اذهب إلى المحتوى
محاورات المصريين

ذكريات حُلم الطفولـــــــــــة.....البريئة :)


Folana

Recommended Posts

تحية وتقدير لهذه المشاعر و دعوات بتمام الصحة و تحقيق الأماني

السلام عليكم ورحمة الله...

والله ياجرنفلة انا لما شفت اسمك فى الموضوع دخلت جرى...بس الحمد لله انى دخلت الموضوع علشان اشوف الاسماء الجميلة دى كلها موجودة...

فى انتظار ذكرياتك البريئة...واللى أنا متأكدة انها حتكون من اروع ما قرأت

صباحك زى الفل.... cr((:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

والله ياجرنفلة انا لما شفت اسمك فى الموضوع دخلت جرى

عزيزتي مدام فولانة هذا اهتمام يسعدني جدا و أرجو أن أستحقه

في الحقيقة ما زلت أفتش في ذكرياتي الطفولية لعلي أجد ما يمكن أن يطرح هنا

ذكرياتي الطفولية مبتورة و متحولة بشكل حاد لأن وفاة أبي المفاجئة و أنا في عز الطفولة حولتنا إلى أسرة منغلقة إلى حد كبير

ولكن سوف أحكي لكم عن جدي لأمي الذي حزن على أبي لدرجة المرض و توفى بعده بشهور

كنت أراه أطول رجل في العالم و لا أدري لماذا

كان رجلا قليل الكلام كثير الاحترام لزوجته و بيته لم أسمعه ينادي جدتي إلا يا ست أم فولان و هي تناديه ب فولان أفندي

كان بيت جدي في القرية الذي كنت أقضي فيه أحلى ايام حياتي في الإجازة الصيفية بيتا جميلا و منظما لدرجة تعسفية بأوامر من جدتي رحمها الله

كان أكثر ما يعجبني أن أرى جدي في الصباح بعد صلاة الفجر يذهب إلى حديقة له تبعد عن بيته ما يقرب الكيلو متر ليقطف الورد البلدي الجميل و يقدمه لجدتي

و كنت أحلم باليوم الذي أسبقه فيه إلى الحديقة لأقطف الوردة اليومية قبله و لكن هيهات

كانت هناك حجرة في البيت مقدسة و ممنوعة علينا نحن الأطفال بلا أوامر أو مفاتيح كانت الحجرة تحتوي بعض الكنب و مكتبة كبيرة داخل

الجدار مغلقة بالمفتاح دائما وكانت كنزي الذي استقيت منه أول مباديء المعرفة و نهمي للقراءة

وصورة كبيرة رسمها رسام لا زلت أذكر اسمه "فاروق" لأن كل بيت من بيوت العائله لديه نفس الصورة لخالي ظابط الصاعقة الشهيد الذي كنا نسمع

عن بطولاته حكايات كالأساطير . كانت هذه الغرفة تفتح بعد الفجر ليجلس فيها جدي يقرأ الجريدة و يشرب القهوة و لا تفتح بعد ذلك إلا لضيف

أو إذا سمحت جدتي لأحدنا أن يفتح الكنز المكتبة بحضور واحدة من خالاتي أو بحضورها شخصيا

أكمل لاحقا

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

والله ياجرنفلة انا لما شفت اسمك فى الموضوع دخلت جرى

عزيزتي مدام فولانة هذا اهتمام يسعدني جدا و أرجو أن أستحقه

في الحقيقة ما زلت أفتش في ذكرياتي الطفولية لعلي أجد ما يمكن أن يطرح هنا

ذكرياتي الطفولية مبتورة و متحولة بشكل حاد لأن وفاة أبي المفاجئة و أنا في عز الطفولة حولتنا إلى أسرة منغلقة إلى حد كبير

ولكن سوف أحكي لكم عن جدي لأمي الذي حزن على أبي لدرجة المرض و توفى بعده بشهور

كنت أراه أطول رجل في العالم و لا أدري لماذا

كان رجلا قليل الكلام كثير الاحترام لزوجته و بيته لم أسمعه ينادي جدتي إلا يا ست أم فولان و هي تناديه ب فولان أفندي

كان بيت جدي في القرية الذي كنت أقضي فيه أحلى ايام حياتي في الإجازة الصيفية بيتا جميلا و منظما لدرجة تعسفية بأوامر من جدتي رحمها الله

