اذهب الي المحتوي
nora

قصائد لأحمد فؤاد نجم

Recommended Posts

دا شعب فقرى

نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك ....... نسترحمك

نستعطفك .......نستكرمك

ترحمنا من طلعة جنابك

حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة "

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

(بخيار) حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

شارك هذه المشاركه


رابط المشاركه
شارك

فعلا احمد فؤاد نجم تميز بقسوة ممزوجة بمرار وحزن مصحوب بايتسامات ساخرة وحزينة وسياط حروفه كانت لاسعة ولاذعة فى نفس الوقت وكأن الحروف تطاوعه على السخرية والمرار والصدق ايضا

رائعة جميع اختياراتكم اصدقائى الاعزاء

وفى انتظار التمتع بالمزيد من الروائع المنتقاه

:Al:

شارك هذه المشاركه


رابط المشاركه
شارك

عليا الحرنكش يا ريس مبارك

فى عصرمزركش ملون بنارك

لابايعك وأبايع حكومة حمارك

ملعون أبو اللى يقدريقاطع قرارك

نهاره مقندل وليله مبارك

فهمبك وهجص وطلع فى ديننا

أكيد هو طالع يشاهد جمالك

جمالك مبارك سوزانك سوزاننا

يا محلا حصارك لمصر اللى جالنا

نسيمها فى عصرك بيشوى ف بدنا

أؤيد وأبايع فخامة جلالتك

وأيد أى واحد بيمسح ريالتك

ولأنك سر باتع هاننسى هبالتك

فأقعد يا ريس ودلدل حمامتك

حمامة السلام حمامتك ياريس

سلامة الحمامة وسلامتك ياريس

ياريس حمامة ياريس كويس

على تل مصر ياريتك تهيص

خرابة فسيحة عليها تميس

وأأمر تطاع فشعبك مفيص

احمد فؤاد نجم

آخر حاجة للشاعر المصري أحمد فؤاد نجم

طاطي راسك طاطي طــــاطي

انت ف وطن ديمقراطـــــــي

انت بتنـــعــــم بالحــــــــــرية بس بشرط تكون مطاطــــــي

لما تكون شغــال بذمــــــــــة خايف على مصــلحة الأمــة

شغلك يطلع من غير لازمــة علشان مبيعلاش غير واطي

طاطي راسك طاطي طاطـــي

انت ف وطن ديمـــــقراطي

لما حاميها يكون حراميــها

وبلاده ورا ضهره رامـيـها

طالع نازل واكل فيـــــــــها

مسنود بالبدلة الظباطــــي

طاطي راسك طاطي طاطـــي

انت ف وطن ديمـــــقراطي

لما شــقاك يصــبح مش ليك

فقرك سد السكة علــــــــــيك

تتلفّت تلــــقى حـــوالـــــــيك

إما حرامي و إما عقــــاطي

طاطي راسك طاطي طاطــــي

انت ف وطن ديمقراطـــــــي

لماتلاقي بـــــلاد الـدنـيـــــــا

فيها البني آدم حــــاجة تانية

وانت في الطبقات الـــــــدنيا

قرد مسلسل أو وطواطــــي

طاطي راسك طاطي طاطـــي

انت ف وطن ديمقراطــــــي

لما الجهلة يبــــــقوا أمــامــك

أو فوقك ماسكــين ف زمامك

ويسوقك ع الهــلكة إمامك

تشرب م السم السقـــــراطي

طاطي راسك طاطــــي طاطي

انت ف وطن ديمقـــــــراطي

لمــــا الكلـــمة تكون بتدينـك

لما تخبي ف قلـــــــبك دينــك

لما الذل أشوفه ف عيـــــــنك

هات إحباطك على إحباطــــي

طاطي راسك طاطي طاطـــي

انت ف وطن ديمقراطــــــي

انت ف وطن ديمقراطـــــــي

من أحمد فؤاد نجم الى جنوب لبنان

الى الخضرة

عيون الأهل والأوطان

وعفوا

عن سبب جهلي

تمام الاسم والعنوان

وعفوا

كوني أتشرف

بأني اليوم أراسلكم

ولا أنزل منازلكم

أنا انسان بسيط

مجهول

ماليش في الهيئة شان وكيان

لانا دكتور من الجامعة

ولا شاعر

ولا فنان

ولا محسوب من المحاسيب

ولا باتحط في الاعلان

ولا عالم

ولا عالمة

بتطلع صوري في الجرنان

أدينا في العذاب صحبه

وفوق نفس الطريق

سايرين

ومهما تبعد الصحبة

أكيد واصلين

ومتقابلين

أخويا زناتي

كان منكم

ويتكلم كتير عنكم

حكى لنا زمان

“وكان موجود”

