اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

حضارة 7000 مداخلة... تحية للعضو سي السيد


Recommended Posts

العضو سي السيد الشهير ب س س صاحب أكبر عدد مشاركات في تاريخ المحاورات حبيت أوجه له تحية كبيرة

أنا لما دخلت المحاورات لأول مرة ( بالصدفة البحتة ) ماكنتش عارف حاجات كتير عن الموقع

فكنت بسأل س س عن حاجات كتير في رسائل شخصية و ماكنش بيبخل عليا بأي حاجة و مفتكرش أنه قصر في حق أي حد من الأعضاء عشان كدة ياريت نوجه كلنا رسالة شكر لعمنا س س وعقبال 1000000000000000000 مشاركة

تحياتي

أنا عارف أن الجهاز بتاعك أشتكي من المشاركات و غيرت يجيي 100 لوحة مفاتيح أيه رأيك بقي في الهدية دي

Computer.jpg

تم تعديل بواسطة Diab
رابط المشاركه
شارك
  • الردود 71
  • Created
  • اخر رد

Top Posters In This Topic

س س من الشخصيات المحترمة فعلا فى المحاورات والتي كثيرا ما يدهشني فى ردوده

ساعات اجد امامي رجل محنك من رجال الماضي

وساعات اجد طفل صغير جدا شقى

لكن اكثر ما تجده اخ وصديق يقف بجوارك رغم اننا لم نتداخل كثيرا ولكنه احساس بالناس الجيدة التى قل ما توجد فى هذا الزمان

تحية احترتم وتقدير ل س س

رابط المشاركه
شارك

جااااامده..جامده اوي اوي اوي يادياب والله...هههههههههههه :wub: :D

انا سخسخت على روحي من الضحك.....

:P

:wub:

mfb:

بالذات الحتة بتاعت ال download

بس عمنا الكبير سي السيد قرب يعدي التمنتلاف حضاره....يعني بقى اقدم توت عنخ بخ وز وبط وحمام..... :) :D

الف مبرووك الكتب الجديد يا سي السيد ...والله فرحتلك من قلبي

رابط المشاركه
شارك

أخجلتموني والله يا شباب

( أهو دلوقت يقولوا سين سين مأجرهم عشان يهتفوا له )

وعشان نقطع الشك باليقين ومنعاً للقيل والقال .. إسمحوا لي أدي كل واحد فيكو إنذار ( كده وكده )

بالمناسبة : في حاجة غريبة جداً متزامنة من وزن المداخلات والمواضيع .. وهي إني هاقعد شهر ونص غياب - أجازة بدون مرتب من المحاورات - وبالتالي نُعطي فُرصة للمحاورين الشبان اللي بيلعبوا تحت الـ 17 سنة :)

رابط المشاركه
شارك

أخجلتموني والله يا شباب

( أهو دلوقت يقولوا سين سين مأجرهم عشان يهتفوا له )

وعشان نقطع الشك باليقين ومنعاً للقيل والقال .. إسمحوا لي أدي كل واحد فيكو إنذار ( كده وكده )

بالمناسبة : في حاجة غريبة جداً متزامنة من وزن المداخلات والمواضيع .. وهي إني هاقعد شهر ونص غياب - أجازة بدون مرتب من المحاورات - وبالتالي نُعطي فُرصة للمحاورين الشبان اللي بيلعبوا تحت الـ 17 سنة :huh:

حضرتك تقصد إيه باللي بيلعبو تحت 17 سنة :) :blink:

مبروك يا عمو س س

..

رابط المشاركه
شارك

يعني مسافة ما الراجل كتب الموضوع

بقو 7444؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :huh:

بتجيب الكلام دا كللللللللللله منييييييييييييييييييييييييييين :)

" حبة قر على ما اوسم" :sad:

الصراحا س س فعلا راجل محترم جدا

ومن المشرفين القلائل اللي استمروا زي ما هما قبل و بعد الأشراف

رجل و الرجال قليل على راي سي حبفي :blink:

رابط المشاركه
شارك

س س

انا لما بلاقى اسمة بحب اشوف كاتب اية

لان خفة دمه محصلتش

وعلشان كدة ديما بحب اجر شكلة

مش تغليس علية انما من معزتى لية واحساسى انة شخص

ممكن يكون اخوك الى بتحب تتشاكل معاه :)

رابط المشاركه
شارك

س س انت كويس

بس انا عندى سؤال منغص عليا عسشتى و مش عارف انام

ليه انا الوحيد دون عن الخلق اللى عندة لوحه انذار ...هى صحيح 0% بس فى النهايه برضه اللوحه بتبصلى و تطلعلى لسانها و مش مخليانى آخد راحتى فى الكلام ...اعضاء كتير اقل منى مشاركه و معندهمش اللوحه دى ...يمكن علشان عندهم واسطه ؟؟ يمكن علشان انا مش بكتب كويس؟؟؟ ...لو عايز تخليها انا مش معترض ..خليها ...بس احب اعرف ليه ...صباحك فل

