اذهب إلى المحتوى
محاورات المصريين

وحشتوني قوي، وحشتني المحاورات، وحشتني مصر


Recommended Posts

أنا لسه عايش... لسه باتعلم، لسه متابع أخبار بلدي... بس من بعيد

السنة دي هأتم عشرين سنه عضو في المنتدي... ياه...

اكتشفت المحاورات بعد حوالي سنتين من الهجرة... وقت كنت باعاني فيه من صراع رهيب للهوية، كشاب هاجر بعد التخرج مباشرة.

هنا قابلت ناس ما كنتش باقابلهم في حياتي العادية في مصر... قابلت افكار و أساليب اتعلمت منها، و اتعلمت اتعامل معاها... هنا نضجت.

هنا شاركت في الثورة،. و شاركت في الانتخابات... و عملت أصدقاء قلم ما اعرفهمش شخصيا...

 

بعد الثورة بسنة أو اكتر... كان طفلي التاني بيحبو... و من حواراتي مع شباب مدارس الأحد في كنيستي، كان واضح لي قوي اني مش متابع جيد للأحداث و الأفكار و الصراعات اللي قايمة هنا في بلدي التاني...

كان لازم أختار... اما أن أظل مصري، منشغل بامور بلدي الأم، بأقرا بالعربي و اتناقش بالعربي... صحابنا كلهم مصريون مهاجرون... 

أو اني أكرس وقتي أكتر لأصبح أمريكي الثقافة... أمريكي الأنشطة و متنوع الأصدقاء... ما كانش في وقت للأتنين... الثورة و احداثها مش هتخلص... مصر هتفضل بقعة ملتهبة لفترة طويلة...

و اخترت اني استعد للمجتمع اللي ولادي هيكبروا فيه... قررت اقلل من المحاورات... اقلل من الفرجة علي أخبار أو أفلام عربي... مع الوقت تغير ذوقي لأصبح.... "خواجا" بحق و حقيقي!

 

كل حين و مين أعدي أخد نظرة... بس ما أطولش... مش عايز أرجع بالكامل... لسه ولادي ما كبروش... لسه محتاج عيني و عقلي يبقوا في مجتمعهم... مش في مجتمعي الأم

بس.... وحشتوني... نفسي أطمن عليكم...

 

ما عنتش بافهم قوي الخلفيات اللي الناس بتتكلم منها... ما عنتش بافهم قوي الحساسيات و الأولويات... فاتني شوية كتير من مصر ما بعد مبارك... 

و أيضا نضجت كثيرا... في آرائي و في أسلوبي...

استأذنكم اني ارجع بس علي خفيف... اتابع اكتر ما أتكلم... عشان دايما هأتكلم، كخواجة!

تم تعديل بواسطة rar

اَلاِنْتِهَارُ يُؤَثِّرُ فِي الْحَكِيمِ أَكْثَرَ مِنْ مِئَةِ جَلْدَةٍ فِي الْجَاهِلِ.

امثال 17 : 10

رابط هذا التعليق
شارك

مرحبا و أهلا و سهلا في محاورات المصريين  و أنتهز هذه الفرصة لأهنئك بعيد الميلاد المجيد و الذي يذاع الآن  قداس عيد الميلا المجيد من العاصمة الإدارية الجديدة.

ذكرتنا حضرتك بأحداث 25 يناير 2011 و لم تكن أحداثا سعيدة بحساب ما جرى بعدها و لا أعرف كيف سيقرأ أحفادنا أحداث هذه الفترة بحلوها و مراراتها.

حضرتك في بلدك الجديد و مع أبنائك غير مطالب أن تتوقف لتأخذ موقفا من الأحداث التي جرت في مصر يكفيك أن تستوعب ما يجري حولك في بلدك الجديد و يكون عندك قدرة على العطاء حيث تعيش   المهم في نظري - و قد أكون متحيزا - ألا تنهزم داخليا و ألا ينهزم أبنائك داخليا  حضارتنا و تاريخنا مميز جدا  رغم أننا لم ننتج أقمارا صناعة و لم نغزوا  الفضاء  و لكننا كنا ننتج قيم و مسارات أخلاقية راقية في الوقت الذي كانت فيه أقوام أخرى لم تدرك بعد قيم العدالة  ماعت

