اذهب الي المحتوي
mickey_egp73

ارجو العون ..كارفور و النصب

Recommended Posts

عندما ..أقرأ الموضوع واعرف ان الدنيا كلها من اقصاها الي ادناها تتعامل بشفافيه وحريه

ونحن فقط من دون كل الدنيا يعاملونا بهذه الطريقه...

في البيع والشراء...

والشارع والعمل ..

والدراسه...وحتي ملاعب الكره

لا اجد ما أكتبه ولا اقوله ..الا

هو احنا ايه مش بشر

مش بني أدميين زي الناس دي

مش لينا حقوق وواجبات

مش لينا امال وتطلعات

مش من حقنا نتمتع بالحياه ..

والا الحياه عندنا كابوس تتمني ان ينتهي بك

وبعد كده نسأل هو ليه ....الواحد ممكن يفجر نفسه

الاخ الحبيب White heart

وصلتني اجمل واحلي هديه اليوم منك وهي رسالتك

ولكن أسفي الشديد لا استطيع الرد عليها برساله لانني اكتب وادخل المنتدي عن طريق بروكسي

لا اتمكن من الرد علي الرسايل من خلاله وتلاحظ دائما في نهايه مداخلتي رقم

هذا الرقم هو رقم البروكسي الذي ادخل منه

فعذرا ...لعدم الرد.....ولكن ما في القلب كثير

وتقديري لك واعجابي بك يزداد كل مداخله وكلما قرأت لك...

تحياتي وحبي واعتزازي

[Posted by 81.10.96.9

شارك هذه المشاركه


رابط المشاركه
شارك
هل قمت بالكتابة الى " وحدة حماية المستهلك " ؟

للاسف لا

"خجل شديد جدا"

و لكن نظرا لحدوث ظروف سيئة "حالة وفاة" في العائلة ..فكان هذا الموضوع ذو اولوية صغيرة و بصراحة اهملته..

شارك هذه المشاركه


رابط المشاركه
شارك

الأخوه الكرام

قبل كل شيء أنا أريد أن أعلم ماذا كان في هذا الجهاز ...... هل هو عطل من سوء إستخدام مثل إرتفاع التيار الكهربائي أو وقوع سائل علي الجهاز.....أو عيب فني أخر ......أقول ذلك لأني عشت تجربه مماثله وبعد الهجوم علي صاحب التوكيل تبين لي أن الصديق الذي إشتري كان ينظف الشاشه بسائل فدخل السائل لوحه التحكم وقد إعترف الصديق بذلك .... وكما تعلمون الضمان علي عيوب الصناعه ...... وأحكي لكم أن أحد الأشخاص قام بشراء سخان كهربائي وحسب قوله إستخدم السخان لمده إسبوع ثم سافر ورجع بعد عامان فوجد السخان لايعمل فقال أن عندي ضمان وطالب صاحب المحل بتغيير السخان ؟؟؟؟ ثم بعد أن عرف أن المياه التي تركها في السخان لمده عامان قد أحدث صدأ بالداخل وبالتالي العيب ليس عيب صناعه.

شارك هذه المشاركه


رابط المشاركه
شارك

الاخ الكريم

سبب العطل مجهول.

الجهاز توقف عن العمل فجأة تم ارساله للصيانة قالوا ان الشاشة سليمة و ان العيب ربما يكون من البورد و جاؤا ببورد جديدة و لم يعمل الجهاز و ارسلوه الي المصنع الذي قال ان سبب العطل تعرض الشاشة لصدمة عنيفة لاحظ التضارب مع ما قيل اولا ان الشاشة سليمة..

و ان الجهاز يعتبر خارج الضمان لانه تم فتحه من قبل المستخدم و هو مالم يحدث حيث ان الصيانة هي التي فتحته..

الخلاصة ان عدم الشفافية و الكذب و الادعاء هو سيد الموقف. و لا عزاء لمن لا نفوذ له.

شارك هذه المشاركه


رابط المشاركه
شارك

أخي الكريم

لو معاك تقرير الصيانه في كارفور ..... إذهب فورا للأداره العامه للتجاره الداخليه في بلدك وهي إحدي أجهزه الرقابه علي الغش التجاري وتقدم لهم شكوي رسميه وتأخذ رقم الشكوي ..... وإن شاء الله ستحل مشكلتك..... وربنا معاك .... هذه معلوماتي

شارك هذه المشاركه


رابط المشاركه
شارك

يا جماعة مجموعة كارفور الدولية سحبت اسمها من مصر خصوصا بعض لما شافت ان الناس بيكتبو اعلانتها فى الشارع كدة زى منتو شيفين فى الصورة :happy: :lol: :lol:

post-14915-1201857894_thumb.jpg

شارك هذه المشاركه


رابط المشاركه
شارك
يا جماعة مجموعة كارفور الدولية سحبت اسمها من مصر خصوصا بعض لما شافت ان الناس بيكتبو اعلانتها فى الشارع كدة زى منتو شيفين فى الصورة :lol: :lol: :lol:

مع أحترامى الكامل ليك ... هل هناك أى دليل أن الصوره دى من مصر ؟؟!!! مافيش كلمه عربى واحده توحد ربنا فى الصوره :happy:

شارك هذه المشاركه


رابط المشاركه
شارك
كل التليفزيونات رخيصه السعر التى تباع فى كارفور وخارج كارفور ولكنك لن تجدها بكثره الا فى كارفور هى فطشه كبيره ....فما معنى ان يكون هناك تليفزيون 20 بوصه توشيبا بى 1500 جنيه والتليفزيون الى فى كارفور 20 بوصه بى 800 جنيه مصرى ومكتوب عليه توشيبا ومن تحت صنع فى مصر ...لازم يكون فى فرق وطبعا الفرق هو ان مكونات تليفزيون كارفور هى مكونات صينيه رخيصه السعر مضروبه ولا تعيش كتير ويمكن ان يهلك سريعا اذا تم استخدامه فى فندق او فى منزل او يعنى لو حصل عليه ضغط.....يعنى من الاخر مقدما بقول لكل شخص اشترى او هيشترى هذا النوع من التليفزيونات الله يعوض عليك مقدما رميت فلوسك فى الارض والكلام الى انا بقوله ده من واقع تجربه فى اثنين تليفزيون عاملهم مقاعد وحاطط عليهم شلت وقاعد عليهم

أخى الكريم .... مش شرط أن رخص السعر يدل على تدنى الجوده ... ليه مايكنش دليل على جشع تجار بلدك اللى يبيعوا التلفزيون ب 1500 وهو ممكن يكون ب 800

على العموم أنا أعرف أكتر من صديق أشتروا تلفزيونات من كارفور ولسه عايشه عادى .... الله أعلم بأه يمكن حظهم حلو :happy:

شارك هذه المشاركه


رابط المشاركه
شارك

اشتريت شاحن بطّاريات و بطّاريات قابله للشحن من "كارفور"

البطّاريت كانت شديدة السوء و توقّفت عن استخدامها بينما الشاحن كان جيّد

ولأنّى كنت أفكر فى شراء كاميرا رقميه جديده عوضا عن كاميرا قديمه راحت فى حادث أليم استشرت عدد من الأصدقاء أصحاب الخبره فى شراء أجهزه إلكترونيه من "كارفور" و النتيجه كانت سلبيه .. أى لم تكن فى صالح "كارفور" .. فقط للعلم ..

شارك هذه المشاركه


رابط المشاركه
شارك
اشتريت شاحن بطّاريات و بطّاريات قابله للشحن من "كارفور"

البطّاريت كانت شديدة السوء و توقّفت عن استخدامها بينما الشاحن كان جيّد

ولأنّى كنت أفكر فى شراء كاميرا رقميه جديده عوضا عن كاميرا قديمه راحت فى حادث أليم استشرت عدد من الأصدقاء أصحاب الخبره فى شراء أجهزه إلكترونيه من "كارفور" و النتيجه كانت سلبيه .. أى لم تكن فى صالح "كارفور" .. فقط للعلم ..

هارد عليكي يا فريوز بس إركني شويه على جنب دلوقت ..

-------------

طبعاً إخواننا اللي ما خرجوش بره مصر هايسنوا إسنانهم ويتكلموا عن الفهلوة والحداقة والتعميم - تلبيس العمم يعني - اللي بيحصل في مصر حتى في كارفور ..

او زي ما قال الاخ قاهري إن كارفور سحب إسمه من مصر ... مع إن هذا لم يحدث - أومال اللي موجود عندنا ده يبقى الحاج كارفور إين عمه ؟ -

واللي ما تعرفهوش إن هناك العديد من فروع كارفور في الخليج تعرض نفس البضائع الصينية السيئة والرخيصة الثمن ... أما الضمان ... فمع نفسك ويطلع عينك عشان تصلح حاجه أو ترجعها ؟

وذلك لعدة أسباب ومنها :

1- سياسة التسويق والبيع في كارفور بتعتمد على جر رجل الزبون ... بمعنى الحاجة أم ألف جنيه مثلاً يُعلن عنها بإنها بـ 800 فالإنسان بطبعه طماع .. فيجري ويزاحم ويقف طوابير عشان ياخد له صابونه ... طب تفتكر أبويا الحاج كارفور غاوي فقر وراجل بر وتقوى وبيبع أندر كوست ؟ لأ طبعاً

هو في الحالات دي بالذات بينزل كمية قليلة جداً عشان زي ما قلنا يجُر رجل الزبون ... وكارفور له فرعين بس في مصر واحد في منطقة المعراج في أقصى المعادي ... والاخر في أول طريق مصر الإسكندرية .... ومش معقول سعادتك هاتضرب مشوار عشان تشتري تليفزيون عليه تخفيض مثلاً وتفضل راجع ... فمافيش مانع من بعض السلع الإستهلاكية والغذائية الأخرى ... وتحود كمان على المقاهي أو المطاعم اللي هناك تضرب لك طبق كشري أو شاندوشت كبده .... يعني هاتدفع يعني هاتدفع يا حلو

وأركز هنا على السلع الغذائية المغرية اللي لازم يحطها لك في طريقك عشان تتكعبل فيها وتشتري غصبٍ عن قفاك ... ولاحظوا كده إن السلع الثقيلة في البيع مثل الاجهزة الكهربائية لازم يحطها في أخر المحل والحاجات المغرية يفضل راصصها لك في طريقك وعمال يحنس فيك ويزغلل عينيك عشان تشتري .... وتكون متدبس في مبلغ محترم لحد ما توصل للتليفزيونات مثلاً أو لكاميرات الفيديو وهكذا ..