رابط المشاركه
شارك

أهي أصغر بنوته عنده ردت عليك يا سعادة القوبوطان

مرمر .. مرسي يا سكر .. وبمناسبة بقى الموضوع بتاع الغزل الرفيع في سي سين سين .. فقد أنعمنا عليكي بلقب " مساعد أول مشرف تحت السن "

رابط المشاركه
شارك

أحب أنا أيض تسجيل حضورى وتقديري وحبي لأنسان لم أره وأتمنى أن أراه وأتعرف عليه

وعشمى أن يقبلنى كصديق

بس بغيد عن الشبكة التالتة فى مصر علشان مانخسرش بعض من الأول <_<

رابط المشاركه
شارك

شوف حضرتك سيادتك يا فندم لوحة الإنذار دي كل واحد بيشوف بتاعته بس،

انت بتهزر صح؟

لا والله يا مريومه انا كنت بتكلم جد و ( اتابينى ) على رأى المصاروه ( كلاكيت 53 مره ) كنت فاكر انى الوحيد ( مش بتاع الفول ) اللى عنده لوحه انذار و الناس بتوع الإداره مستقصدنى يمكن علشان اسكندرانى و ( اتابيهم ) ( كلاكيت 54 مره ) ناس مؤدبه مش عايزين يخلو حد يشوف الإنذار بتاع حد تانى ...صراحه ناس ذوق ذوق ذوق و مبروك يا مريوم ...عقبال ما اشوفك ناظره مدرسه قد الدتيا

أهي أصغر بنوته عنده ردت عليك يا سعادة القوبوطان

مرمر .. مرسي يا سكر .. وبمناسبة بقى الموضوع بتاع الغزل الرفيع في سي سين سين .. فقد أنعمنا عليكي بلقب " مساعد أول مشرف تحت السن "

عمنا س س ...احسنت الإختيار ..البنت مريومه دى عقلها يوزن بلد

برافو عليك يا دياب ...لعبتها صح

و ده يخلينى اقترح إن العضو الفلانى اللى توصل عدد مداخلاته لعدد معين نعمله احتفاليه تليق به و تكون إحدى الشروط ألا يكون لديه انذار

رابط المشاركه
شارك

ميرسي لكل اللي شاركوا في مهرجان القراءة للجميع ده

بس مش عارف ليه إنتو محسسني إني هايحصلي حاجه وكلكو عارفين إلا أنا ( وش حسين رياض في الفيلم اللي هاينفخونا به قريب بمناسبة الثورة المجيدة " رد كلبي " لما أتشل والكل كان عارف إنه مشلول إلا هو ما كانش يعرف )

طب الله يلخيكو أصدقوني القول .. دكتور السنان بتاعي قالكو حاجة ؟

أنا شجاع ومونكن أستحمل وقع الخبر علي نفسي .. يعني الحشوة بتاعت الضرس اليمين سليمة ؟ ولا على رأي علي إبني " إنت أكلت سُكر وعشان كده جاتلك سوسه " ؟

رابط المشاركه
شارك

س س انت كويس

بس انا عندى سؤال منغص عليا عسشتى و مش عارف انام

ليه انا الوحيد دون عن الخلق اللى عندة لوحه انذار ...هى صحيح 0% بس فى النهايه برضه اللوحه بتبصلى و تطلعلى لسانها و مش مخليانى آخد راحتى فى الكلام ...اعضاء كتير اقل منى مشاركه و معندهمش اللوحه دى ...يمكن علشان عندهم واسطه ؟؟ يمكن علشان انا مش بكتب كويس؟؟؟ ...لو عايز تخليها انا مش معترض ..خليها ...بس احب اعرف ليه ...صباحك فل

على فكره انا كمان عندى زيك لوحة انذار مش عارفه فايدتها ايه .. بس كويس انك سالت

اهو نفهم برضه

سى السيد من زمان عايزه اقولك ان اول حاجه قريتها فى المحاورات

كانت تعليقات لك فى موضوع سياسى وكنت خلاص حاقع من كتر

الضحك على دمك اللى زى السكر .. يارب تفضل منور المحاورات كده

لغايه ما تعمل عضويه لاحفادك ان شاء الله . <_<

رابط المشاركه
شارك
-----

بقى مش بدل الكلام الحلو ده كان كل واحد طبق إيده في 10 جنيه وأدهاني في الخباثة ... يعني نقول 3500 عضو * 10 .. يعني بنتكلم في 35 باكو ..

وعندنا مريومه لسه ما أعتمدتش على نفسها يعني ممكن أستثنيها وأقبل منها كيس شيبسي مع إتنين كونو أيس كريم ..