عن الزعتر وعن مسعود

وعن سلمان

وعن سلمى

حكاوي تشيب المولود

وعن عبلة

وعبير الورد

وعن عنتر

هزيل العود

وعن انسان

يبات انسان

ويصبح في الصباح

طوربيد

زناتي يجز على نابه

وهو بيحكي لصحابه

ولاد الكلب دول يا ولاد

مناظر

انما أوغاد

نهار ما لموا لمتهم

برمتهم

ورمتهم

وعبوا الغدر ف سلاحهم

وسنوا سنان خيانتهم

نهارها الجو كان اسود

سواد بصفار

وجوف الأرض بيطلع

خراب ودمار

وكان يوم القيامة صحيح

على الأطفال

وع المجاريح

وكان برضك نهار أغبر

على الأندال

وعكس الريح

لأن الشهدا م الثوار

لا ولوا الضهر

والأدبار

ولا خانوا الحمى والدار

عاشوا كبار

وماتوا كبار

وفوق الخد بسمتهم

دي الحاجة اللى كادتهم

ويسكت لحظة يتأمل

ويرجع تاني ويكمل

ولاد الكلب آه منهم

يبيعوا بالدولار دينهم

ولاد الكلب آخ منهم

حييجي يوم وأحاكمهم

وراح مسكين

في ذات مرة

ما نالش مرامه بالمرة

زناتي الباقية في حياتكم

خدوه لارنكا

مات برة

خدوه ازاي

ومات ازاي

أهم قالوا انه كان رايح

يدافع عن شرف بلده

زناتي

اللي اتولد مظلوم

وعاش محروم هنا ف بلده

خدوه قبرص عشان رايح

يدافع عن شرف بلده

ومهما نقول

ومهما نعيد

حنفتل

والسلب حيزيد

خلاصة القول ومعنى القصة والموال

سلامي للجميع واجب

نسا ورجال

خنادقكم

بنادقكم

وبرضه عشمنا في الآتي

وهلبت القريب آتي

أخوكم في الكفاح والهم

وبكرة في السلاح والدم

من أحمد فؤاد نجم إلى حسني

سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين

غابة.... لأحمد فؤاد نجم

غابة كلابها ديابــــا ... و نازلين في الناس هـم

و اللي ينام في الغابة ... رح يتاكل هــــــــم

و اللي يدور وشـــــو ... في غمضة عين يتهــــــم

و اللي يغيب عن جحرو .. لاجل القوت و المم

يتخان من ورا ظهرو ... او يتاخد خم

غابة بتاكل ميتة ... غابة بتشرب دم

غابة كلابها ديابا ... نازلين بالناس هم

غابة و ناسها غلابة .. خيخة لا ناب و لا فم

متكلين عالصدفة .... متاكلين بالهم

و احنا يا ملح الغابة .. هم يحرك هم

ضايعين و سط ديابا .. مش فاضيين نهتم

فاهمين و بنتغابا ... مش راضيين نتلم

ساعة سعيدة سعى

قدمي وراح ليكم

إنتو الحبايب وانا

قلبي براح ليكم

يا أغلى مال الوطن

يا موطني التاني

زرعتوا فيّ الفرح

في عزّ أحزاني

زهر الجناين طرح

سرح الأمل تاني

وسكنت في حضنكم

والحضن دفّاني

واما الغريب ادّعى

داعي العروبة دعا

لملمت بعضي

على بعضي

وجيت ليكم

للشر دولة غشومة

تنتصر أحيان

لمّن يغيب القمر

ويهاجر السمان

الأرض تبقى يباب

والبحر يبقى ضباب

والمخبرين على الباب

يا حيرة الإنسان

النبض لسه في عرق الأرض

بيقاوم

فارس العرب

لا باع ولا ساوم

ركعت عروش العار

سمسار ورا سمسار

والفارس الكرار

بالشعب بيقاوم

والتمر حنة في حضن الغوطة

بيغني

سوريا عروس العرب

والكف متحني

تحرم على الفجار

واللي يخون الدار

وأنت اللي يا بشار

في العين وفي النني

الخواجة الأمريكاني

والسماسرة اللي وراه

تخّنوا بالكدب ودنه

وعرضوله

مقاس قفاه

فهموه من غير ما يفهم

إن سوق الشرق مغنم

والخواجة بطبعه مغشم

والمصاري معفرتاه

حب يعمل فيها تاجر

وانطلق ينهب ويسلب

يحدف الدولار يلمّه

تلمتيت مليون دولار

بالقزايز والبنات

باللبان والبمبونات

بالمدافع والدانات

أو بأفلام الرعاه

قول بقى تاجر وفاجر

وانتشر لص المواشي

رعب ماشي في البلاد

يشفط البترول ويطرش

كل ألوان الفساد

عزرائيل من غير فرامل

يقلب العرسان أرامل

حتى فبطون الحوامل

كان بيدبح الحياه

بالسناكي والخناجر

والنهاية يا خواجه

مش في يوم

كانت بداية؟

البداية برضه لازم

ييجي يوم توصل نهايه

