اذهب الي المحتوي
ArabHosters
عادل أبوزيد

ناس الساحل الشمالي بقلم واحدة من الساحل الشمالي

Recommended Posts

الناس انتشرت علي طول  الساحل الشمالي  
الناس بتحب اللمه و بتحب تبقي مع بعض لذا  الناس رايحه جايه من مارينا لهاسيندا لديبلو لتلال لغزاله مرورا بمراسي و امواج اند باك 
الولاد الصغيرين عايزين حد يوصلهم من هنا  لهناك الا  يقعدوا في البيت متنكدين و ينكدوا علي الاهالي والاولاد الاكبر سايقين رايحين جايين علي الطريق و بيدمروا اعصاب الاهالي والنتيجة كل سنه حوادث لشباب زي الفل حاجه توجع القلب  
و الكبار كل واحد عامل بيت شيك وعايز يعزم و يرد العزومه والنتيجه 
الناس نص الوقت علي طريق سايق عليه ٤ انواع من البشر ستات غشيمه سواقين ترللا مبرشمين  شباب سكرانين او رجاله مراهقين بيجروا ورا البنات و ستات و النص التاني  ملطوعين علي بوابات  القري المختلفه  
و حين الوصول للdestination 
طبعا الحديث كله مقارانات  :
قريتنا  و لا قريتكم و بحرنا و لا بحركم   والنتيجه  كل واحد مش مبسوط في الحته بتاعته 
يا اما لان القريه  لمت او الناس البيئه بتحاول تيجي ورا الناس الكوول و تبوظ عليهم الموود او الناس المتحفظه بتمصص شفايفها علي الناس العريانه و الشباب الفسدان او صراع كل عام. بتاع  المحجبات لازم يدخلوا البارات 
و المايوه الشرعي  صحي زي wet suit وانه  حريه شخصيه زي ما البكيني حريه شخصيه 
نفس الحديث و الحوار  كل سنه  وكمان ستات داخلين في دور المنافسات في اللبس والعزايم 
و في ظل كل ده ننسي اهم حاجه 
اننا جايين  نصيف و   نعوم و نتبسط و نشم هوا و نقضي وقت مع ولادنا و اهلنا  كام يوم في السنه قصره 
الساحل بقي عباره عن ناس بتجري ورا بعض و ناس بتجري من بعض و ناس بتجري علشان تبقي زي اللي بيجروا 
انا كل ما اروح الساحل بقيت باسال  نفسي و عايزه  اسال  اللي  حواليه 
هو احنا بجد كده مبسوطين ؟؟؟ ولا كله مظاهر كدابه!!!!
Copied

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...