ووليد لسه متخرج ومش لاقي ثمن السبارس .. يعني كبيرة هايجاملني بسجارتين فرط ..

ونقول كمان عندنا حوالي 100 عضو من الوزن التقيل اللي أصغر ورقة عنده هي توت عنخ أمون - 100 جنيه - أدي 10 آلاف ...

وأصحابي الأناتيم بقى وبالذات المتريشين اللي شغالين بره - موظفي الحكومة يمتنعون .. دول عايزين اللي يعطف عليهم - زي سقراطيس ... واحد تاني ، أبو الأحاشيش ، الرافعي ، الخواجه ياسو اليوناني .. طفشان بن هربان ، لخبطه ، المدهش ، زُهيغي ، وجدي ، النسر المصري - أقصد عمرو مش والعياذ بالله مبارك .. مبارك بياخد بس ما بيديش - ، القرموطي وكل حبايبي بره وجوه ودول ما بيمشوش إلا والدولارات في جيبهم .. يعني نقول 100 ورقة خضرا من كل واحد .. أدي 5000 من أبو 5.75 ج

وطقم الستات الجدعان ياكو ونانسي وناش وكليو ومدام سلوى وشعنونه وسهيله وصفاء وإيمي وأثينا وسما العريش قصدي سما مصر وروح الشرق .. ودول هاقبل منهم أي حاجة تجود بها أنفسهن إن شالله شكارة رز أو كوبايتين قزازة زيت قلي .. أهو يوفروا علينا مخزون شهر ...

نيجي لأصدقاء المحاورات من البلاد العربية الشكيكة .. مسافر زاده الخيال .. مطلوب منه برميلين بنزين 90 خالي من الرصاص ... ، مصريه الهوى والميه .. مطلوب منها 10 كيلو تمر جصيمي سُكري .. مع 3 نخلات بكامل حالتهم عشان أقطف براحتي ... سهام - مصريه يعني مغربية - مطلوب منها إتنين لعيبة من نادي الرجاء يحترفوا في النادي الأهلي المصري وهي تتكفل بمصاريف الصفقة من الألف إلى الياء ، سهام : أخبار صاحبتك لولاتي إيه ؟ يعني ظروفها إيه أطلب منها حاجه دلوقت ولا أخليها لما تقدم معانا شويه ولا إيه النظام ؟ ، شهد .. مطلوب منها زلعتين عسل حضرمي أكل زلعه والتانية أبيعها في سوق حراج العسل .... عم أسامة الكباريتي ... مطلوب منه كرتونة صابون نابلسي لزوم النظافة الشخصية وخلافة ...

وعندنا ييجي 7 قول 8 مشرفين .. ودول لازم يجاملوني في ليلتي واللي هايدفع أقل من 500 ج هابطحه ... أدي 3500 جنيه ..

وآبيه عادل صاحب الليلة .. الراجل ده ما بيمشيش إلا ودفتر الشيكات في جيبه .. وفيه شيكات جاهزة كل شيك بـ 10 بواكي ... أدي 10 آلاف كمان ...

وزملاءنا الأفاضل في المنتديات الصديقة .. مش هايهون عليهم سين سين ومن هنا وهناك ويمين شمال ممكن نقلبهم في حوالي 10 بواكي تاني

يا نهار أبيض يا جدعان ... ده أنا أعدي وأبقى من الأحرار الدستوريين .. وساعتها أفتح منتدى لحسابي وأخدكو كلكو على كفالتي ... يـــاه يــأه .... أما لو حلمي البسيط ده يتحقق ؟

رابط المشاركه
شارك

وأصحابي الأناتيم بقى وبالذات المتريشين اللي شغالين بره - موظفي الحكومة يمتنعون .. دول عايزين اللي يعطف عليهم - زي سقراطيس ... واحد تاني ، أبو الأحاشيش ، الرافعي ، الخواجه ياسو اليوناني .. طفشان بن هربان ، لخبطه ، المدهش ، زُهيغي ، وجدي ، النسر المصري - أقصد عمرو مش والعياذ بالله مبارك .. مبارك بياخد بس ما بيديش - ، القرموطي وكل حبايبي بره وجوه ودول ما بيمشوش إلا والدولارات في جيبهم .. يعني نقول 100 ورقة خضرا من كل واحد .. أدي 5000 من أبو 5.75 ج

<_<

يا سسسلام ... ده انت تأمر يا عم س ... هو احنا عندنا اغلى من س ... ده الادب ... س ... و الاخلاق ... س ... و الجدعنه ... س

عقلى الباطن : اما الحق ابلغ عنه الضرائب :angry2:

