اذهب إلى المحتوى
محاورات المصريين

زملكاوي! لماذا؟


أبو حميد

Recommended Posts

لماذا يوجد من يشجع الزمالك في مصر رغم السيطرة الأهلويه على البطولات وعلى عدد مرات الفوز في لقاءات القمة ؟

هذه هي أسباب تشجيعي للزمالك:

أشجع الزمالك لأن تشجيعه تميز عن الأخرين

أشجع الزمالك لأنه عكس تيار الأغلبيه وهذه شجاعة في حد ذاتها وجرآة

أشجع الزمالك لأن فرحتي بالفوز ستكون أكبر لأنه غير متوقع

أشجع الزمالك لأن كل الظروف دائما في مصلحة الأهلي

أشجع الزمالك لأنه فعلا يحتاج لتشجيعي لكن الأهلي عنده مشجعين كتير

أشجع الزمالك لأنه "في الأغلب" يكون أفضل من الأهلي فنيا ومع ذلك يخسر

ولنا عودة

  • أعجبني 1

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

صباح الخير يا باش مهندس احمد

اخر حاجة كنت اتوقعها انك تطلع زملكاوي

سؤال اجابته واحدة ومعروفة هيه وجدنا آبائنا زملكاوية

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك

والله سُكر

يعني بأشجع الزمالك عشان خالف تُعرف

حتى يا أخي لو عرفت طريق الهداية وادركت بإن الاهلي على حق ... برضوا ستُشجع الزمالك ؟ -_-

بذمتك يا زُهيري وأهو أنا شايفك أون لاين اهو

الموضوع ده ما بيفكركش بأغنية " جئت لا اعلم من أين آتيت " ؟

طبعاً إنت مع الترجي يابا ومالكش دعوة بالخناقات دي

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ودا الفرق بين الأهلوية والزملكاوية

الأهلوية بيفكروا بعقلهم -_-

والزملكاوية بقلبهم .. (وش واحد مقطع نفسه م .... العياط :blink: )

الراجل ياعينى بيشجع الزمالك عشان بيصعبوا عليه :ph34r:

[وسط]!Question everything

[/وسط]

رابط هذا التعليق
شارك

بلاش تريقه يا اخوانى والله أنا شايف أحرف لعيبه فى مصر زملكاويه وطول عمر الزمالك مدرسة الفن والهندسه بس نعمل ايه فى نادى الاغلبيه الذى وضع قواعد وأسس جعلته الأفضل بل الأقرب

وديه فروقات بنشوفها دلوقتى لما الحزب الحاكم يتقدم بتعديلات دستوريه والكل يصفق وتظهر للنور أما اذا كان التعديل يأتى من معارضه تقوم الدنيا ويبقوا عاوزين يغيروا نظام الحكم والدستور اللى حلفوا بالطلاق يحترموه

وخلو الزمالك يولع بين عمنا مرتضى والعصابات فى الزمالك ولا أحد يدرك أو يحس انه نادى عريق ومن غيره الأهلى يستلم الدورى والكاس فى أول الموسم

ويالا نشجع كل من هو على القمه الأهلى - أمريكا- الفاتيكان - اسرائيل لأنهم القوه المؤثره فى العالم

رابط هذا التعليق
شارك

ومازلت نظرية المؤامرة هي المُسيطرة حتى في الرياضة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

والله سُكر

يعني بأشجع الزمالك عشان خالف تُعرف

حتى يا أخي لو عرفت طريق الهداية وادركت بإن الاهلي على حق ... برضوا ستُشجع الزمالك ؟ :ph34r:

بذمتك يا زُهيري وأهو أنا شايفك أون لاين اهو

الموضوع ده ما بيفكركش بأغنية " جئت لا اعلم من أين آتيت " ؟

طبعاً إنت مع الترجي يابا ومالكش دعوة بالخناقات دي

الدستور اللي عدلهولنا سيادة الرئيس بيكفل حرية التشجيع

لكل مواطن مطلق الحريه في تشجيع النادي المناسب له -_-

انا مراتي بتشجع الترجي و المدير بتاعي التونسي بيشجع الصفاقصي.... وانا بشجعهم الأتنين طبعا :wub:

شفت الوقعه اللي اخوك واقعها؟!!!!!!!! :blink:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

لا يا جماعة أسمحولي أنا مقولتش الزمالك صعبان عليه ولا خالف تعرف زي ما بتقولوا لكن لما تشجع الفريق اللي جماهيره أكتر و دايما بيكسب أيه فايدة التشجيع ماهو بيكسب على طول زي بالظبط ما تروح تنضم للحزب الوطني علشان تبقى تبع الحزب الحاكم.

