اذهب إلى المحتوى
محاورات المصريين

على هامش مؤتمر القمة


ezzat afifi kotb

Recommended Posts

على هامش مؤتمر القمة

طلعت دوللى هبطت ميرا

وانا يا حلولى بقول كاليميرا

حرقوا الاقصى قصفوا البيرة

واحنا تمللى خيبتنا كبيرة

خيبنا ولا خيبة شمشون

لما اقرع بأيد صهيون

يالا اتشقلب يا ميمون

وارقص ع اللحن المضمون

يا ختى اسم الله بقيتى عروسة

قام خطبوها لعمرو ابو موسى

شمطا وبخرا ومحتاجة بوسة

الله يعينك على دى الحوسة

تعمل ايه مع ميت مليون

بينهم شك يغطى الكون

يدفعوا للاعداء عربون

ومع الترسو ومش بلكون

بعد ما شاخت جالها الدورة

وقعت داخت دارى العورة

طفل الاقصى شرارة الثورة

والقيادات قتلونا مناورة

خايفين ع البترول والزيت

يرخص يغلى ديكور البيت

حجك فاسد لو حجيت

ونسيت ترجم الشين بيت

ليه اصوات زعمائنا هديل

ولا رابط راسة بمنديل

يعلن حرب على التضليل

نزحف خلفة طيور ابابيل

والاطفال من مهد لقبر

وبنتباهى بطول الصبر

تف علينا نبوخذ نصر

فين النخوة يا أهل الأمر

الاطفال بتموت بالطورة

واحنا بنهتف بيب للكورة

كل حياتنا بقيت مكسورة

بس حدودنا فى احسن صورة

تحمى عدوك بحر وجو

واحنا حراسة تقول هوهو

طلقة ف صخرة تقولك زو

ارضك شرد وبحرك نو

يعنى حمينا حدود اعادينا

من انفسنا ومن بعضينا

فكر بقى وافهم يا اخينا

واوعى تلابط تخسر سينا

عزت عفيفى

رابط هذا التعليق
شارك

الله يفتح عليك ...

بعد ماخلصت قراءة مداخلتك ... تقمصتني حالة إلهام وكتبت :

.

.

ليلة امبارح جلنا فتوة

كسر حطم كله بقوة

وكل معلم هج من الحتة

ولما لف يطلب أتاوة

كله انصاع بخسة وذلة

والهتيفة قالوا بقي لنا حماية

وهم بالنية عايزنها تكية

عيال الحارة عملوا ظيطة

وجالهم شيخ يعرف حيلة

امسك طوبة وارمي الفتوة

وبقت الحكاية هيصة وزفة

لكن الفتوة عرف الحيلة

طوبة ودبشةورصاصة وطلقة

وخرجوا علينا بفيلم وغنوة

ولما معلم قال لموا اللمة

واحدقال نشجب ننكر

نلم عيالنا ونعقد نمكر

وايه كام ليلة ويمكن يرحل

او نحسبها وندفع دية

وأهو حماية لينا والحته

واهي عادتنا في حل خيبتنا

.

.

شوف انت مدي تأثيرها جعلني اكتب شعريا .... مع احترامي للأدباء والشعراء   :biggrin:

:biggrin:   :biggrin:

رابط هذا التعليق
شارك

اخى اكرم بدون مجاملة انا استمتع بكل ما تكتب , واعذرنى اذا لم اتداخل فى نفس الوقت لكن العيب على فروق التوقيت

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...