اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

تأملات فى معايشات يومية ..


Salwa
 مشاركة

Recommended Posts

أنا جاية هنا أعترف اعتراف صغير و امشى علطول...

الحقيقة انا استغربت او تقريبا نسيت ...إن آخر بوست فى اموضوع ده انا اللى كاتباه...عمالة ابص للتاريخ و بعدين أقرا الكلام و اقول يمكن هفتكر إيه الحالة اللى كنت فيها عشان اكتب الكلام الفصيح قوى ده...مش قادرة أعرف

و الغريب إن عدى عليه 3 شهور و ماما سلوى ما ردتش عليه؟!!!!

الأعتراف بقى إيه؟؟؟؟؟

أنا ما بتعلمش من أخطائى يا جماعة...بيعدى الموقف عليا زى أخوه اللى قبله و بادى نفس رد الفعل العنيف كأنى لسه مستجده

مضايقنى قوى ان ناس كتيرة من اللى يعرفونى بيقولوا لى ...انتى ما بتتعلميش

حاسة إن الطفلة اللى جوايا ما بتكبرش..لما الأمور بتخرج عن سيطرتى او اللى فى دماغى مش بيحصل بخبط برجليا فى الأرض زى العيل الصغير..واقعد اعيط و اتمرمغ فى التراب...

طب إيه؟؟

كل ده هيفيد بإيه؟؟

هيا العيشة كدة و هتكمل كدة مش كل اللى بنحلم بيه..بييجى

ومش اللى انا بعمله هو الحل..

طيب هاتعلم امتى؟؟

رابط هذا التعليق
شارك

معرفة المشكلة = نصف الحل

في ناس بتعيش و تموت

ما يعرفوش أن عندهم مشكلة أساسا

كونك عرفتي إنك مش بتتعلمي

يبقى أدركتي إن في حاجة مش مضبوطة

عارفة يا سوسو ايه هي نظرية الجنان؟

إننا نعمل نفس الحاجات و نتوقع نتائج مختلفة!!!

يعني لما نجيب بيض و زيت و سكر و دقيق و بيكينج باودر و نخلطهم

حتطلع كيكة

و نجي عايزين نغيّر

نقوم جايبين بيض و زيت و سكر و دقيق و باكينج باودر

و نتوقع أنها تطلع سبانخ!!!

:blink:

عايزة تغيري النتائج

غيري البدايات

لما تبقي عارفة مثلا إن صديقتك مش بتحب تورتة الفانيليا

و لما جبتيها لها مرة

ابتسمت عشان ما تزعلكيش

بس انتي عرفتي

انها مش بتحبها

تقومي كل مرة تجيبيها لها

و منتظرة

أنها تحبها

و تموت فيها و تشكرك عليها

و لما ما تشوفيش الفرحة على وشها

و لا سمعتي كلمة شكر

تبتدي تزعلي

و تلوميهاعلى قلة ذوقها

و تبتدي تقارنيها بصاحبتك التانية اللي بتطير من الفرح

لما تهديها تورتة فانيليا

و بعدين تبدأي تتنرفزي عليها

و تنتقديها

و تبدأ تتحسري على أيام

ما كنتم صاحبات اوي

وبعدين تاخدي قرار

تقاطعيها

و بعدين لما تيجي سيرتها

تحني للماضي الجميل

اللي شاف أحلى أيامكم

و تتنهدي

و تنزل دموعك

:sad:

عايزة تغيري ده

تفتكري ازاي؟؟؟

يا ترى حتروحي تشتري لها تورتة فانيليا

عشان تصالحيها بيها؟؟؟

:Head:

اشتري لها تورتة شيكولاتة أو فراولة أو أناناس...

و جربي

أكيد حتلاقي نتائج مختلفة

:)

رابط هذا التعليق
شارك

أنا جاية هنا أعترف اعتراف صغير و امشى علطول...

الحقيقة انا استغربت او تقريبا نسيت ...إن آخر بوست فى اموضوع ده انا اللى كاتباه...عمالة ابص للتاريخ و بعدين أقرا الكلام و اقول يمكن هفتكر إيه الحالة اللى كنت فيها عشان اكتب الكلام الفصيح قوى ده...مش قادرة أعرف

و الغريب إن عدى عليه 3 شهور و ماما سلوى ما ردتش عليه؟!!!!

الأعتراف بقى إيه؟؟؟؟؟

أنا ما بتعلمش من أخطائى يا جماعة...بيعدى الموقف عليا زى أخوه اللى قبله و بادى نفس رد الفعل العنيف كأنى لسه مستجده

مضايقنى قوى ان ناس كتيرة من اللى يعرفونى بيقولوا لى ...انتى ما بتتعلميش

حاسة إن الطفلة اللى جوايا ما بتكبرش..لما الأمور بتخرج عن سيطرتى او اللى فى دماغى مش بيحصل بخبط برجليا فى الأرض زى العيل الصغير..واقعد اعيط و اتمرمغ فى التراب...

طب إيه؟؟

كل ده هيفيد بإيه؟؟

هيا العيشة كدة و هتكمل كدة مش كل اللى بنحلم بيه..بييجى

ومش اللى انا بعمله هو الحل..

طيب هاتعلم امتى؟؟

 

صباح سعيد جداا ياسوسو ..

عارفة انك زعلانة منى ..,عارفة انى قصرت ..بس عارفة ايه هو عذرى؟؟

مش ممكن اكتبلك وانا ف مود مش حلو.

واللى حصل انى ف الأيام اللى فكرت ارد فيها ....خفت اكتب ويطلع الكلام مش من القلب...يعنى مجرد حروف مرصوصة جنب بعض ومفيهاش روح..مجرد رد.

وكنت ف حالة انتظار...حالة انتظار انى أرجع تانى اكتب كلمات بحس بيها .

بس..

بس ..

