اذهب إلى المحتوى
محاورات المصريين

تأملات فى معايشات يومية ..


Salwa

Recommended Posts

سلوى

وحشتينى قوى قوى قوى جدا"

انا اصلى سيبت عالم المنتديات

بس النهارده جالى ايميل من المنتدى

دخلت وحاسه بغربه شديده شكله بقى مش عاجبنى

اصلى تقليديه

وحشتنى تأملاتك

هاقرا واستمخ

ياااااه حاسه انى كنت مسافره

ياترى فاكرانى؟

يااااااه..

معقول ؟؟؟

ام البنات...احلى الكائنات ؟؟؟

نورتى بيتك وان شاء الله عودة دائمة ..

فعلا ف الأول عند حدوث التغييرات التى كان ولابد منها ...شعرت انا ايضا بالغربة ..

لكن؟؟ شوية شوية حاتتعودى ..

وحشتينا كلنا وعقبال يارب عودة باقى الطيور المهاجرة ..

وبعدين ده برضه سؤال يعنى ؟؟؟ معقول حد ينسى ام البنات ؟؟

الله يسامحك...

كل سنة وانتوا طيبين ..

نورتى الدنيا بحالها مش المنتدى بس... :roseop: :roseop: :roseop:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

  • الردود 302
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

 

سلوى

وحشتينى قوى قوى قوى جدا"

انا اصلى سيبت عالم المنتديات

بس النهارده جالى ايميل من المنتدى

دخلت وحاسه بغربه شديده شكله بقى مش عاجبنى

اصلى تقليديه

وحشتنى تأملاتك

هاقرا واستمخ

ياااااه حاسه انى كنت مسافره

ياترى فاكرانى؟

يااااااه..

معقول ؟؟؟

ام البنات...احلى الكائنات ؟؟؟

نورتى بيتك وان شاء الله عودة دائمة ..

فعلا ف الأول عند حدوث التغييرات التى كان ولابد منها ...شعرت انا ايضا بالغربة ..

لكن؟؟ شوية شوية حاتتعودى ..

وحشتينا كلنا وعقبال يارب عودة باقى الطيور المهاجرة ..

وبعدين ده برضه سؤال يعنى ؟؟؟ معقول حد ينسى ام البنات ؟؟

الله يسامحك...

كل سنة وانتوا طيبين ..

نورتى الدنيا بحالها مش المنتدى بس.

.. :roseop: :roseop: :roseop:

 

ربنا يحلى ايامك ويزيد كلمات رقه وعذوبه

الدنيا منوره بيك يا سلوى الرقيقه

يرضينى الهواء الذى تتنفساه يحيينى

يسعدنى الكون الذى يحتويكما يحتوينى

انتما كل شئ

وانا من دونكما لا شئ

رابط هذا التعليق
شارك

  • بعد 2 أسابيع...

السلام عليكم و رحمة الله و بركاته

بستأذن يا ماما سلوي حضرتك اني الليلادي بدل ما اتكلم عن تفاصيل كتيرة في حياتنا...انا هحط مكانها لقطة

60368_426792871663_665356663_4823082_5206943_n.jpg

هي لقطة يمكن تبان عادية....بس يمكن عشان انا معشتهاش حقيقي....لكن عشتها في حكاية بين بنوتة و جدتها

ساعات كتير بسال نفسي....طب انتوا بتحبوا الاحفاد اوي كده ليه....اصلي الحقيقة مخبيش علي حضرتك بغير....اه بغير...اتعودت اكون نمرة واحد في قائمة المشاعر لو كان ليها قائمة...متعودتش ان كائن شبر و نص مجرد حضوره البيت بياخد كل الاضواء....كل الاحضان اللي كانت ملكية خاصة جدا...كل المساحات اللي كنت فاكرة انها بتاعتي انا لوحدي

اضحكي يا ماما سلوي...لما الحفيدة بتخش البيت و تجري و تقول تيتة و تترمي في حضن مامتي...أنا....الاقي نفسي انا كمان علي طولي دوت...بجري و بعمل نفس اللي بتعمله

انا عرفت دلوقتي ليه بتحبوا العيال الضغيرين دول اكتر مننا....هو مش اكتر.....بس طعم احلي...طعم مشطشط

بتحبوهم عشان براءتهم بتصحي جوانا طاقة نور.....تفضل تنور فوقيهم و حواليهم منين ما بيمشوا

احيانا بيتهيالي....ان الحفيدة دي ماشية و حواليها هالة نور.....كل ما تلمس حاجة تنور

و عشان كده....تيتة....(او مامتي بمعني اصح).....عايزة تحضنها....و تنور

ربنا يخليهم لينا....ينوروا دنيتنا.....جوه حضن تيتة...(و انا هفضل اتفرج من بعيد :rolleyes: )

صباااااح حضرتك....بدفا حضن الحفيدة....لما تيجي عليكي جري

تم تعديل بواسطة لماضة مصرية جدا
رابط هذا التعليق
شارك

لماضة اللمضة جدااا والبنوتة الصغننة اللى جواها كل نقاء الحياة الحلوة ..
ياريهام ياحبيبة قلبى ...
رغم ان جدتى ( الله يرحمها ) شافت تقريبا كل احفاد ابنتها ...واخدة بالك؟؟
لكنها حتى حين وفاتها لم يكن وجهها قد تغضن بكل جمال وجه ..صاحبة الصورة ..لهذا اظن ان هذه جدة الأم ..
ولهذا..
حاولت ان اشرح لك بداية ..احساس جدتى انا ...بأبنتى ..
كانت تعاملها وكأنها شئ مقدس تعامله بكل خشوع وترقب وحنية منقطعة النظير ..كانت تتأملها كل لحظة .. وهى نائمة وهى تأكل وهى تجرى وهى تلعب .. كانت تناجيها حتى وهى نائمة ..وكانت تشعر ان الله راضى عنها ووضح لها هذا الرضا بمنحها عمر اكثر مم تتخيل حتى ترى احفاد ابنتها ...!!
كانت تعتبرها جائزة ...منحها الرب ويمنحها سبحانه.. لكل المؤمنين ..
رضا وامتنان كنت اراه على وجهها وهى تحتضن اى من الاحفاد ..
لن اتحدث عن امى ... كجدة ..وحنان جارف من يتبوع لاينضب .
وايثار منقطع النظير ..
واحتواء ..(( غير عقلانى ..لو تم تصنيفه بمقاييس الزمن الحالى )) .
جدتى وامى ..وبالتالى انا ..ثلاثة اجيال ..يفرق بين الاولى والثانية سته عشر عام ..
وبين الثانية والثالثة سبعه عشر عام ..
امى كانت جدة ولم تتم سبعة وتلاتين سنة ..وجدتى رأت احفاد ابنتها وعمرها اقل من اربعة وخمسين سنة ...!!!
ربما كان او سيكون حديث معاد... وربما تقولين حتى بينك وبين نفسك ..
سلوى تعتبر امها ...كائن نورانى . .. يظهر كل مائة الف عام .. نور ..صعب ان تراه يكتسح اى مكان ..
ولكنها امكنة محددة يختارها الاله سبحانه بعناية فائقة ...فيطغى بنوره على مساحات كثيرة مليئة ببشر محدودة..
هى ...عنصرية لعلها محببة لى انا واخوتى ولا ضرر منها ..للغير..
فقط..
اردت توضيح شئ هام..
ان الحنان والرحمة كانا ..وكأنه شيئا متوارثا ..
جيل رأى جيل وجيل ...
وبالتالى ..
ما حدث بعدها لم يكن ....بالتالى...شئ جديد..
لكن؟؟
اختلف المذاق..
اختلفت الأزمنة واختلفت الأمكنة ...واختلف الانطباع..واختلفت الرؤية .
لكن دائما كان الجوهر وااحد.. :rolleyes:

سبحان الله ياابنتى الغالية ..
حب الجدة او الجد للأحفاد شئ لايمكن تصويره بمجرد كلمات ..
منحة من الرب ..جائزة ..
حفيدى سوف يتم خمس سنوات بعد سبعين يوم ..
حفيدتى ..بعد اسبوعين ...يكون عندها ستة اشهر ..

