اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

بجد كفاية ..... مقال للفاضل محمد مصطفى نجا على الواتسآب


Recommended Posts

[12:53 PM, 9/12/2020] Muhammad mustafa Naga: كفاااااااية
بجد كفاية
مش معقول كل واحد فى مصر عامل رئيس أركان الدبلوماسية، بسبب حتة الحديدة اللى ماسكها فى ايده، وبسبب ان البيه عامل اكاونت عالفيس بوك،
ويقعد فى اى مكان يقولك انا قلت لهم كده غلط وقلت لهم لازم يعملوا ايه؟
قلت لمين يا بنى اتكلم على قدك،
انت مين اصلا؟
واقعة القطار والمحكمة وقائع حقيقية تماما، بس تصويرها بالزفت التليفون، وانها نزلت عالفيس بوك، خلت الموضوع دعائى مليون المية، مع ان الحلول بسيطة وكفاية افورة بقى، ايه ده؟ 
حصل مشكلة فى المحكمة، خلاص تنبيه على الإلتزام بالقانون، وبلاش كلمة انت متعرفش انا مين دى تانى؟
حصل مشكلة فى القطر مع مجند، لازم المجندين يركبوا وسائل المواصلات مجانا،
واحد بيبيع فريسكا ودخل كلية الطب، ربنا يوفقه نموذج جيد،
وخلصت خلاص
خلصت خلاااااااص
مش نمسك المستشارة ونجيب سلسال العيلة وهات يا شتيمة وتطاول،
ونمسك واقعة القطر، وهات يا هدايا للست اللى دفعت التذكرة، وكماااااااان لازم الست دى تكون فى المجلس القومى للمرأة، وهدايا عليها لوجو حزب كدعاية للحزب وربط هذا الحزب بالرئيس الحالى؟
ونسينا القضية الأساسية وهي ركوب المجندين مجانا،
ده حتى المجند مشفناش عليه قصص وحكايات زى الست، وبكرة نشوف،
والأخ اللى صور الواقعة عاوز هو كمان تسليط اعلامى لولبى عليه علشان هيترشح فى البرلمان؟ 
وبتاع الفريسكا دخل التاريخ وهدايا هدايا، وكلها دعاية مليون المية، لحد الموضوع ما وصل ان فيه رقاصة عازماه عالعشاء؟
ايه خير؟
ايه المبالغات دى،
الشعب كله عاوز يجامل فى فرح العمدة،
خلاااااااص
اقسم بالله الموضوع هيقلب مواقف مترتبة،. هيتعمل فيديوهات نصب مصنوعة بدقة، والموضوع هيبقى صناعة زى برامج التيك توك كده، وكل يوم هنشوف فيديو جديد لناس غلابة؟ 
كفاية بقى استخدام سيء للتكنولوجيا،
فيه مليون مجند حصل معاه نفس اللى حصل مع المجند ده،
فيه مليون ست فاضلة دفعت تذكرة القطر لناس كتير،
ده فيه ناس بتتعمد تركب القطر  وتستعبط علشان الناس تدفع لها الأجرة، القصة دى موجوده منذ قديم الأزل. 
فيه حالات كتير جابوا مجاميع فى الثانوية العامة، ودخلوا طب، رغم ان ظروفهم أصعب من بياع الفريسكا مليون مرة، كفاية افورة بقى
خلاااااص  مفيش حد كويس فى مصر ومش مصدقين ان حد بيساعد حد فى الزمن ده؟
خلاص بقينا شعب واطى  مش عارف قيمة جيش بلادة؟
خلاص البلد كلها عيال بايظة، وكلية الطب قفلت، وبتاع الفريسكا اللى فتحها تانى؟ 
الفيس بوك ده  اتحول لقنبلة موقوته، والكاميرات اللى فى الموبايل بقت كارثة فعلا، والراى العام سايب المواضيع المهمة  ومركز فى حاجات غريبة،
فين الحرب فى ليبيا
فين تركيا
فين فلسطين
فين سد النهضة
لا مش ممكن بجد
[2:10 PM, 9/12/2020] Muhammad mustafa Naga: 

رابط هذا التعليق
شارك

عندك حق ..... الف حق ...... بقت حاجه سخيفة ومملة وعبيطة

إذا كان موقف لشاب أو لسيدة يلقي كل هذا الشو وتسليط الضوء وعمل حفلات ولقاءات ....... فإحنا على كده ملايكة 

عشرات المواقف بنعملها وعشرا الانجازات لصالح الوطن ولا من شاف ولا من دري بل ممكن يتشال ويتحط علينا من كل ناحية ( لسان حال ناس كتير محترمة ) 

إيه اللي حصل يا بلد 

النماذج أو المواقف الكويسة بقت بتتعد على الأصابع وبقت تتنشر على الفضائيات والمواقع وكأننا غرقى في الرزيلة والوحل ومش لاقيين ولما بنلاقي بنهلل 

لا والله البلد مليانة ناس محترمة وكفاءات واجتهادات 

المقال ده كرهني في الموبايل أو حتت الحديدة اللي اتحطت في إيدين تافهة وهايفة يمكن تصادف شو وبعدين يقول أنا اللي صورت ولقاء مع اللي صور 

شغلونا بمواضيع هايفة وصفحات الإخوان وقنواتهم والجزيرة شغالين تحريض وجمع فيديوهات مظلوميات لتأليب الرأي العام ومفيش حد فايق 

لحد ما هنلاقي مظاهرة واتنين وعشرة ونرجع للهم اللي خلصنا منها .... فوقي يا بلد 

  • أعجبني 1
رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
×
×
  • أضف...