هو ده عذرى الوحيد...وازيد شوية كمان...لما كنت ساعات بكتب كلام بحس بيه (( كنت غصب عنى انسى الموضوع ده...بدون قصد يعنى ))

خلاص ياسوسو ؟؟

مش زعلانة؟؟؟

مش حاتخبطى رجليكى ف الأرض و(( تدبدبى زى الولاد الصغننين؟؟ ))..

مسألة اننا مش بنتعلم وبنقع ف نفس الغلطة مرة واتنين..

ده لأننا منقدرش ....منثقش ف الناس على طول..منقدرش منثقش ف قدراتنا ..

مينفعش ياسوسو...

بس المفروض بقى اننا نبقى على طول مفتحين عنينا...

زى ما بيقولوا دايما نبقى ف حالة تعاملنا مع كل امور حياتنا ...نفتح عين ونغمض عين..

لانكون دائما فى حالة تحفز ولا نكون دائما فى حالة استسلام وموافقة ..

بمعنى؟؟

نشغل الاتنين مع بعض...العقل والعاطفة .

واللى منقدرش نحققه انهاردة ....

لازم نعرف ان فيه..بكرة...

وبكرة دايما بييجى وشايل كل الخير..

مش مهم نغلط..المهم اننا منستسلمش للغلط ..(( كما يقولوا ....الملاكم حايرمى الفوطة ويسيب الحلبة ...وسيكون النصر للمنافس بلا أى جدال او تعب ...انتصر فقط لأن الآخر فى حالة يأس ))

فهمتى سوسو؟؟

فهمتى قصدى ؟؟؟

صباح الرضا والتسامح ياسوسو ...

صباح التصالح مع الدنيا بكل اللى فيها .. :give_rose: :give_rose: :give_rose: :give_rose:

رابط هذا التعليق
شارك

مين اللى قال ان عملية خلق الأنسان معجزة؟

مش فاكرة بس البنى آدم فعلا معجزة...معجزة فى كل تفصيلة فيه من ساعة ما ربنا نفخ فيه الروح..

بس الحاجات دى كل الناس عارفاها ..كل العلما إتأملوا فيها..فى العمليات الحيوية و تعقيداتها و بساطتها فى نفس الوقت..

ازاى ماشية زى الساعة ..

ربنا خلقنا فى ستة ايام واحنا احتاجنا كام مليون سنة عشان نفهم جزء بسيط جدا من المعجزة دى...

انا بقى اللى بيحيرنى النفس البشرية...

التفاعلات اللى بتحصل جوانا و تطلع طاقة او شعاع ...زى ما تسموها...بس بتأثر على اللى حوالينا...القريبين و البعاد...

طيب ليه نروح بعيد...ليه نفكر فى النفس البشرية عامة...طيب ما انا شخصيا مسببة لنفسى ذهول...

بكل اللخبطة اللى بتبقى جوايا ساعات..بييجى بعديها فترة صفاء و كل حاجة بتبقى واضحة قوى..وبابقى عارفة بالضبط ايه اللى انا محتاجاه و هيسعدنى..

بيذهلنى الحاجات اللى بتتغير جوايا من غير ما أحس..

مشاعر ممكن تتقلب 180 درجة من غير تدخل منى بسبب موقف حصل او كلمة اتقالت؟!!!

ناس كنت فاكرة انى مش هقدر اعيش من غيرهم و انى هموت من غيرهم...دلوقتى مش بيحليلى العيشة إلا بعيد عنهم!!!

اتفاقات داخلية مع نفسى إن لو حصل كذا...هعمل و اسوى الهوايل..

وتحصل الحاجة اللى كنت حاملة همها...وعااااادى جدا ماحستش اصلا بشوية ضيق حتى!!

خوف من حاجات و مفاجآت مستقبلية ممكن تحصل وساعتها هيكون إيه العمل...

وتحصل مفاجآت أسوء من أسوء تخيلات او كوابيس...و ماحسش برعب...بالعكس سلام غير طبيعى..

ثقة فى رب حنون وايديه اللى بتحاوطنى و تحمينى...

غريب البنى آدم فعلا...معجزة..النفس البشرية معجزة...صعب قوى نفهم اغوارها...صعب نفهم نفسنا

مش عارفة ايه اللى بيحصل...هل تفاعلات كيميائية ...ولا استبياع إن مش هيحصل اسوء من كدة

بس اكيد بيحصل حاجة

بتخلينا نتنازل عن التمسك الغير مبرر بحاجات بيتهيألنا إن آخر العالم هيحصل لو فقدناها...والحقيقة إن الحياة مش بتنتهى...بالعكس...ممكن نبتدى عهد جديد...يمكن يكون احلى من احلى أحلامنا.

 

دى بقى ياسوسو ..مداخلتك قبل الأخيرة ..

واخدة بالك انى رديت على مداخلتك الأخيرة الأول ؟؟؟

عارفة ليه؟؟؟

لأن مداخلتك دى مش عايزة رد.....لأن فيها كل الردود.

المداخلة دى حالة تأملية جميلة جدااا..

محتاجة بس نقراها ونحس بيها ...ونقول ..

صح ياسوسو ...

كلنا كدة فعلا ...

ده مش تساؤل...ده اقرار بحقيقة واقعة فعلا..

والحياة مش بتنتهى فعلا ....وممكن نبتدى عهد جديد حايكون احلى من احلى احلامنا..

صح ياسوسو ....اجدع صح ياأجدع سوسو :clappingrose: :clappingrose: :clappingrose: :clappingrose: :clappingrose:

رابط هذا التعليق
شارك

معرفة المشكلة = نصف الحل

في ناس بتعيش و تموت

ما يعرفوش أن عندهم مشكلة أساسا

عايزة تغيري النتائج

غيري البدايات

جربي

أكيد حتلاقي نتائج مختلفة

smile.gif

 

مساء الخيرات عزيزتى مصرية متغربة .

