عايزة اقتراحاتplz

[basmaaa]

السلام عليكم

الموضوع وما فيه ان فيه واحده جارتى والدة من يومين وعايزة اطبخلها بس مش فى دماغي حاجه معينه يا ريت تقولولي شوية طبخات تكون سهله ولذيذة

[se_ Elsyed]

إطبخي لها هي حاجات من اللي بيعلموها للستات حديثي الوضع .. زي الفراخ البلدي وشوربة لسان العصفور والحاجات دي

وطبعاً زوجها وأولادها لو عندها أولاد مش هايقعدوا يتفرجوا عليها وهي بتاكل وهما بيتلووا من الجوع ... فيبقى أديهم أي طبيخ سريع سريع ويكفيهم يوم بحاله .. صنية بطاطس بالفراخ .. مكرونه بشامل ... أي نوع خضار مطبوخ مع لحمه ورز ..

أو إدي كل واحد 5 جنيه في إيده وهو يتصرف بقى لو احتارتي يعني في الأخر :angry:

[khedr]

ونعم التعاون والاخلاص سيدتي

هذا الموقع قد يدلك علي شئ جميل

ولعله يفيدك ويريحك من التفكير

للسيدات فقط

وهنا في المنتدي كان لنا مطبخ جميل ولذيذ

ابحثي فيه ايضا

وفقك الله

المطبخ

[عصفور طاير]

إطبخي لها هي حاجات من اللي بيعلموها للستات حديثي الوضع .. زي الفراخ البلدي وشوربة لسان العصفور والحاجات دي

يا سي السيد أرجوك بلاش الوصفات المضرّة بالغير دي..

يا بسمه كفاية شوربة الفراخ، وبلاش حكاية العصفور من فضلك.. حاولوا تقدروا مشاعري يا جماعة :P

[ahm_ali_baba]

اختى العزيزة

ليس هناك اى داعى لطبيخ طعام مخصوص للوالدة فبأمكانها تناول ومشاركه اسرتها طعامهم مع شويه فيتامينات مقويه للمنظرة

وليس هناك ما يمنعها من القيام بالاعمال المنزليه بعد 24 ساعه من الولادة ( اللهم إلا اذا كان هناك فتح بطن او توسيع جراحى )

ولا حظى انها بعد اسبوع من الولادة ومن استنفاذ اموال الاسرة بطعامها الخاص ستجرى خلف التمارين الرياضيه الخاصه بالتخسيس

انصحك بنصح الوالدة على الاستلقاء فى البانيو فى مياة ساخنه مع قليل من املاح البحر الميت او ملح الطعام

القيام ببعض التمارين الرياضيه الخفيفه

تناول الطعام مع اسرتها ومما يأكلون منه

تناول مشروب الحلبه لانه مدر للبن حتى تطعم المولود

وبلاها شوربه لسان العصفور حتى لا يضرر اى عصفور طائر ... خلوها شوربه لسان الحدايه حماتها :P

[basmaaa]

الاستاذ se_ Elsyed

واللهي فكره جميله انى اديهم فلوس ومحيرش نفسي حتى علي الاقل هيترحموا من طبيخي mfb:

الاستاذ خضر

حلو جدا موقع الطبخ ده انا براحه نشنتلى علي كام حاجه عجبتني

الاستاذعصفور طاير

ولا تزعل نفسك مش هاعمل لسان عصفور خالص.... ميخلصنيش :P

[basmaaa]

اخى ahm_ali_baba

انا عايزة اطبخلها عشان اريحها وطبعا هاعمل حساب زوجها واولادها اماموضوع انها تاكل من اكل الاسرةفالحقيقه ان احنا فى غربه ولا يوجد من يساعدها .. وعلي فكرة الوالده بتكون لسه تعبانه خصوصا في الايام الاولي ده كفايه عليها انه مابتنامش با لليل من ابنها .. فمنقدرش نقولها ياللا انتي والده طبيعي قومي شوفي البيت عايز ايه واطبخي واكنسى .. الرحمه

[ahm_ali_baba]

انا عايزة اطبخلها عشان اريحها وطبعا هاعمل حساب زوجها واولادها ............

هذا شعور جميل تشكرين عليه ولا غبار عليه اجتماعيا

اماموضوع انها تاكل من اكل الاسرة فالحقيقه ان احنا فى غربه ولا يوجد من يساعدها .................

ما دخل المساعدة هنا فى تناولها ما يتناوله زوجها واولادها ( لن يضرها تناول الفول المدمس لو كانت اسرتها تأكله )

وعلي فكرة الوالده بتكون لسه تعبانه خصوصا في الايام الاولي ................

هذا كان ايام زمان ايام جدتى وجدتك قبل استخدام التخدير الموضعى وتخدير العمود الفقرى

ده كفايه عليها انه مابتنامش با لليل من ابنها ................

وهل ينام زوجها

فمنقدرش نقولها ياللا انتي والده طبيعي قومي شوفي البيت عايز ايه واطبخي واكنسى .. الرحمه ......................

بالعكس فهذة اكبر رحمه لها ففى الحركه بركه وفى العمل رشاقه لها ولعائلتها

وعلينا التفرقه مابين

العادات والتقاليد والعرف والالتزام والتعاطف الاجتماعى وبين مصلحه الشخص المعنى الطبيه

مع اروع ان تقوم الوالدة من سريرها لتنظيف مولودها كل ساعه واستحمامه واستحمامها مرتين يوميا على الاقل