وزنك بيزيد عليكي وعلي..........

[sendrella119]

طب وحياة رحمة الخواجة ينَى اللى مااحلف به باااااطل ابداااااااااااااا....انا باكل 4 ملاعق رز وكمان مسلوقة ...بس مادام حلفتينى بزمتى ...يبقى انا باغرف اربع ملاعق ..وربنا بيبارك..وبيطلعوا فى الاكل تمانية ..

انا برضه بقول ;)

انا مش بعرف اعمل كده يا فلانة موضوع الارز والملوخية ...معرفش اطبخ من سمن او زيت

انا ممشية البيت اليومين دول علي زيت خضروات .....او زيت درة

ولو حبيت اعمل زي ما بتقولي يبقي لازم اعمل صنفين واحد لي والتاني ....للباقي....

وانا مش باعتمد في اكلي علي الطبيخ اوي

تلاقيني دايما اجري وراء الاجبان ..........وحاجات خفيفة

طب بصي

انتي جربنتي شوربة الكرنب ( مع حبة فلفل وطماطم وبصل وثوم واي توابل تحبيها)

انا جربتها مرة واحدة . :o ...............هي بتجيب نتيجة بس

انا كرهتها اوي mfb:

انا مفيش حاجة نفعت معايا غير التمارين اللي قلتلك عليها وطبعا مش محتاجة قبلها تسخين ولا دياولو

هما كام تمرين .طخ طخ ..وخلصنا

انا مش عارفه اشرححم بصراحه مكسوفة

انتي اكيد عارفه ايه اكتر تمارين مهمة للبطن والارداف

علي فكرة انا مش في مصر حاليا .....

انا مقيمة بكندا

وبعشق الموقع ده اوي

علشان بيفكرني بمصر جدا

كلام الاصدقاء اللي عرفتهم هنا ...........بيحسسني اني ما سيبتش مصر

انتي في مصر ........ولا مغتربة برضه :blush:

الاخ الكريم خضر ....تصدق ان انا بقالى تلاتة اشهر فى اليوم التامن ده ...

انا ابتديت من كام شهر

تعالي نعمل مسابقة انا وانتي

ونتابع علي الخاص لو عاوزة

مع ان انا اتسرعت . :) ...وقلت علي الوزن -_-

[khedr]

سيداتي الكريمات

انا ابتديت مشوار الرجيم القاسي نفسيا وهو بسبب الروائح في كل مكان

حتي الطعميه بقت ريحتها ولا عطر ...مذهله

المهم....بس عا اعتمد علي الكوسه بديلا عن الاغذيه اللي مكتوبه في الوصفه

يعني باختصار الملخص

1...شرب الشاي الاخضر

2...زياده كميه شرب الماء

3...الاعتماد علي الكوسه ني في ني اساسا في الوجبات( علي قدر الامكان)

4...المشي مع بعض التمارين الرياضيه

5...الامتناع التام عن العيش المكرونه الارز

6...زياده كميات الخضروات الطازه والفاكهه

لمده سبعه ايام ....والثامن راحه.....نبتدي علي كده من الجمعه 19 مايو

ولو فيه اضافات او ممنوعات ماشي....بس مع مراعاه الاسواق والمتاح

[khedr]

اليوم الاحد......مر يومين علي بدايه رحله الرشاقه والاناقه

بالامس اشتدت علي مك جانب رائحه السمك المنبعثه من المطبخ

ولمن لا يعرف ما معني السمك عندي ....يسألني عن حبي ولوعتي وتعذيبي في الحياه بسبب سمكه

ولا اكذبكم القول زي رجال الحكومه ...دست علي نفسي وتركت البيت حتي هدأت قليلا رائحته

ودخلت المنزل خفيه......ووجدته مفتوح وتطل منه وتناديني

لكن الوعد....الوعد....الاراده......الاصرار

عدي الامس ولا تعلموا كم تقلبت في الفراش بين السهد والعذاب من اجل سمكه

واليوم...............انها الارانب

لا حول ولا قوه الا بالله

دعواتكم ان يمر اليوم علي خير

انها الارانب...الارانب

الارانب

رحمتك ياربي

الارانب

[/color]

[khedr]

