اذهب إلى المحتوى
محاورات المصريين

مصرع مراهق


ezzat afifi kotb

Recommended Posts

مصرع مراهق

واحد صاحبى قاللى اتمسى .... خلينا ناخد جنبك حصة

قلت يا صاحبى ايه القصة ... قاللى عارف جارنا ابو قصة

قلت له كل الناس عارفاه .... شفته لما الشرطة كانت عفقاه

ومن الضرب يا ولداه ............ وشم صوابع على قفاه

قاللى الواد كان عيل طايش .... صاحب بنت الجار ابو قايش

قاله فى عينى منك رايش .... طب والميرى ما تفضل عايش

قبل الفجر الناس نايمين .... طبوا عليهم بنى ادمين

بس الفاتحة عنيه وارمين ... وباقى القوة يقولوا امين

امه يا عينى صاحية تولول ... فى هدوم نومها بقت تتكعبل

ماسكة فى ديل جلابية العيل .... الشلوت خلاها تميل

نور الشقق ابتدا يتنور .... والردارات تبحث وتدور

م البلكونة اوم المنور .... وعيون بتسجل وتصور

تسمع كدة الله يخليك .... اياك تنزل فيه شبابيك

دا المفترى ممكن يأذيك ... والمفتاح شوف مين يديك

واللى يقول فضك م السيرة .... فين يا وليه حقوق الجيرة

اللى ف وشى شنب مش عيرة ... حتى دى تبقى فى حقى كبيرة

عندك اهوه الواد حسنين .... جه يتدخل خد قلمين

وكمان ابوه اداه بوكسين ... حتى الهدمة جابوها اتنين

واللى يقول ما هو احنا جيران ... زوجته تقول للحيطة ودان

نام والنبى واعمل عيان .... بكرة يا سيدى الحق يبان

ادى صحيح شغل الحريفة ... تيجى الكبسة بدون تشريفة

لجل حياتنا ما تبقى نضيفة ... ايه يعنى اما تلم الجيفة

بعد شوية جانا جواب ... قالوا الواد تبع الارهاب

ومعاه كم ضرس وناب ... لو فجرها حنبقى كباب

بعد البصمات بعد الفيش ... قالوا للود عندنا تفتيش

اخفى ف اى مكان متجيش ... اصل يا عينى وش ما فيش

شافلك نفسه وحيد فى الساحة ... قام متسحب كدة بالرحة

عدى السور وبكل بجاحة .... الطلقات راحت مجتاحة

قلت يا صاحبى صعبة القصة ... قاللى الغصة نفس الغصة

بس ابو قايش يومها اتوصى ... عزى وشال ويانا الجثة

عزت عفيفى

رابط هذا التعليق
شارك

  • بعد 2 سنة...

برافو يا عزت...

شدنى فى قصتك اول حاجة "القافية" ...

و تانى حاجة انها Update :

شفته لما الشرطة كانت عفقاه
icon_lol.gif

اما المغزى من وراها فمفهوم و واضح

يا ريت تكتب اكتر....

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      تطورت ظروف الحياة وتعقدت معها فترة المراهقة التى يمر بها أبناؤنا مما زاد الأعباء على أولياء الأمور لمواجهة تحعرض المقال كاملاً
    • 8
      «لصوص المحور».. يتسببون بمقتل طبيب ونجله.. ويعطون زوجته فرصة لإبلاغ الإسعاف قبل سرقة هاتفها نشر فى : الأربعاء 5 فبراير 2014 - 3:11 م | آخر تحديث : الأربعاء 5 فبراير 2014 - 11:41 م أحمد عمارة ونجله آخر ضحايا غياب الأمن. زينب حامد «مجموعة من (البلطجية) وضعوا حجارة بوسط طريق المحور لإيقاف أي سيارة قادمة، ولسوء الحظ كان الظلام دامسا، وخلال مرور الدكتور أحمد عمارة، أستاذ طب وجراحة العيون بمستشفى قصر العيني، نجل رائد طب العيون العالمي، الدكتور محمد عمارة وأسرته بالسيارة، عائدين من زيارة أحد أصدقا
    • 0
      ص في السعودية والقنصلية العامة بالرياض تأسف لتوالي جرائم القتل - العضوة شهر الخيرات هي صاحبة المشاركة مصرع مصري بطعنات لصوص في السعودية والقنصلية العامة بالرياض تأسف لتوالي جرائم القتل ضد المصريين صورة ارشيفية أعربت القنصلية المصرية العامة بالرياض عن قلقها البالغ من توالى جرائم قتل عدد من المواطنين المصريين بالمملكة العربية السعودية، والتى كان آخرها مقتل مواطن مصرى بمنزله بشارع الوزير بحى الديرة فى الرياض، على يد مجموعة من لصوص المنازل الذين اقتحموا منزله مساء اليوم الأربعاء. وذكرت القنصلية
    • 10
      الخبر من مصراوي بداية..الله يرحمهم..و يغفر لهم..و يتجاوز عنهم..و يكرم نزلهم..و يوسع مدخلهم..ويصبر أهلهم و ذويهم الموضوع حادثة عادية جدا..كما هو واضح من الخبر..و كما فهمت أنا..و أتمني أن يكون كذلك قدمت بهذه المقدمة لأني اعلم أن شكوكا كثيرة ستطرح بخصوص هذه الحادثة..و الكثير سيساوره الشكوك بأن الحادث مدبر و هو يسترجع ذكريات النظام البائد..و أمن الدولة المنحل..و حركاتهم المكشوفة.. لا أخفي عليكم اني شكيت للحظات أن الحادث من الممكن أن يكون بداية لسلسلة من حوادث أخري قادمة..ستستهدف بعض من شاركوا ف
    • 2
      الأردن تشكل لجنة للتحقيق بحادث أودى بحياة مصريين قرر وزير الأشغال العامة والإسكان ورئيس مجلس البناء الوطنى الأردنى المهندس، يحيى الكسبى، تشكيل لجنة برئاسته للتحقيق بحادث انهيار مبنى فندق قيد الإنشاء فى منطقة البترا (جنوب العاصمة عمان)، مما تسبب فى مصرع اثنين من العمال المصريين وإصابة 4 آخرين حالة أحدهم خطرة. وتضم اللجنة، التى جاء تشكيلها بناء على توجيهات نائب رئيس الوزراء ووزير الداخلية الأردنى سعد السرور، كلا من مديرية الأمن العام والمديرية العامة للدفاع المدنى والجمعية العلمية الملكية ومجلس
×
×
  • أضف...