مقهى النقرزان

[ezzat afifi kotb]

            مقهى النقرزان

            -----------

القهوة اللى ف حارتنا        ولا اجدع برلمان

اعضائها بدون حصانة       ولا بدلات لجان

ومناقشة بشيشة حمى         وأرئنا بالمجان

بس فين اللى يسمع           مشورة العريان

فيها الطيف السياسى         اشكال على الوان

اللى دبحوا له حزبه           ومن عليها فان

واللى حلقوا له دقنه         ونسوه ميعاد الاذان

وفلول الثورجية              بتوع المهرجان

رواد علم البلاغة              وهزايم الميدان

هتيفة بدون مناسبة            وجيل النقرزان

واللى سامعنا دوشة           من بيت الجيران

ويقطب ف قورته            ويشاور ع الودان

دى الهانم عندى حامل          وتعانى الغثيان

يا اهل القهوة انجدونى         ولدت قبل الاوان

واللى تخصخص وظيفته          وداير هذيان

يشد ف شيشة نادية              وينفخ الدخان

راح يبقى رأسمالى           ف بورصة فلسان

حتى الخواجه كوستا               بقال اليونان

حجز له كرسى دايم            ويلحن ع الكمان

يعزف زفت الليلة دى          راخت ايام زمان

كان المليم نخاس              ينفع يكون نيشان

دلوقتى جنيهكوا زوربا       وزوربا بدون سنان

يردوا الثورجية                بتوع المهرجان

ايوه المليم نحاس            والشعب كان جعان

وكان ملعون ابونا             م البهوات التخان

دلوقتى فيه مظلة                للعدل والامان

رد الخواجه كوستا               وفمة كان مليان

اسكتى يا ترومبيته              يا جيل النقرزان

مس يعرفتو خاجة               انت ولد خيبان

اسمع واخد خكاية              ع العدل والامان

سوف عندك البنوته             اللى اسمها ايمان

بامبينو تعول ف عيلة             من بيع اللبان

ابوها مات وسابها             فى رقبة الضمان

طب لما العود يقلوظ          ح يسبوها الغيلان

وتقول فى عربو خطة        دى خطط مرستان

وغلابة تبيع فى شطة           جايين م السودان

واللى م الخليج تمطى            ببطاقة الائتمان

مش عايز ميه نيلى             عايز مياه ايفيان

وشيشة امريكانى               رفصها م اليابان

اصل الخليج يا روخى          م العراق خرمان

اسمع خكاية تانى               ياجيل النقرزان

واخد جاتله هفة                  دخل لينا بميزان

خط زكيبة ف كفة               وف كفة كستبان

وقال دى الديون                ودى اجرة الكخيان

حخرج ولف لفة                  ووازنوا الكفتان

قام خاول البوهيجية                 بتوع الدهان

وكمان عمك عطية               بياع البدنجان

فكرينو واخد فزورة          من فوازير رمضان

قام اخد واخد جايزة           برطوشة الامريكان

[هشام عبد الوهاب]

كلام جميل و رائع

هل يوجد لك كتاب او ديوان فى المكتبات

[ragab2]

[b:post_uid0]

يا عم القهوة فيها ناس ألوان

ابن البلد فيها يقعد مع  الخيبان

هاتلى شيشة تفاح وفحم رمان

وتعالى لاعبنى محبوسة عشان زهقان

بس السياسة مالهاش أمان

ممنوع فيها الكلام والوشوشة كمان

خلينا نتكلم فى الطبيخ والبتنجان

عشان نعرف نربى عيالنا ونعيش فى أمان

دة الواد زعبلة اللى كسر القلة كان واد فنان

والا بلاش زعبلة  أحسن ريحيتها سياسة وهاتبان

خوش ع الطقس والكل بيتكلم فيه عشان حران

دة بلادنا عال العال  والعيشة فيها  جنان

والفقيرعايش فيها ومبسوط وماعدش فيه غلبان

كفاية كدة رياء وتعالى نكمل السياسة فى حتة أمان

أحسن أنا عندى ليك أخبار خطيرة  وهاتخليك زعلان

هات ودنك أقولك السرقة فى بلدنا بقت للعنان

والواد عتريس غفير الوزير بقى عنده ميت فدان

غير العربيات المرسيدس والأمريكى أشكال والوان

والواد ده طول عمره ماهر فى السرقة وجندى  كمان

ما جيبش سيرة بالكلام دة ولا لأى انسان

ماتوديناش فى داهية أحسن الحيطه ليها ودان

ولا كأنى قولتلك حاجة واكفى ع الخبر ماجوران

البت نورا بنت  أبو قورة خلفت نورهان

ملقتش أكلها  وشككت اللبن من الدكان

أصل جوزها يا حسرة فقيروكمان غلبان

وكل أول شهر  مخه بيضرب  ويجيله جنان

عشان الفقر الدكر والفلس بيخلوه حيران

واذا سمع سيرة الفلوس يجيله توهان

بص شوف الراجل الى جاى ده شكل سيد زيان

وباين عليه مخبر فتك  من  بتوع زمان

خلى بالك ليكون فعلا مخبر عند الحكومة وفتان

واذا قرب منك قول حكومة فل وحاكم عسل كمان

أحسن دة سره باتع  وكلمة منه  تشيع  فى  اللومان

ويا ما ناس  عشان بس قالت آه  راحت  ورا  القضبان

اوعة يا قطب عندك عيال ومش حمل مرمطة ولا دوخان

واذا سألك انت منين قوله م اليونان

عشان همة بيحترموا الخواجة أكتر من ابن البلد الغلبان

أصلهم علمونا عشان تعيش لازم تبقى جبان

وكفاية النهاردة كدة ومش عاوز أمشيك زعلان[/b:post_uid0]

Edited By ragab2 on Jan. 25 2002 12:54pm

[Amira Khaleel]

حا قول ايه  ... ميت فل و عشرة  !!  مش كده برضة طب اقول ايه ما انا غلبانة على قد حالى لا بشعر و لا اقول ازجال    ربنا يخليكوا لينا و بلاش الكزرونة المرة دى

[Tulip]

Assalamo Alikom

This is really amaizing...u people have been gifted with

an outstanding gift (ma shaa' ALLAH). Maybe I don't have the gift of writing such wonderful things,but (al

hamdo lellah) I have the gift of enjoying these wonderful

things...I really enjoid it alot...thank u soooo much and

keep up the good work

[abla]

الواحد مش عارف يقول ايه ...

ربنا يخليكم لينا ويزيدكم كمان  ياشعرا يااصحاب البيان

 من كتر القعدة الحلوة معاكم باين ح اقول شعر انا كمان

;) ;) ;) ;)

[ragab2]

نشكر الاخوة والأخوات

الأخت أميرة خليل والدكتورة عبلة والأخ تيوليب

واحنا بنحاول نفضفض عشان نوفر الكسرولة والمرارات الكوتش

بعد ماغلوها عشان ضريبة المبيعات

لكم تحياتنا

أنا وزميلى الشاعر الجوال

(Edited by ragab2 at 1:06 pm on June 22, 2001)

[ezzat afifi kotb]

اعتذر عن عدم اطلاعى على كل المداخلات فى حينها واشكركم جميعا اخوتى واخواتى .. ويا اخى عبد الوهاب لى تجربة مع الوسط الفنى والادبى جعلتنى احجم عن الاحتكاك به وقد اذكرها فى يوم من الايام ...وعليه فليس لى اى كتب فى المكتبات ...مرة اخرى لكم جميعا شكرى وامتنانى ...وانتظرنى يا خويا رجب عازمك على سحلب

[ezzat afifi kotb]

عم محمد كان تعبان              لم التاندة فوق الدكان

قاللى انا حاسس بالغليان       كلمة ف سرك ياسى فلان

ادينى ودنك يا ابو ودان        وفوق الطلبة عزف الحان

م المريلة طلع جرنان           شاور على صورة انسان

قلت سياسى وم الاعيان      وطى الصوت فى القهوة نبان

ده ف قهوتنا ليه صبيان            فتح الكنز طلع اطيان

يصرف ع الترشيح الوان       نقدى وعينى وواسطة كمان

قلت له يعنى مخاوى الجان       قال لأ بيصقف ف المليان

قلت اشاعة يا ابو ريان           من كام يوم شايف اعلان

صور حجه بفيديو كمان          وف حلقة ذكر ف اسوان

قاللى وصور ف الفاتيكان       وفيديو كليب ف هندوستان

مثل مع اميتاب بتشان            ساحر هندى معاه تعبان

قلت لقى خاتم سليمان            او مزرعة تطرح مرجان

عبى الجيب اشكال والوان              شغل فقرا بالمجان

باع والسعر ببورصة كان          ودفع راتب سعر زمان

وانا باشكر لك يا ابو شعبان    قلق المخلص ع الصبيان

انا ديتها مساج ف لومان       جسمى حيورم كام فدان

حبقى كرومبة وبتنجان      وانت عليك حقوق الانسان