أنا قلت متميز ومختلف يعني أحنا ناس ما بنمشيش وراء الرايجة لكن بنختار بمزاجنا الفريق اللي بيلعب كرة أفضل حتى لو ماكانش بيكسب دايما وفوزه غير متوقع مش علشان هو ضعيف أو أقل من الأهلي لا علشان التيار كله أهلاوي جمهور وحكام وأتحاد كورة وده واقع مش نظرية مؤامرة ولا حاجة.

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

لا يا جماعة أسمحولي أنا مقولتش الزمالك صعبان عليه ولا خالف تعرف زي ما بتقولوا لكن لما تشجع الفريق اللي جماهيره أكتر و دايما بيكسب أيه فايدة التشجيع

طب ليه ما تشجعش مزارع دينا؟

على الأقل فريق كويس وما عندهمش مرتضى منصور -_-

[وسط]!Question everything

[/وسط]

رابط هذا التعليق
شارك

""" طب ليه ما تشجعش مزارع دينا؟

على الأقل فريق كويس وما عندهمش مرتضى منصور """

في دي عندك حق لو الزمالك هو مرتضى منصور فأنا مش ممكن أشجع الزمالك لكن مرتضى منصور ده بقعة سوداء على ثوب أبيض.

أنا فعلا بشجع كمان الأسماعيلي لأنه فريق محترم جدا وهو بحق فاكهة الكرة المصرية وأنا بأحب أتفرج على مبارياته رغم الظلم الأعلامي الواقع عليه وعلى كل فرق الأقاليم.

لكن النظام الموجود في القاهرة ثنائي يعني يا أهلي يا زمالك فكرة أنك تقول أنا بشجع الأسماعيلي دي مش مقبولة من أي حد.

أنا بشجع الزمالك للأسباب اللي قولتها لكن أنا مش بأكره الأهلي كفريق وخصوصا لو بيمثل مصر خارج مصر وخصوصا لما بيدي المنتخب خيرة لاعبيه أنا فقط ضد السير مع القطيع بدون تفكير لأن فعلا الزمالك كان دايما أفضل من الأهلي فنيا لكن التوفيق والحظ والعوامل الخارجية بترجح كفة الأهلي.

عقلي الباطن:(هما الزمالكاويه سايبيني لوحدي ليه أمام هذا الطوفان وأنا فاتح الموضوع ده علشان أجيب الناس هنا وابعدهم عن "أكفل زملكاوي")

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

تعاقد فريق الزمالك المصري مع المدرب الفرنسي هنري ميشيل للاشراف على الادارة الفنية للفريق لمدة ستة اشهر قابلة للتجديد.

ويقضي الاتفاق بحصول المدرب الفرنسي على راتب شهري قدره 30 الف دولار وترك حرية الاختيار له فيما اذا كان يرغب في الاستمرار مع النادي.

ويذكر ان التعاقد تم لفترة ستة اشهر لان هذه هي المدة المتبقية من التفويض الممنوح للمجلس الحالي للفريق وايضا المتبقية من عمر الدوري المصري هذا العام.

ومن المقرر ان يشاهد ميشيل الذي وصل الى القاهرة امس مباراة فريق الزمالك مع حرس الحدود في استاد القاهرة وسوف يبدا مهمته مع الفريق بعد قمة الدوري المصري يوم السبت بين الاهلي والزمالك.

ويبلغ هنري ميشيل من العمر 59 عاما، ويحظى بسمعة كبيرة في القارتين الاوربية والافريقية.

اذ بعد تالقه كلاعب في الدوري الفرنسي شارك في عام 1986 في تدريب المنتخب الفرنسي خلال نهائيات كاس العالم بالمكسيك بوصفه مدربا عاما الى جانب ميشيل هيدالغو ووصل مع المنتخب الفرنسي الى الدور النصف نهائي انذاك.

كما قاد منتخبات المغرب وتونس والكاميرون والكوت ديفوار الى نهائيات كاس العالم لكرة القدم.