مرحبا مجددا بوجودك معنا

قضيت أمس ربما أربع ساعات أتصفح مشاركات حضرتك في محاورات المصريين منذ بدأ مشاركتك

تقبل تحياتي القلبية لك و لأسرتك الكريمة

مواطنين لا متفرجين


رابط هذا التعليق
شارك

كلنا وحشتنا المحاورات 

فجأة الدنيا اتغيرت 

كنا شايفين الحياة والواقع والأدب والشعر والثقافة والعلوم والسياسة وبنضيف جديد كل يوم

وفي ظل الضوضاء والصخب والتلوث السمعي والبصري الحادث الآن لم نعد نرى شيئا

انجرفنا ومحاولة الرجوع حلم 

تحياتي استاذ rar

 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 21
      عدت الى القاهرة منذ أكثر من سنة بعد خمس سنوات قضيتها في العمل بإحدى الصحف السعودية..وحين رجعت اكتشفت ان معظم أصدقائي الذي أرتاح في التواصل والحوار معهم قد سافروا للعمل في الخليج..ولم يعد لي سوى القراءة والعمل وفسحة الولاد الروتينية..وأفتقد بشدة لشريك في الحوار يعيد الى ذهني لياقته وأستعيد معه متعة الأخذ والرد والاتفاق والاختلاف ويضيف لي وأضيف له كما يحدث بيننا هنا من خلال مداخلاتنا ومشاركاتنا في المنتدى..فهل يمنحني أحد منكم هذا الشرف..لقد فاتتني فرصة جيدة لتحقيق ذلك من خلال لقاء زهرة البستان الذ
    • 15
      17 سنة و 3 شهور ... دي السنين اللي قضيتها هنا ... يعني اللي كان في اولي ابتدائي ساعتها زمانه دلوقتي اتخرج من الجامعة ... و نحط فوق البيعة انه عاد الثانوية العامة علشان يحسن مجموعه ... ساعات بفكر ان استمراري الوقت ده كله هنا اكيد ان سببه هو اعضاء المحاورات اللي اتفاعلت بمشاعر مختلفة  معاهم السنين دي كلها ... كل واحد او واحدة منهم كان ليه دور في تكوين جزء  من شخصيتي .. اكتشافي لحاجات كتيرة .. وقت من عمري اقضيه بفكر ارد علي حاجة اسعدتني او ضايقتني ... فكرة عمرها ما جات في بالي ... وضع عمري ما
    • Guest ضيف مسلم
      2
      لم أتمكن من الكتابة في قسم المسيحيين في المحاورات. أظن هنا ممكن: بكل أمانة هذه إستفسارات حقيقية  طبعا يمكنكم تجاهلها أو حذفها هل في الديانة المسيحية بعث بعد الموت و حساب على سلوك الإنسان في حياته هل هناك ثواب و عقاب بعد الموت هل هناك أطعمة يجب على المسيحي الطيب أن يتجنبها اليهود مدى علمي لهم قواعد صارمة في الطعام هل طقوسكم التعبدية  العادية  فيها ما يقابل مثلا صلاة المسلمين ٥ مرات يوميا مع شكري و تقديري
    • 1
      نختلف في الأفكار يشتد الحوار ويحتد ونتجاوز ونتراجع ونعتذر نذهب ونبتعد ونعود ومنا من يذهب ولا يعود نزمجر ونغضب ثم نهدأ نغير آراءنا ونجدد مفهومنا لبعض مواقفنا ونحاول أن نطرح أفكارنا بأفضل طريقة وأوضح حجة وأصفى برهان منا من يوفق ومنا من يخونه التوفيق المحاورات البيت الكبير بيت الجميع وإن اختلغنا مع صاحب البيت وعارضناه أحيانا نشعر بواجب علينا المساهمة في استمرار هذا البناء شامخا وأحينا نشعر أنه لم يعد مرحبا بنا لكنه يبقى بيت الرقي
    • 1
      Query Clicks Impressions ازاى اعرف ان جوازى دخل السفارة   1,417   3,602
×
×
  • أضف...