewtopic.php?f=1&t=4966

9- وكمان معلنه عن نفسها فى موقع Expat. اللى كل المغتربين هنا فى الرياض ومنهم المصريين بيشترو منها السياراة والمفروشات المستعمله - مش هعلق على جامعه بالمستوى ده تبقى ايه

http://www.expatriates.com/cls/6394302.html

طيب ليه ندخل نقسنا فى دوامه " او جامعه " لا معترفين بيها لا فى مصر ولا السعوديه – امال هنضيع فلوس مش قليله ووقت فى ايه بس

ياريت ميتفهمش تعليقى ده على انه هجوم او يساء فهمه - ربنا يعلم انى هدفى نقل وجه نظرى الشخصية وهذا بيمثل راى الشخصى

تم تعديل بواسطة sayed_ossman

الغش طرطش رشه ع الوش بويه ...مدرتش مين بلياتشو أو مين رزين... شاب الزمان .. وشقيت مش شكل ابويا ...شاهت وشوشنا تهنا بين شين وزين ولسه ياما وياما حنشوف كمان

رابط هذا التعليق
شارك

ده تعليق احد الطلاب اليمنيين اللى اتحرج عن طريق معهد حلقة وصل بينه وبين الجامعه

السلام عليكم انا احد خريجي دفعة سيكيم مانيبال الدفعه الثانيه عام 2005 آبتك صنعاء والله إن دراسة الجامعه قوية ولانختلف عليها لكن إصدار الشهادة يأتي بعد سنة من التخرج وغير مصدقة تماما عدا توقيع الذبانه إللي ورى الشهادة وهذا يعني يجب ان تجلس سنة بدون شغل بعدالتخرج مالم يكون عندك واسطة ثانيا والله لي 3 سنوات متخرج والشهادة بالهند يصادق عليها إلى الآن والله اعلم ترجع اوتضيع ونرجع تيتي ياتيتي , نصيحتي ياإخوان إللي يبغى يدرس بجامعة سيكيم عليه التوجه للجامعه نفسها بالهند حتى يكون كفوء وقريب لايكون هناك حلقة وصل زي آبتك, دخلت معكم لإن والله من واقع التجربه والله يوفق,,,

لذا ياابو الاسيان عايزين نعرف الجامعة هنا فى الرياض عن طريق وكيل زى آبتيك فى اليمن ولا ديركت مع مسئولى الجامعه

وهل فعلا هيتأخرو فى اصدار وتوثيق الشهادات ومدى اعتراف دول الخليج ومصر وشمال امريكا بهذه الشهادة

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

يا سيد بيه ويا رفاعي بيه أراءكم محل تقدير ونحن هنا نناقش جميع الاراء للوصول الى افضلها ونتمنى الخير للجميع

وما تنسوش احنا هانبقى في نفس المركب واللي هاينطبق على واحد هاينطبق على الجميع

هانشوف الموضوع ده وكل واحد يقدر على حاجه يعملها ببالتأكيد

وشكراً لتفاعلكم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

لى زميل بالعمل بيعمل retail manager

هندى الجنسية ومعه MBA من الهند سألته عن جامعة سيكم مانيبال وشكر فيها جدا وقال انها من اعرق الجامعات الهندية واشهرها فى دراسة ادارة الاعمال سألته هل يعرف انه الان ممكن الدراسة عن بعد من هنا فى السعودية قال نعم وله صديق يدرس فى الترم النهائى هنا بالرياض قلت له اتصل عليه وأسأله هل هى معترف بها هنا وبشمال امريكا رد عليه صديقه وقال له يس

وهذا مادار بينهما

ايه الاخبار يابو الاسيان نويت على ايه ؟

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...