اذهب الي المحتوي
عبير يونس

يعني ايه وطن؟ محاولة لرؤية " المواطنة " و "الغربة" و" الهجرة" بوعي أعلى

Recommended Posts

كواحدة قضت معظم حياتها مغتربة
مع الوالدين ثم مع زوج وابناء
دايما كنت بأدور على الوطن الغائب عني
كل حد اتغرب وحس يعني ايه غربة بيدور على كيان ينتمي له
حتى لو كان كيان افتراضي في فضاء الانترنت
المحاورات هنا كانت الكيان ده

على مدى سنوات تجاوزت العشرة بقليل
المكان هنا غير كتير في مفهومي للعديد من القيم
قيمة الوطن مصاحبة لشعور الانتماء
الجذر أو القبيلة
الانتماء لأشباهك
ماتحسش وسطهم انك غريب

يمكن كنت محظوظة ان تواجدي في السعودية ماكانش اغتراب كبير للتشابه إلى حد كبير ما بين إقليم الحجاز وبين عندنا في مصر

وكتير منهم كانوا ولا زالوا يعتبروني واحدة منهم
لكن برضه كان في دايما غصة أنني لا انتمي...
لما دخلت هنا اخترت يكون اسمي "مصرية متغربة"
وبعد فترة ونس ودفا  قررت اظهر باسمي الحقيقي لأني حسيت اني في مكاني وبيتي

كتير وأنا منهم أطلقنا على المكان ده " بيت العيلة "
وهو الوطن ايه غير عيلة كبيرة أنا  وانت وانتي أفراد فيها

وده أول خيط

الانتماء حق قبل ما يترتب عليه واجبات

في أي مجتمع صغير بوسعك عيش تجربة المواطنة

مواطن في أسرتك

مواطن في عيلتك
 

مواطن في العمارة اللي ساكن فيها

مواطن في الشارع اللي فيه عمارتك

مواطن في الحي اللي يتبعه الشارع بتاعك

مواطن في المدينة اللي انت فيها

مواطن في المحافظة اللي فيها مدينتك

ومواطن في الدولة اللي انت عايش فيها

مواطن في عملك كمهنة يعني لو كنت مدرس فانت مواطن في مهنة التدريس

ولو بتشتغل في مدرسة فانت مواطن في المدرسة دي

ولو طبيب فانت مواطن في مهنة الطب

ومواطن في المستشفى أو العيادة أو المركز الطبي اللي بتشتغل فيه
وهكذا..
 

الفعل يستوطن يعني يبحث عن وطن ليعيش فيه..
المرض يستوطن الجسد
ودي لها قصة تانية

أعضاء الجسد مواطنين داخله من أكبر عضو لأصغر خلية

حتى الغرزة داخل نسيج ، وجودها بداخله يعتبر شكل من أشكال المواطنة


الفكرة انتماء لمجموعة داخل مكان

لما بيزرعوا قلب أو كلية أو أسنان ،لازم العضو ينسجم في الوطن الجديد والا لا تنجح الزراعة
الانسجام في مكان داخل مجموعة قد يصل لانتماء
 

الانتماء أيضا ضروري للعلاقات الإنسانية طويلة المدى...

وللحديث بقية

شارك هذه المشاركه


رابط المشاركه
شارك
16 ساعات مضت, Guest محاور said:

ازيك يا عبير

انتى قلعتى الحجاب امتى؟

تصدقى زعلت؟ خسارة والله

ازيك انت يا ابو عمر
انت لسه مع الجماعة اياهم؟
ربنا يتوب عليك وتفوق ان شاء الله من التطرف
في أمل ان شاء الله
كتير كانوا زيك كده وربنا نور طريقهم الحمد لله
قول لي بقى
انت هنا في الموضوع ده عشان الوطن والا الغربة والا الهجرة؟

شارك هذه المشاركه


رابط المشاركه
شارك

الغربة

كلمة مطاطة اوي وتحوي الكثير من الشجون
وخلينا نسأل الاول يعني ايه غربة؟
وهل هي مكانية و الا زمانية و الا في العلاقات بالناس؟
الشعور بالاغتراب قد يكون كل ما سبق
 لما تروح بيت جديد
لما تشتغل في مكان جديد
لما تغير مجال شغلك وتعمل career shift
لما تغير حتى مكان مكتبك وانت في نفس الشغل
الاغتراب مرتبط بالتغيير
ترك المعتاد والمألوف لحاجة غير معتادة و غير مألوفة
بعد تجارب عديدة عرفت ان الشعور بالاغتراب علامة قوية على بداية رحلة التغيير
وانه شعور صحي جدا بيرشدنا ان احنا غادرنا منطقة الأمان  the comfort zone