مهما زاد الرأسمال

الهلاك هو المآل

والتاريخ هو اللي قال

لعبة الموت في الحياة

يسحب الموت من الحناجر

أمشير على نجعنا

والريح بتصفر صفر

كل الدروب صفصفت

ما في حدا في الكفر

غيرك يا عود الزان

يا طرحة الأحزان

جلبي عليك انشغف

وأنا جلبي دا خزّان

فيه الرفاجة العزاز

بستان وضليلة

ونصل خنجر خيانة

غوط في ذات ليله

وفيه صبايا حلالك

يا واحد العيله

خايفين عليك تنكسر

ونجدد الأحزان

تحيه لخالد الآسلامبولى ورفاقه

منين أجيب ناس لمعناه الكلام عارفين

شبه الأمارة

إذا حفضوا الوداد

عارفين

شرعت من القلم رمحي

جرح قمحي

جعلت عشق الغنا زادي

وناس عارفين

يا ليل يا عين يا وطن

يا صحرا يا بساتين

يا جرحي

يا غنوتي

يا ناسي يا غايبين

موالى من غربتي أخضر

خضارة حزين

حزين كلام الغنا

والسامعين عارفين

آه يا زمان الخنا

يا ماشي بالمعكوس

فيك أى شئ ينشري

وكل شئ

بفلوس

حطيت عديم الرجا

ع الخايب المتعوس

خراب

وحاكم أغا

يا قهرة العارفين

ركب الأغا ع البلد

ركب عليها الخوف

خاين قليل التنا

جاهل

عديم الشوف

خان التراب والهوا

خنق الضمير في الجوف

وداس بنعل الوطا

ع الحق

والعارفين

مين في البلد يا بلد

كان صوته من راسه

يحسب

يكيد العدا

ويصون وداد

ناسه

دار المدار بالخبل

وسقانا من كاسه

مين تحت الأغا ينطق

يقول عارفين

يا للي قريتوا الجرايد

كله كلام مغشوش

ومركبين في الصحافه

بتوع

وليها كروش

يدوسوا زر البتاعه

ينزل كلام مطروش

حمضان في حبر المطابع

وكلنا عارفين

أصل الحكايه ولد

فارس ولا زيه

خذ من بلال ندهته

ومن النبي ضيه

وم الحسين وقفته

في محنته

وزيه

قدم شبابه فدا

والحق له عارفين

خالد

يا بن الربيع والأمل

والشمس والزينه

مين يا فتي أعملك

فعل الخريف فينا

وكبرت بره الزمان

اللي ابتلاك بينا

نايمين على وددنا

مع إننا عارفين

صالح من سكون الخرس

كروان بغنيوه

الملك لك يا فتي

يا مصري يا حليوه

رقصت نجوم الفلك

بالضي تتعانق

والشمس ويا القمر

في برجهم

عارفين

شيل الغطا يا عطا

عبد السلام قد مين

عبد الحميد يا فتي

قطب الرجال يا حسين

داعي المروءة دعي

والعمر مش عمرين

خالد يقول صحبتي

واحنا الجميع عارفين

الله أكبر هنا

ع الباغي والجبار

طعن الفتي طعنته

خار الأغا وانهار

المجد دا ابننا

والفارس الكرار

راكب على مهرنا

والكدابين عارفين

مين يا فتي علمك

لعب العصا ع الخيل

وازاي قطفت القمر

من فوق شواشي الليل

وطبعت نجم السما

بالوشم

على زندك

الاسم : خالد

ولكن

عاشق

ولك هندك

أم الدلال علمك

طبع الأسود عندك

مين يا فتي علمك

عشق الملاح والميل

هندك يا أدهم هنا

أصلك وسلسالك

والناس يا خالد هنا

عمك

هنا

خالك

يا غنوه من قهرنا

إسمك وموالك

ويا العذاب والأمل

فى دمنا

عايشين

وليه أجيب ناس

لمعناه الكلام عارفين

وإحنا الأماره

إذا حفضوا الكتاب

عارفين

دا شعب فقرى

أحمد فؤاد نجم

نظرًا لأن النعمة فاقت حدها

ولأننا مش قدها

ولأن فعلاً إنجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك.......نسترحمك

نستعطفك......نستكرمك

ترحمنا من طلعة جنابك

حبتين

عايزين نجرب خلقة تانية

ولو يومين

إسمع بقى

إحنا زهقنا من النعيم

ونفسنا في يومين شقا

عايزين نجرب الإضطهاد

ونعوم ونغرق فى الفساد

بيني وبينك حضرتك

دا شعب فقرى مايستحقش جنتك

أنا عارف إنه شعب ماينفعوش

إلا شارون وبلير وبوش

عايز يجرب الإمتهان

ويعيش عميل للأمريكان

بيمد "غازُه" لإسرائيل

ويومين كمان ويمد النيل

أهو يعنى نشرب ميه واحدة

ندوب فى بعض

ماء وماء وماء

ونفض سيرة الإنتماء

وبلاها نعرة وطنطنة

وتبقى البلاد "مستوطنة "