ووصل مع منتخب كوت ديفوار الى المباراة النهائية لنهائيات كاس امم افريقيا وخسر امام مصر بركلات الترجيح مطلع هذا العام.

واشرف كذلك على تدريب منتخب الامارات وفاز مع الرجاء البيضاوي المغربي بدوري ابطال افريقيا.

وبعد قيادته منتخب ساحل العاج للمشاركة لاول مرة في تاريخه في نهائيات كاس العالم بمونديال المانيا الصيف الماضي انتقل الى الدوري القطري حيث اشرف على تدريب فريق العربي لكن عقده انهي هناك الشهر الماضي بسبب سوء النتائج.

وتفوق ميشيل في السباق على تدريب الزمالك عى مواطنه الان جيريس الذي كان لاعبا تحت اشرافه في منتخب فرنسا عام 1986 ويشرف حاليا على تدريب منتخب الغابون وكذا على المدرب الصربي زوران فيليبوفتش

بى بى سى العربية

يا ااااااااااااااا مُسهل ..

يمكن على اديه نلاقى حد نعرف نلعب معاه .. :closedeyes:

[وسط]!Question everything

[/وسط]

رابط هذا التعليق
شارك

تحية للأخ اللي نزل الموضوع ده لأنه من الموضوعات الساخنة واللي بتحظى بنسبة مشاركات عالية. لكن بنظرة سريعة كده للموضوع نجد الفرق بين الأهلي والزمالك بيتمثل في حاجة واحدة - وواحدة بس - هي العقول التي تدير كلا الناديين- فكلا الناديين لا تنقصهما الجماهيرية ولا الإمكانيات وعلى فكرة بقى وده مهم جدا نعرفه إن مافيش أهلي بدون زمالك ولا زمالك بدون أهلي يعني الإسمين مرتبطين ببعض, بس العقلية " المصلجية " اللي بتدير نادي الزمالك هي اللي وصلته للحال ده وعلى فكرة ما يثير علامة استفهام كبيرة هو " صهينة " المسئولين عن الرياضة عن اللي بيحصل للزمالك وده يمكن من منطلق كله فايده للأهلي؟ لكن دي عقلية متخلفة ومعندهاش بعد نظر.

أما إدارة الأهلي بتشتغل كويس وعلى محورين اساسيين وهما: استقطاب كل لاعب موهوب في مصر للنادي الأهلي وثانيا حرمان الأندية المنافسة من لاعبيهم المميزين ومنع وصولهم لأى نادي آخر حتى لو ملعبوش كورة ( عمرو سماكه - نادر السيد - منساه - محمد عبد الله وغيرهم ) فهى سياسة إضعاف الخصم واعتقد إنها برضه تدخل في العوامل اللي خلت الأهلي الفريق رقم واحد في مصر وطبعا في إفريقيا .

تحياتي للجميع وربنا يرزق الزمالك بإدارة تدير النادي بعقلية إدارة النادي الأهلي وساعتها فعلا يبقى فيه كورة في مصر.

91589411.jpg

رابط هذا التعليق
شارك

احنا بنشجع الزمالك من زمااااااااااااان

لان محدش يقدر ينكر ماضى الزمالك ولا بطولاته ولا تاريخه

اما سبب تشجيعنا له الى هذا الوقت وسيظل الى اخر العمر

ده لان مشجعين الزمالك ناس اصيله ( الصفوة ) عندهم الانتماء عارفين يعنى ايه رياضه ويعنى ايه يقفوا بجانب فريقهم مهما كانت ظروفه

مش بيضحوا ولا يفرطو بالغالى عندهم لاى سبب مهما كانت

دلوقت يجيلك واحد اهلوى ميعرفش فى الرياضه غير الاهلى عمهم والاهلى حديد ويقولك بتقول كدا عشان غالبين والكلام اللى هو فى نظره فاهم بيه الرياضه :blush:

على العموم يا اهلويه يارب يمنعوا الريرى والسريلاك اللى كبروكم علينا

وخلوك تضحكوا وتشمتوا فينا :closedeyes: :blush:

تم تعديل بواسطة بنت النيل

وبحبك وحشتينى ... بحبك وأنتى نور عينى

ولو أنتى مطلعه ... عينى بحبك موووت

مــــــــــصــــــــــــــر

رابط هذا التعليق
شارك

ده لان مشجعين الزمالك ناس اصيله ( اوصله )