الشعور المعاكس للاغتراب هو الحنين
في حالة اسمها Homesickness
بتخللي الناس يحزنوا لما يبعدوا عن الوطن
والوطن هنا بمعنى البيئة المعتادة والمألوفة
ويعتبروا البيئة الجديدة "غربة"

يعني" الوطن" مكان وزمان وناس مع بعض بنرتاح معاهم وفي وجودهم وبنحزن لما بنسيبهم؟
والبيئة اللي ينقصها عنصر من العناصر دي تبقى "غربة"؟
اذن
تغيير البيئة = اغتراب

طيب الهجرة هنا وضعها ايه؟
امتى بناخد قرار بالهجرة؟

وامتى تبقى قرار وامتى تبقى اضطرار؟

وللحديث بقية ...

شارك هذه المشاركه


رابط المشاركه
شارك
Guest محاور

أبو عمر مين؟ لأ انا مش أبو عمر خالص ههههههههه

انا أحمد 🙂

كنت مشترك هنا بإسم mysusername و بعدين اشتركت بإسم محاور بعدها بكذا سنة

و اول مرة دخلت المنتدى كانت فى اكتوبر 2009 علشان الهجرة لكندا.... أظن كده انا مش مع الجماعة اياهم نوهائى يا بيرو.

شارك هذه المشاركه


رابط المشاركه
شارك
12 ساعات مضت, Guest محاور said:

أبو عمر مين؟ لأ انا مش أبو عمر خالص ههههههههه

انا أحمد 🙂

كنت مشترك هنا بإسم mysusername و بعدين اشتركت بإسم محاور بعدها بكذا سنة

و اول مرة دخلت المنتدى كانت فى اكتوبر 2009 علشان الهجرة لكندا.... أظن كده انا مش مع الجماعة اياهم نوهائى يا بيرو.

مع اعتراضي ان حضرتك تناديني "بيرو"  وانا لا اعرف حضرتك شخصيا 
اعتقدت ان حضرتك ابو عمر لأنه هو الوحيد اللي تجرأ يقول لي يا عبير بدون لقب مدام أو أستاذة، على سبيل الاستخفاف وعدم إبداء احترام
عموما يا أستاذ احمد
توقيعات حضرتك في المنتدى بالعضويتين اللي ذكرتهم:
myusername
و محاور
فيهم كل الميل للجماعة إياهم
و عموما بالنسبة لخلع الحجاب،  اللي هو بالمناسبة مالكش انك تتكلم فيه معايا  بشكل شخصي ، انتظر موضوع عنه بمشيئة الله و حابقى انتظر مشاركات حضرتك فيه بإذن الله

ونرجع لما يخص الموضوع هنا
حضرتك بقى تحب تقول ايه عن الوطن والغربة والهجرة

شارك هذه المشاركه


رابط المشاركه
شارك
في ٢١‏/١٠‏/٢٠١٩ at 15:19, Guest محاور said:

ازيك يا عبير

انتى قلعتى الحجاب امتى؟

تصدقى زعلت؟ خسارة والله

ازيك يا محاور 

ليه يا راجل داخل كزائر مش لك حساب برضه في المنتدى تقدر تشارك بيه على ما اذكر

عموما دا متاح لك كعضو أو زائر

بعكس قناعاتي القديمة والمتخلفة اقدر اقولك ان ظهور العضو ( رجلا كان أو سيدة ) باسمه الحقيقي شجاعة يحسد عليها وتحمل للمسؤولية بلا أدنى خوف

وكمان اعتبر أنه ليس لي ان أتدخل ولست مأمور بان اعلق على مظهر أحد او على الشكليات .... انا فقط مأمور  اغض بصري فيما اعتقد انه حرم علي النظر اليه.... كما عبر القرآن قل للمؤمنين يغضوا من ابصارهم 

