اذهب إلى المحتوى
محاورات المصريين

حضارة 7000 مداخلة... تحية للعضو سي السيد


Diab

Recommended Posts

العضو سي السيد الشهير ب س س صاحب أكبر عدد مشاركات في تاريخ المحاورات حبيت أوجه له تحية كبيرة

أنا لما دخلت المحاورات لأول مرة ( بالصدفة البحتة ) ماكنتش عارف حاجات كتير عن الموقع

فكنت بسأل س س عن حاجات كتير في رسائل شخصية و ماكنش بيبخل عليا بأي حاجة و مفتكرش أنه قصر في حق أي حد من الأعضاء عشان كدة ياريت نوجه كلنا رسالة شكر لعمنا س س وعقبال 1000000000000000000 مشاركة

تحياتي

أنا عارف أن الجهاز بتاعك أشتكي من المشاركات و غيرت يجيي 100 لوحة مفاتيح أيه رأيك بقي في الهدية دي

Computer.jpg

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

  • الردود 71
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

س س من الشخصيات المحترمة فعلا فى المحاورات والتي كثيرا ما يدهشني فى ردوده

ساعات اجد امامي رجل محنك من رجال الماضي

وساعات اجد طفل صغير جدا شقى

لكن اكثر ما تجده اخ وصديق يقف بجوارك رغم اننا لم نتداخل كثيرا ولكنه احساس بالناس الجيدة التى قل ما توجد فى هذا الزمان

تحية احترتم وتقدير ل س س

البحر موعدنا ...........وشاطئنا العواصف جازف فقد بعد القريب ومات من ترجوه واشتد المخالف لن يرحم الموج الجبان ولن ينال الأمن خائف القلب تسكنه المواويل الحزينة ......... والمدائن للصيارف خلت الاماكن للقطيعة من تعادي أو تخالف جازف ولا تأمن لهذا الليل أن يمضي ولا أن يصلح الاشياء تالف هذا طريق البحر ................لا يفضي لغير البحر والمجهول قد يخفى لعارف جازف فان سدت جميع طرائق الدنيا امامك فاقتحمها ولا تقف كي لا تموت وانت واقف

محمد ابراهيم ابو سنة

رابط هذا التعليق
شارك

جااااامده..جامده اوي اوي اوي يادياب والله...هههههههههههه :wub: :D

انا سخسخت على روحي من الضحك.....

:P

:wub:

mfb:

بالذات الحتة بتاعت ال download

بس عمنا الكبير سي السيد قرب يعدي التمنتلاف حضاره....يعني بقى اقدم توت عنخ بخ وز وبط وحمام..... :) :D

الف مبرووك الكتب الجديد يا سي السيد ...والله فرحتلك من قلبي

يارب الرحمه..!!

رابط هذا التعليق
شارك

أخجلتموني والله يا شباب

( أهو دلوقت يقولوا سين سين مأجرهم عشان يهتفوا له )

وعشان نقطع الشك باليقين ومنعاً للقيل والقال .. إسمحوا لي أدي كل واحد فيكو إنذار ( كده وكده )

بالمناسبة : في حاجة غريبة جداً متزامنة من وزن المداخلات والمواضيع .. وهي إني هاقعد شهر ونص غياب - أجازة بدون مرتب من المحاورات - وبالتالي نُعطي فُرصة للمحاورين الشبان اللي بيلعبوا تحت الـ 17 سنة :)

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أخجلتموني والله يا شباب

( أهو دلوقت يقولوا سين سين مأجرهم عشان يهتفوا له )

وعشان نقطع الشك باليقين ومنعاً للقيل والقال .. إسمحوا لي أدي كل واحد فيكو إنذار ( كده وكده )

بالمناسبة : في حاجة غريبة جداً متزامنة من وزن المداخلات والمواضيع .. وهي إني هاقعد شهر ونص غياب - أجازة بدون مرتب من المحاورات - وبالتالي نُعطي فُرصة للمحاورين الشبان اللي بيلعبوا تحت الـ 17 سنة :huh:

حضرتك تقصد إيه باللي بيلعبو تحت 17 سنة :) :blink:

مبروك يا عمو س س

..

