اذهب الي المحتوي
ArabHosters
عادل أبوزيد

سؤال عن البوتي تريننج في انترفيو مهندس

Recommended Posts

- صباح الخير .. لو سمحتي يا انسه انا جاى علشان اعلان الوظيفة اللى فى الجرنان .. حضرتك الاستاذة نسمة ؟!

= اه انا الانسه نسمه .. ممكن اشوف الـــ C.V بتاع حضرتك يا بشمهندس

- انا المهندس احمد .. خبرة 10 سنين وباعرف اوتوكاد و 3d max واشتغلت عشر سنين فى شركات مالتى ناشيونال و . . . . .

= تمام حاجة عظيمة خالص .. طبعا انت متوقع انى كموظفة موارد بشرية انى لازم اسألك شوية اسئلة وجوبية كدا

-اكيد طبعا يا فندم

= تفتكر هسألك اقولك ايه ؟!

- اكيد يعني هتسألينى بتعرف تشتغل تحت ضغط ولا لا ؟!! بتعرف تتعاون مع زمايلك فى تيم ورك ولا لا ؟!! هل تفضل تكون عضو ولا قائد ؟!! شايف نفسك فين بعد خمس سنين ؟!! ليه شايف اننا لازم نعينك ؟!! ايه المقومات اللي عندك اللي تجبرنا نعينك ؟!! ايه اكتر انجاز قمت بيه في حياتك ؟!! ايه نقاط ضعفك ونقاط قوتك ؟!!

= هايل .. واضح انك مذاكر كويس .. بس اسمحلى يا بشمهندس انا هسألك الاسئلة دي بس بطريقتى .. يعني مثلا انت كاتب في الــ CV انك متجوز و عندك طفلين .. اخبار البوتي تريننج ايه ؟!

- نعم ؟!!!!

= ههههه .. لا الطريق لسه طويل يا بشمهندس .. ركز كده معايا وحاول تجاوب اجابات صادقة علشان انا هاعرف كدبك من صدقك وهاجيبك

- هو في ايه يافندم .. على كل حال الحقيقة انا ماليش علاقة بصراحة بالموضوع ده .. المدام هي اللي بتتعامل معاهم

= ليه ماسعدتهاش خالص في الفترة دى ؟!!

- اصل بصراحة بقرف

= تمام .. يبقى تمسك الورقة والقلم و تكتب تحت سؤال ( ايه نقاط قوتك ونقاط ضعفك ) انك بتقرف وده يدل على شخصية سطحية مابيتحكمش فى انفعالاته وغرائزه الداخلية و ردود افعاله

- ايوه يافندم بس ده لا يدل على ........

=هششش .. السؤال اللي بعده .. اولادك في سنة كام فى المدارس يا بشمهندس ؟!

- عندي في رابعة و اولى ابتدائى

= تقدر تقولي ايه النتائج المترتبة على محاربة احمس للهكسوس ؟!

- نعم ؟!! فيه ايه يافندم ؟!! لا كده كتير .. ايه علاقة احمس بالوظيفة ؟!!

= ده منهج دراسات سنة رابعة ابتدائى .. وطبعا واضح انك مكنتش بتذاكر لأولادك

- الحقيقة ده تخصص المدام .. اصل .. اصل ..

= لا اصل ولا فصل .. اتفضل امسك الورقة والقلم واكتب تحت سؤال ( بتعرف تشتغل مع تيم ورك وهل انت قائد ام عضو ) انك
مش بتعرف تشتغل في تيم ورك .. وده معناه انك لو اتحطيت في جروب هترمى كل الحمل على مراتك .. اقصد على زمايلك !!

= السؤال اللي بعده .. عايزة اسم الكوتش اللي بيدرب ابنك سباحة والكوتش اللي بيدربه باسكت ؟!!

[ عرق غزير يبدأ فى مداهمة جبين البشمهندس وبعدين يتهته فى الكلام ويفكر شوية ]

- هي المدام كانت قالت اسمهم قدامى مرة بس انا مش قادر افتكر

= اممم .. يبقى تمسك الورقة والقلم وتكتب تحت سؤال ( تقدر تشتغل تحت ضغط ) انك بتيجي من الشغل تعبان وبتكسل تروح التمارين .. وده معناه انك مش بتقدر تشتغل تحت ضغط .. وانك هتفيص !!

= السؤال اللي بعده .. اخبار الويك اند ايه يا بشمهندس ؟! يعنى بتعمل فيه ايه ؟!! يا ترى بتفسح الاولاد ؟!!
بتساعدهم في الهوم ورك ؟!!
بتساعد في تنضيف الشقة ؟!!
بتساهم في طبيخ الاسبوع ؟!!
بتشتري طلبات البيت ؟!!

