هل تتصور الفطير المشلتت بتاع زمان من غير لت و لا عجن

[عادل أبوزيد]

كلنا بنحلم و نتغزل في الفطير المشلتت اللي كانت الوالدة بتعمله ، و كلنا بننتهز فرصة  العودة من المصيف و نعدي على واحة عمر و نشتري الفطير المشلتت  لكل الاحباب في مصر - مش بس واحة عمر لا كمان قرية الاسد  و برج المنوفية ... هنا الفطير المشلتت في بيتكم و من مطبخك البسيط :

 

 

[suma]

الفطير ده لا يكون فطيرا الا بالسمن البلدي .دقيق وهبابة ملح وماء العجن وشطارة اللي بتعمل.رأيت ابنة خالتي من الصعيد ورأيت اهل زوجي وتعلمته منهما  .

لكن كل هذه الطرق لسد خانة ليس إلا أو لمن لا تجروء على عمايله. 

وفطيرتان مخدومان بالسمن البلدي ابرك من عشر بالزيت والسمن الاصطناعي.

 

 

         سومه

[Grandma]

ليه بس كدا يا أستاذ عادل تفكرني بالمشلتت !! بحبه جدا وأول ما أسمع سيرته أتوحم عليه و أكيد مش هعمله مهما كانت الطريقة سهلة لاني ماليش في المطبخ أوي و متهيألي مش هيطلع متقن زي الجاهز .. من سنتين كنت هفطس على فطير زوجي العزيز أخدني على واحة عمر فسحة مخصوص ناكل فطير لكن الحمد لله دلوقتي واحة خطاب قريبة مننا وبيعملوا فطير هايل .. وعندي صديقة كل مدة تعزمني انا وشلة أصدقاء على الفطير لكن الحقيقة مش حلو زي بتاع واحة عمر .. لكن كتر خيرها فاكرانا بالفطير .

تسلم أستاذ عادل عالطرق المبتكرة . 

 

[عادل أبوزيد]

الطريقة التقليدية في الصعيد لعمل الفطير المشلتت مشابهة تماما لطريقة عمله في واحة عمر أو قرية الاسد مثلا  الطبلية و النشابة و تطبيق الفطيرة عدة مرات و كما ترون هي السهل الممتنع.

بعد نشر هذا الموضوع  تلقيت ثلاث فطائر من اقارب لنا و معارف  اكيد ارادوا يعملوا شئء لله ازاي  قريبنا عادل ابوزيد يكون نفسه في الفطير المشلتت و نقابل ذلك بالصمت 

احبائي فعلا طريقة الفطير المشلتت هذه طريقة مبتكرة و سهلة و لذا لزم التنويه