Jump to content
ArabHosters
صبح

ٌٌٌٌٌٌقطار الأحزان

Recommended Posts

ٌٌٌٌٌٌقطار الأحزان

بقلم : م / ر ءوف . أباظه

يا مجبل يوم وليله من مصر للصعيد

وشايل الف عيله

والدنيا ف جو عيد

شايل معاك أماني

وأبسط شكل لأغاني

وناس مش راجعه تاني

إلا ف يوم الوعيد

يا مجبل يوم وليله من مصر للصعيد

عربياتك فجيره وركابك غلابه

وعيون مليانه حيره وسؤال مالهوش إجابه

والعيد داخل عليهم و مروحين بعيد

يا مجبل يوم وليله من مصر للصعيد

جمعوا فرحه قليله

وإيدين ما فيهاشي حيله

و حمول والله تَجيله

تشيب شعر الوليد

يا مجبل يوم وليله من مصر للصعيد

حمول مافيهاش هدايا

دي حمول من الهموم

الستر فيها غايه

والثانيه بألف يوم

شايلاها جلوب بسيطه

ياللي جلبك حديد

يا مجبل يوم وليله من مصرللصعيد

عشرات ع الأرض جاعده

وعشرات فوج الرفوف

وعشرات على دِكه جــامده

حكمت بيها الظروف

وانتا واخدهم وسارح

على سكه من حديد

يامجبل يوم وليله من مصر للصعيد

الليل داخل عليهم

والكل معاك ضيوفك

ولا شمعة تضوي ليهم

والضلمه ماليه جوفك

مفتوح من كل ناحيه

والبرد يا بوووووي شديد

يا مجبل يوم وليله من مصر للصعيد

وعشان ما البلوه تكمل

وتزيد بنا الإحزان

فيك نار ولًعها مهمل

إتحولت لنيران

كَلِت لحم الغلابه

وصهرت فيك الحديد

يامجبل يوم وليله من مصر للصعيد

ساعات والنار تاكلهم

وانت واخدهم وطاير

ولاحدش جام يجيرهم

ولا يطَفي السعاير

العار دا يكون مصيرهم

بعد العمر المديد

يا مجبل يوم وليله من مصر للصعيد

الدنيا بحالها قامت

إلا اللي مشغالينك

إذاعاتها علينا لامت

الندل اللي ما صانك

لوكانت أرواحنا غالية

كنت إنت بقيت جديد

يا مجبل يوم وليله من مصر للصعيد

يامجبل يوم وليله

مانتاش آخر البلاوي

دي حكايه بقت طويله

في عليل ومالوش مداوي

ويا شعب انت الضحيه واللي ناهبك سعيد

يا مجبل يوم وليله من مصر للصعيد

مسئول يطلع يقوللك

اسفين وعيوننا دامعه

ويشوف يوماتي ذٌلَك

وبرضه واكلها والعه

أنا باتمنى اللي جوا

كان يبقى المستفيد

وإن الغلابه تسلم

والشر يكون بعيد

يا مجبل يوم وليله من مصر للصعيد

طلع النهار أبكم

والوقفه في عرفة

مليون سؤال يلطم

يا حكومة مش شايفه

على مين ياناس نحكم؟

ع العبد واللا السيد

يا مجبل يوم وليله من مصر للصعيد

يا بهيه دواكي فيكي

ورجالك مش قليل

وإن طال الليل عليكي..

مايطولشي عليكي ليل

بكره السعد يوافيكي

والفجر أبو يوم جديد

يا مجبل يوم وليله من مصر للصعيد

Share this post


Link to post
Share on other sites

ألف شكر على كلماتك الرقيقة

ولكني كما ذكرت في بدايتها (ليست من تأليفي)

وان كانت أعجبتني للغاية فقمت بنقلها هنا

Share this post


Link to post
Share on other sites

طلع النهار أبكم

والوقفه في عرفة

مليون سؤال يلطم

يا حكومة مش شايفه

على مين ياناس نحكم؟

ع العبد واللا السيد

اختيار رائع وكلمات واثقة موجعة تنكأ جراح قطاراتنا وضحايا

وبين قليوب والصعيد يا صبح

هل سنرى صبح جديد

شكرا لاختيارك وتقديرنا لصاحب الحرف الجميل

دمت بكل الود

البنت المصرية

Share this post


Link to post
Share on other sites

اخرجتنى هذه الكلمات من صمت اختيارى بعد هذه الصدمه.

اجاد الرجل فى اللعب بحرفيه على اوتار الحروف لتخرج كلمات تشبه تنويعات الناى الحزين تنكأ جراح الحدث فتلهبه.

شكرا يا صبح على هذا النقل الموفق.

وشكرا لصاحب هذه الكلمات

Share this post


Link to post
Share on other sites

وبين قليوب والصعيد يا صبح

هل سنرى صبح جديد

شكرا لاختيارك وتقديرنا لصاحب الحرف الجميل

دمت بكل الود

البنت المصرية

ان شاء الله القدير على أن يزيح الغمة

ودمت بكل المحبة والأحترام

اخرجتنى هذه الكلمات من صمت اختيارى بعد هذه الصدمه.

اجاد الرجل فى اللعب بحرفيه على اوتار الحروف لتخرج كلمات تشبه تنويعات الناى الحزين تنكأ جراح الحدث فتلهبه.

شكرا يا صبح على هذا النقل الموفق.

وشكرا لصاحب هذه الكلمات

ردك على موضوع أبدأه أعتبره وسام على صدري وأثق تماما أن اختياري للموضوع كان موفقا

(ما زلت في انتظار ردك... -_- )

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • Create New...