اذهب إلى المحتوى
محاورات المصريين

رد الإعتبار ل شم النسيم


Recommended Posts

في العالم يحتفلون بأعياد و مناسبات و مهرجانات تفوق الحصر و تكون فرصة لإشاعة البهجة في النفوس ، في مصر و في غفلة من الزمان  تم تحريم  الفرحة و الابتهاج .... يا عزيزي  في اسبانيا حاجة اسمها  مش عارف عيد الا مهرجان الطماطم ينزلوا ضرب في بعض بالطماطم  و كل سنة تتنافس وسائل الإعلام في تغطية معرة الطماطم هذه.

عاصم حنفي صاحب الصفحة الأخيرة في روزاليوسف كتب أمس ما لم أنجح أنا أو كلما في مجاورات المصريين في كتابته ... عندنا في مصر أعيادا و مناسبات  قديمة قدم التاريخ و طقوس الإحتفال بها جميلة و راقية. أكرر راقية ... دعونا نفرح و نبتهج 

5E4976E4-8BFE-4C1B-9719-868ABF953290.thumb.jpeg.66716888d44829d43f23721c46b620b0.jpeg

مواطنين لا متفرجين


رابط هذا التعليق
شارك

CB22FBCA-B9B3-4693-BE94-34DBF88981B4.thumb.jpeg.b6524cda4573f556c7e983262287a908.jpeg

مواطنين لا متفرجين


رابط هذا التعليق
شارك

فعلا هذا يمكن أن يكون زمن رد الاعتبار لجميع الأعياد التي اعتبرها البعض منكرا من القول وزورا 

مين كان يصدق إن إنصاف عيد الحب مثلا يأتي من المملكة العربية السعودية ياااه دا أحنا تطورنا جدا 

فتوى لداعية سعودي عن عيد الحب تثير جدلا واسعا في المملكة

بدأت الناس تفهم إن التحريم ليس من حق البشر حتى لو اصطبغوا بصبغة دينية 

نرحب بكل الأعياد والمناسبات السعيدة بعيدة عن غواة العكننة وحشر الإنوف في كل شيء بلا داع 

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

كل عام وأنتم بخير .. بمناسبة "عيد" شم النسيم
أسبوع قضيته فى المصيف احتفالا بهذا "العيد" .. الجو كان رائع والبحر كأنه ملكى الخاص إلى أن جاء يوم الإثنين .. حيث ازدحم الشاطئ امامى بالمحتفلين بعيد شم النسيم وكأننا فى أحد شهور الصيف .. الشهور (اللى ما فيهاش راء) .. حقول لكم حكاية "الراء" دى بعدين

المهم .. أنا لا آكل الفسيخ أو السردين المملح من بعد وفاة أمى يرحمها الله .. التى كانت تصنعهما فى البيت .. ولكنى آكل قطعة منه إذا كان معمول "بيتى" وأهداه إلىَّ أحد الأقارب أو الأصدقاء .. وأركز فى العادة مع الرنجة وملحقاتها

كلام عاصم حنفى سليم .. لسنا وحدنا الذين نأكل الفسيخ .. فطريقة تمليح و "تخمير" السمك معروفة فى كل بلاد الدنيا .. يعنى لما تلاقى حد مكرمش مناخيره و عامل "قرفان" عند ذكر كلمة "فسيخ" .. لا تهتم .. وارفع راسك فوق إنت مصرى .. عرفت كيفية عمل الفسيخ قبل العالم كله

هذا موضوع منشور فى صحيفة خليجية
من منتجات الأسماك المخمرة الغنية بالأحماض الدهنية غير المشبعة
تجد فيه أن عمل الفسيخ معروف وبأنواع من الأسماك لا نعرف أسماءها .. فى الخليج ، اليابان ، الدول الاسكندنافية ، الهند ، أفريقيا .... إلخ

لى صديق زميل دراسة .. كان يصر على تسمية الجبنة الركفور بالجبنة المعفنة .. ولو لقى حد مننا بيطلب سندويتش جبنة ركفور من بوفيه الكلية ، يكرمش مناخيره ويقول له : "ياراجل .. حد ياكل جبنة معفنة ؟" .. وما يخلصشى منه تريقة وبستفة .. هاجر زميلى إلى كندا .. وبعد "بضع" سنين نزل فى اجازة هو وزوجته البريطانية وابنته الصغيرة وزارونا فى منزلى .. وانا قاعد جنبه حبيت أشاغبه .. فقلت له : "إيه رأيك يا عوبد أجيب لك جبنة معفنة ؟" .. بص لى بعيون مفتوحة على الآخر وقال لى : "معفنة إيه يا راجل .. دى Blue cheese ..كل الناس عارفاها وبتاكلها" !!! .. طبعا أخد منى شتيمة بالعربى ما تفهمهاش زوجته وفكرته بأيام الكلية واستخدمت عبارات التريقة بتاعته فى التريقة عليه لغاية لما قال لفى خلاص بقى يا جدع خليك جدع أومال ...... كفاية كده مش هاكمل الحكاية واسيب الباقى لخيالكم

أما بقى حكاية "الشهور اللى مافيهاش راء" ، فهى الشهور من مايو إلى أغسطس .. والدى الله يرحمه - قبل ما يكون عندنا تلاجة - كان بيمنع أكل البيض فى تلك الشهور .. كان بيقول لنا إن البيض فى الشهور دى بيفسد .. إما عند البائع أو عندنا .. يعنى آخر شهر كنا بناكل فيه البيض - وبغزارة - قبل المنع ، كان شهر أبريل .. شهر "عيد شم النسيم" .. وكل سنة وانتم طيبين
 