متسلطنة ومتسرطنة

إيه اللى خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

خيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وإرضى بقسمتك

دا شعب مش فاهم أكيد

يالا أُطرده من رحمتك

وإن كنت غاوى الحكم

خليك مطرحك

حاغطس وأقب وأعود

بشعب يريحك

راضى وعمره مايجرحك

أخرس وما بيسمعش

وأعميلك عينيه

مش كل قرش يبص فيه

مايقولش لأه، وفين، وليه

ينضرب ينفض فى السليم

وعلى الصراط المستقيم

كل اللى يعرف ينطقه:

عاش الزعيم

يحيا الزعيم

ماما سوزان و ماما جيهان

و ماما الجاية أيه ما تكون

أنا متأسف جدا خالص

أنا متشكر أنا ممنون

أنا واحد م الشعب الدايخ

أنا واحد مسكين مطحون

نفسي أعرف إيه لازمة ماما

تقعد لنا فوق في البلكون ؟

و هل لازم جدا و ضروري

آخر أسمها يبقى النون ؟

يعني حاينفع تبقى تفيده ؟

أو حسنية ؟ أو توحيدة ؟

خوفي لا يبقى أسمها ناريمان

وفاروق تاني يعود فرعون

شارك هذه المشاركه


رابط المشاركه
شارك

عــــــــــزة

الغرام في الدم سارح

والهوى

طارح معزه

والحنين للقرب بارح

والنوى جارح

ياعزه

ياابتسامة فجر هلت

بددت ليلي الحزين

ياندى الصبح الللي سأسأ

فوق خدودي الدبلانين

بل شوقهم

صحى لون الورد فوقهم

كل خد

وشم ورده

مين يدوقهم

غيرك انتي

ومين سواكي

ياحياتي

ياملاكي

يانسيم الحب لما هب

هز القلب هزه

ياهوى الاحلام ياعزه

...

الليلادي جم خدوني ياملاكي

جوز تنابله

ونص دسته

من التيران

كنت باحلم ياحبيبتي

كنت باحلم

بيكي انتي

كنا قال

انا وانتي قال

ف جنينه خضرا

ومحاوطها البرتقان

والسيسبان

وانتي جوا قرنفلايه

بالعبير بتستحمي

اجري يمك ياهوايا

تسبقيني وتجري يمي

أحضنك

واشرب عبيرك

من شفايفك

والغصون

واقفه وشايفه

بتراعينا

بس خايفه م العيون

والعيون بتقول كلام

والكلام

طاير حمام

بينادينا بالاغاني

ويهادينا بالسلام

كنت بحلم ياحبيبتي

كنت باحلم

بيكي انتي

ايوه انتي

ومين سواكي

ياحياتي

ياملاكي

يانسيم الحب لما هب

هز القلب هزه

ياهوى الاحلام ياعزه

وانطلق في الجو فجأه

ياحبيبتي

صوت مفاجأه

صوت يخلي الدم يجمد

اصحى يا احمد

اصحى يااحمد

وانتهى الحلم الجميل

وابتدا الهم التقيل

_ فين امام

_ انتوا مين

_ احنا ناس مكلفين

تيجي سالك مش ح تتعب

واحنا طبعا معذورين

_ انتو دود الارض

واللآفه المخيفه

انتو ذرة رمل

في عيون الخليفه

انتو كرباج المظالم

والمآسي

انتو عله ف جسم بلدي

انتو جيفه

_ سكتوه ابن الكلاب

سففوه من التراب

فتشوا كل الاماكن

طلعوا رفوف الدولاب

...

كمموني يا حبيبتي

كتفوني يا حبيبتي

قوموني..قعدوني

كل شعره في جسمي

بالعين فتشوها

المخده من جنانهم

شرحوها

وانتهى التفتيش

مافيش

صدقيني

ماتخافيش

هو فيه ياعزه عندي ممنوعات

غير باحب الناس

وباكره السكات؟

...

بص واحد من التنابله

جوا عيني

وانتي عارفه

عنيه صافيه وطيبين

زي كل عيون بلدنا يا حبيبتي

شباكين

ع القلب دوغري موصلين

كان مناه يلمح علامة خوف بسيطه

طب حييجي الخوف منين ابن

العبيطه

هو مين فينا الجبان

ولامين فينا الللي خان

اللي قلبه بالمحبه و بالاماني

وبالربيع لاخضر مزهر

والاغاني

ولاكلب الصيد

واسياده الاباطره

أكالين لحم البشر

فوق الصواني؟

هو مين فينا الجبان

ولامين فينا اللي خان

هو بص في عيني بصه

ارتجف وف حلقه غصه

واتعوج ومال وقال

جملتين مش مفهومين

أصله شاف صورتين جمال

في العيون الطيبين

مصر في العين الشمال

وانتي في العين اليمين

شارك هذه المشاركه


رابط المشاركه
شارك

أبحث عن قصيدة كتبها فى الرجل الذى وقف مدافعا فى مواجهة صفقة عمر أفندى أظن إسمه يحي حسين و قال فيها عن مصر إنها "بت كلب إشتاقت للحبل" و إفتكرت طلعت حرب و فجأة جائت لنا ب يحى حسين ...

