اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

ذكريات حُلم الطفولـــــــــــة.....البريئة :)


Recommended Posts

ايه الموضوع الحلو ده يا جماعة

و ماله مدفون كدا من زمان

ده ذكريات زمان ديه جميله

بس اكتر حاجة الواحد فعلا زعلان عليها لانها كانت اساسية زمان هي الراديو

و الواحد كدا رايح المدرسة الصبح و اذاعة الشرق الاوسط ........

هحاول افتكر :blink:

" الدنيا هي الشبه و انت الجدع تشوف رشاقة خطوتك تعبدك لكن انت لو بصيت لرجليك تقع وعجبي .... "

" حلقات اذاعية من 7:30 ل 8:00 و كتير اتاخرت ع المدرسة بسسب الحلقات دي ;) "

و حاجات كتير كانت بتجي الصبح و جمل محددة بس مش قادرة افتكر دلوقتي انا شاكه اني جالي زهايمر بدري :lol:

ده غير في الصيف اذاعة ام كلثوم من 5-9 مساءا رغم اني مش بحب ام كلثوم كنت اعدي اغنية ام كلثوم من 5-6:30 و اسمع الباقي

( بالترتيب : عبد الوهاب - فريد - عبد الحليم - نجاه - " شادية او ورده او هاني شاكر ! :lol: )

يوم الجمعة طبعا ابلة فضيلة و حلقات " من الجاني؟ :lol: "

و بمناسبة يوم الجمعة طبعا في التلفزيون " سينما الاطفال "

مش عارفة بقي كدا انا طلعت من انهي جيل :lol:

رابط المشاركه
شارك
  • الردود 251
  • Created
  • اخر رد

Top Posters In This Topic

Top Posters In This Topic

Popular Posts

السلام عليكم ورحمة الله... والله ياريمو أنا ضحكت جدا وأنا بأقرأ مداخلتك...ضحكت على نفسى ..وافتكرت الموقف الصعب ده.. وافتكرت نظرة الاندهاش فى عيون سى الأفندى ..كأنى مثلا قلت حاجة عجيبة غريبة ...:) و

ايييييييييييه ايام ما كان عصفور المساء الزعلان متخيلاه و هو بيبي و برضه بيكتب شعر :blink: أيا صغيرة الضفائر أعلم / بأنك تتلصصين في ذياك المكان بقلقٍ تنتظرين أن آتيكِ بمصاصة بطعم اليقطين وك

السلام عليكم و رحمة الله و بركاته

حبايبي الكتاكيت

بمناسبة عيد الطفولة اللي هجم علينا كده.....

المدرسة بتاعتي كانت دايما متعودة تعمل احتفالات باليوم التاريخي ده مش عارفة ليه..... المهم اختاروني مع كام بنت في الفصل خير اللهم اجعله خير

نعمل فقرة استعراضية (انا لا كنت افهم يعني ايه استعراضي... و لا يعني ايه طفولة....انا كنت تشرد خالص)

قالك ايه بقي يا مواطن.... كل تفلة لازم تصمم ليها جيبة من ورق الكوريشة بالوان و كده..... وورق الكوريشة ده بيستخدموه دلوقتي يحطوه فيه عرقين البرسيم قصدي بوكيه الورد في الفالانتين و الليلة دي

المهم ....انا بقي مامتشي كانت ليها تجارب مميزة جدا في الخياطة.... يعني تطلع فتحة الرقبة اصغر من عروة الزرار... و الكم يبقي فردة واحدة (ما هو برضه استايل)...و دايما دايما بتحاوا تقنعنا ان البنطلون ممكن يبقي فردة واحدة...طب ايه الالتصاق ده

روحت طبعا البيت....و الله كان قلبي حاسس و قولت لماما هنعمل ايه....(و كان نفسي اوي تقولي هنشتري البتاع الزي ...ان شاله حتي من عند عم سيد الفرارجي)

لقيت بابا كده (الظاهر كانو لسه متجوزين طازة يعني) قال مافيش غير ماما ....هي الي تتقوم بالمهمة دي...

طبعا انا كنت تفلة بريئة جدا... و مش واخدة خوانة

نمت يا مواطن منك له و صحيت ألقي شيء كده لا هو محصل الزي الرسمي بتاع هاواي... و لا حتي التنورة الملونة بتاعت الموالد....و ابص لبابا...و بابا فطسان م الضوحك....ما هو طبعا مش هو اللي هيلبسه

المهم طبعا مكنش قدامي اي اختيار...لان خلاص الحفلة

يا ريت الموضوع وقف علي كده

جينا بقي للعرض الجبار...بتاع الاطفال الشطار....في عيد اكل الفوشار

و بعمل الحركة من دول....و هووووووووووووووووووووووب

الزي اللي كان عبارة عن جيبة لطيفة كده

راااااااااااااااااااااااح

وقع

آه و الله...رضينا بالهم و الهم مرضيش بينا

فيه ناس قالت ان ده بفعل فاعل...و في رواية أخري.....بيقولك ان ماما محطتش كوبشة و لا اي حاجة و اعتمدت اني امسك الجيبة.... طب امسكها ازاي و انا بؤدي دور التاريخي في مشهد (يا با يا با ع اليمونة .... يا بايا با ع اليمونة)

بصوا... هو المشهد فجأة كده بقي من استعراض مواهب الاطفال... الي فقرة... اضحك كركر من غير ما تفكر.... مش عشان اللي حصل...أبتا أبتا

عشان أنا بمنتهي الهدوء.... حدفت الجيبة علي ايدي الشمااااااااااااال و كملت عاااااااااااااااااادي جدا (أيون ربنا يخلينا بقي الشراب الاخضر ابو استك من فوق)

بس اللي لاحظته بعدها ان شعبيتي زاااااااااااااااااااااادت في المدرسة

تفتكروا ليه ها؟؟؟؟

و من ساعتها و انا بحاول اقنع ماما تلعب شطرنج

مش كده احسن بالذمة

شوية كده و راجعة في ايدي حوتة شاندوشت كبده اسكندراني معاكسني خالص

فوتكم بعافية

رابط المشاركه
شارك
  • 3 months later...

اييييييييه ذكريات ... كنت نفسي أعلق يا لماضة ... بس من كتر الضحك مش قادر :lol:

أنا باة كان ليا مجال أنشطة تاني خالص أيام المدرسة ... فرض الاتاوة ... أيون ... اتاوة ع العيال في الأتوبيس .. أقعد في الحتة اللي تعجبني و اللي ميوسعش يدفع شندوتش لنشون ... كان أيامها اللنشون لسة طالع جديد ... و اللنشون بيفي مش فراخ و العيا ده

كانت أبلة سميرة دي تحفى جري ورايا في الأتوبيس و انا شغال سيستم القرود و من الكراسي دي للكراسي دي و فوق دمغة العيال و اديله ... بس و الله مكنتش باخد فلوس ... عشان حرام :rolleyes: ... شندوتشات بس ... أصل أنا و أنا صغير كنت تختوخ و مبقلظ و حلو كدة فالعيال كانت بتخاف مني فكانوا بيدفعوا ... بس كانت احلى من السندوتشات اللي والدتي كانت بتعملها ... عشان دول جايبهم بعرق جبيني. :happy:

مكاوى ... البلطجي

رابط المشاركه
شارك
  • 8 months later...
.تعرف يا سى الافندى..ده كان لما بيغنى الحلوة ..الحلوة..برموشها السودا الحلوة ..افتكر انه كان بيغنى لى انا ...

راح سى الافندى قال بتلقائية تغيظ .واستنكار يفرس..." يانهـــــــــــــــار أسود"...

كنا زمان و احنا صغيرين بنقعد نسمع برنامج مايطلبه المستمعون و كنا بنلعب مع ماما لعبة حظ مين الاغنية الي جاية

فا دايما كان يطلع حظي في اغنيةالحلوة لعبدالحليم و يا سلام كنت ببقى فرحانة اوي

عبدالحليم بذات نفسيته بيغنيلي الحلوة

بس كويس انك نبهتيني اني ما احكيش للافندي بتاعي الذكريات دي لحسن هاسمع كلام انيل من

يا نهار اسود

;)

رابط المشاركه
شارك

السلام عليكم ورحمة الله...

والله ياريمو أنا ضحكت جدا وأنا بأقرأ مداخلتك...ضحكت على نفسى ..وافتكرت الموقف الصعب ده..

وافتكرت نظرة الاندهاش فى عيون سى الأفندى ..كأنى مثلا قلت حاجة عجيبة غريبة ...:)

وأنصحك طبعا انك ماتجبيش سيرة ان عبحليم كان بيغنيلك "الحلوة"...لانه كان بيغنيها لى أنا ..ده هام

والهام التانى..أديك شايفة اللى بيحصل لما نقول الحقيقة..

اصلى كنت مصدقة جدا ان عبحليم كان بيغنى لى وعايز يتجوزنى كمان :rmiojlt: يالا قدر ولطف

مش عارفة ليه شاعرة ان الموضوع ده بقى من ضمن ذكريات الطفولة بالنسبة لى ..:vian:

رابط المشاركه
شارك

مش هاتكلم كتير

لكن من فضلكم كل واحد يحضر جنبه شوية مناديل .. شويه كتير يعني ...

يالله سمعوني صوت النهنهه

http://www.youtube.com/watch?v=RIMiVXXJCXU&feature=related

كان فيه موضوع لدامو من فترة كدة

وحطيت فيه الأغنية دى ..وقعدت اعيط جنبيها...

وماحدش عبرنى ساعتها...

كنت فين حضرتك ليه ما جتش تعيط هناك؟؟؟هه....هه...

رد بسرعة:protest:

رابط المشاركه
شارك
  • 1 year later...

