اذهب إلى المحتوى
محاورات المصريين

نكت مصرية اخر روشنه


محمود الشاعر

Recommended Posts

الزوجه وهي بجوار زوجها في منتصف الليل : قوم يا راجل في حرامي في المطبخ

الزوج بيعمل ايه المغفل دا في المطبخ

الزوجه قوم يا راجل لا ياكل حلة الملوخية اللي عملتها

الزوج خليه احسن علشان يحرم يسرق

==============================

اذاي يا ولد تسقط في الامتحان السنة دي كمان

اعمل اية يا بابا المدرس خدعني وحط نفس امتحان السنه اللي فاتت

=================================

الراكب للمضيفة : لو سمحتى وداني بتوجعني

المضيفه طيب خذ اللبانه دي

الراكب وهو نازل للمضيفه : اشكرك جداً فعلاج اللبان ممتاز جدا ؛؛؛؛ بس قولي لي اطلعها من وداني اذاي ؟؟؟

=================================

الزوجه لزوجها وهم في وسط الحفله : يا راجل كفاية كده دي خامس مرة تملى طبق الحلويات

الزوج : وابيه المشكله

الزوجه : ياراجل مش مكسوف الناس هتقول عليك ايه

الزوج : واتكسف ليه ما انا بقول لهم اني بملا الطبق للمدام

=================================

المريض : يا دكتور احيانا اشعر اني فرخة

الطبيب النفسي : ومن امتى شعور دا بيجيلك

المريض : من يوم ما خرجت من البيضة

=============================

الزوج : يا ترى يا حبيبتي كنت هتوافقي بيه لو ما كانش بابا ساب لي الورث دا كلة ؟؟

الزوجة : يا حبيبي كنت هوافق عليك مهما كان الشخص اللي ساب لك الورث دا كله

:P :P :P :P

Yasso.gif

رابط هذا التعليق
شارك

واحد شاف ترامواى مكتوب علية السيدة زينب قام قلع الجزمة وسك فى الترامواة وقعد يقرا الفاتحة

****************************

واحد بيسأل واحد : الساعة كام ؟

الثانى: 60دقيقة

****************************

واحد قابل واحد شايل كيس فسألة : انت معاك اية؟

قالة لوعلرفت اللى جوة الكيس اديلك اثنين تعملهم عجة

**********************

واحد بيقول لواحد : ليه احنا بنقلب الشاى من اليمين للشمال والانجليز بيقلبو الشاى من الشمال لليمين؟

علشان السكر يذوب

************************

واحد دخل مطعم طاب ملوخية ، الجرسون جابله ملوخية فى طبق كبير ، او ما جه يغمس بص فى الطبق لقى فار ميت

نادى على الجرسون وزعق له انا حاخرب بيتكم انا حابلغ البوليس انا حاقفلهالكم

صاحب المطعم جالة وقاله معلش احنا اسفين اطلب اى صنف تانى ويقى الحساب عندنا

الراجل عجبقة الفكرة ان ياكل ويعمل دوشة وميدفعش

جاب فار ميت معاة وحطة فى جيبة زدعل المطعم مرة اخرى وطلب كباب وبعد ما اكل طلب ملوخية . فالجرسون قاله مفيش ملوخية. فطلع الراجل الفار من جيبة وقال للجرسون : وده اودية فين؟؟

************

ولد بيلعب كورة امام مسمط . شاط الكورة شوطة جامده فطارت الجزمة ووقعت فى حلة الشوربة فى المسمط

الولد دخل لصاحب المسمط وقاله الجزمة وقعت فى حلة الشوربة وابويا حايضربنى اذا مرجعتش بالجزمة. فقال له الرجل امشى يا كلب

الولد: والنبى ياعم

رق قلب الراجل مسك المغرفة وقلب الشوربة طلعت فردة جزمة قال الولد خذ الجزمة

الولد : دى مش جزمتى اما جزمتى بنى

{الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ }آل عمران173MOHAMEDDESSOUKI