الثلاثاء

مافعلت بي الارانب لا يوصف ولا يذاع

فقد فقدت عزيز لدي عندما لم استطع ان التهمه

ولا حتي جزء من الظهر وما ادراكم ماهو ظهر الارنب

لو تعلموا ماهو لتركتم كل ما باايديكم وتتفرغوا وتشاهدوني وانا التهمه

انتهي يوم الارانب ونجحت ايضا

ولكن يوم الفراخ الكبير ...لا استطيع ان اصف حالي عندما خرجت تهاجمني رائحه التحمير من المطبخ

اه ثم اه ثم اهههههههههههههههههههههههههههههههههههههههه

انها مؤامره.......... انها مؤامره........................ مؤامره علي الرجيم

ولكن ياتري من وراء تلك المؤامره

العدو الامريكي ...لا الامريكان اخرشعب يفكر في الرجيم

انه العدو الصهيوني نعم انهم الصهاينه الذين لا .........لا ليس اليهود ...اليهود يتمنوا ان لا نأكل حتي لا نقوي عليهم

اذا هي مؤامره داخليه.....

الحزب الوطني........هذا يريد كل الناس جوعي

اذا الاخوان.......... لا جوعوا تصحوا

اذا الاقباط ...........لا طعام الجسد فاني وطعام الروح يبق

اذا من

من وراء المؤامره

من

من

من

ياربي انها..............................

يتبع

[Tafshan]

انا بصراحة ما ليش في الرجيم و الكلام ده :sad:

انا مقتنع جداً في جمله عبقرية على لسان طباخ شهير في فيلم Last Holiday بتاع كوين لطيفة :

كان بيقول لها : انا و انتِ بس عارفين سر الحياه :D

قالت له ايه :o

قال لها : Butter

:lol:

موضوع تنزيل الوزن ده انا باعمل حاجه شغاله معايا كويس : لما اعوز انزل وزنى ببطل اتعشى ... طبعاً في الاول بيبقى الموضوع صعب .. بس بأعالجه بأنى باجيب عيش توست بتاع الريجيم Brown .. و ده بيلكم جداً .. يعنى لو اكلت اربع حتت بيسدوا نفسي جداً مع كوب كبير من الماء بيخلص الموضوع على كده ..و خلال شهر بأنزل جامد و اغيظ مراتى :o

[nancy]

سندريلا انا مكنتش اعرف ان دمك خفيف اوى كدة

وفلانة كمان 4 ملاعق رز لية هو موت :sad:

خضر اية وصف الاكل دة مين عزبك كدة هى المدام بتطبخ بالشكل دة كل يوم ولا انت عايش فى مطعم

طفشان يا مفترى ب 4 توست يلكموا دة انا اتنين بيخلونى مفكرش فى الاكل تانى :D

[sendrella119]

يعنى لو اكلت اربع حتت بيسدوا نفسي جداً مع كوب كبير من الماء بيخلص الموضوع على كده ..و خلال شهر بأنزل جامد و اغيظ مراتى

الظاهر يا طفشان ان كلكم غاويين غيظ في ستاتكم ....فكرتني باسوأ ايام حياتي الايام الاولي ...بعد ولادة البيبي ...بحس اني خالته ....مش مراته....بس علي مين انتوا ما تعلرفوناش في العزيمة بتاعتنا جبارين يا ابني !!!! :lol:

استني عليا انا خلاص قربت اوصل للمقاس اللي عاوزاه

لاني في عذاب في الرجيم ده من اول يوم في السنة يعني من 6 شهور دلوقتي

مشاركة بتاريخ اليوم, 09:44 AM

سندريلا انا مكنتش اعرف ان دمك خفيف اوى كدة

وفلانة كمان 4 ملاعق رز لية هو موت

خضر اية وصف الاكل دة مين عزبك كدة هى المدام بتطبخ بالشكل دة كل يوم ولا انت عايش فى مطعم

طفشان يا مفترى ب 4 توست يلكموا دة انا اتنين بيخلونى مفكرش فى الاكل تانى

يا بنتي اكل الرجالة غير اكل الستات.......

يعني هما طبيعة جسمهم وبنيانهم غيرنا خالص ....يقدروا يتعشوا اي عشاء دسم او مسبك ....او او

هما غيرنا خالص.....