مامعنى وجودهم فى حياتى ؟؟؟
اقصد....
ما هو تأثيرهم فى حياتى ...ماهو شعورى ...هل جد جديد؟؟
كيف تغيرت المفاهيم؟؟
واسئلة كثيرة تودين وتستعلمين عنها ...
الحفيد...
تخيلى ؟؟
هو حب بلا اى مسئولية ....
هو ف الحقيقة ...اعاشة الشباب مرة اخرى لكن بطريقة اهدأ ..
هى حياة جديدة لى ..
تخيلى ؟؟
يتدفق الدم فى عروقى واشعر بنفسى طفلة صغيرة مثله ..اجرى معه ..العب معه ..(( بعض الوقت ...لااستطيع بالطبع ان اجاريه لمدة طويلة )) مجرد ان يحتضنى اشعر وكأن الحياة تمنحنى عمرا جديدا مضافا الى عمرى الحقيقى واشعر بنفسى اكثر سعادة ... فعلا هو احساس وكأنه اكسير للحياة ...
وجوده بملأ البيت بحياة....كانت لها فترة طويلة تسير ببطء بنظام قاس بعض الشئ ..
الأكل فى ميعاد محدد ... كل يوم نفعل نفس الاشياء الروتينية .. نرى الاخبار ونحن نتناول الطعام .. نجلس ف نفس المكان لتناول القهوة او الشاى .. كل منا مرتبط بشئونه الخاصة ..
وفجأه ..
اتى من (( يلخبط ..كل شئ)) ..يشيع فوضى محببة ..
يجبر جده على الاستلقاء على الأرض ...واللعب معه..
يحكى ..ويحكى ..ويحكى ...وف نفس الوقت هو مستمع جيد ..
اضبط نفسى ...ومعى زوجى ..... نبحث عن قنوات الاطفال ..ونشاهد باهتمام (( غريب علينا )) الرسوم المتحركة المحببة لحفيدنا الغالى ..
وان اردت الابتعاد ..فأنا ابتعد بكل حذر حتى لااضايقه بسماع صوت خطواتى الهادئة جدااا..
وبعدها نبدأ فى حكاية الحكايات (( اختار له دائما حكايات تعلمه شيئا جديدا ))
اسأله ايه رأيك فى كلام صديقك نخللى البيسين ثلاث مرات ف الاسبوع بدلا من مرتين؟؟ ؟؟ هو يسمى اباه ...صديقى المفضل .
نتناقش...
اشعر انى ...اطعمه معلومات كثيرة اكبر من سنه...لكنه يتقبلها ويتذكرها ..(( ماشاء الله عليه ..يثبت انه مصرى. عاوز يعرف كل حاجة بسرعة ))

ماالذى حدث ؟؟
كيف غير هذا (( الصغير جداااا )) حياتنا؟؟؟
ما الذى يفعله فى اولادى ؟؟ ابنى وبناتى ؟؟
كأنهم يأخذون ميعادااااااا.......مع ملك البلاد ...هههههههه

انت اليوم معنا...انا احجز يوم السبت.سوف نذهب متحف الاحياء المائية .. يوم الأحد سوف نذهب لحديقة الحيوان
انا احجز يوم و سوف نذهب لمتحف الفن الحديث..
شئ مش معقول ...
كأن الجميع فجأة ..وجد ضالته المنشودة فى هذا الطفل الصغير..
هو فعلا طاقة نور ..تملأ ارجاء اى مكان يوجد فيه..
اما اخته؟؟؟
هى شمس ..
فعلا هى شمس تشرق واشرقت فى حياتى ..
تتسارع نبضات قلبى وانا احتضنها ...يااااه...هذه الجميلة الصغيرة تحمل عروقها دمائى ..
ياه...كم هى بريئة ضمة الاحفاد...حب بلا اى مقابل..
تبتسم دائمااااااااا
تستيقظ بابتسامة رائعة ...

شوفى ياريهام ..
زمان....بابلو بيكاسو قال ايه؟؟
قال...عمرى علمنى ...انى حتى اتعلم ان اعيش شابا دائما....لابد اكون عشت سنوات كثيرة ..

ودى الحقيقة ..
الاجداد بيكونوا وصلوا لسن معين ...وبتكون المسئوليات اصبحت قليلة او شبه قليلة او بمعنى ادق لاتوجد مسئوليات كمسئوليات الآباء ..
زى ما بيقولوا عندنا ف مصر...
بيعيشوا ..(( بالراحة )) ..
مفيش عصبية ..
مفيش نعيان الهم ..(( الاولاد لابد يذاكروا ...لابد ينتهوا من دراساتهم...لابد يتجوزوا...ىبد ولابد ولابد ولابد ))
بيفكروا ف كل حاجة ...ف كل حاجة لاولادهم..........وينسوا نفسهم .
فعلا بينسوا نفسهم..
ييجوا الاحفاد...
دم جديد وحب جديد ..بدون اى مسئولية ...فترة شباب جديدة ..
علينا ندلع وعليكم تربوا وتتعبوا ...
والحياة تسير...وآهى راية كل واحد بيسلمها للتانى ...وتستمر الحياة ..
ربنا يسعدكم جميعا ويارب كلكم تبقوا اجداد وتفرحوا بالأحفاد وبرضا ربنا عليكم ..
:roseop: :roseop: :roseop:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

السلام عليكم و رحمة الله و بركاته

يااااااااااااااه......طالعة اوي من القلب يا احلي ماما سلوي

عارفة بقي حضرتك و كلامك اللي اشك ان حروفه شبه حروف الابجدية بتاعتنا دي خالص

حضرتك بتعملي ابجدية سلوي....ابجدية بتخلي كل حرف و كل كلمة...لازم يخلي الواحد يقوم و ياخد حبايبه في حضنه

يا رب ما يحرمني من ابجدية حضرتك و من كل احساس بيطلع منهم و يخبط بدفا علي قلب اللي بيقرا...بقلبه قبل عينه

عارفة يا ماما سلوي....لما قولت لحضرتك انا بغير....لاني فعلا معشتش مع اي جدة في الدنيا....و كل ما اشوف اصحابي بيقولوا احنا هنروح نبات عند تيتة....او لما بيبقوا عايزين يضغطوا علي اهاليهم في كلية....في رحلة....في جوازة....دايما عبارة...."طب و الله لاقول لتيتة"

كانت جملة بسمعها كتير....و بسال نفسي هي تيتة بتاعتكم دي عندها عصاية سحرية يعني بتغير الكون

حضرتك كتبتي كتير عن وجود الحفيد....و اد ايه بيلخبط....في فوضي محببة حياة كانت ماشية ع المسطرة

خليني ااقول لحضرتك...انا كنت ببص عليكي و انتي بتكتبي

يا ماما سلوي.....وجود حضرتك....و كل جدة في حياة احفادها هو ده النعمة الحقيقية....هو ده السحر اللي بيخلي لكل الامور الي متحددة في مساراها تصحي و تتمرد

يمكن انتي شايفة ان الحفيد هو مصدر البهجة....حقيقي جدا

بس الحفيد كمان عايز يقول لحضرتك....انتي مصدر الامن....انتي حمايته....انتي الحضن اللي بيستخبي فيه....و يقول...و الله لاقول لتيتة

عارفة يا ماما سلوي....حلم الامومة....عندي اوقات كتير بيكون زي موج البحر...عنيف....فاير...متمرد

و لما في اوقات كتير بروضه و بلجمه.....و بقول خلاص بقي انا اصلا بخاف اكون ام....ببص علي مامتي كتير...و ببص علي فرحتها بالحفيد....و اقول يا ربي هبني ذرية طيبة....تفرح بيها امي الغالية دي.....فرحة يمكن باحاول اديهالها بالطريقة اللي تفرحها هي...و ترضيها هي

نفسي الفرحة تتضاعف في قلبها....تنسيها كل لحظات الوجع

ربنا عالم

ربنا يخليكوا لينا......ماما....و جدة......و فرحة دنيتنا.....و نور قلبنا اللي ماشيين ببركة دعواته

مسااااكي رضا يا ماما سلوي :roseop:

رابط هذا التعليق
شارك

  • بعد 2 أسابيع...

Chile%20Mine%20Collapse_Dupr.jpg

b4d79b43635bfbf10de03dec2e9f2d15.jpeg

السلام عليكم و رحمة الله و بركاته

صبااااااااااااااح بفتح حرف الحاء ع الاخر.....يشم النسيم و ناخد هوا يملانا اوي

صباح بصوت تنهيدة....يااااااااااااه اخيرا

صباح باليقين.....ان بجد الصورة هتبقي احلي

صباح النور يا احلي ماما سلوي في الدنيا

النهاردة الصبح و انا بتفرج ع التلفزيون كان الخبر ان عمال المناجم في تشيلي ابتدت انقاذ اول واحد منهم

من 11 دقيقة بس....او ل واحد بيخرج من عمق المنجم....من رحم المأساة اللي امتدت ل 60 يوم...من ضلمة الوحدة و الخوف و برد الياس

اول واحدة بيخرج للدنيا.....بيتنفس صح.....بيطلع زفير الليالي الضلمة

بياخد شهيق تاني للدنيا.....بياخده اوي اوي

مكدبشي علي حضرتك....انا مكنتش عارفة الموضوع بتاع عمال المناجم دوت غير لما حضرتك نوهتي عنه في اكتر من مداخلة سابقة....و مكدبشي علي حضرتك برضه اني مكنتش متابعة تطورات الوضع

بس مش هقدر اكدب علي حضرتك لما ااقولك....اني بجد فرحت اوي النهاردة الصبح لما شفت اول واحد خارج

و مليون سؤال ابتدي ينط في دماغي

احساسه ايه

هيرجع للدنيا عينيه شايفة ايه....اكثر زهدا....اكثر ايمانا....اكثر بهجة....و اكثر صخبا....و لا حياة المنجم و المحنة هتخليه اكثر عزلة

يمكن عامل المنجم البسيط اللي اضطرته ظروف انسانية طاحنة انه يشتغل المهنة دي...مش هيدور ع الاسئلة يعني الفلسفية اوي دي

