waaaf بتاريخ: 23 يونيو 2009 تقديم بلاغ مشاركة بتاريخ: 23 يونيو 2009 الله عليكوا والله شميت ريحة مصر ومشيت بخيالي في شوارعها أثناء قراءة الموضوع الهايل دة الله عليكي يامصر مهما قسيتي علينا بنموت في ترابك وائـــل عــامـــــر waaafw@gmail.com .............. رابط هذا التعليق شارك المزيد من خيارات المشاركة
م الغزالى بتاريخ: 24 يونيو 2009 تقديم بلاغ مشاركة بتاريخ: 24 يونيو 2009 التسوق فى شبرا كان ش شبرا وعلى إمتداده من دوران شبرا وحتى أول شبرا يعج بالمحلات التجارية الكبيرة منها والصغيرة فكان هناك فروع لكل من عمر أفندى وصيدناوى و شملا وسيكوريل و باتا ورغيرها من المتاجر الأصغر, كانت هذه المنطقة من ش شبرا تشهد إقبالاً كبيراً من المتسوقيين خاصةفىالأعياد وعند دخول المدارس لذا كان من النادر لجوء أهل شبرا لمنظقة وسط البلد. أيضاً فى فصل الصيف مكان للتنزه او التنزه الليلي للشباب حيث شراء المرطبات و الأيس كريم والتى كان مدبولى أشهرها وكذلك كان هناك كشك فى دوران شبرا مشهور لبيع البيبسى و الكولا و السباتس والسيدر و أعتقد أنه كانت تديره واحده إسمها أم سيد. أيضا كانت منظقة دوران شبرا مركز لبيع العطارة وبها مطاعم ببسمك و أفتكر يعقوب أبادير كان من المحلات التى كانت ذو شهرة ويقصدها الناس من خارج شبرا لشراء الأحذية. كانت أسواق الخضر والفاكهة مميزة جداً فى شبرا وخاصة على جسر البحرحيث كان هناك سوقاً يمتد بطول الشارع من عند مستشفى الرمد وحتى ش ابو طاقية او حتى بعده بشارع او إثنين كما كان أخر يمتد على ش الترعة من جراج الأتوبيس وحتىميدان فيكتوريا كما أنه كان هناك بعض الأسواق المميزة فى ش محمد الخلفاوى و كذلك فى ش الورشة بالحافظية. ولاننسى أن قرب هذه الأسواق من السوق العمومى بروض الفرج جعلها مميزة فى أسعارها وتنوعها وكذلك قربها من الطريق الزراعى. ولانسى أن فى شبرا وعلى الساحل سوق الغلال والتمور وكان مميزاً جداً لهذه المنطقة والتى كانت تطل على كورنيش النيل الذى لنا معه وقفة لاحقاً. لكن كان أهم مايميز الليل فى شبرا الأفران الأفرنجى(هكذا كانت تسمى) و إنتظار الناس لخروج الخبز الأفرنجى الذى كان بطول الباجيت الفرنسى و كان يخبز منه على ماافتكر نوعين وهو مانفتقده الأن حيث أصبح شئ من التاريخ وهنك أيضاً كانت أفراناً أهليه لمن يستطيع أن يعجن العجين ويبعه أيضا للناس وكان حجمه لاأبالغ إذا قلت 50سم أما عن طعمه فحدث ولاحرج يعرف كلامى هذا من هم فى سنى وسكنوا بالقرب من فرن على بأخر ش الملك الصالح وبحرى القراقول. حتى الأن لاأعرف سر تعلق أهل شبرا من الأجيال التالية ,والتى تسكن بمناطق أخرى حيث يوجد الإمتداد العمرانى, بشراء معظم إحتياجتها اليومية من شبرا و أنا شخصياً متعلق ببعض أنواع الجبن والمأكولات التى أحضرها معى والتى لها مذاق خاص جداً او هكذا أعتقد!!! يتبع السينما الصيفية بشبرا كنت دائماً ما أقول ياأهل مدينتنا : أنفجروا أوموتوا أما وقد إنفجرتم و ثورتم : فأنتم أجمل وأنبل وأشجع شباب أنجبته هذه الأمة!!! م الغزالى رابط هذا التعليق شارك المزيد من خيارات المشاركة