وبصراحة لازم......بس معاه رياضة

او يقللل دهون ومخبوزات... ويزود خضار ولحوم لو عاوز

انا اتعلمت كده من ماما .............كانت دايما تهتم جدا بعشاء اخواتي الصبيان لما يرجعوا متأخرين عن معاد العشاء

وانا كنت فاكرة انها تفرقة عنصرية ;)

نيجي بقة لخضر

مافعلت بي الارانب لا يوصف ولا يذاع

فقد فقدت عزيز لدي عندما لم استطع ان التهمه

ولا حتي جزء من الظهر وما ادراكم ماهو ظهر الارنب

لو تعلموا ماهو لتركتم كل ما باايديكم وتتفرغوا وتشاهدوني وانا التهمه

انتهي يوم الارانب ونجحت ايضا

ولكن يوم الفراخ الكبير ...لا استطيع ان اصف حالي عندما خرجت تهاجمني رائحه التحمير من المطبخ

اه ثم اه ثم اهههههههههههههههههههههههههههههههههههههههه

انها مؤامره.......... انها مؤامره........................ مؤامره علي الرجيم

ولكن ياتري من وراء تلك المؤامره

العدو الامريكي ...لا الامريكان اخرشعب يفكر في الرجيم

انه العدو الصهيوني نعم انهم الصهاينه الذين لا .........لا ليس اليهود ...اليهود يتمنوا ان لا نأكل حتي لا نقوي عليهم

:lol: :)

وانت ايه اللي معذبك كده

ما انت كل ما تحرم نفسك اكتر كل ما حتزيد اكتر

بص ابعد عن المطبخ خالص

ابعد عنه ..اوي.... جدا ....خالص .....مالص ..بالص

اقولك ..حط فيه اي حاجة بتكرهها....صورة غبية ...صورة ليها ذكرة وحشة معاك

هات كل السفونيرز القديمة اللي بتفكرك ...بايام مش بتحبها وحطها في المطبخ

بجد مش بهزر

وبعدين ده انا مش عايزة اقولك فكرتي عن الارانب ...لو قلتها حتكرهها طول عمرك ..وعمرك ما حتاكلها تاني

دي قطط ....قطط

خصوصا لو شفتها .....مش عايزة اكمل

وبلاش تشم في اي ريحة منبعثة من المطبخ ......واقنع نفسك انك حتاكل زي كل يوم ..مش حتقلل اكلك عادي يعني

علشان في ناس بتزيد علي الريحة..(الطباخيين ) مثلا

يشموا ريحة الاكل ..معدتهم تفرز مزيد من العصارة الهاضمة ...بالتالي اي حاجة تدخل جوي المعدة حتتهضم في الحال.........................................................مش عارفه ايه ..... شلولخ

لا بجد يا خضر

صدقني كله يهون ..لما تلاقي نفسك ...لابس مقاس 42

سيبك انت حاجة تانية خالص :D

[khedr]

بس بأعالجه بأنى باجيب عيش توست بتاع الريجيم Brown .. و ده بيلكم جد

خبره تستحق التجربه

ولو نجحت لك...................

المهم طيب باقي اليوم الاكل بيكون عادي والا ايه

خضر اية وصف الاكل دة مين عزبك كدة هى المدام بتطبخ بالشكل دة كل يوم ولا انت عايش فى مطعم

ستعرفين من هو حالا

[khedr]

نيجي بقة لخضر

:blink: :wub:

وبعدين ده انا مش عايزة اقولك فكرتي عن الارانب ...لو قلتها حتكرهها طول عمرك ..وعمرك ما حتاكلها تاني

دي قطط ....قطط

خصوصا لو شفتها .....مش عايزة اكمل

نانسي الارانب من اجمل مخلوقات الله

لو بتربيها وشفتيها وهي بيضاء وهي بتلعب

وصله محبه وعشق لن تمليها ابدا

لا بجد يا خضر

صدقني كله يهون ..لما تلاقي نفسك ...لابس مقاس 42

اختي داروين كان عنده خطأ كبير

لما قال ان الانسان اصله قرد

لا ...ده اصله فيييييييييييل

[khedr]

يتبع

وفوجئت بأن سبب كل هذه الروائح .....هي أمي

أمي...

نعم هي .....

لماذا يا حاجه ...

لماذا لا تشغلي الشفاط حتي تخرج الروائح

يا ابني ده انت هفتان وزي العصا ...وهذا هو ردها الدائم

.....................................

يا امي ...

.يا امي

احنا اللي يشوفنا لازم يتأكد ان اصل شجره العائله كان فيلا وليس بني ادم عادي

يا امي ده الواحد مش بيقدر ياخد نفسه من السلم

لا ...ده من قله الاكل وطبعا هذا ردها الدائم

وبين الشد والجذب والروائح

والمقبلات والمشهيات اذوب انا

تاره من الجوع والاخري من الحرمان واخري من الرجيم

.................................................................

