حلم السفر للعمل بالخارج مميزات وعيوب( استشارة )

[Marrwa 0]

السلام عليكم 

ما خاب من استشار 

محتاجه رأي أهل الخبرة 

انا خريجة 2017 كليه تمريض أخصائي تمريض بعد عناء خمس سنوات الحمد لله 

انا حاليا تم تعييني في مستشفيات الجامعه 

ومحتاره جدا في قرار السفر نفسي اسافر واعمل إنجاز قبل ما السنين تجري بيا واحس اني معملتش حاجه 

وف نفس الوقت قلقانه اسافر مرتحش من المعامله والأسلوب وابقي اتدبست في عقد عمل 

محتاجه اعرف رايكم ايه الاحسن هل في أماكن كويسه بره مصر والخوف اللي جوايا مش اكتر من وهم جوايا الخوف من التغيير والسفر  

ولا فعلا الواحد في بلده يقدر يعمل اللي هعمله بره وعلي الأقل مش هتغرب 

 

شكرا ليكم واسفه على الاطاله 

[Guest محمد]

اعملي اللي انتي مقتنعة بيه بس بلاش السعودية

[Waled 0]

11 ساعات مضت, Guest محمد said:

اعملي اللي انتي مقتنعة بيه بس بلاش السعودية

طيب ممكن نعرف ليه بلاش السعودية 

وايه متوسط الرواتب فى الشغل والاعمال الادارية

[Marrwa 0]

18 ساعات مضت, Guest محمد said:

اعملي اللي انتي مقتنعة بيه بس بلاش السعودية

واضح من كلامك انك مش بتحب السعوديه وفي اثبات علي ده 

انا مش مستعجله في القرار السفر انا قدامي سنه عشان احزم الأمور واقرر وقولت في السنه دي اجمع المعلومات الكافيه اللي تخليني اخد القرار عن اقتناع ودراسة 

لو في اي حاجة حضرتك تقدر تساعدني من خلال رأي حضرتك من خبرتك اكون شاكره جدا جدا لحضرتك 

ومتشكره على ردك 

ربنا يوفق الجميع يارب 

[AbkaReno 19]

خديلك سنه اقل حاجه خبره هنا الاول بعدين فكري في السفر للخارج

لا مش السعودية لان رواتبها تعبانه جدا والتمريض دخل في موضوع السعوده وبقا من الصعب السفر هناك

شوفي دبي افضل اختيار حاليا بس قوي نفسك في الانجلش لان هي رقم واحد هناك

 

[testing only 2]

مر شهرين تقريبا هل قررتي ما هي الخطوة القادمة  و هل تلقيتي المساعدة و النصائح هنا في محاورات المصر يين