اخترت من كلامك اكتر الكلمات اللى جعلتنى اتأملها وانا ابتسم مقتنعة تماما بها..

عايزة تغيرى النتائج...غيرى البدايات..

جربى ...اكيد حاتلاقى نتائج مختلفة .

تعرفى ؟؟

ده معناه ايه بالظبط؟؟ معناه كسر لحاجز كل شئ تقليدى ....كل شئ تقليدى بنتوهم اننا لابد نمشى عليه .نتوهم انه.احنا حانكون غلط لو حاولنا التغيير ..نتوهم انه صعب نغير نفس النظام السائد ..او..المتعارف عليه.

عجبنى قوى تشبيهك...تورتة الفانيلياوالا تورتة الشيكولاتة؟؟

كنا اتكلمنا هنا قبل كدة عن ...ضرورة تغيير الطريق.

وليكن دائما الهدف واحد..

بمعنى ؟؟

تغيير الوسيلة مع الاحتفاظ بالهدف دائما امام عينيك. .

الوسائل مختلفة (( وكل الطرق تؤدى الى روما )) ..لكن؟؟

فيه طرق سهلة وطرق صعبة ..

فيه طرق نتقبلها وطرق نرفضها..

لو كل يوم امشى ف طريق أقصر ( ولكنه غير ممهد ويعرضنى للمخاطر ) حتى اصل لعملى..

ممكن اصحى بدرى شوية وامشى ف طريق اطول نوعا ما .( ولكنه ممهد ومطمئن )

النتيجة واحدة لكن؟؟؟

يجب فعلا ان تختلف البدايات...كى تعطى نتائج مريحة.

حضرتك من رأيك ان معرفة المشكلة هى نصف الحل..

وده فعلا كلام سليم جدااا ...وهو يمكن كمان يؤدى الى ثلاثة ارباع الحل مش النص بس؟؟ ..لأنى اظن ان معرفة المشكلة ..تؤدى الى سهولة ايجاد الحل كله...وذلك بدراسة كل التفاصيل الصغيرة ..وتلافى الوقوع فى اى اخطاء جديدة ..

ربنا ييسر لنا طريقنا جميعا..

اسعدنى وجودك فى هذا الركن الجميل... :clappingrose: :clappingrose:

رابط هذا التعليق
شارك

معرفة المشكلة = نصف الحل

في ناس بتعيش و تموت

ما يعرفوش أن عندهم مشكلة أساسا

عايزة تغيري النتائج

غيري البدايات

جربي

أكيد حتلاقي نتائج مختلفة

:)

مساء الخيرات عزيزتى مصرية متغربة .

اخترت من كلامك اكتر الكلمات اللى جعلتنى اتأملها وانا ابتسم مقتنعة تماما بها..

عايزة تغيرى النتائج...غيرى البدايات..

جربى ...اكيد حاتلاقى نتائج مختلفة .

تعرفى ؟؟

ده معناه ايه بالظبط؟؟ معناه كسر لحاجز كل شئ تقليدى ....كل شئ تقليدى بنتوهم اننا لابد نمشى عليه .نتوهم انه.احنا حانكون غلط لو حاولنا التغيير ..نتوهم انه صعب نغير نفس النظام السائد ..او..المتعارف عليه.

عجبنى قوى تشبيهك...تورتة الفانيلياوالا تورتة الشيكولاتة؟؟

كنا اتكلمنا هنا قبل كدة عن ...ضرورة تغيير الطريق.

وليكن دائما الهدف واحد..

بمعنى ؟؟

تغيير الوسيلة مع الاحتفاظ بالهدف دائما امام عينيك. .

الوسائل مختلفة (( وكل الطرق تؤدى الى روما )) ..لكن؟؟

فيه طرق سهلة وطرق صعبة ..

فيه طرق نتقبلها وطرق نرفضها..

لو كل يوم امشى ف طريق أقصر ( ولكنه غير ممهد ويعرضنى للمخاطر ) حتى اصل لعملى..

ممكن اصحى بدرى شوية وامشى ف طريق اطول نوعا ما .( ولكنه ممهد ومطمئن )

النتيجة واحدة لكن؟؟؟

يجب فعلا ان تختلف البدايات...كى تعطى نتائج مريحة.

حضرتك من رأيك ان معرفة المشكلة هى نصف الحل..

وده فعلا كلام سليم جدااا ...وهو يمكن كمان يؤدى الى ثلاثة ارباع الحل مش النص بس؟؟ ..لأنى اظن ان معرفة المشكلة ..تؤدى الى سهولة ايجاد الحل كله...وذلك بدراسة كل التفاصيل الصغيرة ..وتلافى الوقوع فى اى اخطاء جديدة ..

ربنا ييسر لنا طريقنا جميعا..

اسعدنى وجودك فى هذا الركن الجميل... :clappingrose: :clappingrose:

ماما سلوى رجعت يا ولاد

:yahoo: :yahoo: :yahoo:

و حشتينا اوي يا ست الكل

اوعي تغيبي تاني يا غالية

:clappingrose:

رابط هذا التعليق
شارك

  • 4 months later...

السلام عليكم و رحمة الله و بركاته

انتي روحتي السيرك قبل كده يا ماما سلوي؟؟؟

طب ايه رأي حضرتك فيه؟؟؟

بتحبيه؟؟

بتحبي الولاد الصغيرين و هم قاعدين مبرقين عينيهم علي دنيا مليانة بالالوان و الحركات و عالم تاني كل معطياته مختلفة عن عالم حقيقي بره الخيمة بتاعته

انا فتشت جوه مني لقيتني انا بحبه بس علشان انا بروحه مع "اغلي الناس" لكن غير كده فيه مليون سؤال و سؤال جوه مني

هو انا ليه حاسة بالشفقة مش بس ع الحيوانات اللي جايبينها من بيتها و قاعدين يقولوها هالي هوب....طب مين قالهم ان الحيوانات دي مبسوطة كده...طب مين خلي الناس تكون مبسوطة و هي بتشوف حيوان بيعمل حركة المفروض انها غير ذات معني

انا حاسة كمان بالشفقة علي الناس اللي بتشتغل فيهالراجل اللي طلع النار من بوقه و غرس الحديد في صدره لغاية العامل البسيط اللي عمال يجري من يمين للشمال احسن الاسد يهجم ع المدربة بتاعته

اكيد عيشتهم صعبة اوي...