رابط هذا التعليق
شارك

هريدي نجح في الثانوية العامة ودخل كلية الاداب جامعه متاتيا البلد

ذهب هريدي للاستاذ وجرى هذا الحوار

هريدي : يا ضقطور اني ولا مؤخذه مش فاهم ولا كلمة من اللي بترطنه في المحاضرة

الدكتور : ليه يا هريدي يا ولدي دا حتى انا بدرس مادة لذيذه وحرشة وتتجرجش

هريدي : اني بصراحه مش فاهم المنطق دا خالص

الدكتور : يا هريدي يا ولد الفرطوس دا الموضوع سهل جوي جوي بس عايز تدوير مخ

هريدي : اها شفت انت اللي جلتها اها مخ طيب انا اجيبة منييين

الدكتور : يا واكل ناسك افهمني انا هقولك على الحكاية ،،،

المنطق عبارة عن مناقشة بسيطه فيها شوية اساله واجابات نوصل منها الى استنتاجات توصلنا في النهاية الى الحلول المنطقية للمسألة المطروحه لمجال البحث والنقاش

هريدي : ها :P

الدكتور : طيب اسمع انا هسالك سؤال وترد علية وبالطريقه دي هتفهم الحكاية كلتها

هريدي : طاااايب :P

الدكتور : قول لي يا هريدي "حداكو في البلد كلب "

هريدي : ايوة يا ضقطور حدانا كلب اسود

الدكتور : يعني نقدر نستنتج ان بيتكم فيه جنينة حاطين فيها الكلب

هريدي : ايوة صوح

الدكتور : يعني نفهم من كده ان البيت ابو جنينة اصحابه مبسوطين وحداهم طين وبهايم وفلوس

هريدي : الحمد لله الخير كتير

الدكتور : يعني نقدر نستنتج ان ما دام الخير كتير يبقى ابوك اخذ امك وراحوا الحج

هريدي : من سنتين راحوا يا ضقطور

الدكتور : يعني نفهم من كده ان الست والدتك ست طيبة وصالحه وعلى خلق

شفت بقى يا هريدي المنطق سهل اذاي

روح هريدي بلدهم في الاجازة وهو سعيد ومتنور وجلس مع اهل البلد يحكي لهم عما شاهده وتعلمه في الجامعه وذكر في وسط الحديث المنطق

فسأله الواد محمدين الغفير يعني ايه المنطق يا هريدي

فقال له "المنطق عبارة عن مناقشة بسيطه فيها شوية اساله واجابات نوصل منها الى استنتاجات توصلنا في النهاية الى الحلول المنطقية للمسألة المطروحه لمجال البحث والنقاش "

محمدين " ها :P

فقال له هريدي انا هوضحها لك يا ابو مخ ضلم هسعلك سؤال وتجاوبني عليه

قال له اتفضل يا سي هريدي

فسأله هريدي : عندكو كلب ؟؟؟

رد محمدين : لا ما عندناش

هريدي : يبقى ولا مؤاخذه امك ست سمعتها مش ولا بد

Yasso.gif

رابط هذا التعليق
شارك

جمعوا مجموعة كبيرة من الرجال ..وقالوا لهم ..

اللي بيخاف من مراته ويسمع كلامها يقف تحت هذا العامود..واللي ما بيخافش منها يقف تحت العامود المقابل..

كل الرجال وقفوا تحت العامود الدال على أنهم يخافون من زوجاتهم ويسمعون كلامهن إلا رجل واحد فقط وقف تحت العامود المخالف!

وحين سألوه ليه انت الوحيد اللي وقفت تحت هذا العامود رد عليهم وقال ..الست بتاعتي هيه اللي قالت لي اقف هنا!!!!!!!!!!!!!

رابط هذا التعليق
شارك

واحد زنجى وتجوز زنجية، فى يةم لبست له قميص نوم احمر ، وقالت له دلعنى ... فال لها : يا فحم مولع

********

ةاحد مسطول جعان سايق سيارت وف الاشارة وقفت جانبة سيارة خلاطة اسمنت قال للسواق بجنية فةل لو سمحت

************

مدرس رياضة تزوج واحدة صايعة جابو ولد شبه منحرف

************

واحد بسال واحد : انت اتولدت فين؟

الثانى : فى المستشفى

الاول : ليه منت عيان؟

****** ******

واحد كبر دماغة معرفش يقلع هدومه

************

اثنين مساطيل شافو عامود نور الاول: بيت مين ده ؟ الثانى بيتنا الاول بظهر مفيش حد فةق مع ان النولر ومولع

*************

الامم المتحدة بغتت شحنة ادوية للصومال قاكت الصومال رجعتها تانى لانها ادوية بعد الاكل

*************

عفريت لبس واحد صومالى العفريت كات من الجوع

***********

واحد رمى يمين طلاق على مراته مجاش فيها

*********

واحد سال مراتة لياة الدخلة : حد لمسك قبلى؟ فسكتت فقال لها انت زعلت؟ قالت له لا بس بعدهم

***********

واحدة لاحظت ان جوزها من اول يوم جواز عنده دولاب ميفتحوش قدامها والمفتاح معاه

فى يوم نسى المقتاح قامت فتحت الدولاب فوجدت بيضتين وثلاثين الف جنيه

فلما عاد زوجها سالتة عما وجدت فى الدلاب وطابت منه تفسير

فقال لها والله انا كل ما اخونك احط بيضة فى الدولاب

فقالت فى نفسها : الحمد لله طوال عشرة سنوات لم يخنى سوى مرتين

فسالت زوجها وايه حكاية الثلاثين الف جنية؟

قال لها : كل ما اجمع كرتونة بيض ابيعها واحط فلوسها فى الدولاب

**************

واحد كيمسائى تزوج مدرسة جابو ولد سموه مخلوط

******* مدرس كيمياء خلف ولد سماه " سامى اكسيد الكربون "

{الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ }آل عمران173MOHAMEDDESSOUKI

رابط هذا التعليق
شارك

سهام مصرية ورحمة خالتي نزاكة مصريه اضحكي وانبسطي بس بلاش تفطسي الله يخليكي ؛؛؛؛ خدي الحبة دول

بياع جرايد ابوه مات مشى فى الجنازة يقول اقرا الفاتحة اقرا الفاتحة

مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية؟؟ رد عليه ... في سجارتين

واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى !!!!

واحد دمياطى بيغرق ..... منوفى ماشى على الشط .. الدمياطى انقذنى ... المنوفى قاله هات جنيه ....الدمياطى بببببريززةااااا :wub:

بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عند عصايه؟ قاله: ايوا الاب قاله : اديله بالألم

مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ‌‌‌‌‌ :wub:

مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة

سكران بيقول سبحان الله الانسان زي البني ادم لما بيتوفى بيموت

أبو العريى قابل واحد صاحبه متغاظ من امريكا فقال له شوف امريكا من غضب ربنا عليها خلاها هناك فى آخر الدنيا لكن مصر يادوب ساعتين بالبيجو

اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه

مره أبو العربى ماشى فى الشارع قابل أبو محمد بيقول له هوا أبوك بيتآلط علينا ليه قال له ليه ياعم... قال له من ساعة مامات محدش عاد بيشوفه

ابو العربى قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح يابو العربى انا قابلت نفس الاسد ضربته بالقلم ايدى اتبلت

سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب

واحد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة

سبع بلدياتنا عملوا عصابه.... سموها الشجعان الثلاثه

واحد ندل اوى راح عند مقبره وشغل الكاسيت على العالي على اغنيه الحياه حلوه

السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل

في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي

سواق ماشى ع الطريق ، واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

في واحد مسطول سالوه ايه رايك في الزواج المبكر ؟ قال لهم .... يعنى حوالي الساعة كام ؟؟

اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد

واحد محشش صايم اتصل على ما يطلبة المستمعون حكولة شو بتحب تسمع قلهم مقطع من اذان المغرب

سوداني اتجوز سودانيه خلفه صبي اشقر وعيونه خضر سمه مستحيل

مره مهندس خارج من بيته مراته بتقوله على فين العزم قالها فى اتجاه القوه

فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم

تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد .........الراجل قالوه اشمعنى...قاله: اصل انا بطلت

واحد نام بالشقلوب صحى لقى رجليه معمصة

فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى ........فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول

محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب

واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

فشار بيقول لواحد .. انا من شهر أخدت الفلوكه وطلعت على قبرص أشتري تلاجه.... وانا راجع نسيت أشيل الهلب ... رحت جايب قبرص معاي

Yasso.gif

رابط هذا التعليق
شارك

اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها..