بالامس الخميس....رائحه الفراخ جعلتني اسقط بين الوعي والغيبوبه

ولم ادري والا والدبوس في يدي

لعته الله علي الاوزان وعلي القوام وعلي الرشاقه

لا ...لا .....لا لن اكمل

............................................................

ولكن الرشاقه واللياقه والجسم الممشوق

واخواتنا واخواننا في المحاورات ماذا اقول لهم

ماذا اقول....ماذا اقول........ماذا اقول.

.........................................................

يتبع واللا كفايه

[Tafshan]

بص يا خضر يا سديكى :D

سيبك من الناس اللى مش بتقدر الفن و القدرات الجبارة للمعدة المصرية المعاصرة :)

انا اقصد تغير نوعى بدل من التغير الكمى ..

يعنى بدل العيش الابيض .. استخدم العيش ال Brown

حاول تتخلص من المكرونه على قد ما تقدر ..

الارز برضو من الموبقات و خاصةً الرز المصري بالسمنه البلدى .. انا عارف ان الموضوع صعب بس ح نعمل ايه :)

استغنى عن كل ما سبق بالعيش التوست البنى و كل زي ما انت عايز ..

اما الارانب .. فممكن تتاكل مع الشوربه .. بلاش تحمرها .. و كذلك الطيور - ربنا يفك سجنها - و كذلك اللحمه : يأما مشوية او مسلوقه مع العيش التوست .. و الخضار الاخضر (السلطة) زي ما انت عايز ...

في مشكلة تانية برضو بتتخن جامد : الملح :P

لما بتأكل طرشى او اكل ملحه زيادة بيخليك تشرب ميه كثير و ده بيتخن عن تجربه ( سمعت و ما كنتش مصدق و طلع صح )

احنا معشر الرجال و لله الحمد بنأكل بقلب و لذلك وزننا مش بيجي من فراغ و بالتالى لما بنغير اي تغيير طفيف بيعمل شغل جامد ;)

طبعاً لو غيرت شوية عادات زي 10 دقائق مشى كل يوم ... جيم يوم اه و يوم لأ ... رياضة كنت بتلعبها زمان ... ح تفرق معاك

و ربنا معاك :angry2:

[khedr]

الي اخي الطفشان والي الاخوات العزيزات

نانسي سندريللا فلانه

معانا في موضوع الرجيم

والي جميع الاخوه

من احباب الخفه والرشاقه

..........................................

..........................................

النهارده كده عدي حوالي عشر ايام علي اتفاقنا نبدأ الرجيم مش كده..............تمام

العيش الابيض .....الارز ...........المكرونه................اصبحوا من الممنوعات في الدرجه الاولي

كميات الخضار والفاكهه بكثره

المسلوق ..مع شويه ملوخيه( هي كتيره شويه....ووعدتنا الاخت فلانه تقول طريقه التقليه من غير ...ونحن لازلنا في الانتظار)

والعيش السن هو اللي اصبح الاساسي

...................................................

...................................................

لا اكذبكم القول فيه تحسن ملحوظ...الحركه ... البنطلونات ....القمصان

يعني الامور احس انها بخير

...................................................

..................................................

لكن فيه مشكله وهي احيانا باصحي بالليل واكون جعان جدا جدا

ببقي ها اكل اي حاجه قدامي ....واحيانا انجح وكثيرا افشل

لكن كده .....................لا .........الامور اجمل واحسن واخف

وحشني قووووووووووووووووووووووووي

[Folana]

السلام عليكم ورحمة الله ....

متأسفة خالص خالص ياجماعة والله ..بس المواصلات بقى وانتم عارفين ....

بنتى لسه مخلصة امتحانات امبارح ..يعنى لسه بنار الفرن ...وطبعا انا اللى بامتحن مش هى ..بس خلالالالالالاص اجاااااااازة ..فاضل بقى اشترك فى دى اس ال عدل وياريت اللى يعرف اسم شركة يقولى وبعدها افضى لكم ...

خضـــــر...انا باعتذر عن التأخير ...وانا على فكرة باعدلك الايام برضه وعمالة اقول لنفسى ده الاسبوع خلص وزمان خضر عايز يولع فى ...

على فكرة لما تجوع ابقى كل خيار او خس ...باى كمية ....