انك تكون ذات قدرة خارقة علشان تطلع قدام الناس و تكون دي هي لقمة عيشة و تعتمد انك تكون "فرجة" عابرة

اكيد ده منتهي الامتهان

سرحت في حاجات كتير

و قولت في نفسي

طب ده سيرك....و آدي الخيمة بتاعته...و آدي التذكرة...و آدي مواعيد الدخول....و آدي البلياتشو و آدي الفقرة...و آدي الحبل....و آدي الناس اللي بيضحك و اللي بيسقف و اللي بيتفرج و في دماغه مليون سؤال زيي

طب اومال الحياة اللي بره الخيمة بس هي تشبه السيرك اوي......بس للاسف محدش بيقولنا امتي الفقرة بتبتدي و امتي بتنتهي و محدش بيقولنا امتي البلياتشو بيلبس القناع و امتي بيقلعه و امتي البني آدم بيستعرض قوته و امتي بيعيش حياته علشان يكون فرجة

مش دي برضه تبقي سيرك.....بس من غير خيمة

هو مش كان شكسبير قال ما الدنيا الا مسرح كبير....هو شكسبير بقي مكنشي علي ايامه السيرك و لا ايه؟؟؟

و قعدت اقلب في السؤال من فوق لتحت..و لقيت نفسي بتقول لنفسي برضه.....علي الاقل الناس في السيرك شغلانتهم كده و عارفين كده....فبلاش تشفقي عليهم لكن اشفقي علي الناس ع اللي عايشين في الحياة و هما مجرد لعيبة في سريك بس مش عارفين كده

و قبل ما اخلص الفكرة و انا بقلب في الاخبار

لقيت خبر صغنتت اوي

اختيار ملكة جمال الكون لسنة 2012

و لقتني تاني رجعت لنفس السؤال

هو البني آدم ليه مصر يعيش في سيرك....من غير خيمة؟؟؟؟

صباحك...يا ماما براح الكون اللي ربنا خلقه من غير كل الصخب...طبيعة بكريلاقي فيها البني آدم روحه

رابط هذا التعليق
شارك

  • 10 months later...

تحية طيبة ..

هذه المداخلة كتبتها ف الحقيقة بتاريخ 30 أغسطس 2012 .
ولكنى ادرجها هنا لأنها تتعلق بخبر وفاة صديقة البوح واميرة الحرف ..( ايمان الدفراوى )
وسوف احاول وضع المداخلات الاخرى المفقودة ...ايضا عن طريق نسخة محفوظة فى جوجل .


-----------

ازيك ياريهام..
وحشتينى ووحشتنى تلقائيتك ...

عارفة انى مقصرة وآهو انا جيت أرد عليكى بعد سنة ..

أنا جيت هنا ياريهام علشان أقابل (( حد تانى )) وفوجئت ان مداخلتك كانت آخر مداخلة ف الموضوع ده ..
سامحينى ياريهام مقدرش أكذب واقولك دخلت أرد عليكى ...
أنا جيت هنا علشان (( أبكى براحتى ))..
علشان اشوف كلام ( ايمان ) معايا هنا .

الدنيا فعلا سيرك كبير .ومش بس شكسبير اللى قال كدة أو عرف كدة ..
لالالا.......الدنيا طول عمرها كدة ...فيها ممثلين فوق خشبة المسرح وممثلين بيتفرجوا عليهم ...والاتنين بيمثلوا .
الكل (( بيتنطط )) ..والبلياتشو بيرسم برضه دمعتين (( لونهم اسود )) وسط وجه مرسوم بعناية لاظهار الفرح ...وكأن تلطيخ الوجوه هو تعبير معروف عن الفرح ...وياما الأقنعة بتدارى ..
فيه أحياء ( اموات ).
وفيه اموات ( أحياء ).
البقية ( ف حياتنا ) ياريهام.
يارب ارحم ايمان ...يارب ارحم الأحياء والأموات .

رابط هذا التعليق
شارك

واصبح حرفى خائنا..
يهرب منى ..
لايمنحنى مهلة كى اطوعه ويعبر عن مشاعر غريبة على النفس ..
هى مزيج من مشاعر شتى ..

أتذكر لقاءنا وأحاديثنا و..أعود هنا الى ساحة البوح ياصديقة الروح .

اعاود قراءة ما كتبتيه هنا وهناك فى مدونتك ( ايامى ..معه ) ..واتساءل وسأظل اتساءل الباقى لى من العمر ..

أكان يجب على أن استمر فى الطيران بأكثر من جناح؟؟

وأطير اليك؟؟

وأظل اطير فى مدارك اللامرئى ؟؟


استعير من أخى كامل تعبيره وأردد معه....


ستظل صورتك وضحكتك وقهقهة عالية وطفل جميل صغير يلعب مع شاب طويل اسمر ويضحكا فى صفاء
ويطعمه بيده ونضحك جميعا و..دعوات منك بأن يصير ( مثله ) شابا رائعا ..

أريد ان احتفظ فى ذاكرتى بذكرى هذا اليوم الرائع من صيف 2005 .....فقط.

وذكرى أحاديث كثيرة بصوتك الهادئ ..

ولتعيشى ياايمان دائما فى مخيلتنا كما نحب أن نراك..اميرة القلوب واميرة الحرف .


ولتبق كلماتك لى ..تعيننى فى محنة لم انتظرها ولم اتخيلها ابداا .

