اذهب إلى المحتوى
محاورات المصريين

(( التجنيــــــــــد )) الكشف الطبي - الزواج


طاهر اسلام

Recommended Posts

عنوان غريب ....

لكن سؤالي ياجماعه ...

الواحد عشان يدخل الجيش لازم كشف طبي طبعاً

ممكن اعرف اسباب اخد اعفاء طبي من الجيش ؟؟؟؟

وهل صحيح انه حالياً النظر والفلاتفوت مابقوش عذر طبي للتخلف عن دخول الجيش ؟؟؟

ولا اساساً مفيش كشف طبي وكله بالبركه الا من كان النقيب خاله

ارجوكم ياجماعه مش عاوز كلام مسترسل وناس بتاخد من ناس

اتمنى منكم المعلومه الصحيحه .. لانه ناس كتير بتتكلم وهي مش عارفه حاجه عن حاجه

ترديد كلام وخلاص زي الببغاوات ...

سؤالي التاني .. هو فترة التجنيد للمؤهلات العليا 9 شهور ولا 14 شهر ؟؟؟

وماهي طبيعه العمل بالظبط في الجيش وعدد الايام التي تقضيها ؟؟؟ وعدد ايام الاجازات ؟؟؟ والمرتب ؟؟؟

وبالنسبه للثانويه العامه ؟؟ هل هي سنتين ولا 3 سنوات ؟؟؟؟؟؟

ونفس السؤال الاجازات والمرتبات ؟؟؟؟؟

وسؤال مهم ,, هل التأجيل معناهـ عدم دخول الجيش نهائياً ؟؟؟؟

وحاجه مهمه ياجماعه ,, هل لو كان رب الاسرة مريض ولايوجد عائل للاسرة الا الشخص المطلوب للتجنيد ,, ياخد اعفاء ؟؟؟؟ ولا مفيش حاجه كدا ؟؟؟

واخيراً ,, هل لو الواحد اتجوز وهو في الكليه وطبيعي انه مؤجل تجنيد ... ليه تجنيد ,, ولا خلاص ؟؟؟ عشان هو مسؤول عن اسرة ؟؟؟؟؟؟؟؟؟؟؟

اريد اجوبه شافيه لكل ماسبق

وارجو منكم التعاون بارك الله فيكم ,,

وشكراً جزيلاً ...

رابط هذا التعليق
شارك

اتمنى منكم المعلومه الصحيحه .. لانه ناس كتير بتتكلم وهي مش عارفه حاجه عن حاجه

ترديد كلام وخلاص زي الببغاوات ...

رغم ان الجملة اللى فاتت دي جامدة شويتين ...

هجاوب على الجزء ده ... اهي حاجة انا متأكد منها 100 %

هو فترة التجنيد للمؤهلات العليا 9 شهور ولا 14 شهر ؟؟؟

المدة 13 شهر ونص بالتمام والكمال

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك

وحاجه مهمه ياجماعه ,, هل لو كان رب الاسرة مريض ولايوجد عائل للاسرة الا الشخص المطلوب للتجنيد ,, ياخد اعفاء ؟؟؟؟ ولا مفيش حاجه كدا ؟؟؟

لو الوالد كمل 60 سنة تاخد عائل وحيد للاخوة او للوالد ولو هو عنده مرض مزمن او يمنعه عن العمل بعد اجراء الكشف الطبي عليه بتاخد تاجيل او اعفاء

البحر موعدنا ...........وشاطئنا العواصف جازف فقد بعد القريب ومات من ترجوه واشتد المخالف لن يرحم الموج الجبان ولن ينال الأمن خائف القلب تسكنه المواويل الحزينة ......... والمدائن للصيارف خلت الاماكن للقطيعة من تعادي أو تخالف جازف ولا تأمن لهذا الليل أن يمضي ولا أن يصلح الاشياء تالف هذا طريق البحر ................لا يفضي لغير البحر والمجهول قد يخفى لعارف جازف فان سدت جميع طرائق الدنيا امامك فاقتحمها ولا تقف كي لا تموت وانت واقف

محمد ابراهيم ابو سنة

رابط هذا التعليق
شارك

اللي متأكد منه إن اللي عنده فلات فوت ولا جريب فروت حتى بيدخل الجيش ..

