ذكريات من زمن فات (2)...

[Scorpion]

كانت الحنفية نحاس أصفر
كان البرجل نحاس أصفر
كانت المسطرة خشب مرسوم عليها سمكة
كانت الجزم و الكاوتشات من محل باتا
كان اللبس من عمر افندى أو صيدناوى
كان على الأرض كليم صوف
كان البوتجاز أطلس بتلات عيون
كانت النملية هى النيش
كانت الألوان شمع

كانت أنبوبة القلم الجاف لما تفضى يتركب أنبوبة جديدة
كان لما القلم ما ميكتبش نشد السن النحاس بتاع الأنبوبة باسنانا و ننفخ فى الأنبوبة لحد ما تنزل نقطة حبر و بعدين نركب السن و القلم يكتب
كانت الكراريس و الكشاكيل بتتجلد بجلاد بنى و نلزق عليه تكت
كان جدول الضرب ورقة كرتون بتتباع فى المكتبة
كانت الألعاب كازوز و بلى و نوى المشمش وبعد مانخلص المشمش نعمله دوقة
كانت الثقافة مجلات ميكى و سمير
كانت زينة رمضان بتتعمل فى البيوت من ورق الكراريس القديمة و النشا
كانت الفاكهة فى الشتا الموز البلدى و البرتقال و اليوسفى و فى الصيف البطيخ و العنب
كان القلم الرصاص بيتبرى بموس حلاقه
كانت المكسرات و التسالى لب أسمر و سودانى و ترمس
كان لب البطيخ يتنشف و يتحمص
كان إللى يعيا ياخد حباية نوفالجين أو ريفو مع كوباية لمون و يربط دماغه بمنديل و يتغطى باللحاف و ينام يعرق يستريح لو زاد التعب ينطبخ له فرخة بلدى شامورت مع شوية لسان عصفور
مكانش فيه ديتول كان فيه حمض فينيك لنضافة و تطهير الحمام
كان فيه حرنكش و دوم و حمص الشام إللى هو الحلبسة وغزل البنات ونلاقيهم كل يوم قدام باب مدرستنا

كان لازم المنديل القماش فى جيب المريلة
كنا لما نشوف المدرس أو الابله فى الشارع أو الحارة فى أجازة الصيف نستخبى منه احتراما وممكن خوف .
ولسه الجيل ده مكمل بالاحترام والاخلاق وبنحاول نخلى ولادنا بأخلاقنا ومبادئنا

 

منقول

[Scorpion]

تعداد سكان و أجانب القاهرة سنة 1890

من واقع الأحياء المختلفة

 

[Scorpion]

السبب الحقيقي لإختفاء فردة الشراب الثانية

 

[Scorpion]

[Scorpion]

بمناسبة عيد الآضحي

 

 

 

 

[tarek hassan]

31 دقائق مضت, Scorpion said:

بمناسبة عيد الآضحي

 

 

لفت نظري أيضا التليفون ( خمسة أرقام ) فكرني كان تليفوننا في القرة ثلاثة ارقام فقط افتكر كان 421

[Scorpion]

و هل كان يمر العيد من غير  تضييع 4 ساعات كاملة  قدام الفيلم الهندي ... و بطله الأوحد بدون منازع آميتاب باتشان اللي  كان بيشيل مسدس موريس بساقية  ابو 8 طلقات يضرب منه حوالي 150 طلقة ولما الطلقات تخلص  يقوم طاير حوالي 240 متر في الهوا و يقوم ناطط علي واحد يوقعه من على حصانه و ياخد منه بندقيته الخرطوش ام طلقتين يضرب منها 120 طلقة و يقتل 119 فارس بخيولهم و أول ما يوصل لزعيم العصابة بيكون الرصاص خلص منهم هما الاتنين فبيضربوا بعض بالبوكسات  ... و في عز  الخناقة أميتاب باتشان  يقطع كم قميص زعيم العصابة ده فيشوف وشم على إيده فيكتشف انه اخوه اللي وقع في الشلالات من 20 سنة فاتت ولقاه صياد فتح بطنه ملقاش فيها خاتم ...

[tarek hassan]

3 ساعات مضت, Scorpion said:

و هل كان يمر العيد من غير  تضييع 4 ساعات كاملة  قدام الفيلم الهندي ... و بطله الأوحد بدون منازع آميتاب باتشان اللي  كان بيشيل مسدس موريس بساقية  ابو 8 طلقات يضرب منه حوالي 150 طلقة ولما الطلقات تخلص  يقوم طاير حوالي 240 متر في الهوا و يقوم ناطط علي واحد يوقعه من على حصانه و ياخد منه بندقيته الخرطوش ام طلقتين يضرب منها 120 طلقة و يقتل 119 فارس بخيولهم و أول ما يوصل لزعيم العصابة بيكون الرصاص خلص منهم هما الاتنين فبيضربوا بعض بالبوكسات  ... و في عز  الخناقة أميتاب باتشان  يقطع كم قميص زعيم العصابة ده فيشوف وشم على إيده فيكتشف انه اخوه اللي وقع في الشلالات من 20 سنة فاتت ولقاه صياد فتح بطنه ملقاش فيها خاتم ...

قصة فيلم واحد 

ولا قصة كل الأفلام 

مع ذلك كنا بنصدق ونقعد نعيط