ليرحمك الله رحمة واسعة ويدخلك جناته مع الشهداء والابرار .


---------------------

إلى سلوتى
اقترب بسرعة نحو خطوط النهايات الموجعة
وابتعد بهدوء عن سلام روحى وراحتها
نحتاج الى من نستند اليه
ليس صاحبا او عاشقا او اختا او اخا
فقط انسان
بتوصيف آدمى
وهذا التوصيف يتراجع فى معدلات الكائنات البشرية ليحل بدلا عنه اوصاف اخرى ينأى لسانى عن ذكرها
لا يهم نوعه
فقط
ان يتصف بصفة الانسانية
تقودنى افكارى الى حالات جنون مؤقته
أعلن فيها انى
لا اريدهم جميعا أو أريد كل شىء
ثم أتراجع آملة ان اجدهم جميعا
فلا وجدتُ ولا انتهوا
ولا انتهيت ولا وُجدوا

ولم ولن اجد اجابة يا سلوتى

سوى طواحين الهواء الصاخبة يظلل ضجيجها مرايا ارواحنا التى كانت يوما

............... صافية

مرسلة بواسطة IMAN البنت المصرية في 4:50 م

رابط هذا التعليق
شارك

مداخلة للابنة الحبيبة لماضة مصرية جدا.....( ريهام )

===============

انا مش هعرف اكتب هناك يا ماما

مش هعرف اسلم عليها

مش هعرف

انا بعترف اني ضعفت

مش هقدر اكتب في التوبيك اللي حضرتك فتحتيه باسمها

مش قادرة اتخيل

متغلاش علي اللي خلقها

بس في لحظة بتحسي انك متطمنة ان كل اللي بتحبيهم و كل اللي بتاخدي منهم طاقة حب و كل اللي بتقابلي حروفهم و بتحسي انها بتحضنك

بتبقي متطمنة نهم موجودين

انا ممكن اغيب و الف و ارجع

بس عارفة انهم موجودين

يمكن مكونشي قابلتها في الحقيقة

طب ممكن تقوليلي يعني ايه حقيقة

يعني اشوف وشك

اشوف جسمك

اشوف ملامحك

تفتكري هيفرق

طب ما انا شفت روحك....جوه حرفك

ما انا عشتي معاكي فرحك ووجعك

حقيقي مشوفتهاش

لكن اعرفها

و اعرف ان ليها في كل ركن حدوتة انسانية بعزف خاص

جوايا حجات متلخبطة دلوقتي

يا ريتني عرفتك

يا ريتني معرفتكيش

بس الاكيد

اني عرفتك

و شفتك بقلبي

و بدعيلك

و كاني عرفتك من سنين

و كل اللي شاغل بالي دلوقتي

ابنك محمد

لو حد يدلني علي مكانه او طريقة اتصال

عايزة اقوله...مام هنا...و امسك بايده و احطها علي قلبه

هتشوفها هنا

طب يمكن محتاج نكون جنبه

و لو سالني انتي مين

مش هعرف ارد

اللي عارفاه اني المفروض الاقيه و اكون معاها

سامحيني يا ماما

مش قادرة احزن لوحدي

و مش عايزاكي تكوني لوحدك....خلينا نتونس ببعض في وجعنا

خلينا نعيط مع بعض

و خلينا نقرا قرآن سوا

و نتقوي ببعض

خلينا جنب بعض

انا خايفة يا ماما

و زعلانة اوي

رابط هذا التعليق
شارك

  • 1 year later...

تمنيات بأوقات طيبة دائما.

ما معنى اللحاق بأخر عربة فى القطار ؟
ما معنى أن يحيا أى انسان بطريقة متوازية حياتين ؟

سألت نفسها اسئلة كثيرة وهى تسرح فى عالم غريب بلا أى معنى ..

هل كنت مخدوعة حقا ؟ وهل الخيانة هى خيانة الجسد والمشاعر فقط؟

هل ضاع العمر منها وهى لاتدرى ؟

هل بالامكان الآن اصلاح ما افسده الدهر والعودة الى الوراء واتخاذ قرارات اخرى ؟

هل تضحى بكل شئ وتبدا مراجعة أوراق الحياة ؟

لنعد للوراء قليلا ولنلقى نظرة على بطلة هذه الحكاية القصيرة ...

هى سيدة تقترب من العمر الثالث ( ان كان لنا ان نصنف العمر الى ثلاث مراحل ...طفولة وشباب وربيع العمر ).

ولنختصر الحديث ونقول .....عاشت وكبرت وتزوجت وانجبت ولم يعكر صفو حياتها شيئا مريبا يقلق أيامها .

لاحظت منذ البداية ان زوجها يولى جل اهتمامه لأهله ولم تهتم كثيرا وقالت لنفسها هو بهذا يثبت انه انسان مخلص ويرعى الله فى كل تصرفاته وبار بأهله .

لا أكثر ولا أقل.
حتى ...

حتى حدث ما حدث .......وبدأت ( تستيقظ ).

بدأت تكتشف انها عاشت فى خدعة كبيرة ......خدعت نفسها بأن ( هذا لايهم ) وخدعها ..باستمراره فى ( نعيان هم اخوته حتى بعد ثراءهم الفاحش ) ونسى أو تناسى فى غمرة الصراع والكفاح ..أن له ابناء يحتاجونه وزوجة ضحت بكل شئ فى سبيل أن يحيا هو ( بطريقة أفضل ).
كانت تقول له دائما.......لاتقلق من ناحية مستقبل الأولاد ..
لاتهتم بالثروة ....,الثروة الحقيقية هى تعليمهم وتربيتهم وزرع مبادئ قويمة فيهم وتعوديهم على العطاء وليس الأخذ.

ضحت...ووقفت بجانبه .وعملت معه كتفا بكتف .

