Jump to content
ArabHosters
Sign in to follow this  
عادل أبوزيد

تحذير من محطة بنزين بطريق العلمين كيلو ٨٤

Recommended Posts

وصلتني هذه الرسالة  As received: كنا راجعين من الساحل طريق العلمين انا وزوجة ابني يوم الاحد 28/7 واحتاجنا نزود بنزين 95 وعند الكيلو 84 امام قرية جامعة اسيوط دخلنا محطة بنزين مصر ..مالقيناش فيها بنزين 95 ..واحنا خارجين منها نشوف محطة بنزين تانية وقفنا عامل هناك وشاورلنا علي العجلة الامامية يمين وقالنا العجلة نايمة..فدخلنا عندهم نزودها..مع العلم الاربع عجلات جديدة ومتركبة من اسبوع فقط.. انما وارد يحصل..قالولنا فيها خرمين وان عندهم لحام كهرباءي وخوابير.. طلبنا ابني وسالناه نعمل ايه قالنا بلاش خوابير خليه يعمل لحام وكلمه بنفسه..وانا للاسف ماعرفش لا اللحام ولا الخابور.. وقال لنا كده " الواحد حيتكلف 80 جنيه..عمل اول خرم..وبعدين التاني و لقيته بيقولي حتحتاج كمان2..وكمان 2..وكمان 2 وكما....قولتله ايه !!!!! في ايه !!!! ليه دا كله حسيت ان في حاجة غلط وقلتله كده انا حاسة انك بتعمل حاجة غلط..رد عليا وقالي احنا عندنا عيال وبنخاف من ربنا..واضطريت ادفعله 600جنيه..سيبنا المحطة واتجهنا لمحطة تانية بعد مارينا لقينا فيها بنزين 95..فولنا.. ولاني ماكنتش مرتاحة وخايفة طلبت من عمال المحطة التانية يطمنوني علي اللحام ..فوجءت بيهم بيقولولي دي خوابير وانهم 2 بس وان الخابور ب10 جنيه.. الغيظ والغضب خلوني صممت ارجع تاني لمحطة مصر في الكيلو 84..ولما وصلت طلبت اقابل مدير المحطة عشان اشتكيله ..فوجءت بنفس الراجل اللي كان واقف مع العامل النصاب الحرامي بيقولي انا المدير..واجهته باللي حصل..وقلتله انت حرامي وطلبت منه يرجعلي الفلوس..كان حيبتدي يتكلم بقلة ادب ..فهددته وطلبت من زوجة ابني تتصل بالبوليس "122" خاف وطلع الفلوس..في نفس اللحظة كان في عربية فيها راجل وست كبار في السن..الست اللي كانت سايقة وعرفنا ان جوزها عنده 84 سنة وضعيف جدا..سمعتنا فقالتلنا انا كمان عاملي 10 خوابير واخد منها 750 جنيه..ولان زوجة ابني كانت مستمرة في محاولة الاتصال بالبوليس..كان لسه خايف ورجع للست الفلوس ناقصين بس 100جنيه قيمة الخوابير..و الراجل والست الكبار كانوا خايفين وبيرتعدوا وبيقولولنا خليكو معانا..طمناهم وخليناهم خرجوا قدامنا علي الطريق..واحنا كمان مشينا بسرعةقبل مايكتشفوا ان البوليس مش بيرد علينا ومش حييجي"بس رسالة جميع الخطوط مشغولة الان"  ..استمرت زوجة ابني تطلب البوليس حتي بعد ما وصلنا القاهرة ولما رد عليها واحد حكتله الموضوع فحولها لواحد تاني قالها انتي تبع قسم ايه🙄 ....احنا حبينا ننبه الناس ونعرفهم اللي حصلنا في محطة بنزين مصر طريق العلمين الكيلو 84 امام 

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

×
×
  • Create New...