اذهب الي المحتوي
ArabHosters
MZohairy

القمع الفكري ...مبرر احيانا!!

Recommended Posts

انا من الناس اللي بتتفرج على احمد موسى و معتز مطر (رغم احتقاري لكلاهما) علشان اعرف احلل و افلتر واوصل الى اقرب مايمكن للحقايق


لذلك لما بلاقي واحد مش من المؤيدين و بيقول كلام بتاع واحد فاهم بيقول ايه ...وايجابي في نفس الوقت...فورا بعرف ان كلامه مؤشر ايجابي وحقيقي
 

و الغريب اني شوفت شخصيا حوالي 5 امثلة للنوعية غير المؤيدة والمشيرة الى ايجابيات في مصر...بعض هذه النوعية كان شديد المعارضة من 3 سنين

ده اولا
بالنسبة لاتاحة حرية التعبير عن الرأي...صعب جدا يحصل تغيير لسببين


الشخصيات العسكرية صعب قوي تفهم فكرة حرية التعبير....و دي مش غباوة...لكنها نتيجة نشأة و ثقافة وتربية وعمر طويل


السبب التاني وهو الأهم في رأيي


ان المعارض لما يسمي بسم الله ويصطبح ويطلع يقول يسقط حكم العسكر ويسقط النظام وش كده.....مابيديش فرصة لخصمه انه يتغير او يغير.....ده مابيديش حتى فرصة للحوار اصلا!!!! ضيف على كده انك لو اتحت فرصة التعبير بالطريقة دي للمصريين.....هتلاقي كل السرسجية طالعين مع بعض كل يوم يقولوا يسقط النظام و هتبقى خيبة تقيله


ده طبعا غير قوافل الاسلاميين اللي هتطلع معاهم تقول لا اله الا الله السيسي عدو الله 🙂



لذلك فالقمع الفكري التعبيري هنا مبرر رغم رفضي له كفكرة....لتفاهة وحماقة فكر المعارضين ....ده لو كان عندهم فكر

 

بونجور ياولاد

شارك هذه المشاركه


رابط المشاركه
شارك

اتفق معك

واسمح لي باضافة بسيطة
هو ليس قمعا بقدر ما هو قطع الطريق على " الهري" اللي لا بيودي ولا بيجيب
مش كل وقت نتكلم
خصوصا لو في انقاذ لحالات طارئة
تخيل لو الطبيب ساب المصاب وسمع لكلامنا؟؟ هل لو أشار لنا نخرج برة ونسيبه يشتغل، هل ده يتم تصنيفه "اعتداء" على حرية الرأي؟

شارك هذه المشاركه


رابط المشاركه
شارك
18 ساعات مضت, عبير يونس said:

اتفق معك

واسمح لي باضافة بسيطة
هو ليس قمعا بقدر ما هو قطع الطريق على " الهري" اللي لا بيودي ولا بيجيب
مش كل وقت نتكلم
خصوصا لو في انقاذ لحالات طارئة
تخيل لو الطبيب ساب المصاب وسمع لكلامنا؟؟ هل لو أشار لنا نخرج برة ونسيبه يشتغل، هل ده يتم تصنيفه "اعتداء" على حرية الرأي؟

انا كمان متفق معاكي

لكن هنا هتلاقي سؤال مهم قوي بيطرح نفسه

اكيد مش كل وقت نتكلم

لكن......

امتى نقدر نتكلم؟ و مين اللي مفروض يتكلم؟ ولما يتكلم ...يتكلم ازاي؟

ثورة 2011 خلت تلاميذ الفصل بيتكلموا كلهم في وقت واحد و يشوشروا على بعض و على المدرس...واحيانا كثيرة بقلة أدب

و ضيعت الحق على التلميذ الملتزم المحترم انه يسأل سؤال مهم و بأدب يستفيد منه كل التلاميذ

فاضطر المدرس انه يمنع الكل من الكلام.....لمنع الفوضى

وقد يصف المعتدلون هذا الفعل بالقمع......والحقيقة ان تكميم كل الأفواه فعلا قمع

لكن المشكلة ان مفيش حل تالت....لما بتديلهم حق الكلام تنقلب لفوضى فورا

 

وبالتالي....القمع افضل من الفوضى......للأسف

 

شارك هذه المشاركه


رابط المشاركه
شارك

اتفق بقوة
الفوضى والشوشرة ملهمش حل غير كده
واثناء الفوضى، على العاقل أن يلتزم الصمت حتى يظهر المشاغب بوضوح ولا يتوه وسط الزحام

شارك هذه المشاركه


رابط المشاركه
شارك

الخوف بس ان التزام الصمت يتحول الى عادة للتلميذ و حق مكتسب للأستاذ عبر الزمن

و يتم منع الحق للأبد

مالهاش حل .....خسارة

شارك هذه المشاركه


رابط المشاركه
شارك
في ٤‏/١٠‏/٢٠١٩ at 12:34, MZohairy said:

الخوف بس ان التزام الصمت يتحول الى عادة للتلميذ و حق مكتسب للأستاذ عبر الزمن

و يتم منع الحق للأبد

مالهاش حل .....خسارة

او ان الصمت يتحول إلى مشاركة وفعل اللي همة أهم من الكلام
وعلى راي شادية لما قالت: الكلام مش وقته خالص
العمل هو المفيد
جايز نقدر بعد 35 سنة من الغنوة دي نوصل يوما ما ان مصر تبقى في عيد

شارك هذه المشاركه


رابط المشاركه
شارك

مش عارف يا عبير.....

انا عارف ان شعبنا كتير منه كسول ومتواكل

بس انا بتكلم على المريض اللي مش قادر يتعالج

والفقير اللي مش قادر يتجوز او يسكن او ياكل زي الناس

او المتخرج بتقدير عالي و الواسطه خلته مايلاقيش فرصته

او اللي بيتهزأ في قسم الشرطة

او اي مظلوم عموما.........

كل دول محتاجين يتكلموا ويفضفضوا و يعبروا عن ضيقهم

ولو قولنا ان عدد الناس دي بعشرات الملايين

يبقى رجعنا لنقطة الصفر تاني

 

ازاي نتكلم و امتى نتكلم من غير فوضى ولا قمع؟؟؟؟؟؟؟؟

تم تعديل بواسطة MZohairy

شارك هذه المشاركه


رابط المشاركه
شارك
4 ساعات مضت, MZohairy said:

مش عارف يا عبير.....

انا عارف ان شعبنا كتير منه كسول ومتواكل

بس انا بتكلم على المريض اللي مش قادر يتعالج

والفقير اللي مش قادر يتجوز او يسكن او ياكل زي الناس

او المتخرج بتقدير عالي و الواسطه خلته مايلاقيش فرصته

او اللي بيتهزأ في قسم الشرطة

او اي مظلوم عموما.........

كل دول محتاجين يتكلموا ويفضفضوا و يعبروا عن ضيقهم

ولو قولنا ان عدد الناس دي بعشرات الملايين

يبقى رجعنا لنقطة الصفر تاني

 

ازاي نتكلم و امتى نتكلم من غير فوضى ولا قمع؟؟؟؟؟؟؟؟

صدقني الكلام لو مش حايحل بجد ملوش اي لزمة
الفضفضة دي لما بتوصل مرحلة " الهري"، بتؤذي اللي بيقوم بيها
انا لا اؤمن ان الظروف هي السبب في الفقر
الفقر فقر دماغ
التعاطف مع الفقراء والمظلومين لا يؤدي الا لشيء واحد فقط
هو ان المتعاطف حياخد نصيب من الفقر والظلم ده
مش معنى كده نبقى بدون قلب
لكن اذا مش حتساعد يبقى امشي فورا وما تبصش عليهم  حتى
يا تقدم حاجة يا تجري بعيد عنهم
تعرف ان كتييييير جدا من اللي بيهروا ليل ونهار ان مفيش شغل ، لما حد بيقدم لهم فرصة بيتبغددوا ويتشرطوا!!
همة مش كدابين
همة فعلا مش لاقيين الشغل اللي همة عايزينه
شغل بمواصفاتهم والا بلاش
الفقير والمظلوم عايشين دور ضحية ومحتاجين يشفوا عشان يبقوا طبيعيين
وطول ما حد بيعيش دور ضحية كل ما بيجذب "مضطهد" يذيقه المر والهوان والظلم
الدولة بقى تعمل ايه في ده؟
قرار التشافي قرار شخصي لا يتم فرضه على أحد وفي ناس كتير الفقر والظلم بالنسبة لهم  "منطقة أمان"   بكل أسف مش حابين يطلعوا منها
في حاجات فعلا الدولة مسؤولة توفرها ومينفعش تتعمل بمجهودات شخصية زي البنية التحتية والمرافق  العامة و كل المشروعات الكبيرة على مستوى الدولة
وفي حاجات بتبقى مسؤولية المواطن عن نفسه وقرارته هو لتحسين حياته الشخصية
بجد مش من الانصاف نحمل الدولة أمراضنا النفسية
في مسؤوليات لازم نتحملها معاها
مسؤولية نفسك مش كبيرة أعتقد

ولا شايف ايه؟؟
 

شارك هذه المشاركه


رابط المشاركه
شارك

انا شايف ان الكلام رغم فحشه وهمجيته الا انه جاب نتيجة كبيرة جداااا!!!!

رجوع 1,800,000 بطاقة تموين  للعائلات المصرية 

التحول الدرامي للإعلام المصري من التأييد الأعمى..... الى البدأ في النقد و مهاجمة الوزراء و المسئولين.....احمد موسى بقى ينتقد الحكومة!!!!!!!!  🙂

تحول الخطاب الرئاسي الى الوعد بالاصلاح الفوري في احوال الفقراء....بدلا من اصبروا عليا ستة شهور او سنتين اوووووووووووووو

و تأكدي انه هيحصل حاجات تانيه في صالح المصري الفقير

كل ده حصل (فجأة) بعد الاحداث الأخيرة....و اي نفي لعلاقة ذلك بالاحداث هيبقى تضييع وقت

كنت اتمنى ان ده يحصل من غير احداث تفرض على النظام حدوثه

لكن المهم انه حصل....وحصل نتيجة اعتراض او معارضة

و دي فايدة المعارضة (الحقيقية في اي مكان في العالم)

تم تعديل بواسطة MZohairy

شارك هذه المشاركه


رابط المشاركه
شارك
منذ ساعة, MZohairy said:

انا شايف ان الكلام رغم فحشه وهمجيته الا انه جاب نتيجة كبيرة جداااا!!!!

رجوع 1,800,000 بطاقة تموين  للعائلات المصرية 

التحول الدرامي للإعلام المصري من التأييد الأعمى..... الى البدأ في النقد و مهاجمة الوزراء و المسئولين.....احمد موسى بقى ينتقد الحكومة!!!!!!!!  🙂

تحول الخطاب الرئاسي الى الوعد بالاصلاح الفوري في احوال الفقراء....بدلا من اصبروا عليا ستة شهور او سنتين اوووووووووووووو

و تأكدي انه هيحصل حاجات تانيه في صالح المصري الفقير

كل ده حصل (فجأة) بعد الاحداث الأخيرة....و اي نفي لعلاقة ذلك بالاحداث هيبقى تضييع وقت

كنت اتمنى ان ده يحصل من غير احداث تفرض على النظام حدوثه

لكن المهم انه حصل....وحصل نتيجة اعتراض او معارضة

و دي فايدة المعارضة (الحقيقية في اي مكان في العالم)

بغض النظر عن احمد موسى وانا شخصيا مش باتابعه أصلا
ورغم اني من الطبقة المتوسطة اللي بتعافر

كنت  ولازلت مع كل قرارات سحب الدعم خصوصا من غير مستحقيه
السحب التدريجي للدعم ظهر للمواطنين على انه غلاء أسعار
والحقيقة اننا بقينا ناخد السلع بسعرها اللي شبه حقيقي
وحتى لسه مش حقيقي لحد ما يتم رفع الدعم بالكامل

بطاقات التموين كانت في ايد أسر دخلها الشهري 10 الاف و15 ألف!!
وكان صح ان وزارة التموين تغربل ده
كون في بطايق رجعت فده مش شايفاه رد فعل خوف من الجماهير
بل الأولى فالأقل أولوية
يعني اللي دخلهم تحت 1200 ج كانوا أولى بالتموين ممن دخلهم أعلى من 1200
رغم ان ال 1200 برضه مش دخل كبير
وبرضه لا يكفي أسرة
لكن بمبدأ "الأهم" ف "المهم" يقتضي الغربلة اللي حصلت

انا بشوف اللي حصل دلوقت مرحلة تانية للي بدأ فيه قبل كده
وملوش علاقة بالتهديدات

ولو وافقنا ان النظام خاف وده رد فعله فدي كارثة ومش حاجة كويسة ابدا
وكلامنا كمثقفين في ده
بيعطي تقرير واضح
ان النظام ملوش رؤية ولا خطة
و ان الفوضى بتخوف وان الفوضي تكسب!!

شارك هذه المشاركه


رابط المشاركه
شارك

اقولك رأيي

اي انكار لحدوث رد فعل شديد الوضوح من النظام واعلامه لاسترضاء المواطن....زي ماقولتلك تضييع وقت

وبصرف النظر عما اذا كان رد فعله التراجعي لاسترضاء الناس ده...... (اعلاميا واقتصاديا) ....ذو جدوى وحكمة من عدمه....صح ولا غلط.....الا انه حصل و في توقيت زمني بعد الاحداث مباشرة بحيث مستحيل نقدر نفصل بينه وبينها

لكن......