الحق اكتب بقى الاسبوع التانى قبل النت مايفصل ...

............الاسبوع التانى ........

الافطار اليومى ........

1 خبز رجيم + بيضة مسلوقة +حبة طماطم +خيار

اليوم الاول :

=====

...الغذاء...( صدر فرخة مخلى ومقطع فى طاسة تيفال مع بصل وجزر وفلفل رومى + طبق سلاطة)

...العشاء..(50 جرام جبن قريش مع الخيار

----------------------------------------------------------------------

اليوم الثانى :

======

الغذاء...3 ملاعق ارز +طبق كوسة نى فى نى + طبق سلاطة + قطعة لحم مشوى )

العشاء..(نصف علبة تونة مصفاة +سلاطة

---------------------------------------------------------------------

اليوم الثالث :

=======

الغذاء......2 سمكة مشوية +طبق سلاطة

العشاء... 2 حبة فاكهة ماعدا الممنوع

----------------------------------------------------------------------

اليوم الرابع :

======

الغذاء....نصف دجاجة تكا + طبق سلاطة + بصل مشوى

العشاء....كوب زبادى بدون وجه بالردة

----------------------------------------------------------------------

اليوم الخامس :

=======

الغذاء....3 ملاعق مكرونة + 100 جم لحم مشوى +طبق سلاطة

العشاء ....طبق سلاطة مشكل +كوب لبن خالى الدسم

--------------------------------------------------------------------------

اليوم السادس:

=======

الغذاء......طبق ترولى +صدر دجادة + 1 عيش رجيم + طبق سلاطة

العشاء.....نصف علبة تونة مصفاة + حبة طماطم

----------------------------------------------------------------------------

اليوم السابع :

=======

الغذاء....100 جم لحمة مشوى + طبق سلاطة + طبق خضار سوتيه

العشاء.... بيضة مسلوقة + حبة طماطم + خيار

----------------------------------------------------------------------------

اليوم الثامن :

======

فســــــــــــــــــــــــــحة

دلوقت بقى ....كنت بتسال عن الملوخية

انت بتجهز الشوربة اللى مش دسمة يعنى بتكون سوربة فراخ مسلوقة من غير جلد او شوربة لحم بتلو ...او شوربة فول نابت ...يعنى اى حاجة زى كده ....وبتضيف الملوخية (اما الخضرا المخروطة فى البيت او الاكياس الجاهزة) ..ولما تاخد غلوتين كده بتكون مجهز التقلية لاللى هى عبارة عن توم مفروم ومعاه كسبرة ناعمة ..وذرة ملح نونو جدا ...وبتحطها فى طاسة تيفال من غير اى زيت او سمن وتفضل تقلب فيها لحد ماتتحمص ولونها يغمق ...تروح تدلقها على الملوخية وتغطى الحلة ....وبس كده ...بتكون جميلة على فكرة ومعسلة كمان .

طريقة الدجاج المشوى مع الخضار

طبعا دى حاجة بتطلع زى الفاهيتا كده ...

بتجيب صدر الفراخ مقطع شرائح ..وبصلاية كبيرة شرائح برضة ..وجزر مبشور ....وفلفل رومى شرائح

بتقلب الفراخ فى طاسة تيفال على نار حامية ..ومعاها البصل ..وبعد كده تضيف الجزر والفلفل ..وتقلب لحد كله مايستوى ...وتتبل بقى بالملح والفلفل وممكن تضيف ريحان ناشف ..او شوية زعتر ...

التونة .....فيه تونة طبعا بتكون غى محلول ملحى يعنى من غير زيت ..لكن بالنسبة للى فى زيت ..حتشطفها بالمية كذا مرة لحد الزيت ماينزل وبعدين تشطفها بالخل

بالنسبة للكوسة ....بتسويها عادى فى عصير الطماطم من غير زيت او سمن ...وطبعا لو عايز الوصفة بالظبط قول وانا اكتبها لك ...

المكرونة ..بتسلقها وتصفيها ...وهنا اما تاكلها مسلوقة ..او ممكن تضرب 2 حبة طماطم فى الخلاط وبعد كده تسبك الطماطم على النار من غير زيت او سمن برضه ...ولما تبدا تتسبك افرم فصين او تلاتة توم عليها ..وبعد كده ضيف ملعقة خل صغننة نونو ..وملح وفلفل ...وممكن كمان تفرم فلفلة رومى وتضيفها ....