وليل كموج البحر أرخى سدوله...علي بأنواع الهموم ليبتلي

فقلت له لما تمطى بصلبه... وأردف اعجازا وناء بكلكل

ألا أيها الليل الطويل ألا انجل... بصبح وما الإصباح منك بأمثل

:(

إمرؤ القيس

رابط هذا التعليق
شارك

سي السيد دا راجل من نوع خاص بتحس فيه كدا بعبق الرجوله الريفيه الجميله

أنا لا أكتب الأشـــعار فالأشعـــــــــار تكتبني

أريد الصمت كي أحيا ولكن الذي ألقاه ُينطقني

رابط هذا التعليق
شارك

يعني مسافة ما الراجل كتب الموضوع

بقو 7444؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :huh:

بتجيب الكلام دا كللللللللللله منييييييييييييييييييييييييييين :)

" حبة قر على ما اوسم" :sad:

الصراحا س س فعلا راجل محترم جدا

ومن المشرفين القلائل اللي استمروا زي ما هما قبل و بعد الأشراف

رجل و الرجال قليل على راي سي حبفي :blink:

وانا من البلد ديييييييييييي

رابط هذا التعليق
شارك

س س

انا لما بلاقى اسمة بحب اشوف كاتب اية

لان خفة دمه محصلتش

وعلشان كدة ديما بحب اجر شكلة

مش تغليس علية انما من معزتى لية واحساسى انة شخص

ممكن يكون اخوك الى بتحب تتشاكل معاه :)

رابط هذا التعليق
شارك

س س انت كويس

بس انا عندى سؤال منغص عليا عسشتى و مش عارف انام

ليه انا الوحيد دون عن الخلق اللى عندة لوحه انذار ...هى صحيح 0% بس فى النهايه برضه اللوحه بتبصلى و تطلعلى لسانها و مش مخليانى آخد راحتى فى الكلام ...اعضاء كتير اقل منى مشاركه و معندهمش اللوحه دى ...يمكن علشان عندهم واسطه ؟؟ يمكن علشان انا مش بكتب كويس؟؟؟ ...لو عايز تخليها انا مش معترض ..خليها ...بس احب اعرف ليه ...صباحك فل

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

شوف حضرتك سيادتك يا فندم لوحة الإنذار دي كل واحد بيشوف بتاعته بس،

انت بتهزر صح؟ :)

وليل كموج البحر أرخى سدوله...علي بأنواع الهموم ليبتلي

فقلت له لما تمطى بصلبه... وأردف اعجازا وناء بكلكل

ألا أيها الليل الطويل ألا انجل... بصبح وما الإصباح منك بأمثل

:(

إمرؤ القيس

رابط هذا التعليق
شارك

أهي أصغر بنوته عنده ردت عليك يا سعادة القوبوطان

مرمر .. مرسي يا سكر .. وبمناسبة بقى الموضوع بتاع الغزل الرفيع في سي سين سين .. فقد أنعمنا عليكي بلقب " مساعد أول مشرف تحت السن "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

شكرا يا عمو س س <_<

اتمنى أكون عند حسن ظن سعادتك :angry2:

احنا دايما في الخدمة

وليل كموج البحر أرخى سدوله...علي بأنواع الهموم ليبتلي

فقلت له لما تمطى بصلبه... وأردف اعجازا وناء بكلكل

ألا أيها الليل الطويل ألا انجل... بصبح وما الإصباح منك بأمثل

:(

إمرؤ القيس

رابط هذا التعليق
شارك

أحب أنا أيض تسجيل حضورى وتقديري وحبي لأنسان لم أره وأتمنى أن أراه وأتعرف عليه

وعشمى أن يقبلنى كصديق

بس بغيد عن الشبكة التالتة فى مصر علشان مانخسرش بعض من الأول <_<

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

شوف حضرتك سيادتك يا فندم لوحة الإنذار دي كل واحد بيشوف بتاعته بس،

انت بتهزر صح؟

لا والله يا مريومه انا كنت بتكلم جد و ( اتابينى ) على رأى المصاروه ( كلاكيت 53 مره ) كنت فاكر انى الوحيد ( مش بتاع الفول ) اللى عنده لوحه انذار و الناس بتوع الإداره مستقصدنى يمكن علشان اسكندرانى و ( اتابيهم ) ( كلاكيت 54 مره ) ناس مؤدبه مش عايزين يخلو حد يشوف الإنذار بتاع حد تانى ...صراحه ناس ذوق ذوق ذوق و مبروك يا مريوم ...عقبال ما اشوفك ناظره مدرسه قد الدتيا