حتى انها فى عملها ( معه ) لم تأخذ منه يوما ما ( مرتبا ) وهو..!!....لم يدفع لها تأمينا ..( أى انها حتى ليس لديها معاش ....رسميا )

ولم تشعر ابدااا أنها مغبونة الحق ..
كانت تقول ....هو انسان مخلص وحنانه يسع الكون كله..

وهكذا سارت بهما الحياة .

حتى...

حتى استيقظت على حقيقة صعبة التخيل.

واصبحت بين بحرين ......بحر الاستمرار فى الحياة وكأن شيئا لم يكن .

وبحر المصارحة وبالتالى التغيير المفروض .

هل من الأوفق ..(( تعرية المشاعر ))..؟

أم من ألأوفق ...(( الاحتفاظ بكل ما اكتشفته واستجد عليها )).؟

قلنا ...
كان كل شئ يسير طبيعيا ......حتى ..

حتى اكتشفت اشياء ...وكأنها استيقظت من ( كوما )..
نظرت فى يوم له ..هل يستحق الآن اقامة أى محاكمة لأى شئ حدث فى الماضى ؟

هل يتحمل ....بعدها عنه؟؟
وهل تتحمل هى ؟؟

ونعود مرة اخرى الى ..العبارة التى نرددها دائما ((...حتى اكتشفت ...))

مرت السنوات و......قررت الذهاب للبحث عن حقوقها .
قررت بيع ممتلكات تقبع فى بلد النشأة الاولى ..

و...قال لها .

ألم أقل لك .لقد بعت الأرض الموجودة فى الساحل الشمالى .

ماذا؟؟..كيف؟؟؟

هى ب أسمى ؟؟ كيف بعتها وليس لديك أى توكيل منى؟ولماذا بعتها ؟؟ومتى ؟؟؟

قال .....بكل براءة .
لاتنفعلى ......عموما هى أرض كنت قد اهديتها أنا لك ..واحتجت لبعض السيولة ولم أكن اريد ازعاجك..

بعتها ...ووقعت بدلا منك .
قالت له ...هذا تزوير .ومن فعل ذلك معك هو مزور ....انت بهذا تجعلنى اراجع كل ملفات حياتى ....انت لاأمان لك .

ولأول مرة ..... ...لأول مرة يصفعها بالقول ..
أنا لم آخذ شيئا لا أملكه .,لا تقولى لاأمان لك.
و...لم تقل له شيئا ولكنها بدأت تنظر لحياتها معه بمنظار آخر وبدأت تتذكر اشياء كثيرة حدثت ولم تكن تلتفت اليها.

يوم جعل أخاه مدير اعماله .ويوم خسر ملايين لارضاء صديقه..وخدعه الصديق..

مر شريط حياتها أمامها فى ثوانى معدودة ...

صممت وحزمت الأمر .

قالت له ...اريد بيع ممتلكاتى الخاصة ( التى املكها أنا ولم تهدها انت لى ..!!)

قال ..افعلى ما شئت .لك الحرية فى ذلك.
لم يعارضها ولم يناقشها الأمر ولم يسألها ...لمذا تريدين الآن بيع كل شئ؟

و..
ذهبت وكلها تفاؤل انها سوف تصلح بعض مم افسده الدهر ..
سوف تصلح طريق حاد عن مساره .وبدلا من أن يأخذ الأبناء من عرق الآباء ...

أخذ الأخوة كل شئ.

ذهبت .قائلة لنفسها ..لعلى اترك شيئا لأبنائى .

رابط هذا التعليق
شارك

كشخص غير اجتماعى

ﻻ يمكننى اﻹجابة على اﻷسئله

لكن كما وصفتها

هكذا بعثت المرأة على فطرتها

اﻷولى ...

الكثير من اﻷزواج الرابط بينهما

اﻷوﻻد وليس الوثيقه ...

ل السيده الفريده بأعلى تعظيم

سﻻم

رابط هذا التعليق
شارك

السيد الفاضل باهى.

تحية طيبة .

لاأظن سيدى الفاضل أن ما يربط الزوجين هم الأولاد فقط.

لآأظن ذلك نهائيا ..

ألأولاد ليسوا عائق اذا أراد أحد الزوجين الانفصال ....لم يكونوا ولن يكونوا ابداا عائقا للانفصال أو لعدم الاستمرار .

والوثيقة ايضا ليست مجرد رابط أو مجرد عقد له شروط وتوابع اذا تم الاخلال به ..(( ولو أن هذا يحدث فعلا فى حالة استفحال الأمر ووصوله الى المحاكم...))

لكن ...لنقل فعلا أن المرأة تتصرف بوحى من فطرتها التى فطرها الله عليها ..أى انها منذ اليوم الأول لولادة طفلها أ, حتى منذ معرفتها أنها تحمل فى احشائها جنينا ...يكون هو محور حياتها وتضحى بكل شئ فى سبيل اسعاد فلذة كبدها .

وضع الأب يختلف .....لأنه يحب طفله بالتدريج ..( حكمة ربنا سبحانه وتعالى )..

الحب والحنان الجارف يكون من الأم ....ثم....يأتى الحب والحنان من الأب حثيثا حثيثا..

الأب يزرع الشجاعة والفخر فى نفس ابنه ويضع فى حسبانه أن مهمته توفير الغذاء والكساء والتعليم ....لكن الأم وضعها يختلف تماما ..(( حتى وان قالوا غير ذلك ))...

لهذا...
فى حكايتنا القصيرة الموجودة عاليه...أ,.فى معايشتنا هذه .....نجد أنه حدث شئ ( خطأ )

ولو انه كما يبدو ظاهرا للعيان....ليس خطأاااا......بل ....حب وتضحية واباء وايثار ..
الظاهر شئ....والحقيقة شيئا يختلف تماما..
المودة والحب والايثار للأخوة..شئ جميل.اذا تم اعطاؤه .( لحد ما ) أو....الى أن يعتمد الأخوة على انفسهم .

