اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

اللي ما يعرفش يقول عدس


عادل أبوزيد
 مشاركة

Recommended Posts

منقول
‏" كتر الكلام اليومين دول عن سوء أداء وإدارة الاقتصاد المصري وقرب انهياره ، والكلام انحصر حوالين كذا نقطة
1-الديون المصرية ونسبتها إلى الدخل القومي والموازنة الحكومية
2-الإفراط في الإنفاق على البنية التحتية
3-المناخ الاستثماري في مصر
-------------------------------------------------
هما دول أكتر 3 نقط الناس بتتكلم عليها 
اولا : لازم نفهم الفرق بين الحقيقة،وبين الحقيقة الملونة،يعني انت ممكن تعرض حقيقة متجردة، وممكن تعرض نفس الحقيقة بس تلونها عشان تحقق هدفك من عرضها
-----------------
تعالوا نشوف الحقائق المجردة الأول
‏فيه نوعين من المديونية، مديونية داخلية،بيسموها National Debt ،وفيه مديونية خارجية بيسموها Foreign Debt تعالوا نشوف مركز مصر فين من دول، ونقارنها بالدول اللي فوقيها، أوالأعلي منها مديونية
----------------
حنتكلم الأول على الدين الداخلي، اللي الناس بتستخدمه بغرض،إما التشويه أو التلوين
‏ديون مصر الداخلية نسبة إلى دخلها القومي حوالي 84% في 2020، قد تكون زادت شوية بس مش بنسبة كبيرة ، وترتيبها ال 32 على العالم من حيث حجم المديونية، لكن من حيث نسبتها ترتيبها حيبقى متأخر جداً، بمعنى إنها من أحسن النسب
---------------
مين بقى الدول اللي فوقيها ، الدول ذات الأهمية يعني :
‏اليابان 236%
فنزويلا 232%
السودان 200%
اليونان 185%
إيطاليا 134%
سنغافورة128%
البرتغال 116%
أمريكا 108%
البحرين 101%
بلجيكا 98%
فرنسا 97%
أسبانيا 96%
قبرص 91%
الارجنتين 89%
البرازيل 88%
كندا 87%
------
وبعدين مصر 84%
وبريطانيا وراها على طول ب 84% برضه.
‏يعني كل دول ال G7، 
السبعة الكبار يعني،
ما عدا ألمانيا،مديونيتها الداخلية نسبتها أعلى منك، وألمانيا بالمناسبة 59%
فوقيها إسرئايل 60%
وعمان 60%
وقطر 62%
والمغرب 65%
وتونس 69%
والنمسا 71%
الهند 75%
باكستان 77%
----------------
‏أنا كده جبت لك مصر، بال فوقيها،بال تحتيها،ما انتش عجبة يعني،
إنما تعرض حقيقة ديون مصر الداخلية،وتجيب بس الدول ال تحتيها في المديونية بكتير،
وتحطهم في جدول واحد،دي بقى اسمها الحقيقة الملونة، أو نصف الحقيقة، أو بعبارة أكثر قسوة، ‎#التدليس 
---------------
‏وبعدين في عرضك لنصف الحقيقة،أو الحقيقة الملونة، تتجاهل تماما الديون الخارجية،وهي الديون الأهم في الحقيقة،لإنك عارف إن نسبة ديونها الخارجية لدخلها القومي في الحدود ‎#الآمنة جداً،34 وتريتب مصر في جدول الديون الخارجية ال 58، يعني فوقيها 57 دولة،وما تعرضش الكلام ده لإنه مش حيخدم  ‏غرضك اللي انت طالع في التليفزيون علشانه.
--------------------------------------------------------------
طيب نعرضها احنا بقي 
‎#نعرضها_احنا_بقى 
نسبة الدين الخارجي للدخل القومي، امسك ورقة وقلم وسجّل :-
أمريكا 102%
الصين 75%
بريطانيا 345%
فرنسا 230%
ألمانيا 165%
كندا 143%
اليابان 98%
إيطاليا 141%
البرازيل 38%
جنوب أفريقيا 57%
‏هنا بقى كل دول الG7 بلا استثناء أعلى منك،و 3 دول من مجموعة البريكس
ال هما الصين االبرازيل جنوب أفريقيا أعلى منك مفيش غير الهند20%
وروسيا مش بعيدة عنك ب 32%
--------------
حاعرض لك بقى شوية دول تانية فوقيك مش من دول ولا دول،تركيا 55%
‏طبعاً الكلام ده ما يتعرضش!!!!
---------------------------------------------------
فيه بقى معيار تالت، وهو إن مصروفاتنا أعلى من إيراداتنا وإن إيراداتنا ما تكفيش فوائد الدين اللي علينا
----------------------
‏نمسك الموضوع ده واحدة واحدة، ونقارن بالدول الأخرى:-