أهي أصغر بنوته عنده ردت عليك يا سعادة القوبوطان

مرمر .. مرسي يا سكر .. وبمناسبة بقى الموضوع بتاع الغزل الرفيع في سي سين سين .. فقد أنعمنا عليكي بلقب " مساعد أول مشرف تحت السن "

عمنا س س ...احسنت الإختيار ..البنت مريومه دى عقلها يوزن بلد

برافو عليك يا دياب ...لعبتها صح

و ده يخلينى اقترح إن العضو الفلانى اللى توصل عدد مداخلاته لعدد معين نعمله احتفاليه تليق به و تكون إحدى الشروط ألا يكون لديه انذار

كلمه حكمه قالها ابويا ...( انت راجل فخليك قد الكلمه دى )

رابط هذا التعليق
شارك

ميرسي لكل اللي شاركوا في مهرجان القراءة للجميع ده

بس مش عارف ليه إنتو محسسني إني هايحصلي حاجه وكلكو عارفين إلا أنا ( وش حسين رياض في الفيلم اللي هاينفخونا به قريب بمناسبة الثورة المجيدة " رد كلبي " لما أتشل والكل كان عارف إنه مشلول إلا هو ما كانش يعرف )

طب الله يلخيكو أصدقوني القول .. دكتور السنان بتاعي قالكو حاجة ؟

أنا شجاع ومونكن أستحمل وقع الخبر علي نفسي .. يعني الحشوة بتاعت الضرس اليمين سليمة ؟ ولا على رأي علي إبني " إنت أكلت سُكر وعشان كده جاتلك سوسه " ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

س س انت كويس

بس انا عندى سؤال منغص عليا عسشتى و مش عارف انام

ليه انا الوحيد دون عن الخلق اللى عندة لوحه انذار ...هى صحيح 0% بس فى النهايه برضه اللوحه بتبصلى و تطلعلى لسانها و مش مخليانى آخد راحتى فى الكلام ...اعضاء كتير اقل منى مشاركه و معندهمش اللوحه دى ...يمكن علشان عندهم واسطه ؟؟ يمكن علشان انا مش بكتب كويس؟؟؟ ...لو عايز تخليها انا مش معترض ..خليها ...بس احب اعرف ليه ...صباحك فل

على فكره انا كمان عندى زيك لوحة انذار مش عارفه فايدتها ايه .. بس كويس انك سالت

اهو نفهم برضه

سى السيد من زمان عايزه اقولك ان اول حاجه قريتها فى المحاورات

كانت تعليقات لك فى موضوع سياسى وكنت خلاص حاقع من كتر

الضحك على دمك اللى زى السكر .. يارب تفضل منور المحاورات كده

لغايه ما تعمل عضويه لاحفادك ان شاء الله . <_<

757845%20dadf.gif
رابط هذا التعليق
شارك

-----

بقى مش بدل الكلام الحلو ده كان كل واحد طبق إيده في 10 جنيه وأدهاني في الخباثة ... يعني نقول 3500 عضو * 10 .. يعني بنتكلم في 35 باكو ..

وعندنا مريومه لسه ما أعتمدتش على نفسها يعني ممكن أستثنيها وأقبل منها كيس شيبسي مع إتنين كونو أيس كريم ..

ووليد لسه متخرج ومش لاقي ثمن السبارس .. يعني كبيرة هايجاملني بسجارتين فرط ..

ونقول كمان عندنا حوالي 100 عضو من الوزن التقيل اللي أصغر ورقة عنده هي توت عنخ أمون - 100 جنيه - أدي 10 آلاف ...

وأصحابي الأناتيم بقى وبالذات المتريشين اللي شغالين بره - موظفي الحكومة يمتنعون .. دول عايزين اللي يعطف عليهم - زي سقراطيس ... واحد تاني ، أبو الأحاشيش ، الرافعي ، الخواجه ياسو اليوناني .. طفشان بن هربان ، لخبطه ، المدهش ، زُهيغي ، وجدي ، النسر المصري - أقصد عمرو مش والعياذ بالله مبارك .. مبارك بياخد بس ما بيديش - ، القرموطي وكل حبايبي بره وجوه ودول ما بيمشوش إلا والدولارات في جيبهم .. يعني نقول 100 ورقة خضرا من كل واحد .. أدي 5000 من أبو 5.75 ج

وطقم الستات الجدعان ياكو ونانسي وناش وكليو ومدام سلوى وشعنونه وسهيله وصفاء وإيمي وأثينا وسما العريش قصدي سما مصر وروح الشرق .. ودول هاقبل منهم أي حاجة تجود بها أنفسهن إن شالله شكارة رز أو كوبايتين قزازة زيت قلي .. أهو يوفروا علينا مخزون شهر ...