مش هيعقد حياته انه يفلسف...ليه....و ازاي....و ماذا بعد

بس اتصدقي في لحظة اتمنيت اكون عامل المنجم دوت.....في لحظة اتمنيت اني اخرج كمان من المنجم....و القمقم اللي انا داخلاه بكامل ارادتي و وعيي و اختياري مع سبق الاصرار و الترصد

و فجاة حسيت بشعور الخروج....من الصندوق....تفرد اطرافك....تتمطع مع عقلك....تستفز نفسك....و تقوم تنفض تراب الحزن اللي شايله علي قلبك

كل واحد فينا عامل من عمال المناجم بتوع تشيلي....يمكن انا عايشين بوشوش تانية....و في قارات تانية بعيدة....بس بنتفنن ان احنا نصنع لنفسنا مناجم.....ضلمة....موحشة ...و بنفضل ساكنين جواها...خايفين نخرج...و مستنين محاولة انقاذ تجيلنا من برانا

محدش هيحدف لينا الطوق....محدش....هينبش عننا في التراب

زي ما حفرنا الكهف و قعدنا فيه...(بس يا ريتنا كنا زي فتية اهل الكهف...دخلناه طاعة و عبادة)....لازم نفز...(اه هو اللفظ كده...لازم نفز...مش نقوم)....عشان فيه بره الكهف حياة احلي بكتير.....فيه الوان من السعادة...من رب لا يغفل و لا ينام

كلامي مش مترتب....افكاري مبعثرة....و جوايا طاقة ملازماني لفكرة مش قادرة اخد فيها قرار من فترة....و النهاردة بفضل الله..."فزيت"

عايزة ااقول لحضرتك....صبااااااح.....حرية الافكار...و حرية الروح....و انطلاقة الحياة

صباح اليقين ان كتاب ربنا لينا في الدنيا...لسه مخلصشي...لان الصفحة الحلوة لسه مشنهاش

صباح حضرتك....ملامح....وشوش بتلامس ضي الشمس و تعانق الحياة

صباحك يا ماما سلوي....كما يليق بيكي

ادعيلي

في امان الله

رابط هذا التعليق
شارك

لماضة الغالية جدااا ..
تعرفى ياريهام؟؟
تعرفى ايه اللى جعل الموضوع ده كل الناس تعرفه؟؟؟
تعرفى ليه كل الجرائد والاذاعات والتلفزيونات على مستوى العالم ملهاش اى موضوع غير ده...

تعرفى ليه انتى عرفتيه دلوقت..رغم انى قلتهولك قبل كدة ومررتى عليه مرور الكرام؟؟؟.وغيرك كتيررررررررر..
رغم انى كتبت عليه من زماااان ومن اول يوم حصل؟؟
تعرفى ليه؟؟؟
لأنك افتكرتيه موضوع زى كل مواضيعنا....موضوع زى موضوع القطارات اللى بتتحرق...والبواخر اللى بتغرق والبيوت اللى بتتهد على اصحابها ....موضوع زى موضوع الدويقة ...وجبل المقطم ..
موضوع زى باقى (( مواضيعنا )) ...اللى كل ما تزيد تحسسنا اننا ....((( منساويش حاجة ف بلادنا ))).
وجه موضوع عمال المناجم...,فين؟؟ ف شيلى .....يعنى عالم ثالث ...
وشوفى حصل ايه؟؟؟
عرفتى ليه دلوقت ....انتى عرفتى ؟؟؟؟

لأن الناس كلها ....كلها....كلها...على مستوى العالم كله..العالم الاول والثانى والثالث ...والرابع
محتاجة تسمع خبر حلو ...
الناس كلها دلوقت على مستوى الكرة الأرضية كلها....محتاجة تسمع خبر حلو وحاجة اتحققت ...اتحققت بصعوبة ...
معجزة ...معجزة يعملها الناس ...
يفكروا ...,يخططوا ويرسموا ...ويحققوا كل اللى كانوا بيحلموا انه يتحقق ...
واخدة بالك؟؟؟

انا لسا حالا كنت بكتب ف موضوع آخر وبقول ...الناس دى كانت ولازالت بتؤمن بالأرض ..الأرض الطيبة اللى مبتخونش ..
يعنى انا سمعت محادثة بين زوجة بتكلم زوجها ...( البوليفيانو ...الوحيد اللى مش من شيلى ) بتقول له انت حاتخرج...ولابد تعرف انى بحبك وانك حاتخرج وحاتعيش ...والأرض دى حاتولدك تانى ..
يعنى بصراحة ...
انا مكنتش بنام...انا كنت بدخل حجرة نومى واقول لأولادى ..أنا داخلة ( منامش ) كنت اتابع كل شئ بشغف..
كنت بتمنى فعلا ان الناس تخرج تانى للدنيا...كنت عاوزة اثبت لنفسى ان فعلا الدعوات ممكن تحقق معجزات بجانب العمل ...
صدقينى ياابنتى الغالية ..
كمية مشاعر اليوم كانت بالنسبة لى فعلا ...اكثر من ان يستوعبها عقلى وقلبى ..
الناس طيبة ...طيبة قوى ..
فيه ناس كتيررر قوى غلبانة ....وراضية ...
يعنى تصدقى ؟؟؟
من طيبة قلب الرئيس البوليفى ...وعد البوليفى الوحيد الموجود مع المجموعة انه يعطيه شقة ويلاقى له شغل ....تصدقى ؟؟؟
ممكن ناس تسخر ....لكن الحقيقة انا مأخدتش الموضوع بسخرية ...
لأن الناس دى طموحاتها مش كبيرة بالشكل اللى بتلاقيه ....ف اى مكان تانى ...!!!!
سبق لى وقلت ..
ان ف بلد صغير من اميركا الجنوبية ....طلب الرئيس السابق رسميا (( ان يعتذر لملك السعودية )) لأنه سيضطر لبيع قلادة من الماس وهدايا ذهبية اخرى اعطاها الملك ...لزوجة الرئيس ...فى احدى زياراته الرسمية لبلاده..
وبرر هذا الموقف بقوله...
كانت هذه الهدايا لزوجتى بصفتها...زوجة الرئيس...والآن؟؟
بلادى تمر بظروف اقتصادية قاسية ....وهذه الهدايا تزيد عن مليون او اكثر من الدولارات ...والشعب يحتاج لهذه المبالغ...
عارفة ياريهام....
الخلاصة ...
انا بحب قوى الناس ....اللى بتحب الناس ..

ربنا يجعل ايامك كلها نور يملأ قلبك دائما بالرضا والتفاؤل...

افتكرى كلمتى ....
فيه حاجة اسمها ....(( لسا مخترعة الاسم حالا )) ...تداول الحنان ..,الرحمة بين البشر..
كونى بخير دائمااااااا
:roseop: :roseop: :roseop: :roseop:
.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

قريت لك كلمة قبل كدة زماااااااان

إن الكتابة بتطهر الروح!!!

تسمحيلى أحكيلك حاجة...

ساعات بحب أكتب قوى لأنى بابقى فرحانة قوى و مش قادرة أعبر عن فرحتى دى إلا بالكلمات و الحروف فقلمى هو اللى هيعبر

و ساعات باكون فرحانة بس مش عايزة الوقت بتاع الفرحة يضيع فى الكتابة!!!

كمان ساعات بالقى حزينة جدا و مخنوقة لدرجة إنى مش عايزة أتواصل مع حد كتابة أو كلام أو بأى طريقة...عايزة أخبى و شى فى حجرى و أخبى دموعى

و ساعات بابقى حزينة برضه قوى ...بس عايزة أخرج من كدة عايزة روحى تخف

عايزة روحى تتطهر...

تتطهر بجد من الحزن و الكآبة و شدة الأعصاب

ساعاتها مابيجيش على بالى غير الكتابة و أنتى ...

آجى أطهر روحى و نفسى عندك يا سلوتى فى الركن الخاص جدا بتاعنا و إحنا بنشرب فنجان القهوة بتاعنا سوا وسط رغى كتير و تفكير عميق

أنتى عارفة الموضوع بتاعىواحشنى قوى

ونفسى أكتب فيه

بس مش قادرة

مش قادرة بجد

عندك حل؟؟؟

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

صباح جديد رايق جدااا وكله فرحة يااجمل سوسو رانى فى الدنيا..
(( طبعااا...هو مفيش سوسو رانى تانية ؟؟؟ ماهو ف الحقيقة مفيش حد زى حد تانى ابدااا حتى لو كان توأمه )) ..
تتساءلين عن.. ما يحدث ؟؟؟ تتعجبين لماذا تتعذر الكتابة علينا ...ويتعذر التعبير بالكلمات فى اوقات الفرح واوقات ..اللافرح.
تتساءلين؟؟ اليست الكتابة هى تطهير للروح؟؟ هى فعلا مرآة للروح و... وضع للأفكار بطريقة ....مسطحة ...ورؤيتها وهى تسكن
البراح الذى اخترناه...الست معى فى ذلك؟؟؟
لماذا تتعذر الكتابة فى احيان كثيرة ؟؟؟
تتشابك الأحداث الانسانية ياسوسو ..نمسك بالقلم ..او...نحاول الكتابة عن طريق الكمبيوتر فى فكرة معينة ...وفجأة ...تدخل فكرة اخرى تقتحم المكان..اقصد الفكر ..
وبلا ارادة ...نغلق صفحة كنا نود ان نرسم فيها وننسق كل حروفنا المتصارعة..
سوف اكمل حديثتى معك ف وقت آخر ...
لكن؟؟
ادخلى ياسوسو صفحتك الصافية ..ادخلى ..وابدئى بتصوير كل خلجات نفسك حتى لو كان ذلك بطريقة غير منتظمة ..لاتهم الخطوط ان كانت ..بالطول او بالعرض...
المهم...
ان تخرج كل الدوائر التى تدورين بها وحولها ..
ترسم شمس وفقاعات كبيرة ملونة تسبح فى الفضاء اللامتناهى وتتقاطر راحة وأملا .
كونى بخير دائما ..دائمااااا...
لنا عودة ان شاء الله.
.. :roseop: :roseop:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

  • بعد 5 أسابيع...