مرة واحد دخل مستشفي المجاننين لقي المجانين معلقين واحد في السقف

واعدين يلفوا حولة شاف واحد اعد لوحدة قالة يابني انت مش بتلعب معاهم لية قالو يابية دول ناس هبل فاكرين الراجل لمبة واعدين يلفوا حولة قالو يابني انت شكلك عاقل قوم معاي ننزل الراجل قال له هنعد في الضلمة يا عبيط

مرة اثنين بلدياتنا في الجيش فالصول بيسال الاول

ايه ده؟ رد عليه قاله: قله البندجيه يافندم...

قال له : قله بندجية ايه ياهريدي دي وطنك دي امك.

فراح للعسكري التاني قاله ايه دي قاله دي ام هريدي يا فندم

كل يوم النمر ينزل في الأرنب ضرب و يقول له إنت ودانك طويلة ليه. اشتكى

الأرنب للأسد و قال له على تصرفات النمر معاه.الأسد قال للنمر يا أخي إتلكك

للأرنب بطريقة أحسن من كده، قول له هات لى جزر، إذا جاب لك جزر لونه أصفر

إضربه و قول له أنا عاوز جزر أحمر، و إذا جاب لك جزر أحمر إضربه و قول له

أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز

الجزر أصفر و لا أحمر.النمر نزل في الأرنب ضرب و قال له إنت ودانك طويلة ليه

مره الاسد و التعلب و الحمار و الفار ماشيين في الغابه قاموا وقعوا في حفره

كلهم ما عدا الحمار ، الاسد قال للحمار روح هات حاجه ناكلهاالحمار غاب 3 أيام

ورجع قال لهم مش لاقي حاجه الاسد قال له و ايه العمل الحمار قال لهم مفيش غير

انكم تاكلوا اصغر واحد فيكم على ما نلاقيلكم حل ، الاسد والتعلب بصوا قوي

للفار راح نافش نفسه و قايلهم بقول لكم ايه لو حد قرب للاسد هقطعه

البحر موعدنا ...........وشاطئنا العواصف جازف فقد بعد القريب ومات من ترجوه واشتد المخالف لن يرحم الموج الجبان ولن ينال الأمن خائف القلب تسكنه المواويل الحزينة ......... والمدائن للصيارف خلت الاماكن للقطيعة من تعادي أو تخالف جازف ولا تأمن لهذا الليل أن يمضي ولا أن يصلح الاشياء تالف هذا طريق البحر ................لا يفضي لغير البحر والمجهول قد يخفى لعارف جازف فان سدت جميع طرائق الدنيا امامك فاقتحمها ولا تقف كي لا تموت وانت واقف

محمد ابراهيم ابو سنة

رابط هذا التعليق
شارك

  • بعد 2 أسابيع...

اشترك صديقنا العزيز النسر المصري طيب الله ثراه بمسابقة من سيربح المليون وكان السؤال الاول هو :

عصفور باليد ولا عشرة على

  • الشجرة
  • البقرة
  • الصفراء
  • الحمراء

فقال النسر لجورج قرداحي "من أولها صعبة". ما نسأل الجمهور،

فكان جواب الجمهمور 100% الجواب الأول "الشجرة"

الا ن النسر المصري بما عهدناه من حرص وعدم تسرع قال لجورج "مش دايماً الجمهور على حق"،

م ا نحذف إجابتين.

حذفله إجابتين ف بقي الجواب الأول "الشجرة" والجواب الثاني "البقرة".

فقال النسر لجورج بعد تفكير عميق يااااادي الحظ بقى الجوابين الشاكك فيه

طب نتصل بصديق ( زوهيري ) فأتصل ب زوهيري( إزيك يا أبو صميده كيف أخبارك ، أم صميده إزيها والعيال --) راحت الثلاثين ثانية وملحقش يسأله السؤال.

فسأله جورج قرداحي "وهلأ شو بدك تسوي"،

فاجاب النسر المصري بحكمته المعهوده وذكاؤه المشهور قائلاً

"ها نسحب ياعم وآ خد ال 200 ريال بتاعة السؤال الأول"والمثل بيقول:

عصفور باليد ولا عشرة على الشجرة ."

:lol:

Yasso.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...