اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

المخروطة ...... و نهاية التاريخ !


عادل أبوزيد
 مشاركة

Recommended Posts

الله موضوع جميل

انا ممكن اضيف لكم ان الراشده وهي التي توجد بالصعيد انا لما بكون في البلد هي الوجبة الصباحية المفضلة لي

وهي تنفذ علي خطوتين

الخطوة الاولي :-

العجينة تفرد ثم تقطع بالماكينة ثم بعد ذلك يضاف اليها الدقيق بعد التقطيع و قبل ان توضع في الفرن البلدي (الفرن الغاز) للتحميص

بعد الخروج من الفرن تترك في الهواء للتجفيف

الخطوة الثانية :

وهي عند اعدادها للاكل نغلي المياة في حلة ثم نضع فيها الراشده ثم نتركها حوالي 5:10 دقائق لكي تستوي (زي المكرونة)

ثم نضعها في مصفاه واحذر لا تضع عليها ماء من الحنفية كما في المكرونة لانها تقدم ساخنة

نضعها في طبق وهي ساخنة ثم نضع عليها قطعة سمن او زبد والعسل الاسود وبالهنا والشفا

سؤال للاستاذ عادل هي دي المخروطة ولا حاجة تانية

رابط هذا التعليق
شارك

مخروطة ومسرودة وقدوسية وراشده

يا ترى كل ده حاجة واحدة اللى احنا كلنا بنتكلم عليها ولا ايه؟؟

أنا فاكرة انها ذى ما قالت ضحى كده بس كنا بنعملها بماكينة البسكويت القديمة اللى كنا بنفرم فيها اللحمة

على فكرة الفرامة الكهرباء بتعملها جميلة جارتنا بتعملها بيها مش الكبة لا الفرامة نفسها اللى بتحطى فيها اللحمة تطلعلك شرايط من الناحية التانية

وكمان الكسكسى بتعمله بالكبة وبيطلع تحفة بدل ماتقعد تعجن بايدها

أنا بعمل الكسكسى جميل ولسه عاملينة اول امبارح والله وكان تحفة....هو غلبة اه بس بيرمى وبيبقى جميل بس احنا بنحب ناكله حلو يعنى بالسكر والسمنة وعمرى ماجربته حادق بس بيقولوا حلو برضو

اتفضلوا

1262779051.jpg

رابط هذا التعليق
شارك

كل مادخل التوبيك ده احس اني دخلت فيلم حكايات الغريب

bv:- :D

- الغريب شافوه فى درب الاربعين

- الغريب ده كان معايا فى الخندق

- لا ده ماسموش الغريب ..ده اسمه طلبة :lol: :lol:

رابط هذا التعليق
شارك

  • 1 year later...

واحنا صغيرين كانوا بيضحكوا علينا بحاجة ا سمها سخينة

عيش وسمنة وسكر

واحنا ناكل ومبسوطين واخر انشكاح

لما كبرت وعرفت الخدعة ما بقتش اكل اي حاجة حلوة وكل ميولي للفسيخ والسردين

رابط هذا التعليق
شارك

يا نهااااااااااار ابيض يا سيمبا

انت من الاحرار يا ابني

اخيرا لقيت حد عارف السخينة و كان بياكلها

انت عارف السخينة دي طبق الفطار المقدس ليوم الجمعة عندنا

و لما بانزل اسكندرية باكلها معاهم

لكن ولا مرة جربت اعملها لجوزي لاني عارفة اني هاخد تريقة للصبح

رابط هذا التعليق
شارك

واحنا صغيرين كانوا بيضحكوا علينا بحاجة ا سمها سخينة

عيش وسمنة وسكر

واحنا ناكل ومبسوطين واخر انشكاح

لما كبرت وعرفت الخدعة ما بقتش اكل اي حاجة حلوة وكل ميولي للفسيخ والسردين

علشان تعرف العبقرية اللي كان فيها اهالينا كانوا بيجيبوا م الاخر

لان اي نوع من الحلويات يتكون من 3 حاجات دقيق وسمنة وسكر

شكلهم تعملهم قطايف .... كنافة .... بسبوسه .... بسيمة .... بقلاوة.... الخ

اختلفت الاسامي والمكونات واحدة

تم تعديل بواسطة ابو محمد بن مصطفي
رابط هذا التعليق
شارك

  • 3 weeks later...

مساء الخير على كل رالسهرانين

يااااه فكرتوني بأيام الطفرلة والصبا والشباب - مخروطه-حاجات كثيرة التصقت بالزمن القديم حيث لا مسئوليه وحيث الحلم الجميل والبراءة

على فكرة دي اكلة طعمه جدا المهم يكون سمك العجينه قليل جدا جدا حتي تنضج في الحليب اما الماكينه فهي تسهل فرد وترقيق العجينه واستعمالها سهل هي عني منذ عشر سنوات في اول الامر كنت استعملها كثيرا ----ليس حبا فيها بل استغلال شيء اشتريته----وبمرور الأيام لم أعد أعمل الا السهل واللي لازم يتعمل بس

. وكمان فيه السخينه اسألوا أهل الصعيد عنها افتكر انها لا تنسى :نجمع الخبز القديم كله وننشفه في الفرن ونكسره مثلما نعمل في الفته ونضع اناء به ماء يغلي ويحلى بالعسل الأسود ونضيف الخبز غلوتين تلاته وكل بالهنا والشفا بس اياك ان تسأل عن السعرات الحراريه او الميزان بعدها

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

×
×
  • أضف...