Jump to content
ArabHosters

Recommended Posts

باختصار انا شاب عندي ٢٤ سنة خلصت كلية من حوالي ١٠ شهور في فترة الكلية مكنش ليا اي احتكاك بزمايلي البنات مش لاسباب زي الخجل ولكن علشان حب قديم حوالي ٩ سنين سابقة بعدت عنه لما حسيت ان بكفاية كدة ونبعد لحد ما نجهز ونروح نخبط علي باب بيتهم مع العلم اخواتها البنات كانوا عارفيني وهي كانت بنت كويسة واتقيت فيها ربنا وعمرنا ما عملنا حاجة تغضبه للأسف اجبرت هي علي الخطوبة من قريبها بعد رفض كتير جدا فاضطرت بعد ما قالتلي ان لازم تعمل كدة غلشان اهلها ميشكوش في حاجة انها تتخطب وبعد فترة قصيرة هتفسخ الخطوبة لكني موافقتش وساعتها قولت لو ده حصل هبعد ومش هعرف ارجع زي الاول وفعلا بعد ٣ شهور البنت فسخت الخطوبة دي ولكن بردوا مرجعتش زي الاول ومرجعناش لبعض رغم كل السنين دي في فترة خطوبتها كنت اول مرة اتعب وادخل مستشفي ومكنتش حاسس ان هي وبعدها السبب في ده ولكن كل اللي حواليا حسوا بده وعفوا لن ده السبب الا انا اللي كنت بكذب نفسي عدت السنين واحنا بعاد ولكنها ع تواصل بأهلي علشان تودهم كالعادة وتطمن عليا ده كان فترة اولي جامعة وفي اخر سنوات الدراسة بعدت عنها ومقدرتش ارجع قلبي زي الاول كنت حاسس اني مش محتاجها ولا عايزها جنبي لحد ما في يوم كلمتني وعرفت سبب المكالمة بعد ما عدت الايام وحسيت ان في حاجة غلط وفعلا اتخطبت تاني وساعتها عرفت انها اتصلت بيا وحاولت ترجع ولكن قلبي بعدها واتخطبت لشخص تاني بعد رفضه ٧ مرات قبل كدة ده اللي عرفته لما كلمتها وقالتلي انه يشبهني وده اللي خلاها تقبل بعد الرفض ده كله وانها لحد دلوقتي مازلت بتحبني وبتحكيله عني لكن انا قلبي محسش بقيمتها غير لما راحت لغيره ..! 

 

عدت الايام والبنت اللي حبتني ف فترة الكلية كانت قريبة ليا واهلي قبلوها واعجبوا بيها وشجعوني اتقدم في البداية كنت رافض لكن وافقت بعد كدة وتوكلت علي الله ولكن مقدرتش اتم الخطوة دي غير لما كلمت البنت اللي عرفتها ٩ سنين وقالتلي متظلمهاش وده حال الدنيا واني مكرهتكش ولكن انتي اللي بعدتني وساعتها قفلنا واتميت خطوبتي بعدها بكام يوم ولكن اللي بيحصل دلوقتي مش فاهمه ولا عارف ايه سببه البنت التانية كويسة ومحترمة وبتحفظ قرآن ولكني مش شايفها زوجتي مع ان كل اللي حوالينا من زمايل واهل وصحاب شايفينها لبعض ولكن قلبي شايف عكس ده ومحدش يقول القديمة لسة ف قلبي لاني طلعتها خلاص ولكن للاسف الجديدة مش قادرة تعوضني عن اي حاجة لانها تعبت بقالها سنين بتعافر ويوم ما اللي حلمت بيه اتحقق لقيتني مش قادر اعوضها عن اي حاجة ولا اخفف واطبطب عليها ومقدرش افسخ خطوبتنا لانها بتحبني ومقدرش اكسر قلبها وفي نفس الوقت خايف ملقيش البنت اللي تحبني زي ما حبيتني لكنها برغم حبها ده فهي شخصية جامدة من كتر اللي شافته ف حياتها من عدم حنية عليها من صغرها وللاسف مش قادر اكون طول الوقت حنين معاها كمان طول الوقت بفكر ازاي هجهز شقة وعفش في ظل كل الضغوطات دي ومش عاف اركز ولا في شغلي ولا في ماجستير ولا في اي حاجة في حياتي بسبب الموضوع ده علي الرغم ان كان فيه مشاكل في البداية واهلي مكنوش حابينها ولا حابيين اهلها ويمكن اهلها كمان كانوا مضايقين ولكن غصبوا علي نفسهم علشان بنتهم لكن هما شايفني كويس ومحترم وهما ناس طيبة بردوا لكن انا مش عارف ارتاح ويمكن كمان هما نسب احسن من نسب البنت القديمة ولكن انا مش قادر ارتاح واريح قلبي واريح البنت اللي تعبت كتير بسببي وبسبب اوجاع الدنيا وحاسس ان يمكن هي علشان في نفس سني فانا مش حابب ومحتاج حد اصغر مني مش غلشان السن ولكن علشان الطباع .. مش عارف والله اعم ايه بس فعلا عايش بجحيم جوايا مش عارف اخرج منه ولا مني قادر انهي الموضوع اللي مكملش شهر واحد ولا مني قادر اكمل ومش عايز اكسرها ولا اخسر قلبها وحاسس اني بكسرها وبطفيها معايا وهي كانت مبهجة من غيري وضحكتها دايمة .. ساعدوني وانصحوني بالله غليكم وانسوا خالص البنت القديمة لانها متهمنيش دلوقتي زلكن الاصيلة اللي تعبت معايا هي الاهم ومش عرف اعمل مع قلبي ايه علشان يقدر يكمل او يقوي ويبعد وينهي الموضوع رغم الخساير اللي هتحصل اللي اهمهم ان البنت هتضايق وهتنكسر وهيتقال انها اتخطبت شهر للي كانت بتحبه وسابها وهي كمان هتحس بكسرة بسبب كسرتها مني انا بالذات ودي صعب عليا واهون عليا اني اجي ع نفسي واكمل ولا اني اسيبها تنكسر بسببي !!!

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • Create New...