كان أكثر ما يعجبني أن أرى جدي في الصباح بعد صلاة الفجر يذهب إلى حديقة له تبعد عن بيته ما يقرب الكيلو متر ليقطف الورد البلدي الجميل و يقدمه لجدتي

و كنت أحلم باليوم الذي أسبقه فيه إلى الحديقة لأقطف الوردة اليومية قبله و لكن هيهات

كانت هناك حجرة في البيت مقدسة و ممنوعة علينا نحن الأطفال بلا أوامر أو مفاتيح كانت الحجرة تحتوي بعض الكنب و مكتبة كبيرة داخل

الجدار مغلقة بالمفتاح دائما وكانت كنزي الذي استقيت منه أول مباديء المعرفة و نهمي للقراءة

وصورة كبيرة رسمها رسام لا زلت أذكر اسمه "فاروق" لأن كل بيت من بيوت العائله لديه نفس الصورة لخالي ظابط الصاعقة الشهيد الذي كنا نسمع

عن بطولاته حكايات كالأساطير . كانت هذه الغرفة تفتح بعد الفجر ليجلس فيها جدي يقرأ الجريدة و يشرب القهوة و لا تفتح بعد ذلك إلا لضيف

أو إذا سمحت جدتي لأحدنا أن يفتح الكنز المكتبة بحضور واحدة من خالاتي أو بحضورها شخصيا

أكمل لاحقا

لأ بجد يا قرنفله الجميله :happy: .........كملي بسرعه مش هنقدر نستني ..........بجد شدتيني .......يلا بقي md2:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك

لأ بجد يا قرنفله الجميله :happy: .........كملي بسرعه مش هنقدر نستني ..........بجد شدتيني .......يلا بقي

يسعدني جدا جدا وجودك جالاكسي

أما الحديقة فكانت لها معنا نحن الأحفاد و نحن ما شاء الله عدد لا بأس به حكايات كثيرة

فكانت صورة أخري للعائلة تبدأ الحديقة بتكعيبة عنب رائعة ثم شجرتين زيتون و بعض أشجار الليمون

و الجوافة و شجرة ورد بلدي واحدة ونخلة واحدة

و باقي الأشجار كلها مانجو شجرة كبيرة في وسط الحديقة بإسم جدي

أعني أن الجميع يعرف أن هذه شجرة جدي و باقي الأشجار بأسماء باقي أبنائه

أما العجيب في أمر هذه الحديقة الصغيرة و الذي لم أفهم سره حتى الآن

أن شجرة كل ابن من أبنائه كانت تعكس حظه في الحياة

كانت شجرة الشهيد أكثرهم ثمارا من نوع أقرب إلى الحمرة اسمه خد الجميل ولا أدري إذا كان هذا نوعا معروفا أو تسمية خاصة بجدي فقط

أما شجرة خالتي التي توفت في ريعان الشباب فكانت دائما شجرة عليلة و طالما رأينا المسئول عن الحديقة يدعمها بدعامات حديدية

للأفرع المكسورة كانت أشبه بدعامات الأطفال المصابين بشلل الأطفال

أما سيد ابن المزارع فكان له من اسمه الكثير كان صاحب أكثر القرارات سيادية في إجازتنا الصيفية

كان المسئول عن تجهيز المرجيحة وكانت عبارة عن حبل متين يشد بين شجرتي الزيتون و كانت قاعدة المرجيحة كرسي خشب قديم

وما أكثر المرات التي سقطنا فيها من على هذه المرجيحة

أما أهمية سيد القصوى فكانت تكمن في أنه يبلغ جدي بسلوكنا فإذا أكلنا المانجو قبل أن ينضج أو عبثنا بالأشجار أو تسلقناها أو تشاجرنا

أو أغضبنا سيد باشا فكان الحرمان من اللعب هو القرار الحتمي

والله إني أشفق على أولادنا في هذا الزمن لأننا عشنا كل ما نحلم به في طفولتنا التجمعات العائلية الكبيرة

و اللعب و المرح و القراءة و التواصل الاجتماعي

أما هم فأرى أنهم يعيشون مرحا زائفا و لعبا زائفا و حياة أبعد ما تكون عن الأرض

وما باليد حيلة

تم تعديل بواسطة قرنفل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

كنا في هذه المرحلة نعمل كل ما يحلو لنا حتى الممنوعات

من عينة: ما تلعبوش مع دول و ما تروحوش بعيد و ما تركبوش عجل

و نستعد للعقاب بصدر رحب لأننا تمتعنا بالقدر الذي يطغى على فسوة العقاب مهما كانت

أذكر أنني قرات الماركسية و الإسلام في سن العاشرة و للحق لم أفهم شيئا بالمرة لكني كنت أثبت لإبن خالتي