fatfouta بتاريخ: 24 يونيو 2009 تقديم بلاغ مشاركة بتاريخ: 24 يونيو 2009 (معدل) طبعا يا شبراوى اعرف شارع طاهر لانى كنت من سكان شارع الحايس اللى بيفصل بينه وبين شارع طاهر شارع جامع ابو الفضل وفاكراه كويس جدااا لان شارع طاهر ده كان فيه فرن العيش تقريبا بتاع المنطقة كلها وهو فرن عم على المجنون فاكره :lol: ؟ ده انا ليا ذكريات مع الفرن ده :blush2: الفرن ده ياما قضيت فيه اوقات سعيدة فى طوابير العيش فى عزالحر :lol: وكنت لحد ما اروح البيت اكون اكلت نصه اما عن الخلفاوى وبتاع العصير ايوه عارفاه لان دى منطقتى دلوقتى وكمان فيه جمب الصيدليه يا شبراوى ترزية اتنين واحد اسمه رمزى والتانى عادل اللى دايما تلاقى عندهم زحمة عشان البنطلونات الجينز عارفهم؟..... أكيد السويفى هيعرفهم انه من سكان المنطقة دى برضو وبالمناسبة انتوا شارعكم كان ساكن فيه وائل نور فى بلكونة كده فى الدور الارضى وكان بيقف فيها يقعد يعاكس فى اللى رايح واللى جاى نسيتى اهم شخصية مارى منيب اصل بيتنا كان الناصية اللى قبل الفيلة بتاعتها على طول انتى على كده طلعتى شبراوية اصيلة لفيتى شبرا كلها كعب داير طب اللى جاى ده انا عارف انو صعب شوية بس لو عرفتيه يبقى كده نتاكد من ولاءك التام md2: تعرفى عم بركة بتاع السندوتشات اللى كان بيوقف عن بقالة الخطيب اللى جنب المستوصف( المستوصف ده بتاع جدى ,و بكده كشفت عن شخصيتى :P ) اللى على محطة منية السيرج. لصعوبة السؤال من حقك الاستعانة بصديق يا شبراوى ياخوياعمرك ماهتقدر تغلبنى او تلخبطنى فى شوارع شبرا ولا محلاتها طبعا اعرف المستوصف ده لاننا ياماكشفنا فيه قبل مايفتحوا عيادات جامع ابو الفضل وبالامارة كنا بنسميه (مستوصف شريف) وكان فيه دكتور شاطر اوى اوى اسمه وائل كان دكتور باطنه مش عارفة لسه موجود ولا لسه والراجل اللى كان بيحجزلنا كان اسمه مصطفى تقريبا والله فاكراه كل حاجة فيه يا شبراوى وطبعا عم بركة عارفاه بس عمرى ماأكلت من عنده والخطيب كنا بنجيب عنده حاجات كتير وكمان اشهر حاجة عنده هى فوانيس رمضان فى الشهر الكريم ومستعدة اقولك محل محل وشارع شارع من اول نفق عبود لغايت نفق شبرا ومن اول عمر شاهين فيه فرن عم صلاح اللى كان عالناصيه اكيد انت طبعا ياما وقفت ايام المدارس عشان تجيب الفينو للساندوتشات الصبح وكمان كان فيه زكى العسكرى بتاع زجاج السيارات والقهوة اللى جمبه ايوه انا افتكرت فيلا مارى منيب معلش بس انا والله ماوعاش عليها ممكن احفادها وكمان كان بيت عبد الوارث عسر فى شارع عمر شاهين بس برضو شوفنا احفاده لكن هو طبعا لأ محطة منيه السيرج دى بحبها جدا ليها معايا ذكريااااااات جميلة لانى كنت دايما احب اتمشى فيها انا واخواتى عشان كانت هايصة علطول ومش بتنام ذى كل شبرا طبعا طب انا بقى هسأل سؤال مين فاكر عم فكرى الخردواتى وداوود بتاع الخضار وفتحى الخردواتى كمان؟ انا بقولك اتولدت فى مسرة واتربيت فى منيه السيرج وسينما التحرير و نقلنا فى الخلفاوى ولسه بيتنا هناك يعنى اخدت شبرا من اولها لآخرها تقوم تسأل سؤال ذى ده برضو ؟!!! فتفوتة تم تعديل 24 يونيو 2009 بواسطة fatfouta رابط هذا التعليق شارك المزيد من خيارات المشاركة
fatfouta بتاريخ: 25 يونيو 2009 تقديم بلاغ مشاركة بتاريخ: 25 يونيو 2009 (معدل) يا ريت نفرق بين شبرا الخيمة وشبرا اللى احنا بنتكلم عنها لان دى محافظة القاهرة وشبرا الخيمة فى محافظة القليوبية وعمرنا ماسمعنا ان شبرا الخيمة دى تمت لشبرا بأى صله غير الإسم فقط هناك فرق طبعا فتفوتة تم تعديل 25 يونيو 2009 بواسطة fatfouta رابط هذا التعليق شارك المزيد من خيارات المشاركة
EL SHABRAWY بتاريخ: 25 يونيو 2009 تقديم بلاغ مشاركة بتاريخ: 25 يونيو 2009 يا شبراوى ياخوياعمرك ماهتقدر تغلبنى او تلخبطنى فى شوارع شبرا ولا محلاتها طبعا اعرف المستوصف ده لاننا ياماكشفنا فيه قبل مايفتحوا عيادات جامع ابو الفضل وبالامارة كنا بنسميه (مستوصف شريف) وكان فيه دكتور شاطر اوى اوى اسمه وائل كان دكتور باطنه مش عارفة لسه موجود ولا لسه والراجل اللى كان بيحجزلنا كان اسمه مصطفى تقريبا والله فاكراه كل حاجة فيه يا شبراوى دكتور وائل ابو شعر ابيض ده حبيبى و للعلم المستوصف جدى الله يرحمه سماه مستوصف شريف لان المنطقة دى كان اسمها زمان ارض شريف يلامعلومة كده على الماشى وطبعا عم بركة عارفاه بس عمرى ماأكلت من عنده طبعا ما اكلتيش عنده لان اللى ياكل عنده هو و امثاله زى بيبو بتاع الكبده اللى على جسرالبحر العالم اللى غاوية رمرمة زى حالاتى والخطيب كنا بنجيب عنده حاجات كتير وكمان اشهر حاجة عنده هى فوانيس رمضان فى الشهر الكريم ومستعدة اقولك محل محل وشارع شارع من اول نفق عبود لغايت نفق شبرا ومن اول عمر شاهين فيه فرن عم صلاح اللى كان عالناصيه اكيد انت طبعا ياما وقفت ايام المدارس عشان تجيب الفينو للساندوتشات الصبح وكمان كان فيه زكى العسكرى بتاع زجاج السيارات والقهوة اللى جمبه طبعا عرفه و ساعات لما اكون مفلس و نفسى اكل كفتة كنت اروح عند الراجل اللى كان واقف بعربية جنبه على الناصية بصراحة مش فاكر اسمه ولا متاكد من نوع اللحمة اللى كانت عنده برده ايوه انا افتكرت فيلا مارى منيب معلش بس انا والله ماوعاش عليها ممكن احفادها وكمان كان بيت عبد الوارث عسر فى شارع عمر شاهين بس برضو شوفنا احفاده لكن هو طبعا لأ ولا انا اوعى عليها وحياتك بس كانت امى تقولى انها لما كانت تروح المستوصف وكانت مارى منيب تحتاج حد يديها حقنة كانت تروح معاهم علشان تشوفها بس اللى اعرفوا ان احفادها لسة ساكنين هناك محطة منيه السيرج دى بحبها جدا ليها معايا ذكريااااااات جميلة لانى كنت دايما احب اتمشى فيها انا واخواتى عشان كانت هايصة علطول ومش بتنام ذى كل شبرا طبعا طب انا بقى هسأل سؤال مين فاكر عم فكرى الخردواتى وداوود بتاع الخضار وفتحى الخردواتى كمان؟ انا بقولك اتولدت فى مسرة واتربيت فى منيه السيرج وسينما التحرير و نقلنا فى الخلفاوى ولسه بيتنا هناك يعنى اخدت شبرا من اولها لآخرها تقوم تسأل سؤال ذى ده برضو ؟!!! فتفوتة واضح يا فتفوتة هانم انك لسة مش مقدرة المستوى العلمى للعبد لله محتاجين اسئلة اصعب شوية يعنى مثلا بدل ما تسالى على فكرى الخردواتى اسالينى على نسيم اخوه اللى كان فاتح على الناصية جنبه, ده لو تعرفيه [/ brth) size] بس اكيد انتى كنت زى معظم البنات اللى كانت تفضل تروح عند جل جل( هو مش كان اسمه كده برضوا ) وطبعا داود عرفه اللى كان جنب على العجلاتى ياما اجرت منه عجل فى العيد و فتحى ده اللى امام بقالة المنصورة انا اه بقالى ١٢ سنة منزلتش مصر بس كل حاجة موجودة و كانى شايفها الان و خصوصا شبرا لانها فعلا غير اى مكان تانى فى مصر انا ان شاء الله نازل السنة دى بس كل الناس بتقول ان حاجات كتير اتغيرت فى شبرا ودى بجد حاجة قلقانى :lol: يلا السؤال اللى بعده رابط هذا التعليق شارك المزيد من خيارات المشاركة
الباشمهندس ياسر بتاريخ: 12 يناير 2010 تقديم بلاغ مشاركة بتاريخ: 12 يناير 2010 ش ش ش شقاوة شباب شبرا حد هنا ناوي يضيف اي مداخلات رائعة عن شبرا العريقة الرائعة تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
White heart بتاريخ: 1 أبريل 2012 كاتب الموضوع تقديم بلاغ مشاركة بتاريخ: 1 أبريل 2012 24 مارس 1881 اقتني المجتمع النمساوي بمصر 9000 مترا مربعا من حدائق شيكولاني ووضع الامير النمساوي المجري رودلف حجر الاساس للمستشفى عند زياراته لمصر وقد صمم المستشفى المعماريان موريس قطاوي و ادوارد ماتاسيك 5 ابريل 1913 تم الافتتاح الرسمي للمستشفى تحت اسم المستشفى النمساوي المجري وكان موقعها يطل على حديقة شيكولاني الجديدة ومساحتها 9000 مترا مربعا منهم 2000 مترا ابنية وكانت المستشفى تحتوي على اجمالي 84 سرير على ثلاثة درجات وقد تكلفت 37000 جنيه استرليني 15000 للبناء و2000 للتجهيزات والتركيب ... أن واحدة من آساليب النُظم الديكتاتورية هى : وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء ! رابط هذا التعليق شارك المزيد من خيارات المشاركة
Alshiekh بتاريخ: 7 يونيو 2014 تقديم بلاغ مشاركة بتاريخ: 7 يونيو 2014 في لحظة استرخاء ومحاولة استرجاع ذكريات مضت كنت ابحث عن اسم سينما اعتقد انها كانت سينما "دولي" او شيئ قريب من هذا وكانت تقع في شارع شبرا من ناحية نفق شبرا والقللي. وكذلك شارع "طوسون" والذي توصلت اليه بصعوبة على خريطة جوجل ولكن تحت مسمى مختلف. المهم خلال البحث، على جوجل وجدت هذا الموضوع ، الذي اجاب تقريبا على تساؤلاتي، بل وانعش الذاكرة التي كادت ان تنسي هذه المنطقة من حياتي وذكرياتي. شكرا المحاورات ... شكرا جوجل ! -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