- بصراحة بكون مأنتخ .. ببقى تعبان ومش قادر .. وبعدين ………

= هشششش .. امسك الورقة والقلم واكتب تحت سؤال ( ايه اكبر انجازاتك ) انك بتنام في الويك اند .. وده معناه انك لا تصلح لضغط العمل في الاجازات والسفر

[ عينه تبدأ تزغلل والرؤيا مش واضحة ]

= اخر هدية جبتها لمراتك ايه من غير مناسبة ؟!!

-بصراحة هى كانت مناسبة عيد ميلادها .. وجبتلها بيجامة !!!

= عيد ميلادها ؟!!!!!! وبيجامة ؟!!!!!!!
انت تمسك الورقة والقلم وتكتب تحت سؤال ( شايف نفسك فين بعد خمس سنين ) انك مش هتكون موجود اساسا علشان تقدر تشوف نفسك .. وربنا يتولاك برحمته ؟!!!!!!!!!

[ تقفل الانسه نسمه الفايل وتقول للبشمهندس في تهكم ]

= ابعتلى مراتك يا استاذ تستلم الشغل .. هي نجحت في الامتحان من غير حتى ما تمتحن

[ يقوم يتسند على المكتب ويخرج وهو بيجرجر رجليه الاتنين ودماغه بتلف بيه ]..

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • سؤال للسيدات اللى فى الرياض فقط(ارجوكم افيدونى بسرررررعة)

      السلام عليكم ورحمة الله بركاته السؤال ده لاهل الخبرة من السيدات اللى بيشتغلوا ومقيمين فى الرياض وعندهم اولاد فى سن صغيرة انا يا جماعة المفروض انى انا هشتغل دوام واحد لغايت الساعة 3 او 4 مش عارفة وعندى اولادى سنهم 4 سنين وسنة ونص ابنى الكبير بيروح النرسرى لغايت الساعة 12 وبنتى طبعا معايا فى البيت طيب السؤال هو ان ممكن الاقى مكان فى الرياض ياخد بنتى من الصبح وابنى من بعد الساعه 1 مثلا ؟؟؟؟؟؟؟؟؟ وايه الاسعار؟؟؟ ربنا يخليكوا بسرعة عشانا انا المفروض ابتدى الشغل ومش عارفة اعمل اختكم محتاااااا

      في خدمات عامة

    • سؤال عن الهجرة لكندا من تركيا

      السلام عليكم, أنا عضو جديد معكم من سورية أنا مقيم بتركيا وعملت اختبار الأهلية وطلعت مقبول الحمد لله (في حال جبت علامة الآيلتس اللي بظن إن شاء الله بجيبها), وعندي كم سؤال بتمنى من حضراتكن الإفادة. أول شي اختبار الأيلتس اللي حأعملو هو الجينيرال بس كون كندا تابعة لبريطانيا لازم يكون أيلتس تبع الفيزا لبريطانيا ولا هاد مقبول؟ وكمان إذا حجزت أكتر من واحد وأخذت علامة مناسبة بأول واحد فيني أسترد مصاريي للبقية؟ في شخص قلي هيك. ثاني سؤال.. بالنسبة لشهادة الخبرة في مثال عليها؟ ث

      في الحياة و الهجرة إلى كندا life and immigration to Canada

    • سؤال الى خبراء السفارات المصريه

      مهنتي القديمه يا جماعة الخير في الجواز المصري هي محاسب بقطاع البنوك هل ممكن اروح السفاره اخليها محاسب فقط؟؟؟

      في المغتربين المصريين - egyptian expatriates

    • سؤال لأهل الخبرة و العلم

      سؤال لاهل العلم والمعرفة هل يمكن السفر للسعوديةكمرافق بدون عمل لزوجتى لعملها بالجامعه وهناك أدور على عمل وأشتغل طب لو ينفع بيتعمل أيه فى الاقامه و التأشيرة بيفضلوا ذى ماهم و لا لازم يتغيروا ولو لازم يبقى أزاى وشكرا        

      في المغتربين المصريين - egyptian expatriates

    • سؤال عن كلية النقل البحري في ابوقير

      هي كلية النقل البحري يا جماعة اللي ف ابو قير ف الاسكندرية دي كويسة ولا لا .......وشهادتها حلوة  وبالنسبة للشغل وهل شهادتها نشتغل بيها ظباط بحري في اوروبا وجميع دول العالم   

      في التعليم و العمل - education & employment issues

×
×
  • اضف...