السلام عليكم و رحمة الله و بركاته

ماما سلوي....الغالية جدا

مسااااكي قعدة في البلكونة....و كوباية اعشاب مغلية و مسنودة علي السور..و كانها بتتفرج ع اللي ماشيين من تحت البلكونة

باركيلي يا ماما

اخدت قرار...اني اتخلص من

"الكراكيب"

سامحيني في اللفظ

يعني انا مش عارفة مين سماها كده..يا تري عشان هي بتتكركب كده فوق بعضها و بتحتل مساحات مش من حقها

و لا عشان مجرد رؤيتها و ذكرها بيستدعي كركبة في الروح لانه بيحرك جواناتأنيب الضميرمن المهمة المؤجلة دوما و المفروض نتخلص منهم

و لا عشان هي بتعمل كركبة في العقل....عمالين نكدس...و نكدس في المتاع....و ناسيين ان احنا في محطة ترانزيتية....الاستقرار فيها هيكون اكيد ضرب من العبث

"كراكيبي".....هي تفاصيلي الصغيرة اللي كنت بهرب ليها لما الدنيا تاخدني تحت اوي

هي قصاقيص حياة....محدش عاشها غيري....و محدش يقدر يقف عندها بدوني....لاني اللي فاهمة معناها و اقدر احكي كلامها....وجعها....ضحكتها المستخبية

كراكيبي....هي اشياء تبدو للوهلة الاولي....متناقضة جدا....و لما تعرفي صاحبتها هتعرفي انها أشياء معبرة جدا عن كائن فوضوي جدا جدا

ليه قررت في لحظة اني اتخلص منها....

لاني حسيت اني بسافر و شايلاها معايا....

و الوزن الزيادة اللي بدفعه في كل سفرية.....هو فعلا وزن زيادة....مش بس في الفلوس

ده عامل زي الكرة الحديد اللي عمالة اضيف ليها ثقل....و كأني خايفة لو اتفك القيد من قدمي....هيختل توازني و هينعدم احساسي بالجاذبية الأرضية

لما غيرت ستاير البيت....و لما غيرت نوع البخور (الستاير و البخور...هما اهم تغيير ممكن اعملهم في بيت...الستاير عشان بتفصلني عن عالم بحب اشوفه من ورا الزجاج....و البخور عشان بيسحبني في حالة خدر...بعشقها)

لقيت.....ان جوايا كمان...."كراكيب روح قلقانة"

كان لازم افكر من زمان ان الروح كمان جواها كراكيب.....جواها حاجات كتير.....لازم بقي نفضي مكانها

لازم نشوف المساحة الفاضية....عشان نقدر نحس بالروح من جوانا تاني

لازم....ازيح...و أزق....وأودع بلا حسرة مشاعر كتير...احتلت زوايا من النفس....و اكيدكان احتلال....لانها مش ارضها

لو ارضها...كانت نبتت...نباتا حسنا

لكن...هي مش ارضها

لازم اشيل الكراكيب....عشان....شايفة الشمس واقفة من ورا الشباك....بتستاذن في الدخول....و مش لاقية مكان جوايا من كتر الكركبة

لما بنغير بيوتنا.....بنتعب شوية....يمكن شهر....يمكن شهرين

و لما بنعيد ترتيب روحنا.....هنحتاج.....العمر كله....و يمكن نوافق لحظة ربانية....يمكن ربنا يهدينا للحظة...نغمض عينينا.....نخلص النية.....نبكي بصمت....و نفتحها....و نلاقي

شيئا في الروح قد سكن

يمكن

بحاول....و هحاول.....

لاني عايزة اتنفس....

و عايزة افتح الشباك....

و عايزة افرد دراعاتي....و املي نفسي المكركبة دي....بالهوا

عايزة احس بذرات الهوا بتتخللني.....بتغوص فيا....بتزق كل مشاعر كانت عبء جوايا....بتزقها...و بتحدفها بعزم دراعي لابعد مكان

عايزة اتنفس.....هوا نضيف

بحاول

بحاول

بحاول

بعافر

شفتي بقي.....مش قولت لحضرتك...."كراكيب"

مساحضرتك مساحة ممتدة علي مدد الشوف....خضرا...منطلقة....حرة....عفية....من غير اي كراكيب

رابط هذا التعليق
شارك

قريت لك كلمة قبل كدة زماااااااان

إن الكتابة بتطهر الروح!!!

وقفت انا كتير عند الجملة دي

الكتابة.....بتطهر....الروح

ليه بقي؟؟؟

عشان بتخلينا نشوف اللي كان مستعصي يطلع ع اللسان....لكن فضحته العيون

عشان هي بتجي من اعماقنا اوي...ولو هي عفوية جدا....يبقي هتعرينا اوي....و هتكشف علي الوجع بسهولة

و لا هي عشان الروح حيرانة و قاعدة عايزة شباك تطلع منه....تتنفس فيه!!

الكتابة بتطهر الروح

و الصلاة كمان بتطهر الروح....

طب ممكن الكتابة تكون نوع من الصلاة!!

طب ممكن نكتب لربنا حاجات....و نحكيله حاجات....و نكلمه....و عارفين انه سامع و بيرد علينا يمكن مش بنفس السيناريو اللي طلبناه....بس السيناريو الاحلي لسه مشفناهوش....بس هو يقينا...هنا

طب ينفع...!!!

رابط هذا التعليق
شارك




 

طيب ينفع؟؟

ينفع قوى ..مينفعش ليه؟؟

يعنى ياريهام باشا حاتلاقى مين وايه ف الدنيا دى كلها ممكن يسمع حتى الحوار اللى بيدور داخل نفسك ومطلعش ابداا ككلمات ...لا على الورق ولا لحد..ولا حتى لكى ولنفسك بينك وبين نفسك؟؟
مفيش حد..
هو وحده القادر والعالم .
ربنا سبحانه وتعالى هو سبحانه العالم بكل انسان ..
انتى بس اطلبى واتمنى وان شاء الله كل شئ حايتحقق بعون الله..
اتخلصتى من الكراكيب ياريهام؟؟ ..ياريت...ياريت يكون ده فعلا حصل .
ياريت كراكيب النفس وكراكيب احتياجات الجسد وكراكيب ملهاش لازمة ..نستغنى عنها ..
عارفة ...انا ليا فترة ( وقلت الكلام ده كتير ) ببدأ استغنى عن..اشياء واشياء واشياء وأفكار مكركبة حاجات كتير فوق بعض .. كتير..
كتير قوى قوى وملهاش اى لازمة تاخد اى مساحة من تفكيرى ...او تحتل ولو جزء ضئيل جدااا من مشاعرى .

لسا لحد دلوقت مكملتش اللى بداته..بس بدأت....بدأت وقطعت مرحلة كبيرة جداااا.

امبارح ...حضرت كيسين لالقاء اوراق (( كانت مهمة جدااا...بالنسبة لى )) ...والاستغناء عنها ...وتركها ترقد براحة فى صندوق مهملات ..سوف يأتى فى الصباح عامل النظافة لأخذه....ثم..سوف يذهب به الى مكان معين ..ثم...بالتأكيد سوف يتم تدويره مع باقى (( استغناءات اخرى ...من بشر آخرين )) وبقدرة قادر سوف تتحول هذه الاشياء الى اشياء مفيدة ....بعض منها ضئيل جدااا سوف يتم القائه فى البحر ....وربما....حبات صغيرة سوف يكون مصيرها النهائى شاطئ مولدى ...وتبدا دورة الحياة مرة اخرى ..

ليه قلت انى احضرت كيسين؟؟؟
لأنى حتى بينى وبين نفسى ...لااحب ..حب الاستطلاع عند بعض البشر ..اعلم انها وسوسة غير مجدية و..اظن انها ليست مرضية .
لكنى مثلا...امزق الرسالة لأربعة اجزاء...وارمى فى كل سلة جزءين...وهكذا..
وثيقة بها اسمى مثلا...او غيره .
نيجى بقى لكل الكراكيب اللى شايلينها جوانا..
ساعات برضه بيتهيألى ان الاشياء اللى بنقدر نلمسها بايدينا وشايلينها بتفكرنا دايما دايما بحاجات عاوزين ننساها ومش بنقدر ننساها .
يبقى الحل اننا (( حتى لو كان ده غصب عننا وبيصعب علينا )) نتخلص منها ...هو الوجع على الفقد حايحصل مرة واحدة ..وخلاص.