الموضوع الجميل ده للرفع

ولى عود

رابط المشاركه
شارك

الموضوع الجميل ده للرفع

ولى عود

فى انتظار عودتك لتثرى الموضوع وتمتعنا بذكريات طفولتك اخى الفاضل...

عايزة اقول ان كل الناس اللى كتبت فى الموضوع وحشونى بجد...واتمنى اقرأ لهم تانى معنا..

سوسو آر...مكاوى...ريمو الجميلة اللى طنشت وصفة كيكة الزبادى - اوزاوز - لماضة....وكل الاسماء اللى فى الصفحات اللى فاتت

عساكم بخير جميعا

give_rose.gif

رابط المشاركه
شارك

الموضوع الجميل ده للرفع

ولى عود

فى انتظار عودتك لتثرى الموضوع وتمتعنا بذكريات طفولتك اخى الفاضل...

عايزة اقول ان كل الناس اللى كتبت فى الموضوع وحشونى بجد...واتمنى اقرأ لهم تانى معنا..

سوسو آر...مكاوى...ريمو الجميلة اللى طنشت وصفة كيكة الزبادى - اوزاوز - لماضة....وكل الاسماء اللى فى الصفحات اللى فاتت

عساكم بخير جميعا

give_rose.gif

ايييييييييييه

ايام ما كان عصفور المساء الزعلان

متخيلاه و هو بيبي و برضه بيكتب شعر :blink:

أيا صغيرة الضفائر

أعلم / بأنك تتلصصين

في ذياك المكان

بقلقٍ تنتظرين

أن آتيكِ بمصاصة بطعم اليقطين

وكوني / مشغول بفظاعة

و ابكي حال انتهى الحليب من الرضاعة

فلتنتظري كده قيمة ساعة

لأتحلى بالشجاعة

و آتيكِ بسيجارةٍ و ولاعة

c8472f6g.gif

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • ذكريات من زمن فات (2)...

      ذكريات اذاعية.mp4

      في موضوعات خفيفة

    • ذكريات إذاعية

      لطالما شكل الراديو وبرامجه الجميلة خلفية التي صاحبت مراحل حياتنا المختلفة نحن أبناء الجيل الأخير من عهد الأحلام ، أو قل العهد الجميل الذي أخذ في الاندثار . ففي الصباح الباكر كنا نصحو على صوت القرآن الكريم للشيخ مصطفى اسماعيل والجو بكور ، والبرد الجميل يحاصرنا ويحذرنا من الخروج من تحت اللحاف القطني الذي أشرفت الوالدة بنفسها على عملية تنجيده حتى خرج في تلك الصورة الرائعة ، ثم بعد ذلك يبدأ برنامج تمارين الصباح التي كانت تؤدى على صوت نغمات البيانو والمذيع يقوم بالعد (واحد اتنين تلاتة أربعة) ، ثم ي

      في موضوعات خفيفة

    • ذكريات رمضانية

      تم بحمد الله إفتتاح توبيك " ذكريات رمضانية " لصاحبة الحاج س س وولده أبو سريع ، وعايزين من الاخوة الاعضاء يحكولنا ذكرياتهم في رمضان خاصة زمان وهل إختلف رمضان زمان عن دلوقت ؟ وكيف كانت اهم مظاهر الإحتفالات الرمضانية ؟ - انا بأعتذر عن عدم المشاركة لظروف خاصة ، واحب اوضح ظروف خاصة دي علشان ماحدش عقلوا الباطن يروح كده ولا كده ، الظروف هي ان الهلال مخاصمنا وماظهرش عندنا النهاردة . يالله نقول بسم الله ... هاتولي الصايم الأولاني من التلاجة ....

      في موضوعات شخصية

    • ذكريات عبرت أفق خيالى

      شهر فبراير مثل شهر يوليو يحملان لى دائما فيضا من الذكريات لم أكن لأكتب عن ذكريات فبراير لولا أننى قرأت هذا الخبر الذى أعاد إلى ذاكرتى احتفالاتنا فى الستينات بيوم الطالب والذى كان يبدأ بأنشطة ثقافية ورياضية وينتهى بالنشاط الفنى يوم كامل من الندوات والمباريات نختتمه بالموسيقى والتمثيل والسمر الخبر يقول

      في موضوعات شخصية

    • ذكريات..من زمن فات

      تقريبا العنوان اللي أنا كتبته ده كانو اسم برنامج في الراديو باين..مش فاكر..هو كان اسم برنامج و خلاص المهم..شفت شوية حاجات كده رجعتلي زكريات مهببة لأيام الطفولة المعذبة بتاعتي..قلت أجيبهالكم..يمكن تقلب عليك المواجع زيي الواحد كان بياكل ييجي 5 بواكي منه وهو قاعد كده ------------------------------------------------------------------------------------------------- ------------------------------------------------------------------------------------------------- التيكيت بتاع الكراريس اللي ما

      في موضوعات خفيفة


×
×
  • اضف...