إيرادات أمريكا الحكومية 6 تريليون $ ومصروفاتها الحكومية حوالي 10  تريليون يعني سالب 4 تريليون،بنسبة سالب 19%من الدخل القومي الأمريكي،بتجيبهم منين حضرتك؟‎#بالاستدانة 
---------------------
‏الصين، إيراداتها 3.6 تريليون &مصروفاتها5.4تريليون$
يعني سالب 1.8تريليون بنسبة سالب 12%من الدخل القومي الصيني،بتجيبهم منين؟ ‎#بالاستدانة 
---------------------
ألمانيا،إيراداتها 1.7 تريليون $مصروفاتها2 تريليون$ يعني سالب 300 مليار $، بنسبة سالب 8%من دخلها القومي، بتجيبهم منين؟
‎#بالاستدانة
--------------------
‏اليابان، إيراداتها 1.7 تريليون، مصروفاتها 2.4 تريليون،يعني سالب700مليار دولار، بنسبة سالب 14% من دخلها القومي، بتجيبهم منين؟‎#بالاستدانة 
--------------------
فرنسا، إيراداتها 1.3 تريليون دولار، مصروفاتها 1.6 تريليون، يعني سالب 300 مليار دولار،بتجيبهم منين؟‎#بالاستدانة 
--------------------
‏بريطانيا، إيرادات 1 تريليون دولار، مصروفات 1.4 تريليون، يعني سالب 400 مليار دولار، بنسبة سالب  16% ، بتجيبهم منين؟
‎#بالاستدانة 
-------------------
إيطاليا، إيرادات 900 مليار دولار، مصروفات 1.1 تريليون دولار، يعني سالب 200 مليار دولار، بنسبة سالب 13%، بتجيبهم منين؟
‎#بالاستدانة 
-------------------
‏الهند، إيرادات 620 مليار دولار، مصروفات 940 مليار دولار، يعني سالب 320 مليار دولار، بنسبة سالب 10% من دخلها القومي، بتجيبهم منين؟
‎#بالاستدانة 
-------------------
كندا، إيرادات 600 مليار دولار، مصروفات 900 مليار دولار، يعني سالب 300 مليار دولار، بنسبة سالب 20%، بتجيبهم منين؟
‎#بالاستدانة 
-------------------
‏روسيا، إيرادات 470 مليار دولار،  مصروفات 550 ملياردولار، يعني سالب 80 مليار دولار، بنسبة سالب 6% من دخلها القومي، بتجيبهم منين؟
‎#بالاستدانة 
--------------------
البرازيل، إيرادات 400 مليار دولار، مصروفات 600 مليار دولار، يعني سالب 200 مليار دولار،  بنسبة سالب 17%، بتجيبهم منين؟
‎#بالاستدانة 
------------------
‏جنوب أفريقيا، إيرادات 76 مليار دولار، مصروفات 116 مليار دولار، يعني سالب 40 مليار دولار، بنسبة سالب 14%، بتجيبهم منين؟‎#بالاستدانة 
--------------------
أنا جبت لك كل دول ال G7، وكل دول البريكس، بيانات 2020،كلهم فوقيك ما عدا روسيا زيك تقريباً
‏انت كام بقى ؟ إيرادات 158 مليار دولار، مصروفات 168 دولار، يعني سالب 10 مليار دولار، بنسبة سالب 6.5 %، بتجيبهم منين؟
‎#بالاستدانة، زي ما قال وزير المالية معيط بالظبط
--------------------------------------------------------
ما انتش عجبة يعني 😏
وكل دول العالم بتعمل زيك 
‏الإمارات سالب 10% السعودية سالب 12%
تركيا سالب 8%
إسرائيل سالب 13%
إيران سالب 10%
الكويت سالب 8.5%
فيتنام سالب 6%
‎#موضوع_عادي_جداً
واحنا أقل من العادي
--------------------------------------------------------
‏الأستاذ الفاضل عرض الكلام ده؟ طبعاً لأ
المذيع  الفاضل اللي معاه رد عليه باللي انا رديت بيه عليه؟ طبعاً لأ، لإن طقم إعداده مش مركز او … 
وبيخلونا احنا نطلع نرد شئ مؤسف ..
‏وسنكمل بقية الحقائق 
----------------------------------------------------
‎#الخلاصة 
مصر رغم إن فيه أزمة اقتصادية بخير،
لإنها أزمة واردة من الخارج، مش أزمة داخلية،
وكل دول العالم بتعاني منها مش احنا بس،
لكن اقتصادنا قادر باذن الله على إنه يعديها بتنوعه وتعدد مصادر دخله،وحنخرج من الأزمة دي أقوى وأمتن باذن الرحمن"
منقول

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
×
×
  • أضف...