امبارح لقيت صور فرح..واحدة كنت فاكراها صاحبتى ..صور يعنى كتيررر مش صورة والا اتنين .؟؟وشرايط فيديو ..و..و...
قطعت كله(( بمزاج يعنى ....بدون اى ندم )) وكان فيه صورة فيهم واحدة حبيبتى قوى ..وصعب تفصليها يعنى ..
بصيت لها بكل حزن...ومفكرتش مرتين....قطعتها ..مزقتها يعنى ...(( اتكلمت بينى وبين نفسى ف سرى يعنى ...اعذرينى ياحبيبة ..انتى جوة قلبى .لكن صورتك دى ...كأنها لم تكن..
بعدها حاولت اقنع نفسى ...طيب مانا لو ( ودعت الحبايب وذهبت ف رحلة اللاعودة ) مين حايحتفظ بالصور دى ؟؟

فاكرة ياريهام لما اتكلمت على ....الصور ؟؟
الصور اللى كنت بتمنى اشوفها ؟؟؟كنت اتمنى تكون الصور دى بتسجل مراحل عمر معينة ...كلنا مع بعض ؟؟؟
فاكرة ؟؟
بعدها....مفيش اى ندم على اى شئ ....تلغيه من حياتك..

فيه مثل مصرى عندنا بيقول ..بعد امك وابوك ...الكل جيران..
فاهمة ؟؟؟
يعنى اغلى اتنين ف الدنيا لأى انسان ....هما الأب والأم..
بعد كدة حب الأخوات ....حتى لو قلتى انا بحب اختى دى اكتر من دى ..أو اكتر من اخويا ده....مبتفرقش فعلا ..
كلهم اخواتك...كلهم بيتساووا ف درجة الحب والمودة ...
بس زى امك وابوكى ؟؟؟ لالالالا طبعا ..مستحيل حتى لو اى انسان قال غير كدة ..
يعنى انا مثلا بحب اصغر اخواتى ( الحريم ) جدا جداااا....لدرجة انها ف مرة قالت انا بشعر فعلا ان سلوى بتحبنى وبتخاف عليا كأنها امى ...وانا يومها اعترضت واعترضت بشدة ..قلت لها الأم هى واحدة بس ...انا فعلا فعلا بحبك كأنك أكبر بناتى ...كأنك ...ولم اقل ابداا مثلها ..هو شئ مختلف بالتأكيد ...نفس الشئ بالنسبة لأصغر اخوتى ( الرجال ) ..

الخلاصة يعنى ...
حانحتفظ بصور ورسائل ....ناس ..كانوا اصدقاء ...( ليه؟؟) .
برضه فيه حاجة تانية ..لو ان هذا ليس موضوعنا..لكنه ايضا موضوعنا على فكرة لو كان الغرض هو مناقشة كل ما نختزنه من احداث ...واشياء تابعة لهذه الاحداث ..
انا مثلا..مش من انصار اللى يسجل فيديو او سى.دى......لحفل الزفاف ويوزعه على الناس .....الله؟؟هو فيه ايه؟؟؟
لابد الجيران والحبايب والاصدقاء يبقى معاهم نسخة ؟؟؟؟ياسلام...
المفروض ان ده يوم جميل وكل الحبايب والاهل اتجمعوا مع بعض ....صح اعمل فيديو واعمل سى .دى ....لنفسك .

يمكن ده تفكير عقيم للبعض ...لكنها وجهات نظر برضه..
وآو انتى شفتى بنفسك..قصدى سمعتينى ....قصدى قرأتى كلماتى ...أنا واحدة من الناس قطعت كل هذه الاشياء اللى ملهاش اى لازمة عندى ..
حد فاضى يسيب كل اللى عنده ويبدأ يتفرج على افراح الناس ؟؟؟

الستاير والبخور ...
البخور ...
ساعات البخور بيكون قوى جدااا ومتعب ..لكن؟؟...قليل منه لايضر.ولمدة قصيرة يعنى مش طول اليوم..
الستاير بتعطيكى ايحاء بتجديد البيت ويمكن علشان كدة انتى محتاجة تحسى دايما ان الوضع القائم لن يستمر طويلا ..
فيه تغيير متصل...

جميل جدا جدااا اننا نحس دايما اننا بنمشى واحنا (( خفاف قوى )) لانجر وراءنا ما يصعب حمله.

جميل جداا الاحساس اننا هنا...مجرد ترانزيت...ف انتظار اقلاع طائرة العودة ..

ياريهام اسعدنى وجودك واسعدتنى كلماتك ..
وبالتأكيد..للحديث بقية ..ان كان ف العمر بقية ...
:give_rose: :give_rose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

السلام عليكم و رحمة الله و بركاته

صباح الورد يا ماما سلوي

"الكتابة بتطهر الروح"

لما قريتها امبارح كنت بفكر فيها اني انا اللي هقوم بفعل الكتابة و اني انا اللي هقوم بالفعل عشان "الروح" برضه بتاعتي انا تتطهر

و النهاردة لما بفتح عينيا علي مداخلة حضرتك...بلاقي ان الجملة ممكن تبقي زاوية تانية خالص...لانها من شاطيء دافي جدا

كتابتك...يا ماما سلوي...حقيقي بتطهر الروح...حوارك معايا....و مع كل اللي بيجي هنا في التاملات...عايزله تاملات تانية....إحساسك الدافي ورا الكلمة بيوصل....و لو هي هي نفس الحروف...

بتكتبي....و بتحطي مفردات...و بتمشي و بتسيبي الروح في حالة ظمأ.

بحب اقرا مداخلة حضرتك....مرة....و احيانا بحس ان فيه جمل معينة بتعلي صوتك فيها عشان تنبهيني

برجع اقراها تاني....و تالت...و مرات فوق العدد

ميحرمنيش من شاطيء دافي جدا...بترسي عنده مراكبنا....و بتاخد منه زاد للرحلة الجاية

راجعة تاني...و في انتظار حورا حضرتك...و مفرداتي....و ضي احساسك من ورا المفردات

فاكرة يا ماما سلوي لما حضرتك مرة قولتي....ان احنا مش عايشين في الكون لوحدينا حتي ذرات الهواء....دي كائنات

كان نفسي اقول لحضرتك ساعتها.....انا دايما مصدقة ان فيه ملايكة بتاخد أشكال كتير....و مصدقة ان الملايكة مش شكل واحد...(كائن نوراني بجناحين....و الله اعلم)

الملايكة....ممكن تكون في افعال ...في تفاصيل صغيرة بتمر علينا واحنا ماشيين....في الكون الكبير ده

ممكن تكون في سطور....بيكتبها البشر...و يبعتوها لناس تانيين...

و زي ما الملايكة وجودها بيملي الكون نور....

الافعال دي....برضه بتملي اكوان الناس دي نور...

صباح حضرتك نوراني جدا

رابط هذا التعليق
شارك

ماما سلوى لما حياتك تتفضى من الاهل و الاخوات و لما تلاقى الكلام مخزون جواك مش لاقى المكان اللى يطلع فية و لما الخانات اللى كانت مليانة جوة القلب فضيت من ناسها

و الخانات دى مش لاقية ناس تانية تملها لانها محجوزة باسميهم

تفضل الخانت دى كل شوية تقرصك و تعرفك انها لسة فاضية و انتى تتلهى و تطنشى و فضل برضة مكانها فاضى تحسى بالبرد فيها تحسى ان حيطنها من غير دفا و حيطانها من الجفا دابت و قربت تقع جوة قلبك

تعملى اية

لما تحاولى تدورى على حد تانى يملى مكان الخانات الفاضية دى و تثقى فى ناس و تفتحى قلبك و تفرحى انك لاقيت حد يملى الخانات دى و تجيلك طعنة منهم تفكرك ان مكانهم غلط و قعدوا فى قلبك غلط

تعملى اية يا ماما سلوى

لا انتى عارفة تملى الخانات اللى فضيت لانها للاسف لا ام فضيت بقضاء الله لا ام خدها ناس تانية غيرك و ملا هما حياتهم بيها و مبقاش ليكى مكان فيها

اغير اسمى و لا نفسى و لا قلبى ولا مكانى

بابص للصور الى حضرتك ذكرتيها

لكن انا غيرك انا يصعب عليا قوى انى اقطعها لانها كانت احلى ايام حياتى باعيش جوة الصور الحياة اللى كنت فيها و باهرب من واقع اتفرض عليا

ساعات الصور بتفكرنا اننا كنا فى يوم سعداء

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

ذهبية المشاعر . صباح الخير .

تعرفى ياذهبية ؟؟؟ انتى فهمتينى بطريقة مش صحيحة ...انا مقطعتش صورى اللى بحبها .

انا قطعت صور واحدة ( كنت فاكراها صديقتى ) وقطعت صور ملهاش اى لازمة ...وقلت..انى قطعت صورة ( كان فيها واحدة بحبها ولسا بحبها ...مع واحدة خلاص قررت اشيلها من قاموس حياتى ) بمعنى ؟؟؟

جيت على نفسى وخليت ( حسن التصرف من وجهة نظرى ) العقل يتغلب على لحظة ضعف...وقطعت الصورة .

ومش معنى كدة انى بتقطيع الصورة دى نسيت اللى بحبها وكانت فيها !!! لالالا طبعا .

صورك اللى بتعتزى بيها خليها معاكى طبعا ...بس بلاش تكدسى ف حاجات ملهاش لازمة ...

او...

تشيلى حاجات تفكرك بحاجات تانية مؤلمة ...مثلا.

نيجى بقى ياذهبية لحكاية الخانات اللى بتقولى انها فضيت ..

الأهل والأحباب .....اللى بعدوا.....بعضهم رحل الى بارئه.....والبعض الآخر ابتعد لظروف حياتية ....

مكانهم موجود دايما ..اوعى تصدقى او تفتكرى ان فيه حد بياخد مكان حد تانى ؟؟؟

الكلام ده مش صح ابدا ابدا ياذهبية ..

حتى اللى انتى فاكرة انه حل محل التانيين اللى كانوا موجودين ....مكانش ف الحقيقة موجود او عايش ف نفس المكان ...عمره ماكان ف نفس المكان..

هى امكنة كثيرة جدااااااا ف القلب ياصغيرتى ومتجددة..

الشئ الغريب اللى ملهوش اى تفسير (( بشرى )) ان ربنا سبحانه وتعالى بيخلينا واحنا شئ (( صغنون قوى قوى قوى( موجود ف الكون الكبيرر قوى ده اللى احنا فيه) ...ومش حقول احنا شئ ضئيل حتى لايقترن التشبيه لديك بأى ضآلة لها اى معنى آخر !!!))...بنقدر نشيل جوانا ( لو عاوزين ولنا نفس يعنى وكنا متفائلين )

الكون كله..بنحبه بناسه واشجاره والمخلوقات اللى فيه ...

مش الشاعر زمان قال ....كن جميلا ترى الوجود جميلا؟؟

مش قال كدة ؟؟؟

وهى دى الحقيقة ياذهبية ....

ربنا سبحانه وتعالى خلقنا واحنا نفحة منه سبحانه ...يبقى اكيد كلنا فينا الجمال والحب والرحمة وكل شئ جميل ..

حتى لو كان موجود كشئ صغير قوى فينا .بس هو موجود ..

اللى مش فاضى ... ومش بيسأل علينا ..(( مش مشكلة واكيد له عذره...واسهل شئ نسأل احنا ..او ...منزعلش من حد ))

لكن عمرك ما تقولى ده يحل محل ده..

مفيش خانات فاضية ف حياتنا ياذهبية ..

عارفة زى ايه؟؟؟؟؟

اسمعينى كويس يابنتى ...

احنا دايما بنتكلم على التفاؤل والتشاؤم....او التفاؤل وغيره ..

بنقول ايه؟؟

بنقول ان المتفائل بيشوف نصف الكوب ممتلئ...

والمتشائم يرى نصف الكوب فاضى ....او فارغ ..

طيب ايه رأيك ....ايه رايك انتى لو قلنا ان نصف الكوب الممتلئ هو ف الحقيقة مش نصف الكوب ؟؟؟

ده الكوب كله ممتلئ.....نصفه ماء...ونصفه هواء ......صح؟؟

حاتقولى لى ده هواء...

وارد واقولك ....صح.

بس هو ممتلئ ماء و...هواء ...كله .

شيلى بقى كلمة ...ماء .

طيب ..

شيلى بقى كلمة ....هواء .

كلمة هواء مش عاجباكى ....

حاتلاقيه الكوب ممتلئ كله ياذهبية ..

حتى الهواء بياخدمساحة يابنتى ..

صباحك جميل ومنور بكل انواع التفاؤل والحب ..

والخانات الجديدة امليها حب واهتمام بنفسك وبأولادك وببيتك ..

وبالحاجات الى بتحبيها ..

متدوريش انتى على الصداقات الصادقة ....لو موجودة صحيح حاتيجى لحد عندك لوحدها ..

وبلاش تثقى بطريقة كاملة متكاملة ...ف اى حد لسا عارفاه جديد.

مش كل الناس زى بعض ياذهبية ولا كل الناس لها نفس قلبك واخلاقك الحلوة يابنتى ..

صباح سعيد جداا ان شاء الله..

خدى صور جديدة وانتى بتضحكى من جوة جوة قلبك ومعاكى ولادك ..وحاتعرفى ان كلامك كان غلط لما قلتى الصور ايام ماكنا سعداء ...وبس فكرتى ف زمان ..

بتنسى ان الايام بتيجى مش بتروح بس ...

وكل الايام اللى جايا حاتبقى ان شاء الله مليانة سعادة ...بتصورها صور جديدة ..

اضحكى ياذهبية اضحكى الدنيا حلوة ..بس نفهمها :give_rose: :give_rose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

  • بعد 2 شهور...

الجد..وتدرج اعمار الأحفاد...مسئولية حب ؟....ام توارث حنان؟..ام هو حكم الطبيعة البشرية ؟

من سنين كثيرة ...

قالت له ..

سوف اغيب اسبوعين ...

وعندما سأل ...لماذا .؟؟؟

اجابت....

انه ميعاد الرحلة السنوية ...مع جدى.

تعودت ان تسافر سنويا ف نفس الميعاد مع كل اولاد الاعمام والعمات...يسافرون فقط ...مع الجد.

هو قانون...وضعه الجد منذ ان رزقه الله بأول حفيد..

قال لأبنائه..

استقطع من وقتكم لأولادكم ...اسبوعين ف السنة ...اسبوعين فقط ف السنة ..

طيلة الباقى من حياتى اريد ان اقضى سنويا اسبوعين مع احفادى فقط ..........بدونكم....بدون اولادى ..

كانوا حفيدين ...كانوا صغارا ...كبروا معا...كبروا ..زادوا .

اصبحوا ...اتنين وعشرين حفيد ..

كبر الجد...عمره يقترب من الثمانين ..

و..

بعد ان كانت الرحلات بالطائرة ...ثم..اصبحت بالقطار ...ثم...اصبحت بالسيارات يقودها الأحفاد الشباب .

ثم...

اصبح الشباب هم من يذكرون الجد بالرحلة السنوية ..

واصبح الأحفاد ..هم من ..يحضرون الطعام على مائدة الجد ويناولونه ما يعجبه .

هل انعكست الصورة ؟؟؟ ام تشعبت؟؟ ام تمددت واتسعت ؟؟

كان منظر السيدة صاحبة المطعم جميلا ..,وقد تحجرت الدموع فى مقلتيها عندما علمت ان كل هؤلاء ...احفاد هذا الرجل العظيم....ثم..أنهارت باكية ...

كم هو جميل ...كم هو رائع ..كم مقعد تحتاجون؟؟؟ كم هو جميل ..انه اجمل منظر اراه منذ وعيت عيناى الرؤية ..انه شئ راق جدااا .كم هو رائع الحنان والحب الذى يجمعكم.

الجد...

رجل مثقف واع....لم تؤثر فيه ذهنيا سنوات عمره .

كان لازال صاحب ابتسامة رائعة ..

وعندما سألته السيدة على استحياء ...أكل هؤلاء حقا احفادك؟؟

اجاب ..نعم.

هم لى وحدى بلا اى منافس...اسبوعين ف السنة .

ينتظرون كل عام بكل الشوق هذه الرحلة ..اعلم ذلك لأنى انا ايضا انتظرها..

من حقى ان استمتع بكل ما زرعته ...هؤلاء ..هم اجمل محاصيلى .

هم ثروتى .

كنت اعلم انه لاعودة لأى ايام ماضية ولكن؟؟

بامكانى ان ازرع شئ لاافقده لأيام مقبلة .

كنت اعمل ولم يكن لدى أى وقت اقضيه مع ابنائى ...كنت اجرى واجرى واحاول الحصول على كل ما يسعدهم...

كنت اظن انى بابتعادى ...و(( افنى حياتى فى عملى فقط )) اسعد ابنائى ...

لاأتذكر انى كنت متابع جيد لكل نشاطهم...

تركت مسئوليتهم لأمهم..

كان شئ طبيعى ...

انا اكافح خارج المنزل وهى داخله.

كنت انتهز فرصة نهاية الاسبوع ...واحاول الخروج معهم..........يوم....يومين على الأكثر.

كبر اولادى ..

لديهم كل شئ...

ظننت ان لديهم خبرتى وتجربتى و..اشياء كثيرة كنت اود لهم ان يعرفوها ...

اكتشفت انى اضعت الكثير.

و..

عندما أتـى اول حفيد ..

قررت ان احاول من جديد ...اللحاق بقطار يتبع قطارى الأول .

عملى يأخذ كل وقتى ...

كنت ف اوج شبابى ...(( هذا حكمى على نفسى )) ...عندما رزقت بأول حفيد ..

اعيش اجمل اسبوعين فى كل عام ...يتعلمون منى الكثير والكثير واتعلم منهم واستمتع بحبهم واهتماماتهم ..

الآن؟؟؟

يفكر هذا الولد الطويل فى الزواج ويستشيرنى ...يستشيرنى انا يحدثنى وكأنى ...اعيش مشاعره .

هذا هو خير الحصاد .

حقا...

حنان الجد لم يكن اقل ابدااااااا من حنان الجدة .. :clappingrose: :clappingrose: :clappingrose: :clappingrose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

الام الفاضله والسيده الحنونه : Salwa / المحترمه

حضرت من عملى مساءً منهكا حد الاعياء،ثم فتحت جهازى فوجدت موضوعك ينير المنتدى

فى الحقيقه استحييت ان اكتب فيعلو عنوانى عنوان، حضرتك :

لن اضيف جديدا اذا قلت نحن نتعلم من كتاباتك القيمه الحكم من النوع السهل الممتنع

لكن فى الحقيقه ما دفعنى للكتابه فى صفحة، حضرتك :

هو سر وسوف ابوح لحضرتك : به، انه (الايه القرآنيه) الكريمه بتوقيعك،تزلزلنى.؟؟

شكرا لآناملك التى تصوغ الخبره فيما قل ودل.

كامل احترامى

تم تعديل بواسطة طائر الليل الحزين

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

  • بعد 2 أسابيع...

الام الفاضله والسيده الحنونه : Salwa / المحترمه

حضرت من عملى مساءً منهكا حد الاعياء،ثم فتحت جهازى فوجدت موضوعك ينير المنتدى

فى الحقيقه استحييت ان اكتب فيعلو عنوانى عنوان، حضرتك :

لن اضيف جديدا اذا قلت نحن نتعلم من كتاباتك القيمه الحكم من النوع السهل الممتنع

لكن فى الحقيقه ما دفعنى للكتابه فى صفحة، حضرتك :

هو سر وسوف ابوح لحضرتك : به، انه (الايه القرآنيه) الكريمه بتوقيعك،تزلزلنى.؟؟

شكرا لآناملك التى تصوغ الخبره فيما قل ودل.

كامل احترامى

اخى الفاضل المحترم طائر الليل الحزين.

بداية اعتذر للتأخير فى الرد.

كما ترى حضرتك ان الأحداث الحالية تلهينا عن اشياء كثيرة ..فجأة اصبحت الأولوية هى متابعة ما يحدث والدعاء.

الدعاء ..ونبضات القلب تتسارع مرددة يارب احفظ مصر ..يارب احفظ مصر وولاد مصر .

شكرا جزيلا لكلماتك .

سبق لى ان قلت اسباب وضع هذه الآيات الكريمة فى التوقيع الخاص بى .

وف الحقيقة كل آيات القرآن الكريم هى نبراس لنا جميعا .

اللهم ارزقنا جميعا الهداية . :clappingrose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

معايشة جديدة ربما كانت من وجهة نظر لم نتطرق اليها قبلا .

دائما نتحدث عن الغربة ..عن غربتنا..عن احساسنا..عن معاناة لايشعر بها الا كل من اغترب .
وقبل ان استسرد فى حديثى ...دعونى احكى عن لسانه.
أحب وأغلى مخلوق الى قلبى ونفسى وروحى .

كتب قائلا فى مقاله الاسبوعى ...

-----.

يوم سعيد قرائى واصدقائى الأفاضل الأعزاء

تعودت فى ميعادى الاسبوعى معكم أن اتحدث بتلقائية فى كل المواضيع .
ان تنناقش وأعرف آرائكم من خلال تعليقاتكم فى بريدى الالكترونى او على صفحات الجريدة .
تعودنا أن نتحدث ونحكى بلا اى مواربة .
تحدثت معكم كثيرا وكثيرا جدا عن مشكلات تحيط بنا وفى عالمنا هذا ومجتمعنا ..
تحدثنا عن مشكلة البطالة ومشكلة محاولة تغيير نظام التعليم وتحدثنا عن تمديد سن المعاش لسبعة وستين عام ..
تحدثنا عن الغاء المعونة الاجتماعية ..تحدثنا عن مشاكل الشباب ..تحدثنا عن مشكلة ( الانثى ) وكيف رغم انها تحتل مواقع متميزة فى الدولة لكن؟؟ لازالت النساء تعامل وكأنها أقل درجة من حيث المرتبات بالذات..تحدثنا عن حرية الرأى ..وكيف انه رغم كل هذه المساحة الكبيرة من حريات الفكر ..لازالت توجد خطوط حمراء والدلائل كثيرة ..
حدثتكم كثيرا..
استمعت لكم كثيرا ...
وحان الوقت.....اليوم...أن تستمعوا الى .
أن تصدقونى ...
والا تظنوا انى احاول ...ارتداء ...ثوب غير ثوبى .
اريدكم ان تثقوا ....أنى لأول مرة فى حياتى .
أنا نفسى لاادرى ما حدث ...اقسم لكم انى لاادرى ماذا حدث لى ؟؟؟
لاادرى ...
ولهذا ...اردت أن اكتب لكم اليوم عن نفسى ...

لن اقول بعضكم ربما لايتخيل انى ...مصرى .
ولكنى اقول ...اعلم ان الأغلبية لاتعلم انى ...مصرى .
ربما فقط تساءلت عن معنى اسمى .

فى الحقيقة انا مصرى ..اقولها بكل فخر ..لم اتوقف يوما لأفكر ...هل أنا من هنا؟؟ ام من هناك؟؟؟
انا مصرى ..ولكنى مولود على هذه الأرض ..هنا.
شهادة ميلادى تقول انى اسبانى كتلان....دمائى تقول انى ..مصرى واسكندرانى .
ابى وامى ...الاثنان..سكندريين.
ربما لم نتناقش ابداا فى منزلى ...(عن معاناة طفل من الجيل الثانى لآباء مهاجرين ) عن اسباب هجرة والداى رغم انى طيلة حياتى لم أرى اسبابا معقولة ....أو هذا ما كنت اظنه..
صديقى الوفى ...صديق عمرى ..والى الآن صديقى ....
لايتذكر ولكنى أتذكر...اول ( مشاجرة بينى وبينه وكان عمرنا ست سنوات ) ...وانتهت المشاجرة بجملة ..
فلتذهب الى الجحيم..أذهب الى بلدك..
انا كنت من انهى هذه المشاجرة ..ربما لأنى تعجبت..ربما لأنى فوجئت..ربما لأنى اردت ان افكر واستفهم ..
أذهب الى بلدى ؟؟
هذه هى بلدى ...
انا ولدت هنا...
كيف لك ان ...تلوح لى ...بأننى يجب أن اذهب الى بلدى ؟؟
كانت هذه هى البداية ...
توالت...بدايات كثيرة ..

علمت بعدها بسنوات كثيرة جدا جدااااا......بالتحديد يوم 25 يناير هذا العام.
لماذا كنت اسعد المخلوقات ( وانا طفل صغير ) عندما طلبت من والدى ان يحضر لى ( وهو فى احدى رحلاته الى ميلان ) فانلة جورج وييا..
لأن له جذور افريقية ...
هذه هى الحقيقة ..
فى داخل نفسى كنت اعشق بلدى وقارتى السوداء كلها..
وانا فى سن خفقات القلب الاولى ...كانت الفتيات تداعبنى قائلة عندما تعرف انى مصرى الجينات ..
ولكنك مثلنا ...شئ غريب ...(( مانت طبيعى زينا ومفيش فيك حاجة غريبة ؟؟))..
ولم اكن ارد قائلا...
ايجب علي الجميع ان يعاملنى كما يعاملكم ...الأجانب فى بلاد اوروبا المنخفضة ؟؟ انتم فقط لديكم ثيران وماتادور ...و...اوليه ..اوليه...وكرة ؟؟؟
الا يصرخ ( الأجانب ) فى وجوهكم قائلين...أانتم من بلاد..ميسى ...واينيستا..وبويول ؟؟ ..اوليه ..اوليه.

شئ غريب حدث لى ..لااقرأ اللغة العربية ..لى محاولات فاشلة ..لكنى لم اتعلمها .
لأول مرة احزن لأنى لااستطيع التعبير عن احساسى بلغة آبائى ....كنت اود ان اشارك ابناء بلدى احاسيسهم..
أو أن يشاركونى ما اشعر به.
فجأة..
شعرت بفرحة طاغية ..شعرت أنى كان يجب على ان اكون معهم ...هم مثلى ..هم شباب مثلى ...تم فك قيودهم وهم من حطموا القيود ...فعلوا شيئا...لم يفعله آبائهم ...

.ابى لم يكن عاجزا ..ابى شارك فى حرب اكتوبر وهذا وحده فخر له ولنا ( اظن أن اغلب جيله كان يفكر مثله...بمعنى ؟؟ عملنا اللى علينا )...لكنى رايته فى يوم..يبكى .
رايت ابى يبكى ..ولم ادرى سببا لحزنه...فقط سمعته ...سمعته وانسحبت بهدوء حتى لااشعره بى ..
كان يبكى وهو يسمع اخبارا حقيقية ...( ياخسارة الدم اللى ضاع ..ياخسارة الناس دى ) ..
كان هذا يوم سقوط طائرة بها ( كما قالت لى أمى وقتها ) ..قادة عسكريين تدربوا وكانوا فى طريقم لمصر...
تم ( سقوط ) الطائرة بطريقة غير مفهومة ...
ولنكمل حديثنا....قلت لكم...اتركوا مساحة اليوم لى ..سوف احدثكم عن نفسى .
علمت بموضوع تحضير مظاهرة تقف فى الميدان الرئيسى للتنديد بالنظام الذى كمم الأفواه ...كمم الأفواه بعدة طرق..اخرس من يتحدث او يعبر عن رأيه...وحرم اكثر من ثلث الشعب من الحصول على قوت يومه بطريقة كريمة كافية ..مظاهرة من شباب وشيوخ يعلمون جيداااا بحكم معيشتهم فى اوروبا حقيقة ثروات من ظلموا ابناء وطنهم..
لم أفكر مرتين..
ذهبت بالأمس ...
اقتربت منهم ..على استحياء .
شعرت براحة نفسية عميقة وانا اراهم ...افهمهم جيدااا ...ارى فى نساءهم وجوه رايتها فى بلدى عند زيارتى لها ( كسائح ) ...كانوا فى ركن من الميدان يحملون لافتاتهم ..
كنت بالكاميرا اصور ...اقترب منى احد الشباب وحدثنى بالكتلانية ...
شكلك مش غريب ؟؟ أانت جئت تشاركنا فرحتنا باقتراب الفرج؟؟ فرحتنا بالصحوة ؟؟؟
واجبته...( اجبته بصوت..انا نفسى اتعجب منه ومن اين صدر ..اكان هذا الصوت مختبئا طيلة ستة وعشرين سنة ؟؟ )..
انا مصرى ..انا اسكندرانى .
وصرخ الشاب ...اسكندرانى ؟؟ انت مننا؟؟؟
وضحكت بكل فرحة الكون .........ايوة طبعا..انا منكم...كلنا هنا واحد ...(( قلتها بلغة عربية سليمة وصحيحة وربما كانت ركيكة للبعض ولكنى شعرت انها فصيحة جدااا وواضحة جدااا ))
لم اسأله عن اسمه...لم يسألنى عن اسمى ...
فقط...ضحك ضحكة كبيرة وقاللى ....يااسكندرانى ..ليه مش بتهتف معانا ؟؟ سمعنا صوتك واهتف معانا ؟؟
ضحكت انا ايضا ....ثم ابتسمت...ولم ارد.
ربما لم افهم جيدااا ما كانوا يقولون....فهمت فقط قولهم...ككل...كانوا يتحدثون ويخطبون ...
ويوجهون حديثهم وكأنه يسمعهم...
نحن شباب واع متفتح يدرك جيدا حقيقة الأمر ..ومن حقنا الا نكون لاجئين فى بلادنا وخارجها .
كيف تدافع عن حقوق الشعب ..وثلث الشعب يعيش خارجه بسبب سياسات القمع وسياسات تجويع الشعب والبحث عن مصالحكم الشخصية ...لنتحاسب...لنتحاسب من اين اتت ثرواتكم ؟؟
يجب تجميد حسابات كل رجال البرلمان ..من شعب وشورى ..يجب محاسبة الجميع .
نحن خير اجناد الأرض .
انسحبت بهدوء ..ولكن؟؟ نادانى ( الشاب ) رايح فين يااسكندرانى ؟؟ وقلت ..( والفرحة والراحة تظهر على وجهى واضحة جدااا)

خلاص..ماشى .
و..
لم اسأله عن اسمه..ولم يسألنى ...ولكنى كنت اشعر واؤكد انه هو ايضا كان يشعر ....احنا الاتنين من مصر.



 

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

  • بعد 1 شهر...

مين اللى قال ان عملية خلق الأنسان معجزة؟

مش فاكرة بس البنى آدم فعلا معجزة...معجزة فى كل تفصيلة فيه من ساعة ما ربنا نفخ فيه الروح..

بس الحاجات دى كل الناس عارفاها ..كل العلما إتأملوا فيها..فى العمليات الحيوية و تعقيداتها و بساطتها فى نفس الوقت..

ازاى ماشية زى الساعة ..

ربنا خلقنا فى ستة ايام واحنا احتاجنا كام مليون سنة عشان نفهم جزء بسيط جدا من المعجزة دى...

انا بقى اللى بيحيرنى النفس البشرية...

التفاعلات اللى بتحصل جوانا و تطلع طاقة او شعاع ...زى ما تسموها...بس بتأثر على اللى حوالينا...القريبين و البعاد...

طيب ليه نروح بعيد...ليه نفكر فى النفس البشرية عامة...طيب ما انا شخصيا مسببة لنفسى ذهول...

بكل اللخبطة اللى بتبقى جوايا ساعات..بييجى بعديها فترة صفاء و كل حاجة بتبقى واضحة قوى..وبابقى عارفة بالضبط ايه اللى انا محتاجاه و هيسعدنى..

بيذهلنى الحاجات اللى بتتغير جوايا من غير ما أحس..

مشاعر ممكن تتقلب 180 درجة من غير تدخل منى بسبب موقف حصل او كلمة اتقالت؟!!!

ناس كنت فاكرة انى مش هقدر اعيش من غيرهم و انى هموت من غيرهم...دلوقتى مش بيحليلى العيشة إلا بعيد عنهم!!!

اتفاقات داخلية مع نفسى إن لو حصل كذا...هعمل و اسوى الهوايل..

وتحصل الحاجة اللى كنت حاملة همها...وعااااادى جدا ماحستش اصلا بشوية ضيق حتى!!

خوف من حاجات و مفاجآت مستقبلية ممكن تحصل وساعتها هيكون إيه العمل...

وتحصل مفاجآت أسوء من أسوء تخيلات او كوابيس...و ماحسش برعب...بالعكس سلام غير طبيعى..

ثقة فى رب حنون وايديه اللى بتحاوطنى و تحمينى...

غريب البنى آدم فعلا...معجزة..النفس البشرية معجزة...صعب قوى نفهم اغوارها...صعب نفهم نفسنا

مش عارفة ايه اللى بيحصل...هل تفاعلات كيميائية ...ولا استبياع إن مش هيحصل اسوء من كدة

بس اكيد بيحصل حاجة

بتخلينا نتنازل عن التمسك الغير مبرر بحاجات بيتهيألنا إن آخر العالم هيحصل لو فقدناها...والحقيقة إن الحياة مش بتنتهى...بالعكس...ممكن نبتدى عهد جديد...يمكن يكون احلى من احلى أحلامنا.

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 149
      السلام عليكم و رحمة الله و بركاته انهاردة الجمعة... و طبعا الجمعة يبقي سورة الكهف فيه أية جميلة من سورة الكهف "و إذ اعتزلتموهم و ما يعبدون إلا الله فأوا إلي الكهف ينشر لكم ربكم من رحمته و يهيء لكم من أمركم مرفقا" الشيخ الشعرواي...فسرها بشكل اكثر من رائع..... الفتية هربوا من ظلم الحياة... و ربنا قالهم اذهبوا للكهف.....اللي ممكن يتراءي للناس العادية انه مكان ضيق... بارد... مافيهوش خير.... و لكن لأن ربنا قال كده و لان الفتية كان لديهم من اليقين ان ربنا سيهيء لهم من أمرهم رشدا... آووا الي ال
    • 2
      مبادرة من وزارة الثقافة المصرية. الثقافة بين يديك. حفلات يومية بالأوبرا  تعيشي يا مصر  تعيشي يا مصر.  حتى في ظروف الضنك  بلدنا معانا
    • 126
      هل كان الفراعنه هم عماليق الجزيرة العربيّة؟؟!!! وبالتالى : هل كان الفراعنه هم أنسباء سيّدنا اسماعيل عليه السلام؟؟!!! ======================================= كما يقول العنوان : هى تأمّلات تاريخيّة ناشزه قد تبدو كشطحات ولكن دعونى احاول عرضها ربّما وجدّتم فيها نفس المنطقيّة التى وجدّتها. دعونى أبدأ من الآية رقم 37 من سورة ابراهيم بالقرآن الكريم والتى تقول: "ربّنا انّى أسكنت من ذرّيتى بواد غير ذى زرع عند بيتك المحرّم" وهذا الواد غير ذى زرع هو وصف للفلاة أو البريّة التى ورد ذكرها فى التوراة فى
    • 0
      طول عمري اسمع إن سورة "الأنبياء" معروفة بين المشايخ وأهل العلم بإنها سورة "الاستجابة" بس عمري ما دوّرت عن السبب  السبب هو إنها السورة القرآنية الوحيدة اللي ورد فيها لفظ "فاستجبنا له" أكثر من مرة وفي أكتر من سياق، اللفظ ده لم يرد في أي موضع قرآني خارج سورة "الأنبياء"، طب ورد فيها كم مرة وفي أي سياقات؟ أول مرة :" وَنُوحًا إِذْ نَادَىٰ مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ" آية رقم 76 تاني مرة عن سيدنا أيوب عليه السلام:" فَاسْتَجَبْنَا لَه
    • 1
      ‏أفضل ما قيل فى ناصرأنه لايمكن بمنطق حسابي خصم سلبياته من إيجابياته،فله إنجازات لاتنال منها الخطايا،وله خطايا لاتغفرها الإنجازات ‏⁧‫
×
×
  • أضف...