لكن؟؟
التضحية الى ابد الدهر ....أو الى نهاية العمر ..!!

ولا أحد يعترض أو يقول (( كفى )) ..بل مع مرور الوقت ....يحسبونه حقا مكتسبا وكأنه ( ارث )

يتوارى الأبناء فى مخيلة الأب ...لأنه يراهم اقوياء .
لأنه تعود أن يرى دائما ....اخوته ...ضعفاء .

هل وصلك ما اريد قوله ؟

انها مجرد خاطرة ومعايشة ...تحدث دائما خصوصا مع الجيل السابق .

الايثار والعطاء كان اهم مبدأ يعلمه الأب لأبنه ...

خصوصا الابن البكر .

دمت بخير.

رابط هذا التعليق
شارك

فاضلتى

عظيم التقدير كامل اﻹحترام

دعينا نختلف من حيث المعنى على خطا

و من حيث الكيفيه

واﻹختﻻف ﻻ يفسد للود قضيه

ونتفق ان هناك خلل ما اصاب هذه الحياة

الزوجيه ؟

بدليل ان الزوجه سارعت لحماية اوﻻدها

ببيع بعض ممتكاتها لحمايتهم المستقبليه .

كما ظنى سنتفق

على ان الصوره الواحده لها اكثر من رؤيا

اخيرا حديثى لم يعمم بقدر نقل واقع من

تجربه حياتيه ...

كدائما

تتخم المنتدى طروحات حضرتك الثريه ...

اثمن تفضلك بالتوضيح

شكرا

واسعدنى مرورى

تم تعديل بواسطة باهى الطائر الحزين
رابط هذا التعليق
شارك

  • 1 year later...
قالت لها ابنتها الصغرى وهى تحتضنها...

كم  انت رقيقة يا أماه ..وصغيرة الحجم .

عندما كنت صغيرة كنت اقف على اطراف اصابعى وأحاول الوصول لوجهك لأطبع على خدك قبلة ..كنت أحلم بيوم أكبر فيه ويصبح وجهى مواجها لوجهك عندما اقبلك..وكبرت ووصلت لما كنت اسعى اليه وتمتعت بأحضانك بسهولة - بدون مجهود منى لمحاولات الوصول -

وها أنا اليوم وكأنه كتب على أن امضى العمر فى تجربة ومحاولة الوصول اليك .

تودعينى حين ذهابى ..اراك تتشبسين بذراعى ..تشبى ..احتضنك ..

وافعل ما كنتى تفعلينه معنا ونحن صغار ...

احنى رأسى و..اقبلك ..واحمد الله على وجودك معنا.

....

استمعت لها ..ترقرقت الدموع فى مقلتيها ..انفعالا وفرحة بهم جميعا.

قالت الحفيدة التى يقل عمرها عن ست سنوات ...هل سأكبر أنا كثيرا ؟

ردت امها ...طبعااا وتصبحين بنت جميلة طويلة ..

ردت الحفيدة ..أاطول كثيرا؟ ..اجابت امها ...طبعااا ومن الممكن أن تصبحى فى طول أباك..

قالت الحفيدة ...ثم؟

رد أخاها - تسع سنوات -قائلا...

ثم تكبرى و..ينكمش حجمك مثل جدتنا .

....

و..انها الحياة .

هى معايشات انسانية.

رابط هذا التعليق
شارك

  • 2 months later...
البعض...والبعض الآخر...الشرطة الأخلاقية...ثقل ذنب الأموات الأبرياء...  القشة فى عين الآخر....التصرف الذى لايكون كافيا ابدا..الحكم من أعلى على حساب اننا جميعا فى الأسفل ..القصف من وسائل الاعلام ...الطبقة السياسية..

الحرب غير المتكافئة....سعر البترول....طلب العون من مصدر خارجى غير موثوق ...موت الأبرياء دائما...العقوبة..اللعبة التى لاتنتهى..و..نحن فى شباك الصيد الشائكة نتخبط بالعصى..نحكم على بعضنا البعض قبل الذهاب للنوم..غدا يوم آخر..تبا لهذا النزق ..تبا لذاك الحزن.

رابط هذا التعليق
شارك

  • 7 months later...

نقطة. آخر السطر
لكل بداية نهاية...قالها ابي - رحمه الله - قبل ان يقولها نجيب محفوظ..
كل شئ ف الكون له بداية وله نهاية.
طيب فين المشكلة؟
فين ؟
المشكلة اننا بنعترف بس بالبدايات........
بس....
بس....
ولما بنوصل لآخر سطر ف الحكاية لازم نضع ..نقطة..
كدة حددت النهاية.
بكيفك ..غصب عنك..السطر خلص والحبر جف والقلم اتكسر وخلاص
وصلت للنقطة اللى اعلنت النهاية.
كان نفسك تكتب ...لكن ...
الدنيا خلصت والسطر خلص والحكاية اصبحت....كان...وكنا..
الدمع جف والقلب ضاع مع اللي راح ..
يا اوجاع اوجاعي كيف استعمرت كياني كله.
وجع فى روحي اهرب منه اليه...وكيف اهرب من نفسي وقد كنت نفسي؟
الصبر والايمان...الايمان والصبر ....و....الصمت الجليل.
قدر لك ان تولد فى بيت علي شاطئ البحر ..عشت عمرك كله امام البحر...
وياعاشق البحر ..فى الناحية الاخرى من البحر وفوق جبل عظيم يرقد فوق البحر ...كانت نقطة نهاية السطر ..بين احضان خضرة الجبل تنظر,,وترى البحر..
الشمس تشرق وتغرب...
الليل يتبعه نهار.
.والحياة تسير....تسير..

رابط هذا التعليق
شارك

  • 2 months later...