سبحان الله .. بابا الله يرحمه أخد إعفا من الجيش قبل حرب اليمن مباشرة عشان عنده فلات فوت ... وأخويا الصغير هو الوحيد اللي كان زيه لكن إتهبد جيشه بالتمام والكمال من حوالي 4 سنوات .

بالنسبة للثانوية العامة فهي تُعامل معاملة المؤهل المتوسط ومدة التجنيد " سنتين "

وسؤال مهم ,, هل التأجيل معناهـ عدم دخول الجيش نهائياً ؟؟؟؟

مش شرط ولكن في الغالب الأعم بتاخد تأجيل في تأجيل في تأجيل لحد الإعفا النهائي

وماتخافش يا عم الجيش للرجالة

عندك صاحبنا وليد .. ما هو مستني 3 سنين اهو لكنه راسخ وثابت كالجبل الأشم

لمزيد من المعلومات إتفضل إقرأ الموضوع ده وإنت تعرف كل شيء عن الجيش وسنينه

ستة جُند

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

اتمنى منكم المعلومه الصحيحه .. لانه ناس كتير بتتكلم وهي مش عارفه حاجه عن حاجه

ترديد كلام وخلاص زي الببغاوات ...

رغم ان الجملة اللى فاتت دي جامدة شويتين ...

هجاوب على الجزء ده ... اهي حاجة انا متأكد منها 100 %

هو فترة التجنيد للمؤهلات العليا 9 شهور ولا 14 شهر ؟؟؟

المدة 13 شهر ونص بالتمام والكمال

انا آسف مش قصدي حاجه ... بس هو فعلاً ناس بتنقل من ناس وناس بتتكلم وخلاص

والله الواحد يقعد مع حد من اصحابه ,, يقعد يحكي هوايل ولما اسأله عرفت منين ,, يقله واحد قالي ,, والواحد اللي قاله واحد تاني قاله ,, والواحد التاني اللي قاله و, واحد تالت قاله ... الخ

يعني الموضوع بيكبر مع كل واحد يقول للتاني ,, وكلها مبالغات وكلام فارغ

فعشان كدا انا بقول ياجماعه اللي عارف يقول ويفيدنا وربنا يبارك له

يعني حضرتك بالنسبه لموضوع 9 شهور الجيش ,, يعني تخيل انه واحد قالي الموضوع دا وواحد تاني قاللي 14 شهر

يعني حاجه بجد تخلي الواحد يتجنن ,,,,,

واشكرك ياسيدي على الرد وماتزعلش مني :wub:

شكراً ليك يااستاذ محمود الشاعر

بالنسبه لي والدي عمل حادثه وللأسف فقد احدى عينيه وعنده فشل كلوي ,, والحمدلله على كل حال ..... هل ذلك يعتبر احدى مبررات اخد اعفاء او تأجيل

وبالمناسبه لدي اخ اكبر مني وفي آخر سنه السنه القادمه واخ صغير عمره 10 سنوات

ماهو الوضع بعد اذنك ؟؟؟؟؟؟

الاستاذ الكريم سي السيد شكراً ليك على ردك .. وحقيقي مش عارف ليه دلوقتي العمليه بقت بطاطس ,,, دا انا عندي فلاتفوت ونظري ضعيف وبلبس نظارة وواحد صاحبي بيقلي هتروح يعني هتروح مفيش ياما ارحميني ,, ومش عارف اذا كان بيبالغ ولا بيتكلم جد

فعلاً بقت حاجه تقرف الواحد مش عارف مصيره ايه عشان ناس مابتراعيش ربنا في عملها

وبعد اذنك ياسي السيد لو تمدني بمعلومات من اخوك عن موضوع الجيش دا

دخله كم شهر بالظبط ,,

والاجازات والمرتب والحاجات دي كلها

للضرورة القصوى

ومن فضلك لو تعرف هل لو انا اتجوزت قبل مااخلص كليه وقبل ماادخل الجيش ,,

ليا جيش ولا خلاص مادام عائل لاسرة ماليش جيش

ودمتم

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...