Alshiekh بتاريخ: 7 يونيو 2014 تقديم بلاغ مشاركة بتاريخ: 7 يونيو 2014 وبما أنني ذكرت شارع طوسون والذي ينسب اسمه الى الامير عمر طوسون حيث يقع قصره في نهاية الشارع، والذي تم تغيير اسمه لأسباب غير منطقية في نظري على الاقل، رأيت أن أنقل نبذة عن "الأمير عمر طوسون" أنقلها من موقع ويكيبيديا الأمير عمر طوسون هو الابن الثاني للأمير طوسون بن محمد سعيد بن محمد علي. ولد في الإسكندرية يوم 8 سبتمبر 1872. أمه هي الأميرة فاطمة إحدى بنات الخديوى إسماعيل. ينسب له العثور على رأس تمثال الإسكندر الأكبر بخليج العقبة، واكتشاف بقايا مدينة مغمورة بالماء على عمق خمسة أمتار بأبي قير سنة 1933. الجمعية الزراعية الملكيةرأس الأمير عمر طوسون الجمعية الزراعية الملكية سنة 1932،، التي تخصصت في شئون الزراعة في مصروالعمل على تنمية الإنتاج الزراعى والحيواني. وفي عهده أجريت التجارب على مختلف الأراضي الزراعية وطرق إصلاحها وما يناسبها من الأسمدة، وأنتجت عدة سلالات من القطن والقمح والشعير، وأقيمت لأول مرة في مصر تحت إشرافه تجارب الصرف الجوفي وتأثيره على جذر النبات ونموه، واهتم طوسون ببحوث الحشرات، وأعلن عن تقديم جائزة مالية قدرها خمسة عشر ألف جنيه لمن يبتكر علاجا لإبادة دودة القطن، وشجع الجمعية على إعداد كميات كبيرة من التقاوي الممتازة للمحاصيل الرئيسية لتوزيعها على المزارعين. الكشوف الأثريةفي عام 1910 اكتشف غاستون غونديه، كبير مهندسي مصلحة الموانئ والمنائر، ميناء فاروس القديم ووصف حواجز الأمواج والمنشآت العملاقة المغمورة تحت السطح بنحو 8 أمتار. وكان هذا الاكتشاف مفاجأة كبرى لعدم توافر أدلة تاريخية قوية على وجود مثل هذه المنشآت وقام عمر طوسون وغاستون غونديه بطرح ونشر نظريات وتفسيرات لاكتشافاتهما في الجمعية الأثرية بالإسكندرية. و في أوائل الثلاثينيات بدأ عمر طوسون العثور علي أديرة أو بقايا أديرة أثرية مهمة تقع جميعا علي خط رحلةالعائلة المقدسة, وبلغ عدد الأديرة التي اكتشفها الأمير عمر طوسون 52 ديرا. و في أواخر الثلاثينات، أخبر أحد الطيارين الأمير عمر طوسون أنه رأى أثناء طيرانه فوق الخليج بقايا أثرية تغطي مساحة واسعة تحت الماء. وتمكن طوسون، بفضل إرشاد الصيادين المحليين ومعونة الغواصين، من تحديد موقع عدة هياكل ضخمة وانتشال تمثال لرأس الإسكندر الأكبر يعرض الآن في المتحف اليوناني الروماني. وفاته: توفي الأمير عمر طوسون يوم الأربعاء (30 من محرم 1363 هـ - 26 من يناير 1944 م)، وكانت وصيته ألا تقام له جنازة، ونفذ له الملك فاروق وصيته ، مقتصرا على تشييع الجثمان الذي شارك فيه الوزراء والأمراء وكبار رجال الدولة -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان