اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

يا ... أستاذ .... طلقني (من بريدي)


Recommended Posts

ي أستاذ 
- يانعم
... أنا عايزة أتطلق
- حاضر
- إيه بقى حاضر دي إن شاء الله !!
- حاضر يعني حاضر هاطلقك ... إيه اللي مش مفهوم ف كلامي ؟
- مش عايز تعرف عايزة أتطلق ليه ؟!
- كنتي قلتيلي قبل كده كذا حاجة وأكيد عندك أسبابك المنطقية اللي تخليكي تطلبي الطلاق ... إنتي مش صغيرة وعارفة مصلحتك .
- يعني إيه بقي مش صغيرة دي ، لأ يا حبيبي أنا لسه صغيرة ونص ولو كنت إنت ...
- خلاص ... إنتي صغيرة وعارفة مصلحتك
- صغيرة في السن بس عقلي كبير وفاهمة
- أكيد أكيد
- هتطلقني إمتى بقى ؟!
- بعد ما أرجع من الشغل
- وهتعمل إيه ف الولاد ؟
- زي ما إنتي عايزة

- مش زي ما أنا عايزة يا بابا ، زي قانون الأسرة الجديد ما بيقول .. العيال هيفضلوا معايا لحد ما يتموا ١٨ سنة
- ماشي ... ولو عايزاهم على طول براحتك

- *طبعاً عايز تخلص منهم عشان تتصرمح وتروح تتجوز وأنا اللي أفضل حياتي واقفة عشان أربيهم !

- خلاص هاخدهم أنا أربيهم واتصرمحي إنتي واتجوزي

- لااااااا يا حبيبي ، الصرمحة ليها ناسها .. ومش هتلوي دراعي بالعيال وهاخدهم غصب عنك
- حاضر

- وهآخد الشقة زي ما القانون بيقول
- ماشي

- طبعاً ، ما إنت هتسيبهالي خرابة وتروح تجيبلك شقة نضيفة ... أصل أنا وعيالك مش مهمين عندك
- مهمين طبعاً 

- والنفقة هاخدها من عينك 
- من عينيا حاضر

- وهأنقل الولاد ف مدارس إنترناشيونال وهتدفع مصاريفها
- أحسن برضو

- والعربية
- تحت أمرك

- تقدر تقولي هتقعد فين بقي بعد الطلاق ؟ 
- هاتصرف ... ماتشغليش بالك

- وأشغل بالي ليه ! ما إنت هتسيبني معكوكة مع عيالك وتروح إنت تروق دماغك في أي حته
- ربنا يسهل 

- طب إيه رأيك بقي إننا هنتطلق وهتقعد معانا هنا ... ما أنا مش هاشيل الطين كله لوحدي 
- حاضر

- قايم رايح فين ؟ 

- الحمام
- إعمل حسابك لو قطعت شرايينك بالموس زي كل مرة هانكد عليك عيشتك ... أنا مش مستعدة أبقى أرملة وكل من هب ودب يجيب في سيرتي

- أنتحر وأسيب الكيكة الذيذة اللي ف المطبخ دي لمين بس ! 

- بجد عجبتك !! 
- دي تحفة ... شيء خرافي

- بس حاساها هبطانة وناشفة وسكرها كتير ومش عاجباك

- إوعي تقولي كده ، دي أحلى كيكة دقتها في حياتي ... خشي هاتيلي حتة منها

- صحة وعافية ... ماشي ياحبيبي وهعملك جنبها فنجان قهوة يعدل مزاجك
- ربنا يخليك 

وتستمر الحياة ??
وماتسألش عن سبب الخناقة ؟؟؟؟؟??

  • أعجبني 1
  • هاها 1
رابط المشاركه
شارك

عاجبني هذا الزوج الهادي اللي عمل بالمثل ... ميل للشر يعديك .... 

لا هو أبدى انزعاج ولا غضب خد الأمور عادي وتحمل الحوار لحد ما خد فرصة للوصول للجملة اللي كسرت حد الغضب نهائيا نتيجة لاطرائه على الكيكة وبالتالي الوصول لقلب زوجته وعدل مزاجها 

لكن تحس ان الزوجة اصلا دمها خفيف وان محبة في الاصل وقريبة جدا وكلامها يشبه المداعبة وليس لجر الشكل 

ولذلك القصة القصيرة دي مش زي كل القصص 

فقصص زيها كتير بتنتهي مش بنفس النهاية السعيدة دي ربما لأن الناس تختلف وخاصة إذا كانت الزوجة نكدية والرجل عصبي

أو أحدهما كاره 

اخيرا الحكمة مطلوبة والتريث واجب 

  • شكراً 1
رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • أستاذ الفقه المقارن سعدالدين الهلالي في مرمي محاربو تجديد الخطاب الديني

      هذه المرة  حراس الخطاب الديني التراثي  شحذوا أسلحتهم لذبح الدكتور سعدالين الهلالي و هو من قلب الأزهر تم حذف كل حلقات و إن أفتوك من اليوتيوب بحجة تلقي مطالبات بالحذف على خلفية الإخلال بالملكية الفكرية ..... هذا ما تجده في اليوتيوب لو حاولت مشاهدة أي فيديو كليب للدكتور الهلالي. على تويتر حملةهجاء و سباب مقذع  للدكتور الهلالي  هل ننتظر محامي يرفع قضية إتهام بإزدراء الأديان !!!