القصيدة كلها شجن و أردت البحث عنها و أنا أحضر لموضوع عن "نقص مناعة الأوطان" و مهما تمت رشوة "خلايا الدفاع عن الوطن" ستبقى بعض الخلايا مستعصاه على الرشوة مثل نهى الزينى و يحى حسين "هل الإسم صح" و غيرهم و بهم و بمثلهم سيستيقظ الوطن.

شارك هذه المشاركه


رابط المشاركه
شارك

عشان انت مصرى... لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الأغانى

بتاع الحضارة وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدأ فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش مية تشطف صابونة فى إيديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصلة

أدى المترو واقف وكهربته فاصلة

وفى الميكروباص خناقة وحاصلة

أوتوبيس فرامله عايزالها وصلة

وتوك توك ده تايه ومحتاج لبوصلة

بتوصل لشغلك بدم اتحرق

فىزحمة وكتمة وحر وعرق

رئيسك سايبلك كومة ورق

ده غير دمغة ضايعة وملف اتسرق

وفيه كام مواطن عامللك قلق

بيشكى تقول له روح اندعق

وعركة وهوجة وشاى اندلق

ومخك خلاص م الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تِهاتى ياناس اتهريت

ولا حد سامعك مهما هاتيت

عشان انت مصرى وده للاسف

فلازم تقاسى تعيش تتقرف

وكل الأساسى فى حياتك ترف

فتنسى الكرامة وتنسى الشرف

وتسرق وتنصب أو تنحرَف

ودمعك بيجرى وجرحك نزف

مش انت اللى مصرى؟؟؟

جتك ميت قرف

شارك هذه المشاركه


رابط المشاركه
شارك

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

شارك هذه المشاركه


رابط المشاركه
شارك

السلام عليكم

lonly in cold night رد اليوم, 02:48 PM

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

:roseop::roseop::roseop:

شكرا لأمبراطور الشعر الحلبنتيشي احمد فؤاد نجم قد تتفق وقد تختلف مع اسلوب الرجل في

التعاطي مع اشياء كثيرة ولكنك لا تستطيع ان تنكر انه شاعر مبدع ومعارض قوي وله رؤية

والصراحة الراجل جاب من الاخر

حتقبل ححبك حترفض حلبك حتطلع حتنزل حجيبلك جمااااال

من الاخر يا معلم وتحيا مصرررررررررررررررررررررررررررررررررررررررر

واخيرا شكرا لمن ذكرنا بتلك القصيدة الجميلة شكرا لك LONELY IN COLD NIGHT

شارك هذه المشاركه


رابط المشاركه
شارك

قصيده ميه ميه...مصاغه بعبقريه ... كلامها مدفعيه ... عالناس المفتريه... الدون... الحراميه ...اللى معيشنا ..ف اسود مسرحيه

والعرض مستمر ..ومش باين له بر

شارك هذه المشاركه


رابط المشاركه
شارك

السلام عليكم ورحمة الله....

بيـــــــــــــــــــــــــان هام

....هنا شقلبان

....محطة اذاعة حلاوة زمان

....من القاهرة ومن كردفان

....وسائر بلاد العرب واليابان

....ومن فنزويلا أيضا ايران

....ومن اى دار

أو بلد مستباحه....

....بفعل السياحه مع الأمريكان

....هنا شقلبان

....محطة اذاعة حلاوة زمان

...نقدم اليكم بكل اللغات

....مراسح وسيما وجميع الفنون

....صحافه ومنابر وتلفزويونات

....وخطبا ف جوامع وجبنه وزتون

....ونقزح ونركب جميع الموجات

ونبحث ونفهم فى كل الشئون....

....ودايما نلعلع فى كل الحالات

....ولا حد سامع ولا يحزنون

....وتسمع ما تسمع دا ما يهمناش

....لأن احنا اصلا بناكل بلاش

....فخليك فى نفسك وما تخليناش

....نسلط عليك القلم واللسان

....هنا شقلبان

....محطة اذاعة حلاوة زمان

....يسر الاذاعه ولا يسركوش

....بهذى المناسبه ولا بندعيكوش

....نقدم اليكم شحاته المعسل

....وبدون الرتوش

شبندر سماسرة بلاد العمار....

معمر جراسن للعب القمار....

....وخارب مزارع و تاجر خضار

وعقبال أملتك أمير الجيوش....

....ما تقدرش تنكر

تقول ما اعرفوش....

....ما تقدرش ايضا تفول ما أسمعوش

....شحاته المعسل حبيب القلوب

....يزيل البقع والهموم والكروب

....يأنفس يأفين يبلبع حبوب

ويفضل يهلفط ولا تفهموش....

....وتفهم ما تفهم دا ما يهمناش

لأن انت فاهم وعامل طناش....

....ح تنكر وتحلف ح اقول لك بلاش

....ح تتعب دماغنا وتتعب كمان

...هنا شقلبان

....محطة اذاعة حلاوة زمان

....لأن المخبى ظهر واستبان

وكل المسائل بدت للعيان....

....وطلعت حكاوى ونزلت كمان

....عن التهريبه وعن كيت وكان

....وعن محسوبيه وعن أُلعبُان

....ظهر فى المدينه كأن الطوفان

....وغرق مراكب وسوح غيطان

وبعض المراكب ح تغرق كمان....

وأزمة مساكن وأزمة أمان....

وعالم بياكل فى عالم جعان....

....وريحة مؤامره فى جو المكان

مخطط خيانه مع الأمريكان....

لدبح العشيره وحرق المكان....

....وفيه ناس بترغى ولازم بيان

....كما ابلغونا جميع الودان

....لهذا وذاكا وتلكُم كمان

نقدم اليكم عروسه وحصان....

شحاته المعسل وهذا البيان....

هنا شقلبان...

....محطة اذاعة حلاوة زمان

..بسم الله

....سلام عليكم وسلمون وموز

....وأما المسائل فهنجف ولوز

....فيا اخوتى ويا أخوات

....اليكم بيانى كما هو آت

....جميع المسائل تمام التمام

....وكل الكلام دا مجرد كلام

فصبرا جميلا ولا تقلقوش....

....وشغل الضغاين أنا ما أقبلوش

ما فيش أى حاجه...

....على الطلاق والعتاق بالتلاته

....ما فيه اى حاجه

...وقدر كمان ان فيه أى حاجه

مافيش أى حاجة ...

ما لوش أى لازمه الكلام واللجاجه...

...وعيب ان عيل يسوق السماجه

...ويعمل لى باللو ويعمل ديباجه

آنا بطبعى ضد السماسره الكبار...

...بحكم المنافسه وحكم الجوار

لكن مش فى طبعى...

...انى أعمل فضيحه

...لواحد زميلى هبش كام صفيحه

...ما كل الزمايل بتهبش صفايح

...وكل اللى جاى مش زى اللى رايح

...فيا ايها الشعب صهين تفلعص

...مساء التنفس مساء الروايح

...أخويا الامير بزرميط الايرانى

...بعت لى السنه دى

...عزمنى ودعانى وأنا قبلت طبعا

...ورحنا العزومه وكانت وليمه

ما تحصلش تانى

دا أيه المحمر..وايه المكمر ..وايه المشمر.

....وايه الصوانى

انا دماغى تعبت ولفت صراحه...

...من الفخفخه والهنا الاصفهانى

...هناك يعنى مثلا اذا شربت طافيه

...تمز بكوارع وبسطرمه ضانى

..ما شفتش هناك

...ناس بتحقد عليهم

...ولا ناس بتشتم فلان الفلانى

...لأنه اشترى عزبتين من شطارته

وحكمة ادارته وطلع مبانى...

...وبعد الوليمه استلمنا الهدايا

...مفضَض ومُدهَب وقز وقيشانى

...وطبعا أخويا الأمير قال لى حاجه

...ح اقولهالكو طبعا اذا الوقت ناسب

...ح يطلع لى عيل

بدون اى حاجه

.....ويعمل لى فلحس

ويقعد يحاسب

...دا حقد اشتراكى أنا ما أقبلوش

...ولو هو ابنى أنا ما اعتقوش

...كلام عن سماسره

كلام عن دعاره

...حاجات مش صحيحه

جمل مستعاره

وعايزين يخلوا البلد

....اردغانه

وعايزنى اسيب البلد

...من زمان

وأنا مش ح اسلم

...واسيب الأمان

ولا بالبوليس والنيابه

.....كمان

فيا ايها الشعب كمل جميلك

وصبرا

...والزم حتيجى المصارى

وتاكل وتشرب

...تبع ما يآتيلك

وتغرق فى بحر العبيد والجوارى...

...وترسم حياتك حسب ما يرائيلك

ونملا الحوارى

...فساقى وقصارى

تسبح بحمدك وتشكر جميلك

وفضل الزباله وطفح المجارى

ختاماً سلاماً

...ًوآخر كلاما

ًضرورا

يسود الهدوء والوئاماً

...فماذا والا

ح اطربقها واللا

...واهرب فلوسى

واسافر قواماً

سلام عليكم

وسلمون وموز..

..بصفتى رئيسا

..وابا وجوز

القاهرة 1976

شارك هذه المشاركه


رابط المشاركه
شارك

أشكر كل من جمع أوشارك أو أحب عم نجم

وبالنسبة للزميل عادل ابوزيد:نعم هو يحيى حسين والاسم صحيح

وكل الشكر للزميلة فولانة على قصيدة حلاوة زمان التى قالها نجم ف الرئيس المؤمن

شارك هذه المشاركه


رابط المشاركه
شارك

عبقري تسمع الكلام منه سهل لكنه خطير

نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك

....... نسترحمك

نستعطفك .......نستكرمك

ترحمنا من طلعة جنابك

حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك

حضرتك

دا شعب فقرى مايستحقش جنتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة "

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

(بخيار)حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة

مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

شارك هذه المشاركه


رابط المشاركه
شارك

عليا الحرنكش يا ريس مبارك

فى عصرمزركش ملون بنارك

لابايعك وأبايع حكومة حمارك

ملعون أبو اللى يقدريقاطع قرارك

نهاره مقندل وليله مبارك

فهمبك وهجص وطلع فى ديننا

أكيد هو طالع يشاهد جمالك

جمالك مبارك سوزانك سوزاننا

يا محلا حصارك لمصر اللى جالنا

نسيمها فى عصرك بيشوى ف بدنا

أؤيد وأبايع فخامة جلالتك

وأيد أى واحد بيمسح ريالتك

ولأنك سر باتع هاننسى هبالتك

فأقعد يا ريس ودلدل حمامتك

لايمكن يكون دا كلام احمد فؤاد نجم مع انه شعر رائع

شارك هذه المشاركه


رابط المشاركه
شارك

و ده موقع للاشعار و اغانى الشيخ امام ..

http://chaykh.imam.free.fr/

و ده ال Blog بتاع نجم عشان لو حد عايز يتواصل معاه :

http://elfagomy.blogspot.com/

على فكره .. في حاجات كثير اعتقد انها تنسب لنجم بالرغم من انها مش شغله و بيبان من التركيب انها مش بتاعته .. لكن في الاخر نجم هو مصدر الهام للكثيرين و انا باعتبره من اهم شعراء العاميه و من افضلهم على الاطلاق ..و طبعاً انا بأقيم الشعر و ليس الافكار لانها ملكه و هو حر يكتب اللى شايفه ..

موضوع الوطنيه و خلافه .. هو موضوع شخصى في الاول او في الاخر و ما يخصنا من نجم فنه فقط ..

طلب اخير .. اتمنى ان نقرأ الموضوع .. في مكرر كثير يعنى كلنا للاسف بنكتب من غير ما نقرأ ..

شارك هذه المشاركه


رابط المشاركه
شارك

غــزة فى قلب العرب

ناح الحمام في الدوح

دمع البنفسج..سال

والورد مال مجروح

من شكة الموال

قال الحمام .. ياليل

ويا عيني

ع اللي إنقال

مين يشتري الفيروز؟

غزه .. مع الدلال!

من فين يا شابه النسب

وبنت مين في الناس ؟

ومين في ناسك حسب

وعطاكي.. للنخاس!

بحرين عيونك أسى

ساقيين .. قلوب الناس

من فين يا شابه النسب

وبنت مين فى الناس

قالت _ بلهجة عرب _

غزه .. في قلب العرب

غزه .. وأهلي عرب

خالص

وبنت حــــــــــلال

.

.

.

.

آآلالا أونـا بنت العرب

للبيع

ومين قال كام ؟

سنيوره شبه القمر

مصنوعه .. م الأحلام

يا حلال

على المقتدر

وع الغلابة حرام

دق الجرس بالعدد

واحد

ومين قال كام ؟

البنت من بدعها

ضحكت..

ومن قلبهـا

عشقــت..

ومن وجدها..

سمع الوجود زلزال

لايا عديم التنا

لا أنت ..ولا البايعين

سوق النخاسة جبر

والأهل بالملايين

أبويا باني الحرم

وأمي من القدسين

ومصـــر

فيها الهوى

والعزوه

في الشرقين

حلفت بالمرحمه

والدم

والملحمة

والفارس اللي حمى

ما امشي

ورا الأندال

ما امشي

ورا الأندال !!

الأغنية بصـــوت الشيخ امام

شارك هذه المشاركه


رابط المشاركه
شارك

[تسلم الايادى اخت نورا انا باعشق كل قصايد الفاجومى وباكون حريصة على كتابة اى قصيدة اجدها لة على النت فى دفتر خاص عندى لانة خير معبر عن احوال مصر المحروسة وكذلك بعض القضايا العربية بشكل مبسط وساخر يصل مباشرة الى القلب

شارك هذه المشاركه


رابط المشاركه
شارك

يابن البلد

غناها الشيخ إمام وهي من كلمات الفاجومي

بـعـد السلام والمـرحبـة ..

يـا ولاد بـلدنـا يـا طـيـبـين ...

آدي كـلام المـصـطبة ...

واضـح لكـل السامعـيـن...

مصـر الحبيـبة الطيـبة ...

أم البنيـة والبنيـن ...

إشحـالها في عز الصبـا...

واشحـال ولادهـا المخلصيـن...

وسـط العـواصف مـركبة ...

بيـن رَيح شمال وريـح يميـن ...

جابـوا الطبيـب ابـن الحـلال...

كشـف مـا خـاف وشـاف وقـال...

أهـل البصيـرة في البلـد ...

جـواب لكـل السـائليـن ...

قـالـوا البـلد عايـزة ولـد ...

يـأخـذ بتـار المظلوميـن ...

ولـد... يعـوِض اللي راح ...

ويعـلا فـوق كـل الجـراح ...

ويمـد إيـده في الضبـاب ...

يشـدّ أنـوار الصبـاح ...

فيكـم ولـد يـا سامعيـن؟

أجـدع ولـد طـب هـو فيـن؟

وهـو ميـن؟

ابـن البلـد يا ابـن البلـد ...

الوقـت وقتـك يـا ولـد ...

يا قلـب مصـر ونبضـها ...

يا ابـن البلـد ...

يسـري بطولهـا وعرضهـا ...

يـا ابـن البـلـد...

يـا صبحـها ...

يا ابـن البـلد ...

يا ربحهـا ...

يا ابـن البلـد ...

يا قمـحـها ...

يا ابـن البـلـد ...

يا رمحـها ...

يا ابـن البلـد ...

يا نـور سـماهـا وأرضهـا ...

يا ابـن البـلـد يا ابـن البـلد ...

الوقـت وقتـك يـا ولـد ...

آدى كلام المصـطبة ...

يا ولاد بلـدنا يا طيبـيـن...

بـعـد السـلام والمرحبـة ...

واضـح لكـل السـامعيـن ...

الأغنية بصوت الشيخ إمام

شارك هذه المشاركه


رابط المشاركه
شارك
زوار
هذا الموضوع مغلق.

  • محاورات مشابهه

    • قصائد الهايكو

      تحيات وتمنيات  بكل ماهو طيب لكم جميعا.. اسمحوا لى ان اتحدث معكم اليوم عن - نوع من الاشعار - غير معروف وبمعني  ادق....غير منتشر وهي اشعار أو قصائد الهايكو . تروق لي كثيراااا..اكثر مم تتخيلون ...وسمحت لنفسي اليوم  ان تشاركوني متعة التفكر والتأمل فيها.. اكتب لكم كبداية...نبذة عنها.-https://ar.wikipedia.org/wiki/هايكو------------------------------ هايكو أو هائيكو (باليابانية: 俳句) هو نوع من الشعر الياباني، يحاول شاعر الهايكو، من خلال ألفاظ بسيطة التعبير عن مشاعر جياشة أوأحاسيس عميقة. تتألف

      في أدب و شعر و قراءات

    • رائعة هشام الجخ ..مكملين و قصائد أخرى

      http://www.youtube.com/watch?v=YSzMWm-Owuc

      في أدب و شعر و قراءات

    • قصائد مغضوب عليها ...

      و قديماً كتبوا و ثاروا… هذه هي حال بلادنا العربية، من مشرقها إلى مغربها، ببترولها و نفطها، بجميلها و مرها… حال أبت إلا أن تعلن عن مأساة شعوب بأكملها، حال أبت إلا أن تعلن عن سلاطين استعبدت أمماً برمتها، حال أبت إلا أن تعلن عن ثوار ينادون للحرية من أوسع أبوابها… و كي لا نخطئ الظن بأدبائنا، و كي لا نسيء لمجد شعرائنا، وجب التعريف بشاعر من أبلغ ثوارنا… هو ابن مدينة دمشق، و ابن سورية، نزار قباني… عرفه التاريخ و صوره النظام على أنه شاعر المرأة، بسبب أشعاره الغزلية و قصائده

      في أدب و شعر و قراءات

    • <>0<>....قصائد ألهمتني....<>0<>

      اضاءة تشبه الربيع ... للشعر مكانة خاصة في قراءاتي وخاصة ماجاء نابضا بشعور تذوقته في مرحلة ما من عمري يملك الشعراء طاقة تعبيرية مذهلة تجعلنا نبتسم او نبكي او نحدق في الفراغ من الدهشة حين كان الشعر فقط موهبة كان للشاعر مكانة تجعل القبيلة تحتفي بنبوغ احد افرادها لانه سيكون اعلامها ودرع دفاعها ضد خصومها ....اما في عصر النسخ واللصق فقد اصبح الكل من خلف الشاشات شعراء هنا ساجمع القصائد التي الهمتني او آلمتني لانها عزفت بحروفها على جرح نازف في قلبي وهي محاولة مني لاصنع ارشيفا للذاكرة الشعرية ا

      في أدب و شعر و قراءات

    • مش مهم الاسم - قصائد لشعراء مجهولين..لكنها رائعة

      في هذه الزاوية تعالوا نبحث عن أجمل أشعار كتبها هواة أو شعراء مغمورون ليسوا معروفين لا للقارئ العادي و لا حتى المتخصص.. و سأبدأ بقصيدة رائعة لشاعر أول مرة أسمع عنه هو هشام إمام.. http://www.omeldonia.com/story....y_id=56 الإرهابى الغربُ يبكي خيفـةً إذا صَنعتُ لُعبـةً مِـن عُلبـةِ الثُقابِ . وَهْـوَ الّذي يصنـعُ لي مِـن جَسَـدي مِشنَقَـةً حِبالُها أعصابـي ! والغَـربُ يرتاعُ إذا إذعتُ ، يومـاً ، أَنّـهُ مَـزّقَ لي جلبابـي . وهـوَ الّذي يهيبُ بي أنْ أستَحي مِنْ أدبـي وأنْ

      في أدب و شعر و قراءات

×
×
  • اضف...