الذي كان يستهزيء بحبي لروايات عبد القدوس و عبد الحليم عبد الله و نجيب محفوظ و يحاول أن يقنعنا

أنها كلام فاضي تخيلوا ( كان مشروع متطرف ) وكم من كتب قرأتها و أعدت قراءتها

بعد سنين لأفهمها فقد كانت مكتيبة بيت جدي كنز أقدر كل ما فيه حتى ما لا أفهمه

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

السلام عليكم ورحمة الله...

العزيزة قرنفل....كل يوم أسعد باكتشاف جانب جديد فى شخصيتك

لا اريد قطع تسلسل الاحداث ...لذا سأكتفى بالمتابعة الممتعة الان

:rolleyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

السلام عليكم ورحمة الله...

العزيزة قرنفل....كل يوم أسعد باكتشاف جانب جديد فى شخصيتك

لا اريد قطع تسلسل الاحداث ...لذا سأكتفى بالمتابعة الممتعة الان

تخيلي حتى أنا كنت دائما أشعر أني عندي أد 77 شخصية و مش عارفة ليه

و التلاتة و عشرين الباقيين شايلاهم للزمن يعني لو بهتت شخصياتي ال 77 أستخدم السبير

شكرا لإطرائك و أتمنى أن أستحقه :rolleyes:

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

تخيلي حتى أنا كنت دائما أشعر أني عندي أد 77 شخصية و مش عارفة ليه

و التلاتة و عشرين الباقيين شايلاهم للزمن يعني لو بهتت شخصياتي ال 77 أستخدم السبير

شكرا لإطرائك و أتمنى أن أستحقه :partytime:

السلام عليكم ورحمة الله...

الله....ده انت دفعتى بقى على كده ...:lol:

فى انتظار باقى الذكريات

:lol:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

لأ مش فاهمة هو حضرتك مواليد 77 زيي :roseop:

و اللا 23 زي تيتة؟ :roseop:

:partytime: :lol: :lol:

تقديرا لتشجيعك

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

السلام عليكم ورحمة الله ...

ايه؟...بتقولى ايه يابنتى؟؟

موش شامعة..علّى شوتك شوية

لالالالا..انت فهمتى ايه

أنا مواليد شبعة وشبعين زيك بالشبط

عن قذنك بقى ..علشان ورايا مدرشة

grandma.gif

امضاء نينة الحاجة فلانة (النونو )

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

إوعي يا نينة الواد ابن الجيران عينة منك

لو كلمك كلمة كده و اللا كده قولي

جزر

هتلاقي السلطة ..أصدي الشلة كلها عندك

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

أنا كنت نويت أنسى الموضوع ده

حد يسألني و يقوللي ليه يا قرنفلة هانم

أرد و أقولله مفيش إقبال سيادتك يافندم

مدام فولانة و جالاكسي الله يجبر بخاطرهم بس هم اللي عبروني و قرأوا ذكرياتي

لكن أخيرا دخل واحد تالت

:rolleyes:

medooooo

و اله مانت ماشي و طالما وصل العدد للنصاب القانوني هاكمل يعني هاكمل

وهم تلاتة شويه دول ممكن يعملوا ثورة دي واحدة بس قومت 70 مليون فمابالكم ب 3

انتظرونيييييييييييييييي

هتروحوا مني فين

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

لأ مش 3 يا قرنفل خليهم 4 بضم صوتى للمجموعة فى قراءة زكرياتك الرائعة التى جعلتنى اقرا الزكريات كلها منذ بدأتها الاخت

الفاضلة فولانه حتى وصلت الى زكرياتك الجميلة .