2- طيب ما هو أبويا الحاج كارفور لسه خسران كده يابا الحاج س س ... أقول له إن شالله أنت اللي تخسر .... فتلك الهيبرات والمحلات الكُبرى تعتمد على سياسة دفع مستحقات الموردين غريبة جداً او بمعنى أصح إن السياسة دي ما خرجتش إلا من تل أبيب .... فجميع موردي كارفور بيبقوا عارفين وموقعين على إتفاقيات إن فلوسهم مش هاتندفع لهم إلا خلال 90 يوم يعني 3 شهور من تاريخ توريد البضائع .... فلما اخد حاجه من مورد بألف جنيه وأبيعها مثلاً خمسين أو 100 ج أقل من السوق ودي سلعة من ضمن ألاف السلع اللي عندي بأبيعها زي السوق ويمكن أغلى وكسبان فيها تالت ومتلت .... المهم أنا هاركز على السلعة اللي عليها خصومات أو سعرها أندر كوست ... وابيعها خلال يومين تلاتة وأحصل فلوسها كاش وأقعد ادور وأحور في حصيلة تلك المبيعات زي ما بأدور الفطيرة المشلتتة كده ... وفين وفين أسدد للمورد خلال 90 يوم ... تخيلوا الفلوس دي تكون أشتغلت كام مره وجابت أرباح بالعبيط وبعدين أبقى اسدد ... مش بذمتكم كده أحسن ما أقترض من البنك عشان أمول مشترياتي واتورط في فوايد ؟

بالمناسبة الموردين والشركات المنتجة للسلع بيقفوا طوابير عشان يعرضوا بضائعهم وأبويا الحاج كارفور يتعطف ويتدلل ويقبل بضايع منهم ... وبالمناسبة تاني ... كتير منهم بيدفعوا ألاف مؤلفة تحت الطرابيزة لمسئولي المشتريات هناك عشان الغرض ده ....

3- كارفور بيعمل إيه تاني .... معظم اماكن عرض البضايع اللي إنتوا شايفينها جوه السوق دي بتبقى متأجرة لشركات والعاملين بها تابعين لتلك الشركات عشان يعرضوا بضايعهم وكارفور مجرد واحد بياخد إيجار منهم فقط وإن شالله لو عرضوا فيها مخدرات ففي الأخر كارفور بيقولك وأنا مال أهلي دول مأجرين عندي وبيحول عليهم مسئولية اي شيء .

4- لا ننسى كمان المكاسب المهولة اللي بتطلع لكارفور من المساحات الرهيبة اللي بيأجرها لمحلات الأطعمة العالمية وللمقاهي وملاهي الاطفال ومحلات الحلاقة ومحلات الملابس والإكسسوارات ... إلخ اللي بيستغلوا المساحات اللي خارج أسواق كارفور ... يعني لو كارفور نفسه ما عرضش حاجه جوه محله اللي عادةً تلاقيه نص أو ربع المساحة الكُلية فطالع له مكاسب من الإيجارات دي لا تُحصى ولا تُعد ...

يبقى حنانيكم بقى على مصر واللي بيحصل في مصر ونفهم أبعاد المشكلة الأول قبل ما نشتم ونسن أسناننا ونلزق كل حاجه ف سيئة في مصر .

شارك هذه المشاركه


رابط المشاركه
شارك
Guest محسن حسنين

السلام عليكم ورحمه الله                                                                                                                                                 اشتريت ثلاجه زانواسى من كار فور يوم 1-1-2019 املا فى تخفيضات عيد ميلاد كا فور كما يدىولكن ما حدث كان كالاتى                         1- لم استلم الثلاجه زانواسى نيوجراند المتعاقدعليها حت يوم 18-1201                                                                                   2 -فوجت با الثلاجه التى احضرها المندوب موديل اخر مختلف فى الباب من الداخل واقنغنى المندوب ان ده من حسن حظى لانها الاحدث                3- عندتشغيل الثلاجه اكتشفت انها  لا تعمل وان المتور ناقص قطعه 4- منذ ذلك التاريخ وانا لا استطيع الوصول الى اى مسئول من كا فور عدا الكول سنتر16061 الذى افاد دائما سوف يعاود الاتصال بى حتى يوم 21-1=2019 اتصلت بى سيده تدعى ايتاس الشريف من الكول سنتربان الفرع سوف يتصل بى بعد ساعه ولم يحدث حتى الكول سنتر لا يجيب على تليفوناتى ماذا افعل 

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×