وان شاء الله حاكتب لك الاسبوع الثالث مع تفاصيل اكتر ...

والى الامــــــــــــام دائما ....وعلى فكرة انا اتشجعت وحاكمل معاك ......

:P

[sendrella119]

فولانة....انتي جوعتيني

انت بتجهز الشوربة اللى مش دسمة يعنى بتكون سوربة فراخ مسلوقة من غير جلد او شوربة لحم بتلو ...او شوربة فول نابت ...يعنى اى حاجة زى كده ....وبتضيف الملوخية (اما الخضرا المخروطة فى البيت او الاكياس الجاهزة) ..ولما تاخد غلوتين كده بتكون مجهز التقلية لاللى هى عبارة عن توم مفروم ومعاه كسبرة ناعمة ..وذرة ملح نونو جدا ...وبتحطها فى طاسة تيفال من غير اى زيت او سمن وتفضل تقلب فيها لحد ماتتحمص ولونها يغمق ...تروح تدلقها على الملوخية وتغطى الحلة ....وبس كده ...بتكون جميلة على فكرة ومعسلة كمان .

احنا معندش ملوخية هنا في الغربة بس انا جبت معايا ملوخية ناشفة............الطريقة دي تنفع معاها

اما بخصوص فكرة الفراخ اللي قلتيها

بتجيب صدر الفراخ مقطع شرائح ..وبصلاية كبيرة شرائح برضة ..وجزر مبشور ....وفلفل رومى شرائح

بتقلب الفراخ فى طاسة تيفال على نار حامية ..ومعاها البصل ..وبعد كده تضيف الجزر والفلفل ..وتقلب لحد كله مايستوى ...وتتبل بقى بالملح والفلفل وممكن تضيف ريحان ناشف ..او شوية زعتر ...

انا حا اجربها ....بس انتي متاكده ان الجزر مش بيمررها

اصل انا باشويها بالشوايه ............وبشوي الخضار لوحده

اهم حاجة تكتبي لنا العصاااااااااااااااااااااااااير

علشان الصيف

وخصوصا المنجي .............ازاي تتشرب من غير السكر :sad:

لاني بحبها مسكرة اوي :blush:

[Folana]

السلام عليكم ورحمة الله .....

الحبيبة سندريلا......

طبعا الملوخية الناشفة تنفع جدا ....انت تاخدى شوية شوربة لوحدهم فى طبق وتقلبى عليهم الملوخية لحد مايختلطوا ببعض وبعدين تضيفها على باقى الشوربة ومافيش مانع انك تضربى طماطماية فى الخلاط وتضيفها على الشوربة علشان تعسل الطعم شوية ...وفيه ناس بتخرط حزمة سلق عليها علشان اللون الاخضر ...بس مافيش داعى علشان الرجيم ...انا الحقيقة ماجربتش قبل كده موضوع السلق ده لانها بتطلع جميلة من غير اضافات فيما عدا حبة الطماطم

بالنسبة للفاهيتا او الفراخ المشوية مع الخضار ...شوفى ياستى انت لولو فكرتى شوية حتلاقى ان المكونات عبارة عن صدر فرخة مشوى ومعاه خضار مشوى او متشوح يعنى ...هى الطريقة بس بتتنوع علشان فتح الشهية والتخلص من الملل ...لكن الجزر طبعا مش بيمرر خالص ..بالعكس ده بيدى طعم حلو ....وممكن تستغنى عنه لو مش بتحبى طعمه ..وممكن تشوى الفرخة وتعملى الخضار سوتيه ...هو تنويع بس مش اكتر

العصائر .....

اشربى كل اللى نفسك فيك ...من غيرسكر ...ممكن تضيفى دايت سويت او كاندريل..او بدائل اخرى ..وممكن سكر الفاكهة

بس على فكرة ..راعى ان الاكثار من عصائر الفواكه زى البرتقال ...مش محبب لانك كده بتحصلى على سعرات حرارية اعلى ....يعنى ممكن تاخدى نصف كوب مثلا ..بعد الاكل بساعتين ...

لكن المانجو دى طبعا من الد اعداء الرجيم وعلى قائمة الممنوعات زيها زى التين والعنب والبلح ....لكن حيث انى مانجاوية صميمة وحاجتين باستناهم فى الصيف ..المانجة والتين الشوكى ...فانا باكبر دماغى خالص ...وباكل مانجة ..بس مش كتير يعنى خدى واحدة فى الاسبوع ...او خدى اكتر فى اليوم الفرى ...وبعدين هى المانجة مسكرة لوحدها ..اعمليها عصير مركز من غير مية وهى حتبقى مش محتاجة سكر ....بس فى اليوم الفرى ..وافتكرى دايما ان الوزن بيزيد علشان بناكل كل اللى نفسنا فيه واللى اتخزن فى جسمنا يعنى مش محرومين ...يبقى نقوى عزيمتنا شوية ...انا دايما اقول لنفسى ...كل اللى نفسى فيه متخزن اهو فى جسمى لانى اكلته قبل كده ...وممكن اجتر زى الجمل واعمل اعادة مضغ تانى ;)

حابقى اكتب لك طرق عصائر المرة الجاية ان شاء الله ....وعندك الكركدية والخروب والتمر هندى وغيره وغيره ...بس من غير سكر وممكن تضيفى البدائل لو انت بتحبى طعم الحاجة مسكرة

وربنا يقويك فى معركة الجهاد مع النفس والجهاد الاكبر مع الاكل ....

صباحكم جميل :lol:

[زعلان]

الي عايز يخس ما يعدش في البيت كثير وميعدش قدام التلفزيون ويحرص انه يكون في صحبة ناس ويشرب ميه كثير ويملى التلاجه فاكه وياكل خضار كثير

أنا كان وزني في يوم من الايام وصل :lol: 102 كيلو وبعدها بطلت أوزن نفسي دلوقتي أنا تحت ال80 كيلو

[وليد صفوت]

80 ايه بس يا زعلاينو ..... قول تحت الـ60 .... تحت الـ 13 ....

[زعلان]

تحت الستين ايه يا ابني :wub: شايفني هيكل عظمي :angry2:

[khedr]

وعدنا ...والعود احمد

صحيح انا العباره دي با اسمعها كتير لكن مش فاهم معناها

................................

................................

فلانه سيدتي الكريمه ....بلاش الغياب الكتير والامتحانات خلصت وحاولي تصلحي النت

لا فعلا تقليه الملوخيه كانت هتدخلني قي قائمه الارهابييين

عندما سمعوا مني ان فيه ملوخيه من غير تقليه بالسمنه او الزيت

لا تتركينا وحدنا نعاني ونعاني

..............................

.............................

زعلان نصيحتك فعلا جميله لكن اديك شايف

خلصنا من التلفزيون والدش وطلع لنا النت...وطلعت لنا محاورات المصريين

يعني لازم البيت لازم

............................

...........................

سيدتي فلانه بمناسبه المشروبات وكده ياريتك تعطينا قائمه المشروبات المسموح بيها

بس عايزين حاجه نشربها بكميات كبيره ...ومن غير سكر....انا مش با احب السكر كتير

زي الاخت العزيزه سندريلللا....بس عايزين حاجات نشربها خصوصا ايام الصيف

.............................

.............................

فلانه سيدتي العزيزه......وحشتني الجبنه البيضاء والعيش البلدي

ممكن اليوم الفري اكل اي كميه.....زي بعضه

علي فكره انا حاسس بتقدم وفيه نتيجه....بس الجبنه والعيش والبطيخ وحشوني

واديكي شايفه انا مش با اتحمل الحر اشتريت تكييف لأ مبرد هوا وحطيته في التوقيع كمان

ودائما

[sendrella119]

فلانه سيدتي العزيزه......وحشتني الجبنه البيضاء والعيش البلدي

ممكن اليوم الفري اكل اي كميه.....زي بعضه

علي فكره انا حاسس بتقدم وفيه نتيجه....بس الجبنه والعيش والبطيخ وحشوني

واديكي شايفه انا مش با اتحمل الحر اشتريت تكييف لأ مبرد هوا وحطيته في التوقيع كمان

ودائما

:P :lol:

اصبر :wub:

ايوة يا فلانه فينك

انا ما اقدرش اتخيل الصيف من غير منجي ................

ده حتي المنجي عندنا غالية .....الواحدة ....بدورر$

وساعات ...2 ب $

وحتي طعمها مش زي منجة مصر :wub:

لكن برضة ما اقدرش استغني عنهااااااااااااااااااا :wub: -_-

يعني محدش قالي جرب الشاي اللي قلت عليه...................انتوا ما لقيتهوش ولا ايه :wub: