هل توقفت الإنجازات؟؟؟

[أبو حميد]

أحب قراءة باب انجازات المصريين رغم أني لم أشترك فيه بأي مداخلة من قبل.

ولاحظت اليوم أن أخر مشاركة به كانت في 22 نوفمبر 2006 ففكرت هل لم تحدث أي انجازات من أي نوع خلال 38 يوم.

بالعكس حصل انجازين كان يمكن ذكرهما وهما حصول الأهلي على المركز الثالث في بطولة العالم للأندية ورغم أن المركز الشرفي لكن البطولة عالمية. كما غنى حكيم في حفل توزيع جائزة نوبل رغم عدم وجود فائزين مصريين وهذا أعتراف عالمي بالفن المصري الشعبي. هذا ما أتذكره الأن فقط وأكيد هناك انجازات أخرى.

ياريت نفتكر الباب الجميل ده ونحاول نكون متفائلين أكتر ونشوف الجانب المضئ ونحاول ندور على الجوانب المضيئة

هو كله مصايب مصايب مفيش انجازات

[drhouba]

لا و 1000 لا مفيش أى إنجازات خلاص بقينا بندور على مركز تالت فى بطوله شرفيه للأنديه أو مطرب بيغنى فى نوبل عشان نقول دى إنجازات ؟ ده إفلاس .... بلاش ندفن رأسنا فى الرمل الحقيقه إننا بقينا فى الطراوه و البلد مفيهاش أى حاجه تفتح النفس مش تشائم ... دى واقعيه و اللى مش عاجبه هو حر

[أبو حميد]

Dr. Houba

أنا معاك أن حصول الأهلي على المركز الثالث أو غناء حكيم في نوبل مش انجازين مهمين اوي لكنهم نجاحات شخصية لأفراد مصريين وانا مفتحتلهمش موضوع مفصل أنا بس ذكرتهم كمثال يمكن ميكونش مثال جيد لكن الهدف الأساسي من موضوعي هو الطلب من العضاء البحث عن كل انجاز مصري مهما

كان صغيرا لأنه يرزع بداخلنا امل بغد أفضل. وممكن حضرتك تراجع الباب ده "انجازات المصريين لتجد كثير من الأشياء الجيدة التي تستحق التفائل.

[drhouba]

طيب يا عمنا إذكر لى 3 إنجازات أو أى شئ مفرح بالنسبه لنا كمصريين فى 2006 و لك عندى جايزه

[Eldisel]

طيب يا عمنا إذكر لى 3 إنجازات أو أى شئ مفرح بالنسبه لنا كمصريين فى 2006 و لك عندى جايزه

السؤال دة اتسأل لـالفنان محمد صبحي في برنامج العاشرة مساءً

وكان ردة جميل اوي لمى قال للمذيعة ان ممكن يذكر خمس انجازات بس المذيعة ردت علية انهى مش عاوزة انجاذات كروية فكان رده انه كدة مش هيلاقي اي انجاذات حقيقة ممكن يقولها

وكان تعليقة علي الفرحة العارمة ( الزيادة عن الزوم ) للانجازات الرياضية انه مثلها بان واحد عندة ولد والولد جاب ملاحق في الرياضيات والكمياء والغات والفزياء .... الخ لكن جاب درجات عالية في الالعاب فاقام الافراح ووزع الشربات عشان درجاتة العالية في الالعاب وبقيت المواد مش مهم

بجد 2006 في نظري سنة كبيسة من العيار التقيل اقوي .....

وبجد احنى محتاجين لانجازات حقيقية .... عاوزين نهتم ببقية المواد غير الالعاب والموسيقة

[أبو حميد]

على المستوى الدولي مش هتلاقي غير أنتكاسات وليس انجازات ومش هاقول غير حسبنا الله ونعم الوكيل

لكن على المستوى الفردي أنا هانقلك روابط أخر 3 أنجازات موجودة هنا بالموقع وكلهم 2006

فريق علمى مصرى يحقق نصرا علميا حقيقيا, بعد أبحاث استمرت 13 عاما

http://www.egyptiantalks.org/invb/index.php?showtopic=20922

مهندس مصري بالسعودية يخترع جهاز تكييف

http://www.egyptiantalks.org/invb/index.php?showtopic=24516

اختراع مصري يؤدي الي تعويم السفن ذاتيا لحين وصول الإغاثة

http://www.egyptiantalks.org/invb/index.php?showtopic=21322

دول من هنا في الموقع وأكيد في حاجات تانية مش عارفينها.

[drhouba]

أنا بأتكلم عن إنجازات عامه و ملموسه للشعب المصرى اللى بتتلاطمه الأمواج بلا مبالاه يعنى الإنجازات الشخصيه اللى انت ذكرتها دى مين شعر بيها و ما هو عائدها على الناس و أين هم أصحابها الآن ؟