سمعني يا عم موال عم شفيق جلال بتاع

ضحك الأصيل

إزاي ؟

أنا باقول : ضحك الأصيل

إزاي ؟

كدهو ... هيهييييي هيييء

ونعم الأصل :closedeyes:

يا بنت النيل يا مصرية .. يا أجمل بنت في الدنيا صباح الخير على عيونك .. تعيشي وربنا صونك

ماسمهمش أوصله ولكن إسمهم " الصفوة "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ده لان مشجعين الزمالك ناس اصيله ( اوصله )

سمعني يا عم موال عم شفيق جلال بتاع

ضحك الأصيل

إزاي ؟

أنا باقول : ضحك الأصيل

إزاي ؟

كدهو ... هيهييييي هيييء

ونعم الأصل :blush:

يا بنت النيل يا مصرية .. يا أجمل بنت في الدنيا صباح الخير على عيونك .. تعيشي وربنا صونك

ماسمهمش أوصله ولكن إسمهم " الصفوة "

ماشى ياعمو س س سميها ذى ما انت عوز ياسيدى

لكن انا عوزة اشوف الضحكه ورينى كدا :blush: شفت سنانك حمرا محتاج تستعمل كولجيت بالون الابيض :closedeyes:

شوف باقى الموال :

انا اطلع فوق جبل عالى يكلونى حيتان وغربان ولا يقولوش ان الزملكاوى بقى واحد اهلوى

وعجبى :huh: :sad:

تم تعديل بواسطة بنت النيل

وبحبك وحشتينى ... بحبك وأنتى نور عينى

ولو أنتى مطلعه ... عينى بحبك موووت

مــــــــــصــــــــــــــر

رابط هذا التعليق
شارك

لان محدش يقدر ينكر ماضى الزمالك ولا بطولاته ولا تاريخه

وحضارة 7000 سنة بقى .. والفراعنة .. وكنا وبقينا .. وكدا يعنى :closedeyes:

[وسط]!Question everything

[/وسط]

رابط هذا التعليق
شارك

لان محدش يقدر ينكر ماضى الزمالك ولا بطولاته ولا تاريخه

وحضارة 7000 سنة بقى .. والفراعنة .. وكنا وبقينا .. وكدا يعنى :blush:

كدا برده يا عصام تفتكر حضارة 7000سنة والفراعنه

وتنسى بابا حسنى :blush: :closedeyes:

وبحبك وحشتينى ... بحبك وأنتى نور عينى

ولو أنتى مطلعه ... عينى بحبك موووت

مــــــــــصــــــــــــــر

رابط هذا التعليق
شارك

يا جماعه

ان باعلنها وادامكم اهوه

انا باشجع الزمالك

امبارح ما كنتش هانام في بيتنا بعد التصريحات اللي صرحت بيها في المنتدي(واحده اهلويه اوي تكتمن ايمانها.... :closedeyes: فينك يا س س تيجي تلحقني)

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك

يا جماعه

ان باعلنها وادامكم اهوه

انا باشجع الزمالك

امبارح ما كنتش هانام في بيتنا بعد التصريحات اللي صرحت بيها في المنتدي(واحده اهلويه اوي تكتمن ايمانها.... :closedeyes: فينك يا س س تيجي تلحقني)

مش عارف ليه افتكرت ابنى اللى عنده 5 سنين لما يضربنى بالبوكس واشجعه واقوله "آآآآآه الضربة وجعتنى أوى .. إنت قوى ازاى كدا؟"

:blush:

:blush:

:huh:

[وسط]!Question everything

[/وسط]

رابط هذا التعليق
شارك

الفيفا بيقول ان الاهلى مشجعينه من طبقه الحرفيين و ارباب الصناعات فى حين ان الزمالك من الطبقه الارستقراطيه و الكلام ده موجود فعلا فى موقع الفيفا ممكن تضيف الموضوع ده لتشجيعك الزمالك يا اخ asmg

بس عموما الاهلى و الزمالك وجهين لعمله واحده و مفيش فرق بينهم و اسالوا لجنه الحكام

و بكينا.. يوم غنّى الآخرون

و لجأنا للسماء

يوم أزرى بالسماء الآخرون

و لأنّا ضعفاء

و لأنّا غرباء

نحن نبكي و نصلي

يوم يلهو و يغنّي الآخرون

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...