اي نظام ممكن يسمح لعبد العاطي بتاع الكوفته انه يطلع على الاعلام وواخد رتبة لواء و يقول الكلام الكارثي اللي قاله ده....فده بالتأكيد نظام معيب

اي نظام يسمح لأحمد موسى (بتاع فيديوهات البلاي ستيشن اللي افتكرها فيلم لبطولات الجيش الروسي) انه يمثله ويدافع عنه ويتحدث بلسانه....فده بالتأكيد نظام معيب

و عشرات النماذج المضحكة اللي جيبت منها اتنين بس لضرب المثل و لتقريب الصورة عن المستوى الفكري

لكن تاني.....

ده النظام الوحيد اللي يقدر يحكم  البلد حاليا.... ويمنع عنها حكم الفصيل الديني

 

لذلك....فتنبيهه و ترشيده ومعارضته ....امر مفيد له اولا وللبلد ثانيا و للمواطن ثالثا

 

شارك هذه المشاركه


رابط المشاركه
شارك

النظام فيه أخطاء طبعا وبلا شك
تقدر تقول جهاز كومبيوتر مليان فيروسات من على شاكلة النماذج اللي اوردتها على سبيل المثال لا الحصر
احنا متفقين
لكن احنا لسه في مرحلة scaning

والفيروسات لسه موجودة طبعا
حتاخد وقت
المهم اننا نثق في الانتي فايروس
ونغلق كافة البرامج الأخرى ...

شارك هذه المشاركه


رابط المشاركه
شارك
6 ساعات مضت, Scorpion said:

يعني حيبقي مكتوب علينا دايمآ نعيش في حالة لا صوت يعلي علي صوت المعركة ؟؟

 

ماعتقدش يا سكوب ان النموذج الاوروبي قابل للتطبيق في الوطن العربي قبل مرور قرن على الاقل

شارك هذه المشاركه


رابط المشاركه
شارك

بسم الله الرحمن الرحيم.

  سعدت بمتابعة هذا النقاش لكن ،اتساءل هنا هل ونحن في تلك الظروف والشر يحيط بمصرنا من كل اتجاة والمحزن أن ما بداخلها من شر يفوق مرات عدة ما يأتيها من الخارج! 

   أي بلد يخرج نفر منه يستعدي على وطنه دولا اخرى؟!

  اي بلد يوجد بها جهاز نشط لتغييب الحقائق وتحويلها من مفاخر للبلد إلى شيء آخر مما يضطر للحكومة من اصدار البيان تلو البيان لتوضح للناس الحقيقة؟!

 اي بلد يراسل بعض من ابنائها منظمات حقوقية ويمدونهم ببيانات كاذبة ويستعدونهم على وطنهم الأم مقابل كثير الاخضر؟ 

 

هذا هو الحال الذي وصلنا إليه واصبح الخيار بين دولة او لا دولة ولا خيار ثالث امامنا.

     وهنا وجب الحذر كل الحذر  هناك قنوات شرعية للكلام والتحدث ،وفي كل العالم ممكن تقوم مظاهرات..لكن بالقانون وليس بالفوضى كما يرغبون ،،ثم كيف اطالب بسماع صوتي في امر وانا خالية الذهن عنه؟! وده اللي بيحدث 

الجميع يقول الفقراء ونسي أن الفقراء دول هم اول من نظرت لهم الدوله. اعملوا بحث عن العشوائيات كيف كانت وكم من العمر استمرت وكيف اصبحت الحين!! ليه ننسى ؟! 

قرأت عن وظائف في الاتصالات بمرتب  اكثر من اربع آلاف ونصف في البداية وظنت انها فرصة اخبرت بها زوجة في الغربة وعمل زوجها به تهديد وغير مستقر وهي عندها وظيفه لكن لا تحبها ..في مصر..تعرفوا ماذا قالت؟: وتعمل ايه ..تقصد المرتب ..فاسقط في يدي --- الامر لا يعنيني ولكن ما وصل ايه تفكير البعض من ابناء مصر 

زادت التطلعات وتحولت الرفاهيات الى ضرورات ولازم المدارس الانترناشونال للجميع التعليم وحش، بمعنى لازم الجري واللهاث دوما .

  ثم ٱن الكلام والاعتراض لابد ان يكون له اصول  آه اعترض واقول رأئي بس ايه الحل؟ مش يمكن ما اعترض عليه يكون هو المتاح فقط؟ 

      قدر مصر هكذا ان تكون مطمع لمن حولها يا ٱما تصمد يا تصبح لا قدر الله لقمة سهلة لغيرها وده صعب فالمصري ليس من ثقافته ان  يترك البلد ويفر منها .

اذا ليس أمامنا سوى الصبر حتى لو فنيت اعمارنا ونحن صابرون يكفي أن يكون عندنا امل ان يجني الثمار ابنائنا واحفادنا.

 

 

             سومه

تم تعديل بواسطة suma

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...