قال في لحظة صدق وفى هدووء.
سأحكي لك شيئا ياامي.
منذ حوالى اسبوعين تقريبا ..وفي طريقي لعملي فى الصباح الباكر..
لفت نظري رؤية امرأة مسنة..تحتضن شجرة عتيقة من ضمن اشجار كثيرة تقع على جانبي الطريق.
في البداية..كنت اظن انها تمارس بعض التمارين الرياضية للساقين أو الذراعين..هي سيدة مسنة ترتدى ملابس مناسبة لسيدة مسنة وتعقص شعرها بطريقة مناسبة لسيدة مسنة..
دااائماا نفس الشجرة..
لاحظت فى الأيام الأخيرة بعد ان دققت النظر عن بعد...انها تغمض عينيها وهى تحتضن الشجرة في دعة.
فكرت ان اصورها بالموبايل...ولكني تراجعت خشية ان تبدأ السخرية منها اذا رأي احد الصورة...و..وهذا هو الأهم ...خشيت ان اقتحم عليها خصوصياتها..وتخشى الموقف .ولعلها تختفي.
ولهذا...
قررت الا افعل اى شئ ..فقط قلت بصوت خافت جداا وكأنى احدث هذه السيدة المسنة.
سيدتى المسنة التى تحتضن الشجرة يوميا بعض الوقت بصمت..وبعيون مغمضة..
نحن لا نعرف اسبابك ..وما الذي يجعلك تفعلين ذلك..لكننا مدينين لك بالشكر الوفير لأنك بهذا التصرف التلقائى..تذكرينا بكل الكائنات الطبيعية وبكل ماخلق الله وابدع.
ما اروعك سيدتى وما اروع ما تشعين من سلام كل صباح.

قلت وانا احتضنه
ما اروعك انت يا حبيب قلبي وما اجمل مشاعرك.
دمت لي..لنا.بكل انسانيتك ونبلك.
انت انسان جميل ولذلك ترى الجمال فى كل شئ.
حفظك الله يابني.


 

رابط هذا التعليق
شارك

في 9/15/2016 at 18:27, Salwa said:

قلت وانا احتضنه
ما اروعك انت يا حبيب قلبي وما اجمل مشاعرك.
دمت لي..لنا.بكل انسانيتك ونبلك.
انت انسان جميل ولذلك ترى الجمال فى كل شئ.
حفظك الله يابني.

ما أروع الأم والإبن
بإذن الله هو قرة عين لك .. وفخر لأخواته
وربما فخر لوطنه
حفظه الله ورعاه .. وجعله مُحبا للحياة .. مقبلا عليها
برغم كل شئ .. كل شئ

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

    • تأملات في سورة الكهف

      السلام عليكم و رحمة الله و بركاته انهاردة الجمعة... و طبعا الجمعة يبقي سورة الكهف فيه أية جميلة من سورة الكهف "و إذ اعتزلتموهم و ما يعبدون إلا الله فأوا إلي الكهف ينشر لكم ربكم من رحمته و يهيء لكم من أمركم مرفقا" الشيخ الشعرواي...فسرها بشكل اكثر من رائع..... الفتية هربوا من ظلم الحياة... و ربنا قالهم اذهبوا للكهف.....اللي ممكن يتراءي للناس العادية انه مكان ضيق... بارد... مافيهوش خير.... و لكن لأن ربنا قال كده و لان الفتية كان لديهم من اليقين ان ربنا سيهيء لهم من أمرهم رشدا... آووا الي ال

      في هدى الإسلام

    • الأوبرا تقدم حفلات يومية أون لاين. … برافو وزيرة الثقافة

      مبادرة من وزارة الثقافة المصرية. الثقافة بين يديك. حفلات يومية بالأوبرا  تعيشي يا مصر  تعيشي يا مصر.  حتى في ظروف الضنك  بلدنا معانا

      في  فى الثقافة و العلم

    • تأمّلات و شطحات تاريخيّة ناشزة ( بس منطقية)

      هل كان الفراعنه هم عماليق الجزيرة العربيّة؟؟!!! وبالتالى : هل كان الفراعنه هم أنسباء سيّدنا اسماعيل عليه السلام؟؟!!! ======================================= كما يقول العنوان : هى تأمّلات تاريخيّة ناشزه قد تبدو كشطحات ولكن دعونى احاول عرضها ربّما وجدّتم فيها نفس المنطقيّة التى وجدّتها. دعونى أبدأ من الآية رقم 37 من سورة ابراهيم بالقرآن الكريم والتى تقول: "ربّنا انّى أسكنت من ذرّيتى بواد غير ذى زرع عند بيتك المحرّم" وهذا الواد غير ذى زرع هو وصف للفلاة أو البريّة التى ورد ذكرها فى التوراة فى

      في  فى الثقافة و العلم

    • تأملات في سورة الأنبياء - منقول من الفاضلة نبيلة جميعي

      طول عمري اسمع إن سورة "الأنبياء" معروفة بين المشايخ وأهل العلم بإنها سورة "الاستجابة" بس عمري ما دوّرت عن السبب  السبب هو إنها السورة القرآنية الوحيدة اللي ورد فيها لفظ "فاستجبنا له" أكثر من مرة وفي أكتر من سياق، اللفظ ده لم يرد في أي موضع قرآني خارج سورة "الأنبياء"، طب ورد فيها كم مرة وفي أي سياقات؟ أول مرة :" وَنُوحًا إِذْ نَادَىٰ مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ" آية رقم 76 تاني مرة عن سيدنا أيوب عليه السلام:" فَاسْتَجَبْنَا لَه

      في هدى الإسلام

    • عن عبدالناصر .. تأملات

      ‏أفضل ما قيل فى ناصرأنه لايمكن بمنطق حسابي خصم سلبياته من إيجابياته،فله إنجازات لاتنال منها الخطايا،وله خطايا لاتغفرها الإنجازات ‏⁧‫

      في تاريخ مصر

×
×
  • أضف...