قناعات الناس بتختلف هناك من يعتقد بالنقاب

وهناك من يعتقد بالخمار

وهناك من يعتقد بعدم فرضية هذا ولا ذاك ... وانا منهم 

وطبعا الحرية كل الحرية للشخص نفسه ولا وصاية عليه من أحد 

طبعا انت متعرفش الخيرية فين والافضلية لمين عند ربنا

طبعا احنا خرجنا عن الموضوع الأصلي اللي هو يعني ايه وطن 

بس هقول لو مكان يعيش فيه كل واحد في أمن وسلامة يبقى وطن مثالي

اتمنى الوطن اللي اعيش فيه المسيحي يعيش فيه بحرية دينية والمرأة تعيش بدون تدخلات أو وصايات أو سفالات

ربنا يهدينا للحق  

 

 

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • CNN :لا سكر يعني لا زواج.. تعرف إلى تقليد الزواج الفريد من نوعه بأذربيجان

      قد يكون تقليد الزواج هذا من أكثر التقاليد إثارةً للاهتمام في أذربيجان. وفيه، يوضع السكر في الشاي كرمز للموافقة على الزواج. ويرمز ذلك إلى اتحاد عائلتين، بينما ترمز حلاوة المشروب إلى المستقبل "الحلو" الذي ينتظر العروس والعريس. View the full article

      في أخبار العالم - world news

    • سؤال عن الهجرة لكندا من تركيا

      السلام عليكم, أنا عضو جديد معكم من سورية أنا مقيم بتركيا وعملت اختبار الأهلية وطلعت مقبول الحمد لله (في حال جبت علامة الآيلتس اللي بظن إن شاء الله بجيبها), وعندي كم سؤال بتمنى من حضراتكن الإفادة. أول شي اختبار الأيلتس اللي حأعملو هو الجينيرال بس كون كندا تابعة لبريطانيا لازم يكون أيلتس تبع الفيزا لبريطانيا ولا هاد مقبول؟ وكمان إذا حجزت أكتر من واحد وأخذت علامة مناسبة بأول واحد فيني أسترد مصاريي للبقية؟ في شخص قلي هيك. ثاني سؤال.. بالنسبة لشهادة الخبرة في مثال عليها؟ ث

      في الحياة و الهجرة إلى كندا life and immigration to Canada

    • المواطنة وثقافة الشكوى

      يمكن أنا كنت من اكتر الناس سوداوية و شكوى من نوع الفضفضة وشايفة مفيش فايدة ده كان قبل دخولي  هنا من 11 سنىة بحثا عن هجرة في باب الهجرة لكندا اتسحبت هنا وبقى مكاني وصومعتي وبيتي الكبير " بيت العيلة" هنا اتعلمت ان في حاجة اسمها قنوات الشكوى "مكتوبة في قواعد المشاركة" اللي اغلب الاعضاء لا يقرأوها بكل أسف وياما ناس محترمين اوي اصطدموا بالادارة وطاقم الاشراف عشان القواعد دي بيبقوا مش شايفين انهم عملوا ما يخالف ومش بياخدوا 5 دقائق لمراجعة قواعد المشاركة.. ده كان سبب شائع ليه الناس بتغ

      في موضوعات جادة

    • وظيفة حكومية ام الغربة

      السلام عليكم ورحمة الله وبركاته    انا في حيرة من امرى ... شغال ف السعودية بقالي سنتين ونصف ف شركة مقاولات مهندس كهرباء راتبي 4500 غير البدلات وقدمت ف شركة الكهرباء ف مصر وحددولي موعد مقابلة    محتاج راي حضراتكم هل اترك الشركة ف السعودية واشتغل ف مصر  ولا السعودية افضل ؟ انا ف حيرة من امرى جدا  ياريت تفيدونا بخبرتكم وجزاكم الله خيرا

      في موضوعات شخصية

    • انا عايز ادرس ملاحة بحرية يعني ابقي قبطان

      انا عايز ادرس ملاحة بحرية يعني ابقي قبطان .. بس الناس قلقاني جدا وتقول مفيش شغل وكده  وانهي افضل اكاديمية .. والاكاديمية البحرية اللي باسكندرية دي بتخرج ظابط بحري بيشتغل باي دولة او شركة بالعالم ..ولا الدول والشركات العربية فقط 

      في التعليم و العمل - education & employment issues

×
×
  • اضف...