نيجي لأصدقاء المحاورات من البلاد العربية الشكيكة .. مسافر زاده الخيال .. مطلوب منه برميلين بنزين 90 خالي من الرصاص ... ، مصريه الهوى والميه .. مطلوب منها 10 كيلو تمر جصيمي سُكري .. مع 3 نخلات بكامل حالتهم عشان أقطف براحتي ... سهام - مصريه يعني مغربية - مطلوب منها إتنين لعيبة من نادي الرجاء يحترفوا في النادي الأهلي المصري وهي تتكفل بمصاريف الصفقة من الألف إلى الياء ، سهام : أخبار صاحبتك لولاتي إيه ؟ يعني ظروفها إيه أطلب منها حاجه دلوقت ولا أخليها لما تقدم معانا شويه ولا إيه النظام ؟ ، شهد .. مطلوب منها زلعتين عسل حضرمي أكل زلعه والتانية أبيعها في سوق حراج العسل .... عم أسامة الكباريتي ... مطلوب منه كرتونة صابون نابلسي لزوم النظافة الشخصية وخلافة ...

وعندنا ييجي 7 قول 8 مشرفين .. ودول لازم يجاملوني في ليلتي واللي هايدفع أقل من 500 ج هابطحه ... أدي 3500 جنيه ..

وآبيه عادل صاحب الليلة .. الراجل ده ما بيمشيش إلا ودفتر الشيكات في جيبه .. وفيه شيكات جاهزة كل شيك بـ 10 بواكي ... أدي 10 آلاف كمان ...

وزملاءنا الأفاضل في المنتديات الصديقة .. مش هايهون عليهم سين سين ومن هنا وهناك ويمين شمال ممكن نقلبهم في حوالي 10 بواكي تاني

يا نهار أبيض يا جدعان ... ده أنا أعدي وأبقى من الأحرار الدستوريين .. وساعتها أفتح منتدى لحسابي وأخدكو كلكو على كفالتي ... يـــاه يــأه .... أما لو حلمي البسيط ده يتحقق ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

وأصحابي الأناتيم بقى وبالذات المتريشين اللي شغالين بره - موظفي الحكومة يمتنعون .. دول عايزين اللي يعطف عليهم - زي سقراطيس ... واحد تاني ، أبو الأحاشيش ، الرافعي ، الخواجه ياسو اليوناني .. طفشان بن هربان ، لخبطه ، المدهش ، زُهيغي ، وجدي ، النسر المصري - أقصد عمرو مش والعياذ بالله مبارك .. مبارك بياخد بس ما بيديش - ، القرموطي وكل حبايبي بره وجوه ودول ما بيمشوش إلا والدولارات في جيبهم .. يعني نقول 100 ورقة خضرا من كل واحد .. أدي 5000 من أبو 5.75 ج

<_<

يا سسسلام ... ده انت تأمر يا عم س ... هو احنا عندنا اغلى من س ... ده الادب ... س ... و الاخلاق ... س ... و الجدعنه ... س

عقلى الباطن : اما الحق ابلغ عنه الضرائب :angry2:

الماتش متباع

رابط هذا التعليق
شارك

الفرح .. فرح

والليلة .. ليلة

وسى السيد .. سيد

وانا .. أنا

وانت .. إنت

وفرحتنا بالمعلم سيد .. سيد

واللى هانعمل معاه أحلى واجب .. واجب

أحلى واجب .. واجب

عشان دا حبيبنا .. بيبنا

حبييييبنا .. بييييبنا

والواجب بتاعنا .. تاعنا

إنذار أحمر اوى .. أوى

ورقابة على المداخلات .. لات

ووقف آى بى .. بى

وبلاغ لأمن الدولة .. دولة

وسمعنى يا جدع .. ما تزوقينى يا ماما

[وسط]!Question everything

[/وسط]

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...