شوية مرح

[ezzat afifi kotb]

                 شوية مرح

                 --------

لما كتب وليم جولييت             طلع بروميو ع الشرفة

لو كان فى عصر الانترنيت          كان دخله لحد الغرفة

وبدال ما حتقوله تسميت            حتخطفة لكوشة الزفة

وتطلب الخلع من البيت             وروميو تبعته للرافا

----------------------------------

اما اللى عطل اخونا عطيل       فيبقى خصخصة الشركات

الزومبة خدها ف نص الليل     صرف المكافأة على الهيفات

وديدمونه جابت مناديل            شغل الدلاله على الستات

والواد اياجو باع التسجيل         بدل الشرايط جاب سديهات

--------------------------------------------

واللى جنن سى المجنون                 اجرة الكوافير غالى

لو اشترى له طن لمون            وزراعها ف الربع الخالى

يبيعها ويجيب التليفون              محمول وارساله طوالى

ويدى ليلى دش صابون          من غيره تبقى اللى ف بالى

-----------------------------------------

واما عزة العزوزه                 واعدت كثير الضهرية

جاها على الناقة بخوذة             وف ايده كيس الطعمية

ع الربوة قام غرز الجوزة                وجنبها قربة مية

تعزم عليه بكاسة بوظه            وعايزة الخيام الايطاليه

---------------------------------------

وعندنا الست نعيمة                  قالتله يالا يا حسونتى

البس مداس خليك قيمة              واطلبنى من بابا ونينتى

ويقول بحبك يا لئيمة               ولو ابوكى كان الشرطى

بين الكبابجى والسيما                    يفتح المخ الديرتى

---------------------------------------

وف الصعيد الجوانى              بهية واقعه ف حب ياسين

وهو حبها عميانى                   مع انها فوق التسعين

يقول يا بهبه اه يانى                لو تكشفى البرقع م العين

كشفت وهو فى ثوانى            مات من الخضة المسكين