عند قراءتى لزكرياتك عن بيت جدك وجدتنى اراكى تتحدثين عن نفسى واثرتى فيا الحنين للماضى وزكرياته خصوصا زكريات

الطفولة البريئة . كنت الكبيرة فى اخوتى فنحن اربعة بنتين وولدين انا اكبرهم وكانت امى اول من تزوج فى اخواتها رغم ان لها

اخت تكبرها وبذلك كنت اول حفيدة لجدى رحمة الله عليه فكنت مدللة جدا من والدى وامى ولكن دلال ابى كان يفوق دلال امى لى

وايضا كنت مدللة جدا من جدى لامى . افتكر اننا كنا دائما نسافر الى بيت جدى فى العيد لقضاؤه طرفه وكم كنت سعيدة ليلة

السفر وانا اضع فستان العيد والشوز والشنطة والتوك والاكسسوارات بجوارى على السرير وكم مرة اقوم بالليل لارتداء الشوز

والشنطة فى ايدى واخد الحجرة زهابا وايابا فى دلال فرحانة بنفسى الى ان يطلع النهار ويذهب والدى لصلاة العيد ويرجع رحمة

الله عليه ويقوم بزيارة الجيران والاهل لتهنئتهم بالعيد وكنت دائما فى يده لا افارقه اثناء زيارة الجيران والمعارف وافتكر اننى كنت

ارجع وشنطتى مليانة بالعدية التى كنت ااخذها من المعارف . بعد ذلك كنا نسافر الى بيت جدى لقضاء باقى نهار العيد وباقى ايامه

هناك . وهنا كان الانطلاق والحرية واللعب فبيت جدى واسع امام فضاء كبير امامه تكعيبة عنب كبيرة تحتها كراسى من الخرزان

ووتوسطهم ترابيذة من نفس النوع وعلى الجانب الاخر شجرتان توت كانت بينهما المرجيحة يا قرنفل شفتى ان زكرياتك قريبة منى

ذى ما قلتلك وكان البيت عند جدى ملئ بالاولاد والبنات احفاد جدى وجدتى كنت انا اكبرهم وطبعا عاملة زعيمة عليهم طبعا بحكم

السن ودلع الكبار فيا .

فكرتينى يا قرنفل بجمال طفولتى ودى زكرى واحدة منها وستتبعها زكريات اخرى فى اوقات اخرى ولى موقف مع المرجيحة ساسرده فيما بعد الى جانب زكريات اخرى جميلة

شكرا لصاحبة الموضوع الفاضلة فولانه ان اتاحت لنا تزكر طفولتنا وتسجيلها وشكرا لقرنفلة الجميلة التى فكرتنى بزكرياتها طفولتى

احسست انى كنت معها وهى كانت معى فطفولتنا شبيهة ببعضها كثيرا والى لقاء اخر مع الزكريات

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

أماني هانم :انتي داخلة على طمع و اللا إيه

إني خيرتك فاختاري تقرأي و اللا تكتبي؟؟

:sad:

:happy: سعيدة جدا بكلامك و ذكرياتك واخترت أقرأ كلامك الجميل

أنا في الانتظار

:wub:

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

هي ذكريات البنات كلها رومانسية وأحلام حالمه كده ليه ؟ !!!

ده أحنا كنا عيال معفنة على كده بقى ؟ قال جرنفلة تقولي شجر اللمون دبلان على أرضه .. ومش عارف قصص مين وأنا عندي 10 سنين ... وأماني تدخل تحكي لها على التوك اللي كانت بتاخها في حضنها وهي نايمه !!! في حين إن العيال الولاد من كتر الشقاوة بييجوا بالليل ويناموا زي الخرفان ....

بتيهألي كل ذكريات العيا الصبيان بتبقى ضرب وشلاليت وتعاوير وجراح وغُرز خياطة

أنا عن نفسي كنت كده ... واللي بيمر في مخيلتي كذكريات ضبابية .. شوفته واضح وضوح المشس في كبدة السماء في إبني عُمر اللي غتخيط خمسين مره واتكسر تلتميت كسر وطالع نسخة مني وانا صغير .... وكل ما والدتي تشوف حوادثه وشقاوته تقول اللي خلف ما مامتش وإنت كنت كده بالمللي والسنتيمتر المكعب ... وانا أقولها مش صحيح : ده انا كنت نسمه صيف ... سحابه ممطرة .. زوبعة في فنجان ... وكده يعني .

كملوا كملوا خلي الواحد يتحسر على طفولته المُشردة ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ده أحنا كنا عيال معفنة على كده بقى ؟ قال جرنفلة تقولي شجر اللمون دبلان على أرضه .. ومش عارف قصص مين وأنا عندي 10 سنين ... وأماني تدخل تحكي لها على التوك اللي كانت بتاخها في حضنها وهي نايمه !!! في حين إن العيال الولاد من كتر الشقاوة بييجوا بالليل ويناموا زي الخرفان ....