رابط المشاركه
شارك

الفرح .. فرح

والليلة .. ليلة

وسى السيد .. سيد

وانا .. أنا

وانت .. إنت

وفرحتنا بالمعلم سيد .. سيد

واللى هانعمل معاه أحلى واجب .. واجب

أحلى واجب .. واجب

عشان دا حبيبنا .. بيبنا

حبييييبنا .. بييييبنا

والواجب بتاعنا .. تاعنا

إنذار أحمر اوى .. أوى

ورقابة على المداخلات .. لات

ووقف آى بى .. بى

وبلاغ لأمن الدولة .. دولة

وسمعنى يا جدع .. ما تزوقينى يا ماما

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • عملية نظيفة 100 %،براءة فوزي السيد بعد 3 سنوات سجن

      يحيا العدل ... يحيا العدل ... وزي ما قولت في العنوان ... عملية نظيفة 100 % وقف وراءها وبكل قوة الإبن الاكبر لمارينجوس .. فمن المعروف إنه كان بيحارب فوزي السيد من زمان ... وقلب عليه الدنيا في آواخر التسعينيات وقالوا إن فوزي السيد صاحب شركة " التوفيقية للإنشاء التعمير " اللي مسيطرة على مدينة نصر أطلقوا عليه لقب حوت مدينة نصر وبقت الجرايد الحكومية مالهاش شغلانه غيرة ويومياً تُفرد صفحات كاملة عن شرور هذا الرجل الظالم الجبار ... وفجأة خمد الموضوع ولم يثبتوا أي شيء على الراجل ... بل بالعكس في هذه الد

      في سياسة داخلية

    • فاتنة الرقص الشرقى "الآنسة أم السيد" .. المعارضة "المعتدلة المسلحة"

      كلما سمعت عبارة المعارضة "المعتدلة المسلحة" فى سوريا .. أتذكر نمرة "الأراجوز" التى كان يقدمها زميلان عزيزان فى حفلات السمر أيام الجامعة وكانت اجمل فقراتها تبدأ بهذا الإعلان : والآن إليكم فاتنة الرقص الشرقى .. "الآنسة أم السيد" ثم تبدأ النمرة الكوميدية بطولة "الانسة أم السيد" مع الأراجوز .. هذا نفق بنته المعارضة "المعتدلة المسلحة" فى دوما - سوريا تكنولوجيا الحفر والسند .. ثم تكنولوجيا الإنشاء .. فى مشروع به آلاف الأطنان من الحديد معارضة إيه ومعتدلة إيه وتبرعات إيه اللى تبنيه ؟ .. ده محت

      في سياسة دولية

    • السيد وزير التعليم ملايين المصريين يساندونك فلا تتردد

      مهما قلت و شرحت فلن يتوقف فحيح الأفاعي .. للأسف هذه عادتنا ، الجميع في حاجة ماسة للتطوير  و ليت التطوير و التحديث يمتدً ليشمل كل ما هو تعليم في مصر .. و ليته يغطي التعليم الأزهري  و الذي حقيقة  لا افهم سببا لكونه غير التعليم الذي يتلقاه كل المصريين. ليتك يا سيدي تضيف إو تبتكر آلية لمتابعة عملية التطوير  متابعة حقيقية جادة تنطوي على إجراءات تصحيحية عند أي تعثر ... و ليت هذه الآلية تنطوي ايضا على المكاشفة المستمرة  فالمكاشفة  تؤدي إلى حشد الملايين خلفك لدعمك ،  

      في التعليم و العمل - education & employment issues

    • معلومة طبية عن الالم السيد المسيح

      صلب المسيح من الناحية العلمية والطبية.. مقال رائع يستحق القرأة لأحد الأطباء 1- بعد المحاكمات والجلد وووضع إكليل الشوك على رأس المسيح... وضعوه على الصليب ودقوا المسامير في يديه ورجليه ليصلبوه، فأصبح جسده يستحيل أن يكون متزناً.  2- أصبحت ركبتيه مثنيتين بوضع (45 درجة) فأصبح جسده محمولاً بواسطة عضلات الفخذين، فنتج عن ذلك تقلص في عضلات الفخذ والقدم، وأصبح الجسم يرتكز على المعصمين والذراعين والأكتاف. 3-  خلال دقائق من الصلب حدث خلع في مفصل الكتف ومفصلي الكوع والمعصم. وزاد طول الذراع 9 بوصات (14.

      في  فى الثقافة و العلم

    • كيف تحذف موضوع من مداخلة واحدة

      لحذف موضوع من مداخلة واحدة، يجب ان تخرج من الموضوع إلى الباب الذي يحتويه الموضوع، ثم ضع علامة الاختيار "تشيك مارك" امام الموضوع المراد حذفه، سيظهر لك صندوق الاختيارات، إختر حذف وتنفيذ، سيتم حذف الموضوع.

      في شئون المحاورات


×
×
  • اضف...