اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

Recommended Posts

1 ساعه مضت, tarek hassan said:

FB_IMG_1584372935389.thumb.jpg.870c62bae42738d19439f670ffec39cb.jpg

ضحية كورونا من العائلة... ابن عم المدام من الدقهلية .. احمد علي عامر ٤٢ سنة ... ارسل ابنه لدراسة الطب في اوكرانيا... فعاد الابن محملا بالفيرس دون أن يدري ودون أن تظهر عليه الاعراض وظهرت الأعراض على الاب فتم وضع الاب والام والأولاد واثنين من الأصدقاء في الحجر الصحي وكانت النتائج إيجابية... وتوفي الاب لان مناعته اقل .... ودفن مغلفا بغير جنازة وبدون مشيعين... ومازالت العائلة تعالج في الحجر الصحي بالاسماعيلية .... رحم الله الفقيد واسكنه فسيح جناته

 

اللهم اغفر له وارحمه واجعله من أهل الجنة والرضوان

واللهم اشفي بقية أسرته والبسهم ثوب الصحة والعافية برحمتك يا أرحم الراحمين

 

الفيديو  لا يعمل يا شيخنا

اللهم الهم الأسرة الكريمة الصبر والسلوان

  • أعجبني 1
رابط المشاركه
شارك
  • الردود 102
  • Created
  • اخر رد

Top Posters In This Topic

Top Posters In This Topic

Popular Posts

بجد مش جديد مش شجاعة ولا بطولة مش بنخاف لاننا اتعودنا ومش الايام دي بس الموت حوالينا في الصغار والكبار من اول يوم في المشرحة في الكلية  مرورا بفترة التدريب في الامتياز والنياب

غ..غ.. غيبوبة...و...غباء. لا يسمعون...لا يمتنعون...لا يقتنعون. يصعب عليهم الذهاب إلى حتفهم...فرادى.

Posted Images

البقاء لله يا استاذ طارق.

ربنا يجعله آخر  الأحزان ويرحم أمواتنا جميعا..

دى كانت ساعة مكتوبة...تعددت الأسباب والموت واحد.

ربنا يشفى باقى أفراد أسرته ويزيح عنهم.

مسكين ابنه...سوف يشعر بالذنب../رغم أنه لم يفعل اى شيء/

لأنه كان حامل للفيروس بدون أن يدرى...

ربنا يرحمنا برحمته..

اليوم....رسميااا

وصل العدد هنا للأموات...297

كورونا يحصد الأرواح بلا رحمة..

ربنا معاكم ويصبركم 

يصبرنا جميعا على هذا الابتلاء...ولن أقول البلاء

  • أعجبني 1
رابط المشاركه
شارك
Heba Soliman

اللي عارفني عارف انني مش بتاعة كتابة علي الفيس بوك بس المرة دي حقيقي مش قادرة ماكتبش.

بقالي شهر برا مصر ودخلت كذا بلد في أوروبا وطبعاً وسط قلق الكورونا وذعر الناس ،المتوقع انه يكون في قلق في المطارات ورقابة علي اللي داخلين وخارجين في البلاد المتقدمة الجامدة دي ،بس الصدمة الكبيرة أني دخلت وخرجت من سويسرا والنمسا والبرتغال و ولا في أي حاجة ولا حد حتي كلف خاطرة يقيس حرارة او يسأل الناس جايين منين ولا حاسسين باي تعب حتي ومفيش أي اهتمام أو تعقيم للمطارات !!!

امبارح بقا ١٥ -٣ -٢٠٢٠رجعت مصر وهالني ما رأيت😍اول ماركبت طيارة مصر للطيران من چينيڤ وزعوا علينا ورقة من وزارة الصحة المصرية فيها أسئلة لازم وإجباري نملاها :
كنت فين آخر أسبوعين /هل باشعر بأي أعراض ؟ / رقم الكرسي علي الطيارة /عنواني بالتفصيل في مصر /تليفوني /ورقم خط ساخن علشان لوحسيت باي تعب .

لما وصلت مطار القاهرة بقا:
الحجر الصحي واقفين بمنتهي الجدية والحرفية والاحترام بيقيسوا الحرارة لكل الناس اللي بتوصل واللي بيشكوا فيه بيكملوا
معاه إجراءات تانيه.
ده غير الناس اللي ماشية ترش وتطهر الأرض والحيطان وحتي سير الشنط ...
بجد مصر بتتعامل بمنتهي الحرفية وانا فعلاً مبهورة. وباقول للناس اللي بتشير حاجات مش معروفة المصدر انتوا من غير ما تحسوا بتضروا البلد!!

بلدنا فيها حاجات حلوة مش موجودة في اوروبا وحقيقي فيها إيجابيات كتير لازم نتكلم عنها علشان دي أمانة وانا شفت بعيني ماحدش قاللي .

ربنا يحميكي يا مصر 🙏

 
جروب على الفيس
 
Coronavirus EGYPT 2020 official group 😷
 
مبادرات جميلة 
زيادة توعية
تبادل خبرات
محاربة اليأس والفزع
نقدر نسيطر على الفيروس زي الصين ما قدرت
محاولة استعادة روح 25 يناير من غير سياسة
كل اللي يقدر يعقم حاجة مما يستعمله العامة يعقمها
وياريت فرصة نتعقم من جوه
رابط المشاركه
شارك
8 ساعات مضت, فولان بن علان said:
 
مبادرات جميلة 
زيادة توعية
تبادل خبرات
محاربة اليأس والفزع
نقدر نسيطر على الفيروس زي الصين ما قدرت
محاولة استعادة روح 25 يناير من غير سياسة
كل اللي يقدر يعقم حاجة مما يستعمله العامة يعقمها
وياريت فرصة نتعقم من جوه

المشكلة مش في الحكومة يا فولان يا عزيزي ..  هما ماشيين احسن من  دول تانية كتير و قايمين بواجبهم صح الصح .. لكن يعملوا ايه مع ناس عايشين في زمن العشوائيات و القبح ..

دي تجربة  مش فردية .. تجربة بتحصل دلوقتي في كل اننحاء الجمهورية بصور متفاوتة من الهايبرات لمحلات البقالة للميني ماركت ...

اقتباس

أنا أسفة إني من الناس إلي طالبت بإغلاق المدارس .. ده قرار عايز شعب واعي و إحنا جهلة و أولنا المثقفين المتعلمين ... نزلت كارفور نجيب طلبات .... فرع سيتي سنتر ألماظة ... لابسة أنا و شريف ماسكات ... الناس لو عددها فالمول ١٥ ألف ... في منهم ٥٠ لابسين ماسكات و بيتبص عليهم انهم جهلة .... لما نطلع كحول نطهر ايدينا ما كان ما بنمسك الطلبات الناس بتخبي وشها و تضحك ... العيال بتمسك كل حاجة ... بضاعة ... زجاج محلات ... ترابزين السلالم المول مبدور عيال من جميع الأعمار .... وزير التربية و التعليم كان عنده حق مايقفلهاش

إحنا شعب جااااااهل .... المخبز في كارفور كلهم لابسين جوانتيات ... علشان انقي العيش لبست كيس فإيدي
واحد جنبي ماسبش رغيف غير لما مسكه بإيده و يسيبه
ما حشنيش عنه غير شريف لو عليا كنت عايزة أمسح بيه بلاط كارفووور

احنا الفايرس هينتشر مهما الحكومة اخدت إجراءات ... إحنا شعب جااااهل .... جاااااااهل لو شوفتوا الي شوفته انا من شوية تعرفوا اننها رايحين في ستين داهية علشان عالم جاهلة و تنحه

ما تترزعي فالبيت بولادك و جوزك اكتبيله ورقة بالطلبات ... او يقعد هو و انزلي انتي يا ستي ... العيال ما تنزلش يا بشر
انتوا كبار ... البسوا ماسك و معاك كحول او معاكي و تطهري ايدك او تلبسي جوانتي بلاستك و ترميه تعرفي و تعرف تركزوا

و قريبا شباب الجامعة الي قعد أجازة هيبقى بالشيش عالكافيهات و القهاوي ..... مناظرهم النهاردة تنم عن جهل ...بس قلعدين عالنت طول النهار .... ما بيتعلموش شيء كالحمار يحمل أسفار .... البلد ما تقفش و الاقتصاد و التعليم يشتغل احنا مانستاهلش

علشان اي اجراء احترازي الشعب بجهله و قلة وعيه و قلة نضافته هيخليه مايسواش بصلة .... اه والله

راجعة منتهى اليأس و الإحباط .... إخس على الإمخاخ الزنخة إخس و ألف إخس

 

رابط المشاركه
شارك

قناة انجليزية متخصصة لسه قايلين حالا انهم ابتدوا يجربوا المصل على بعض المتبرعين من البشر

خبر جيد

الخبر السيئ.....

قالوا لو اثبت المصل نجاح في القضاء على الفايرس.....فالنسخة المتاحة للجمهور لن تتاح قبل 12 الى 18 شهر من تاريخ اثبات نجاح المصل !!!!

رابط المشاركه
شارك

التعامل الايجابي بينتشر بين الشباب في جميع المحافظات

تعقيم كل حي مسئولية اهل الحي

الناس بدأت تستشعر خطورة الوضع

صور منتشرة لتعقيم كل حاجة

من العاملين في الحكومة ومن الشباب المتبرع

صورة جميلة لشباب بيعقم المسجد بعد كل صلاة

رابط المشاركه
شارك

 

موظف ف وزارة الصحة المصرية بيقول للي بيتريق وبيسخر من الوزارة وتعاملها مع المرض..

استحمل تمسك سماعة التليفون وتتصل بمواطن تبلغه نتيجة التحليل وتطلب منه يجهز في خلال ربع ساعه علشان يتنقل حالاً لمستشفى العزل علشان يتلقى الرعاية أولاً , ونمنع العدوى ثانيا..

المكالمة للأسف مجهولة إنت مش عارف مين هيرد عليك ولا ظروفه الإجتماعية والنفسية عاملة ازاي , ولا هو اصلا مرعوب من هوس الإعلام ولا واخد الموضوع هزار وقشطة..

مكالمات صعبه زي أم سكتت لمدة ١٠ ثواني وقالتلي بس والنبي في هدوء , مش عاوزة ولادي يتعرضوا للتنمر أو التريقة من الجيران وأب قالي طيب خليني للصبح حتى اشبع من ولادي وكأنه لا قدَّر الله بعد الشر مش هيشوفهم تاني..

واحدة تانيه عرفت من المكالمة معاها إنها حامل ومصابة , وطفل أمه صممت تتعزل معاه حتى لو هتتعدي..

زوجة مشلهاش من حضن جوزها اللى هيتعزل غير الطاقم اللي مسئول عن نقله , واخيراً اللي مسللِّم أمره لله ويرد يقولي طيب المستشفى فين وانا اجيلكم أسهل....

ناس حياتها بتقف وأكل عيشها بيتعطل ونفسيتها بتدمر , انت متخيل هزارك قصاد الكلام دا عامل ازاي !

يارب هوِّن على كل أسرة من دول غاب منها فرد لمدة ١٤ يوم سواء كان أم ولا أب ولا إبن , ويا عالم إذا كان هيرجع بيته تاني ولا لأ..

محدش يستهون باللي بيقوله ويعيده , اغسلوا ايديكم كل شوية وكافحوا العدوى من العطس والكحة..

حافظوا على نفسكم , صحتنا مسؤوليتنا كلنا مش مسؤولية دولة ولا وزارة بس..

أكبر الدول إتهزت من فيروس أصغر من حبة السكر , المرض مالوش كبير.. " إفهموا دا كويس "

بدل ما تنزِّل صورة سخرية وتهزيق في وزارة الصحة , نزِّل صور غسيل الأيدي ومكافحة العدوى , نزِّل معلومات عن الإرشادات والعزل المنزلي..

يا سيدي اهو منها علم وصدقة ومنها بتساعد في نشر الوعي والتوعية , على الأقل بتشجعنا وتقوينا إننا مش لوحدنا وموجود ف ضهرنا شعب بيحافظ على بلده..

احفظنا كلنا يارب ,ورجَّع باقي الناس لأسرهم وحياتهم سالمين متعافين يارب..

Copy

ربما تحتوي الصورة على: ‏‏شخص واحد‏، ‏‏وقوف‏‏‏
 
 
 

خلال 3 أيام فقط تبين إن محافظتنا موبوءة

رغم إن الحالات المعلنة لم تتعدى المئة

لكن عدد الحالات في ازدياد

الموظفين في المستشفى بقوا بيخافوا من الدكاترة

واحدة من الاداريات بتقول يحجزونا في المستشفى مش عايزين نروح البيت نعدى أولادنا

الماسكات والمطهرات أصبحت شحيحة وغالية في الصيدليات الخارجية

الحالات  المشتبه فيها بتتحول من الحميات والصدر عندنا عشان تعمل أشعة مقطعية

وبيعتمدوا عليها في التشخيص مع التحليل

وده بيزود الرعب في المستشفى

منتظريين نتيجة تحليل الزملاء هل هم حاملين للفيروس

مش قادر أرفض سلام الناس باليد

لكن با أحاول أوجه

مع كل كحة بدأت أشك في نفسي

بدأت أبعد عن البيت أطول فترة ممكنة

بأهل نفسي على الحجر لو طلب مني

كل الزملاء بيطالبوا بإيقاف العمل في العيادة الخارجية

وإيقاف الزيارة في المستشفى

وأي تجمع للمرضى

والاكتفاء بالطوارئ

يارب سلم

رابط المشاركه
شارك

يا مسهل امبارح بدأت تجربة لقاح فى امريكا على سيدة ام لطفلين 

في ١٥‏/٣‏/٢٠٢٠ at 19:37, عادل أبوزيد said:

إسمحلي يا سيدي أن أختلف معك جملة و تفصيلا  لم يبعث الله نبيه محمد طبيبا  و حضرتك من رجال الأزهر  و أكيد تعرف في مسألة تأبير النخل  أنه قال للناس أنتم أدرى بشئون دنياكم ، و كل المرويات لمواجهة أمراض معينة - تدخل الآن - تحت باب  اللا علم أو الدجل و الشعوذة  و كلي ثقة أن كلامي هذا لا يمس إسلامي إلا بكل خير  ما سبق كان إستهلالا لابد منه

هناك طريق واحد واضح لمعالجة الأمراض و الأوبئة  ألا و هو الطب الحديث و كل ما يصل إليه العلم الحديث .... عندما إكتشفت وجود بؤرة سرطانية على الكبد - دون أي أعراض مرضية - كان العلاج المقترح من صديقي الدكتور مدحت خفاجي مدير معهد الأورام  سابقا هو الجراحة  و الرجل من أكبرأساطين جرحة الكبد و لكن إتضح أن هناك جديد في جراحات الكبد و أشارت علي الفاضلة جراندما  بما يسمى الأشعة التداخلية  و تم حقن البؤرة بالعلج الكيميائي في ثلاث ساعات - لي صديق مر بنفس الحالة من ثلاث سنوات و أجرى جراحة في ألميا و تم إستئصال فص من الكبد و إنتظر نموه لشهور ...  و الفارق هو ثلاث سنوات .... العلم يتقدم بسرعة  و يجب أن نلحق به و الإسلام لا ينهانا عن هذا

عشرة على عشرة هذا التعليق

لا دخل للرسول بالطب . لاحبة البركة ولا شويه ينسون ولا التهريج الى بنسمعوا من الشيوخ ده ينفع مع وباء عالمى . 

  • أعجبني 1
رابط المشاركه
شارك
37 دقائق مضت, فولان بن علان said:

 

موظف ف وزارة الصحة المصرية بيقول للي بيتريق وبيسخر من الوزارة وتعاملها مع المرض..

استحمل تمسك سماعة التليفون وتتصل بمواطن تبلغه نتيجة التحليل وتطلب منه يجهز في خلال ربع ساعه علشان يتنقل حالاً لمستشفى العزل علشان يتلقى الرعاية أولاً , ونمنع العدوى ثانيا..

المكالمة للأسف مجهولة إنت مش عارف مين هيرد عليك ولا ظروفه الإجتماعية والنفسية عاملة ازاي , ولا هو اصلا مرعوب من هوس الإعلام ولا واخد الموضوع هزار وقشطة..

مكالمات صعبه زي أم سكتت لمدة ١٠ ثواني وقالتلي بس والنبي في هدوء , مش عاوزة ولادي يتعرضوا للتنمر أو التريقة من الجيران وأب قالي طيب خليني للصبح حتى اشبع من ولادي وكأنه لا قدَّر الله بعد الشر مش هيشوفهم تاني..

واحدة تانيه عرفت من المكالمة معاها إنها حامل ومصابة , وطفل أمه صممت تتعزل معاه حتى لو هتتعدي..

زوجة مشلهاش من حضن جوزها اللى هيتعزل غير الطاقم اللي مسئول عن نقله , واخيراً اللي مسللِّم أمره لله ويرد يقولي طيب المستشفى فين وانا اجيلكم أسهل....

ناس حياتها بتقف وأكل عيشها بيتعطل ونفسيتها بتدمر , انت متخيل هزارك قصاد الكلام دا عامل ازاي !

يارب هوِّن على كل أسرة من دول غاب منها فرد لمدة ١٤ يوم سواء كان أم ولا أب ولا إبن , ويا عالم إذا كان هيرجع بيته تاني ولا لأ..

محدش يستهون باللي بيقوله ويعيده , اغسلوا ايديكم كل شوية وكافحوا العدوى من العطس والكحة..

حافظوا على نفسكم , صحتنا مسؤوليتنا كلنا مش مسؤولية دولة ولا وزارة بس..

أكبر الدول إتهزت من فيروس أصغر من حبة السكر , المرض مالوش كبير.. " إفهموا دا كويس "

بدل ما تنزِّل صورة سخرية وتهزيق في وزارة الصحة , نزِّل صور غسيل الأيدي ومكافحة العدوى , نزِّل معلومات عن الإرشادات والعزل المنزلي..

يا سيدي اهو منها علم وصدقة ومنها بتساعد في نشر الوعي والتوعية , على الأقل بتشجعنا وتقوينا إننا مش لوحدنا وموجود ف ضهرنا شعب بيحافظ على بلده..

احفظنا كلنا يارب ,ورجَّع باقي الناس لأسرهم وحياتهم سالمين متعافين يارب..

Copy

ربما تحتوي الصورة على: ‏‏شخص واحد‏، ‏‏وقوف‏‏‏
 
 
 

خلال 3 أيام فقط تبين إن محافظتنا موبوءة

رغم إن الحالات المعلنة لم تتعدى المئة

لكن عدد الحالات في ازدياد

الموظفين في المستشفى بقوا بيخافوا من الدكاترة

واحدة من الاداريات بتقول يحجزونا في المستشفى مش عايزين نروح البيت نعدى أولادنا

الماسكات والمطهرات أصبحت شحيحة وغالية في الصيدليات الخارجية

الحالات  المشتبه فيها بتتحول من الحميات والصدر عندنا عشان تعمل أشعة مقطعية

وبيعتمدوا عليها في التشخيص مع التحليل

وده بيزود الرعب في المستشفى

منتظريين نتيجة تحليل الزملاء هل هم حاملين للفيروس

مش قادر أرفض سلام الناس باليد

لكن با أحاول أوجه

مع كل كحة بدأت أشك في نفسي

بدأت أبعد عن البيت أطول فترة ممكنة

بأهل نفسي على الحجر لو طلب مني

كل الزملاء بيطالبوا بإيقاف العمل في العيادة الخارجية

وإيقاف الزيارة في المستشفى

وأي تجمع للمرضى

والاكتفاء بالطوارئ

يارب سلم

حيسلم ان شاء الله يا دكتور .. بس معلش موضوع السلام بالأيد مافيش اي احراج في الوضع اللي احنا فيه دلوقتي .. 

ربنا معاكم .. انتم اللي في الصفوف الأمامية  

 

  • أعجبني 1
رابط المشاركه
شارك
2 ساعات مضت, Scorpion said:

حيسلم ان شاء الله يا دكتور .. بس معلش موضوع السلام بالأيد مافيش اي احراج في الوضع اللي احنا فيه دلوقتي .. 

ربنا معاكم .. انتم اللي في الصفوف الأمامية  

 

لا سلام ولا احضان ولا بوس خالص يجماعة اليومين دول خالص  

رابط المشاركه
شارك
في ١٦‏/٣‏/٢٠٢٠ at 17:44, tarek hassan said:

 

ضحية كورونا من العائلة... ابن عم المدام من الدقهلية .. احمد علي عامر ٤٢ سنة ... ارسل ابنه لدراسة الطب في اوكرانيا... فعاد الابن محملا بالفيرس دون أن يدري ودون أن تظهر عليه الاعراض وظهرت الأعراض على الاب فتم وضع الاب والام والأولاد واثنين من الأصدقاء في الحجر الصحي وكانت النتائج إيجابية... وتوفي الاب لان مناعته اقل .... ودفن مغلفا بغير جنازة وبدون مشيعين... ومازالت العائلة تعالج في الحجر الصحي بالاسماعيلية .... رحم الله الفقيد واسكنه فسيح جناته

لا حول ولا قوة الا بالله 

البقاء لله أستاذ طارق .. ربنا يصبركم ويرحم الفقيد

لابد ان الأب كان  مصاب بأمراض أخرى قللت من مناعته 

تابعت الحوار  بينك وبين دكتور فلان .. هو مين فيكم الطبيب؟ !! 🙄😃

على أي حال ماتزعلوش العسل وحبة البركة فيهم شفاء للناس بس مش من كل الأمراض .. بعض الأمراض تحتاج تدخل طبي وجراحي عاجل . 

بيقولوا فايروس الكورونا وجدوله مصل في أمريكا و الصين .. العلمو نورون 😃

  • أعجبني 2
رابط المشاركه
شارك
7 ساعات مضت, فولان بن علان said:

خلال 3 أيام فقط تبين إن محافظتنا موبوءة

رغم إن الحالات المعلنة لم تتعدى المئة

لكن عدد الحالات في ازدياد

الموظفين في المستشفى بقوا بيخافوا من الدكاترة

واحدة من الاداريات بتقول يحجزونا في المستشفى مش عايزين نروح البيت نعدى أولادنا

الماسكات والمطهرات أصبحت شحيحة وغالية في الصيدليات الخارجية

الحالات  المشتبه فيها بتتحول من الحميات والصدر عندنا عشان تعمل أشعة مقطعية

وبيعتمدوا عليها في التشخيص مع التحليل

وده بيزود الرعب في المستشفى

منتظريين نتيجة تحليل الزملاء هل هم حاملين للفيروس

مش قادر أرفض سلام الناس باليد

لكن با أحاول أوجه

مع كل كحة بدأت أشك في نفسي

بدأت أبعد عن البيت أطول فترة ممكنة

بأهل نفسي على الحجر لو طلب مني

كل الزملاء بيطالبوا بإيقاف العمل في العيادة الخارجية

وإيقاف الزيارة في المستشفى

وأي تجمع للمرضى

والاكتفاء بالطوارئ

يارب سلم

ربنا يسترك ويحرسك يا دكتور اولا

ثانيا

بصفتك في وسط الوسط الصحي العلاجي المرضي في مصر

عايز رد مالوش اي علاقة بالايمانيات....رد علمي عملي حسب توقعك

الوضع بالنسبة لعدد الاصابات في مصر حتى الآن......في ازدياد كبير....ازدياد عادي...ازدياد ضعيف؟

توقعك للوضع خلال اسبوعين هيكون ازاي؟؟؟

مع عادات السلام والبوس والاحضان والعدد السكاني المتكدس......تفتكر ممكن لا قدر الله نشوف سيناريو ايطاليا؟ 

رابط المشاركه
شارك
8 ساعات مضت, MZohairy said:

ربنا يسترك ويحرسك يا دكتور اولا

ثانيا

بصفتك في وسط الوسط الصحي العلاجي المرضي في مصر

عايز رد مالوش اي علاقة بالايمانيات....رد علمي عملي حسب توقعك

الوضع بالنسبة لعدد الاصابات في مصر حتى الآن......في ازدياد كبير....ازدياد عادي...ازدياد ضعيف؟

توقعك للوضع خلال اسبوعين هيكون ازاي؟؟؟

مع عادات السلام والبوس والاحضان والعدد السكاني المتكدس......تفتكر ممكن لا قدر الله نشوف سيناريو ايطاليا؟ 

الله يبارك فيك يا فنان

الزيادة في الحالات الموثقة مش كبير

الوعي بيزيد عند الناس

وزارة الصحة بطور اداءها يوميا

النهاردة تعليمات بوجود فرز للحالات من بره سواء في العيادات الخارجية أو استقبال الطوارئ

تعزل الحالات المشتبه فيها في حجرة عزل من بابه قبل ما تدخل

تحديد حدود  الاشتباه في منشور وكيفية التصنيف وتوجيه الحالات

في محافظتنا مثلا لم ترصد حالة وفاة واحدة في الحالات المشخصة

حالة واحدة توفت فيها جدال بين التشخيص بالتحليل سلبي والتشخيص الاشعاعي احتمال كبير

المستشفى بشكل عام الناس قلت فيها جدا سواء في الاستقبال أو العيادات الخارجية

الزيارة للمرضى في الداخلي ممنوعة  وده شئ جيد جدا

اليوم منعت أم من الدخول مع بنتها اللي ها تولد

ووصلت للادارة وقيل لها لو مش عاجبك روحي قدمي شكوى

عقبة الامكانيات وتوفير الماسكات وأدوات التطهير موجودة

دخول المجتمع المدني طرف في الجهد المبذول

الشباب على النت عاملين شغل هايل في التوجيه والمشاركة

لحد كبير عادات البوس والأحضان تناقصت لكن السلام بالأيدي مازال  موجود (تعود مش أكتر)

الابواب والشبابيك والكراسي والمكاتب تطهر كل شوية

سيارات الميكروباص ستقوم المحافظة بتطهيرها اليوم

 الغاء  رحلات الطيران ابتداء من يوم الخميس القادم ها يفرق كتير جدا

الحالات المشخصة لناس جاية من بره وعدت أهلها وما حولها

في بلقاس بالذات بيسموها يوهان المصرية

 

لو استمرينا في زيادة الوعي والاصرار والانضباط والشفافية في المعلومات ان شاء الله ها نسيطر على الوضع

 

 

 

 

  • أعجبني 2
رابط المشاركه
شارك

الصين: دواء ياباني فعال ضد كورونا ونحن بصدد اعتماده

آخر تحديث: الأربعاء 23 رجب 1441 هـ - 18 مارس 2020 KSA 12:15 - GMT 09:15
تارخ النشر: الأربعاء 23 رجب 1441 هـ - 18 مارس 2020 KSA 11:52 - GMT 08:52
المصدر: دبي - العربية.نت
3353bddf-f0e5-46e1-8311-cc123f1c227d_16x(أرشيفية)
رابط مختصر 

أعلنت الصين أنها بصدد اعتماد عقار "فافيبيرافير" الياباني بعد أن أظهر فعالية سريرية جيدة ضد المرض الناجم عن كورونا المستجد (كوفيد-19)، على أن يتم البدء باستخدامه في أقرب فرصة.

ووفقا لما ذكرته وسائل إعلام صينية الثلاثاء أكملت الصين البحث السريري لدواء "فافيبيرافير"، وهو عقار مضاد للفيروسات أظهر فعالية سريرية جيدة ضد مرض فيروس كورونا الجديد (كوفيد-19).

 
دواء ياباني

وقال تشانغ شين مين مدير المركز الوطني الصيني لتطوير التكنولوجيا الحيوية التابع لوزارة العلوم والتكنولوجيا في مؤتمر صحفي، إن عقار فافيبيرافير، الذي يعد دواء إنفلونزا تم اعتماده للاستخدام السريري في اليابان في عام 2014، لم يظهر أي ردود فعل سلبية واضحة في التجربة السريرية.

وشارك أكثر من 80 مريضا في التجربة السريرية في مستشفى الشعب الثالث في شنتشن بمقاطعة قوانغدونغ جنوب الصين، بما في ذلك 35 مريضا تعاطوا فافيبيرافير و45 مريضا في مجموعة لم تتعاطاه.

إنتاج الدواء

وأظهرت النتائج أن المرضى الذين تلقوا علاج فافيبيرافير أصبحوا سلبيين للفيروس في وقت أقصر مقارنة مع المرضى في المجموعة الثانية.

واقترحت أيضا دراسة سريرية عشوائية متعددة المراكز بقيادة مستشفى تشونغنان التابع لجامعة ووهان، أن التأثير العلاجي لـ "فافيبيرافير" أفضل بكثير من تأثير المجموعة المرجعية.

من ووهان الصينية (أرشيفية- فرانس برس)من ووهان الصينية (أرشيفية- فرانس برس)

وقال تشانغ إنه تم التوصية بـ"فافيبيرافير" لفرق العلاج الطبي ويجب إدراجه في خطة التشخيص والعلاج لـ (كوفيد-19) في أسرع وقت ممكن.

وأضاف تشانغ أن إدارة المنتجات الطبية الصينية وافقت على شركة أدوية صينية لإنتاج الدواء بكميات كبيرة وضمان استقرار العرض.

رابط المشاركه
شارك

اليكم خبر يدعو للتفاؤل

مسنة إيرانية عمرها 102 سنة تتعافى من فيروس كورونا وترفع لافتة مكتوبة عليها هـزمت كورونا وإن شاء الله ستتغلب الإنسانية كلها على هذا الوباء بالابتعاد عن أهل التهويل والهلع والتزمت بالنصائح الوقائية بغسل اليدين وعدم المصافحة وعدم لمس الوجه

ETZHDeVWkAIfzFe?format=jpg&name=small

  • أعجبني 1
رابط المشاركه
شارك
43 دقائق مضت, عطعوط said:

اليكم خبر يدعو للتفاؤل

مسنة إيرانية عمرها 102 سنة تتعافى من فيروس كورونا وترفع لافتة مكتوبة عليها هـزمت كورونا وإن شاء الله ستتغلب الإنسانية كلها على هذا الوباء بالابتعاد عن أهل التهويل والهلع والتزمت بالنصائح الوقائية بغسل اليدين وعدم المصافحة وعدم لمس الوجه

ETZHDeVWkAIfzFe?format=jpg&name=small

ما شاء الله اديني عمر وارميني في البحر

2010142138__.thumb.jpg.07444f482890affe4423006aa6e86ad6.jpg

مفيش حاجه متروكة للعشوائية 

  • أعجبني 1
رابط المشاركه
شارك
2 ساعات مضت, عطعوط said:

اليكم خبر يدعو للتفاؤل

مسنة إيرانية عمرها 102 سنة تتعافى من فيروس كورونا وترفع لافتة مكتوبة عليها هـزمت كورونا وإن شاء الله ستتغلب الإنسانية كلها على هذا الوباء بالابتعاد عن أهل التهويل والهلع والتزمت بالنصائح الوقائية بغسل اليدين وعدم المصافحة وعدم لمس الوجه

 

نسبة الشفاء عالية جدا بحمد الله من هذا الفيروس

لكنه سريع الانتشار والعدوى بشكل لم يحدث مع غيره من قبل

ونسبة الوفيات القليلة مع العدد الكبير من نسب العدوى يصبح رقم كبير

الاجراءات الوقائية ليست تهويل ولا هلع هي لحماية الناس من العدوى

وإن شاء الله سينتهى هذا الوباء

  • أعجبني 1
رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • بشائر الخير في القضاء على كورونا

      خمس لقاحات ثبت نجاحها ، لقاح فايزر الذى تم إعتماده هو ناجح بنسبة ٩٠% أو أكثر عيبه إنه يحتاج درجة حرارة ٧٠ درجة تحت الصفر و بالتالي تكاليف مرتفعة للتعامل معه. تم الإعلان عن نجاح لقاح أكسفورد و تكلفته ..... إمسك أنفاسك.... أربع دولارات للجرعة و لا يحتاج لإجراءات خاصة للتخزين أو التداول  تم الإعلان عن النية لعدم التربح من هذا اللقاح. و بالنسبة لمصر و نسب إنتشار الوباء في مصر صرحت مندوبة منظمة الصحة العالمية في مصر أن نقص اللإصابات في مصر  ربما يرجع  أننا في مصر نطبق نظام التطعيم الإجباري

      في  فى الثقافة و العلم

    • كيس عطارة ب ٥٠٠ جنيه لعلاج كورونا

      من البداية ظننت الخير في المواطن المصري العادي فيما يتعلق بمواجهة كورونا و عدم ظهور هلاوس طبية في مصر ما سبق كان إستهلالا لابد منه مع زيادة الزخم الإعلامي للتحذير من المرض  و شرح ممل لمتطلبات العزل المنزلي  التي تتجاهل تماما متوسطي الحال و معدومي الحال بدأنا بطريقة لا شعورية نتجاهل ما يبثه الإعلام عن كورونا. أمس فاجأنا السيد وائل الإبراشي بموضوع غريب عن  كيس عطارة ثمنه ٥٠٠ جنيه لعلاج الكورونا  و إستحضر عددا من الأطباء و غيرهم  و لوك لوك لوك  عن أن كل الدواء تقر يبا مستخرج من الأعش

      في  فى الثقافة و العلم

    • هلاوس علاج كورونا في مصر … مصيبة كبيرة

      نحن معزولين عما يتم في الشارع و في القرى و مفروض دور الاعلان أن يرينا ما يجري ؛ ليس فقط بل على الإعلام أن يفضح الدنيا  و يترجم ما يجري على الأرض إلى رسائل قوية  تصل إلى القيادة السياسية بحثت اليوم عن حوار وائل الإبراشي  مع الشيح محمد  مخترع علاج للكورونا من سبعة أعشاب و تعالج تقريبا كل ما يخطر على بالك من أمراض و ذلك مستمد من القرآن … هذا الحوار تم أمس  و في بحثي اليوم  وجدت العشرات من حوارات وائل الإبراشي حول العلج بالأعشاب إحترسوا … قاطرة التنوير تتراجع إلى الخلف  

      في  فى الثقافة و العلم

    • رسالتي للأزهر والأوقاف... عن صيغة الأذان الجديدة ... وصلاة الجمعة ... ودور الخطباء والوعاظ في أزمة وباء كورونا

      اقتراح بسبب الظروف الراهنة و حال وزارة الاوقاف التي تعطلت مساجدها بسبب كورورنا وعدم وجود عمل دعوي لخطبائها الان  استهل كلامي بمثال ... في وزارة التربية والتعليم والأزهر  الشريف ..... حولا كورونا من نقمة لنعمة في أمور كثيرة منها  منها ..تفعيل التعليم عن بعد ... بنك الأسئلة.... المنصات التعليمية .... التعلم الذاتي.... الوسائط التعليمية .... الأخذ بالتكنولوجيا في التعليم...... نظم جديدة بديلة للامتحان .... التعليم التعاوني ... تفعيل التحول الرقمي ... المدرسة الالكترونية .... التواصل بين المدرسة

      في موضوعات جادة

    • كورونا يفرض ثورة التغيير … بقلم منير مطاوع

      خارج الحدود    كورونا يفرض ثورة التغيير  الخميس 13 أغسطس 2020    كتب  لندن: منير مطاوع   تغييرات شاملة ستشهدها ملامح الحياة اليومية بسبب فيروس كورونا.. فى العمل والتعليم والعلاج.. وغيرها، فالحياة بعد ظهور وتفشى الوباء تختلف عنها قبل ذلك.  ولنأخذ مثلًا أحد ملامح الحياة العادية التى فرضت عليها ظروف التباعد الاج

      في مختارات من الصحف


×
×
  • اضف...