اذهب إلى المحتوى
محاورات المصريين

أبنائنا أمانة في ايدينا … رسالة من أم


عادل أبوزيد

Recommended Posts

 

خلوا باااالكم....
🚨🚨🚨  

واقعة حصلت لابن صاحبتى فى مدرسة دولية معروفة جدا  هنا فى القاهرة تعتبر من الانحلالات المجتمعية ال شكلنا كدة هنعيشها الفترة الجاية..

مُدرسة اجنبية دخلت الفصل و طلبت من الاولاد ال عندهم ١٢ سنة يكتبوا عن اكتر حاجة مضايقاهم و عايزنها تختفى من العالم..
ولد كتب عن الشذوذ الجنسى والشواذ و انه بيتمنى ان الموضوع ده يختفى من العالم..
المدرسة الاجنبية اخدت الورقة و اخدت الولد و طلعت بيه على مديرة المدرسة و عملوا معاه اجتماع مغلق و حضر الاجتماع مع المديرة مدرس اجنبى شاذ جنسيا علشان يتكلموا مع الولد..

اتهموا الولد بالعنصرية و انه مينفعش يقول كلام زى ده و انه لازم يتقبل وجودهم و انهم بيحتفلوا فى بلادهم بيوم مخصوص للشواذ و عاقبوه بانه ميحضرش بقية الحصص لبقية اليوم..
مع انهم بينادوا بحرية الرأى الا انهم متقبلوش رأيه و قمعوه!!😏

الولد رجع من المدرسة سخن و عيان والسخونية دى كانت بسبب سوء حالته النفسية و حالة الرفض ال كان فيها ال خلت جسمه يتفاعل معاه..

المدرسة من ناحيتها مبلغتش ولى امره بالحصل و كتموا على الخبر.. مع ان المتعارف عليه فى المدرسة ان لو وقع اى عقاب على اى طفل فى المدرسة لازم بيبعتوا ايميل لولى الامر يبلغوه بال حصل.. !!!!

تانى اجراء المدرسة اخدته انهم خلوا الاولاد كلهم يمضوا  على ورقة فيها شوية قوانين و على رأسهم انهم يحترموا و يتقبلوا كل البشر باختلاف انتماءتهم الجنسية ..
الورقة دى الولاد مضوا عليها بدون تبليغ اولياء الأمور او ارسالها..

الحاجات دى كلها اتعرفت بالصدفة البحتة لان الولاد محكوش لحد ولا لاهاليهم ما عدا ولد واحد ال راح حكى لمامته كل ال حصل عن صاحبه ومن هنا ابتدى اول الخيط..

فى نفس ذات المدرسة فيه مُدرسة طلبت منهم انهم يعملوا بروجيكت محتواه انهم يخترعوا دين جديد!!!

فى نفس ذات المدرسة مُدرسة تانية بتجمع البنات فى المرحلة الثانوية حواليها و بتكلمهم عن الشواذ و حقوقهم..!!

الولد لما حكى لمامته قالتله انت راجل وعلى حق وانا فى ضهرك وانا هاجيبلك حقك.. ولما راحت قابلت مدير المدرسة المصرى المسلم خذلها و خذل ابنها…

الغرض من البوست مش التشهير بالمدرسة لان كدة كدة هيحصل تصعيد على اعلى مستوى و المدرسة هتتعرف..

الغرض من انى اكتب البوست ده علشان اوضح ٣ حاجات:

اولا مش معنى اننا مدخلين ولادنا مدارس دولية فيها مدرسين اجانب انهم يلعبوا فى دماغ عيالنا و يمشوا قوانينهم علينا.. احنا فى مصر و قوانين بلدنا هى ال هتمشى على رقبة الجميع!!

ثانيا: اتكلموا مع ولادكم كتير و ادعموهم و متخليهمش يخافوا منكم لان الولاد كانوا خايفين يقولوا لاهاليهم وفيه ولاد اقتنعوا ان اه عادى احنا لازم نتقبل وجود الشواذ فى حياتنا و مفيش مانع لو عملنا زيهم!

ثالثا: كلموا ولادكم عن الدين مهما كانت ديانتكم و كلموهم عن ربنا و القيم و عاداتنا واصولنا و الاخلاق الحميدة
صلوا معاهم واقروا معاهم فى الانجيل أو القرآن
خدوهم الجامع او الكنيسة 
التربية مش بس اكل و شرب و فسح
التربية استماع و احتواء واهتمام و تنوير لعقولهم الصغيرة

متقولوش هم لسة صغيرين ولسة بدرى على الكلام ده 
و لما يكبروا متقولوش دول قرود و عارفين كل حاجة لان كل حاجة هتكون مغلوطة من مصادر مشوهة و خلوا بالكم ان فيه توجه عالمى لنشر الرزيلة والشذوذ..
ربنا يحفظ الجميع🙏🏻🙏🏻

#خلوا_بالكم_على_عيالكم
#خطورة_المدارس_الدولية
#الفكر_الغربى_الشاذ

ديه واحده كتبت البوست ده 
والفيسبوك شاله
فاصحابها نشروه تاني            #شير#

مواطنين لا متفرجين


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...