شفتي يا أماني الناس بيبصوا لنا في الكلمتين إزاي

يا سين سين اللي فات ده كان استهبالا لابد منه

هو أنا لسة قلت لكم علي السبعة و تسعين جرح اللي كانوا في رجلي لحد سن 12 سنة

قلت لكم على علبة الدوا بتاعة تيتة اللي أخدتها كلها علشان أروح للدكتور ابن عم بابا اللي كان بيجيب لي شيكولاتة

قلت لكم على البلي الصغنون اللي دخلته في ودان حضرتي

قلت لكم على ابن خالتي اللي كان عايز يخلص مني علشان يلعب شطرنج مع ابن خالتي التاني من غير دوشة

فقاللي شوفي السلك ده (سلك مكشوف من الناحيتين ) روحي دخليه في كبس الكهربا هيزغزغك

عملت إيه ؟؟.....زي ما قاللي بالظبط طبعا مانا هبلة كنت وجدو هو اللي زغزغه في عشة الفراخ ساعتين

لكن هذا لا يمنع إن وجهة نظر حضرتك سليمة جدا لأننا كنا بنشوف الأولاد بيلعبوا إزاي كانوا بالنسبة لنا وااااااو سوبرمينز

إزاي بيعملوا كده وكده دي يعني بلاااااااوي

دورك يا أماني..............................

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

السلام عليكم ورحمة الله....

اكتبى ياقرنفلة..اكتبى وعلى صوتك بالغنا....ماتنتظريش ردود..كلنا بنتابع ذكرياتك فى صمت حالم ..وشوقتنى أكتر لسماع ذكريات الاكشن وجاكى شان ....اهو كده القعدة تحلّو....وزى ما قال سين سين كفاينا رومنثيات عايزين نشوف دم

والله يا ابو الاسيان ذكرياتك قريبة الشبه من ذكريات بنتى الصغيرة....هى كمان كانت زوبعة فى البتنجان..ودراعها ده ماكنش بيخرج من الجبس الا علشان يتجبس ......ياساااااااااااتر ...ده انا ماكنتش طفلة ابدددددن

لا بس طيبة جدا وقلبها ابيض ...(لحد ماتمشى من جنبى بس :blush: )

أمانى الجميلة....بأشعر دايما وأنا باقرأ كل كلامك بنسمة صيف منعشه تطفى نار اى حر وزعابيب wst:: ...(هى زعابيب دى لغة عربية؟)

صباحكم زى الفل جمعاء.... :blink:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

أمانى الجميلة....بأشعر دايما وأنا باقرأ كل كلامك بنسمة صيف منعشه تطفى نار اى حر وزعابيب

موافقووووووووووووووووووووون

اكتبى ياقرنفلة..اكتبى

يعني أتبحبح !!

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

. وهنا كان الانطلاق والحرية واللعب فبيت جدى واسع امام فضاء كبير امامه تكعيبة عنب كبيرة تحتها كراسى من الخرزان

ووتوسطهم ترابيذة من نفس النوع وعلى الجانب الاخر شجرتان توت كانت بينهما المرجيحة يا قرنفل شفتى ان زكرياتك قريبة منى

ذى ما قلتلك وكان البيت عند جدى ملئ بالاولاد والبنات احفاد جدى وجدتى كنت انا اكبرهم وطبعا عاملة زعيمة عليهم طبعا بحكم

شكلكم كنتم بتعلبوا قدام بيتنا بقي

قوليلي يا امانى انتى وقرنفله اسم جدا ايه بالكامل وكان ساكن فين ..انا اعرف ان جدي اتجوز ستى بس :blink:

امانى كنت بتلمى عدية كام بالظبط wst::

يعنى ايه التوك ؟ بجد مش عرفاه ؟

قرنفلة انتهزها فرصة واقولك مبروك تغير الاسم :blush:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

الله يبارك فيكي يا بدورة

ملحوظة : هو أنا جدي كان يقدر يتجوز غير الست هانم تيتة

لا ممكن أبدا

يعنى ايه التوك ؟ بجد مش عرفاه

أنا عارفة يا بدورة مخك راح لبعيد عشان دماغك اليومين دول في السيارات

لأ يا بدورة مش توك توك

توك جمع توكة و هي من الحيوانات الأليفة التي تعيش في الدماغ

لأ بردة مش دي

بعدين هافهمك أصل الموضوع كبير كبير

تم تعديل بواسطة قرنفلة

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...