      في الملتقى العام لزوار محاورات المصريين

    • العلاج الخطأ لمشكلة الغارمين (قلم الدكتور مدحت خفاجي) من بريدي

      دفع مبالغ الغارمين بصندوق تحيا مصر وتخصيص ٣٠ مليون جنيه يساعد على استمرار المشكلة وليس ايقافها لانه يشجع الطرفيين الداءن والمدين على حدوث المزيد من القروض طالما انه يوجد من يدفع بدون عقوبة والحل هو إصدار تشريع بتحويل تلك القروض الى قرض مدنى وليس أمانة لان حقيقة الامر ان المقترض لم يأخذ أموال  كامانة وأنه اشترى بضاعة ولكن المحل اجبره على التوقيع  بايصال أمانة حتى يسجنه اذا لم يدفع بتهمة خيانة الأمانة وحدث مثل هذا فى امريكا منذ اكثر من ٢٠ عاما وقام الكونجرس بإصدار قانون بعدم استحواذ البنك

      في مسائل إقتصادية - economic issues

    • بدايات الشهور القمرية - بقلم الدكتور مدحت خفاجي (من بريدي)

      Sent from my iPhoneهلال الشهر القمرى الشهر القمرى ثابت ولايوجد شهر ٢٩ يوم وآخر ٣٠ يوما هذا اخذ لتسهيل بداية الشهور والشهر القمرى ٢٩،٤٨ يوما من الشهر الشمسي  ولايختلف من شهر لآخر ولذلك لايمكن باي حال من الأحوال ان يكون ٣ شهور  قمرى ٢٩ يوم كماً تصورت دار الإفتاء خطا لعدم علمهم بهذه الحقيقة ولكن لان الشهر القمرى اقل  من اكثر من نصف يوم من الشهر الشمسي  يمكن ان يحدث شهرين متتابعين ٢٩ يوم ولكن لايمكن ان يحدث ٣ شهور متتالية ٢٩ يوم لان المجموع=٨٨.٤٤ يوم وهذا اقل ب١،٥٦ يوم  ولايمكن تعويض ذلك فى ا

      في  فى الثقافة و العلم

    • البيت في عالم السوشيال ميديا (من بريدي)

      عائلاتنا إلى أين تسير؟... ونحن في زمانٍ ‎طريقنا مملوء بالذئاب المفترسة؟! وقافلة البيت ‎تسير بمفردها،،،!! الى أين ؟ ‏‎تيقظوا، لن يبقى شيء اسمه الأسرة كما يخطط لنا... ‏‎إلى أين نسير؟  بيت خالٍ من المشاعر ... و جوجل متخم بالمشاعر والحب .. ‏‎بيتٌ كل فرد فيه دولة مستقلة، منعزل عن الآخر، ‏‎ومتصل بشخص آخر، خارج هذا البيت‏، لا يعرفه ولا يقربه.  ‏‎بيتٌ لا جلسات لا حوارات، لا مناقشات لا مواساة...‏‎  تيقظوا...‏‎هكذا بيوت العنكبوت، واهية... ‏‎ الأب الذي كان تجتمع حوله العائلة.

      في الأسرة و الطفل

    • هوس تحليل الدم لفيتامين د (من بريدي للدكتور مدحت خفاجي)

      هوس تحليل الدم لفيتامين  د وماهو الحل؟ الانسان يحتاج دعم بفيتامين د  فى العام الاول من ٣-٦ اشهر فى العمر لان نسبته فى اللبن ضءيلة وللاسف لايدعم اللبن طويل او قصير العمر بفيتامين د كما فى بلاد الفرنجة لان وزارة الصحة لم تشترط ذلك على الشركات المنتجة وينصح بأخذ امبول فيتامين د بالفم كل شهر لمدة ٣ اشهر على لبن او ماء واسمه فى السوق ديفارول وثمن ال٣  امبولات حوالىً  ٩ جنيه وفاءدته انه يمنع تقوس الساقين الذى يوءدى الى خشونة الركبتين فى الكبر  وتكفى ال٣ امبولات لمدة عام حتى يستطيع المشي

      في الملتقى العام لزوار محاورات المصريين

×
×
  • اضف...