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

5 hours ago, أبو محمد said:

كل عام وأنتم بخير .. بمناسبة "عيد" شم النسيم
أسبوع قضيته فى المصيف احتفالا بهذا "العيد" .. الجو كان رائع والبحر كأنه ملكى الخاص إلى أن جاء يوم الإثنين .. حيث ازدحم الشاطئ امامى بالمحتفلين بعيد شم النسيم وكأننا فى أحد شهور الصيف .. الشهور (اللى ما فيهاش راء) .. حقول لكم حكاية "الراء" دى بعدين

المهم .. أنا لا آكل الفسيخ أو السردين المملح من بعد وفاة أمى يرحمها الله .. التى كانت تصنعهما فى البيت .. ولكنى آكل قطعة منه إذا كان معمول "بيتى" وأهداه إلىَّ أحد الأقارب أو الأصدقاء .. وأركز فى العادة مع الرنجة وملحقاتها

كلام عاصم حنفى سليم .. لسنا وحدنا الذين نأكل الفسيخ .. فطريقة تمليح و "تخمير" السمك معروفة فى كل بلاد الدنيا .. يعنى لما تلاقى حد مكرمش مناخيره و عامل "قرفان" عند ذكر كلمة "فسيخ" .. لا تهتم .. وارفع راسك فوق إنت مصرى .. عرفت كيفية عمل الفسيخ قبل العالم كله

هذا موضوع منشور فى صحيفة خليجية
من منتجات الأسماك المخمرة الغنية بالأحماض الدهنية غير المشبعة
تجد فيه أن عمل الفسيخ معروف وبأنواع من الأسماك لا نعرف أسماءها .. فى الخليج ، اليابان ، الدول الاسكندنافية ، الهند ، أفريقيا .... إلخ

لى صديق زميل دراسة .. كان يصر على تسمية الجبنة الركفور بالجبنة المعفنة .. ولو لقى حد مننا بيطلب سندويتش جبنة ركفور من بوفيه الكلية ، يكرمش مناخيره ويقول له : "ياراجل .. حد ياكل جبنة معفنة ؟" .. وما يخلصشى منه تريقة وبستفة .. هاجر زميلى إلى كندا .. وبعد "بضع" سنين نزل فى اجازة هو وزوجته البريطانية وابنته الصغيرة وزارونا فى منزلى .. وانا قاعد جنبه حبيت أشاغبه .. فقلت له : "إيه رأيك يا عوبد أجيب لك جبنة معفنة ؟" .. بص لى بعيون مفتوحة على الآخر وقال لى : "معفنة إيه يا راجل .. دى Blue cheese ..كل الناس عارفاها وبتاكلها" !!! .. طبعا أخد منى شتيمة بالعربى ما تفهمهاش زوجته وفكرته بأيام الكلية واستخدمت عبارات التريقة بتاعته فى التريقة عليه لغاية لما قال لفى خلاص بقى يا جدع خليك جدع أومال ...... كفاية كده مش هاكمل الحكاية واسيب الباقى لخيالكم

أما بقى حكاية "الشهور اللى مافيهاش راء" ، فهى الشهور من مايو إلى أغسطس .. والدى الله يرحمه - قبل ما يكون عندنا تلاجة - كان بيمنع أكل البيض فى تلك الشهور .. كان بيقول لنا إن البيض فى الشهور دى بيفسد .. إما عند البائع أو عندنا .. يعنى آخر شهر كنا بناكل فيه البيض - وبغزارة - قبل المنع ، كان شهر أبريل .. شهر "عيد شم النسيم" .. وكل سنة وانتم طيبين
 

حمد لله على السلامة يا فندم

سعدت بعودة حضرتك للكتابة

ربنا يمتعك بالصحة والعافية

وقولوا للناس حسنا

رابط هذا التعليق
شارك

7 ساعات مضت, فولان بن علان said:

حمد لله على السلامة يا فندم

سعدت بعودة حضرتك للكتابة

ربنا يمتعك بالصحة والعافية

الله يسلمك يا دكتور .. ربنا يكرمك ويبارك فيك :give_rose:
والله ما بيمنعنى عن الكتابة إلا الشديد القوى .. وفى الحقيقة الفيس بوك أخدنى شوية .. مش لأنه أفضل من المحاورات لا سمح الله .. الميزة الكبرى فيه هو أنه - إلى جانب إنه جبلاية قرود - ساحة لتلاقى اصدقاء الصبا والشباب والدراسة .. أصدقاء فى العالم الواقعى .. أعرفهم ويعرفونى .. صبيان وبنات .. قصدى جدود وجدات .. عندما صادفت إحدى زميلات الدراسة (وهى بالمناسبة زوجة احد زملاء الدراسة أيضا) قلت لها أنا لسه متخيلك البنت النشيطة ام ضفيرتين بتاعة أولى ميكانيكا :cheer: .. ووضعت صورة لإحدى الرحلات وهى فيها بالضفيرتين .. لا تتخيل كيف استقبل أولادها وأحفادها هذه الصورة .. منتهى السعادة ومناغشة الأولاد والبنات لأمهم ... إيــــــــــــــــــــــه .. أيام

ولكن هذا لا يقلل إطلاقا من "قيمة" محاورات المصريين عندى .. وأعتقد عند أعضائها جميعا .. من يكتب منهم ومن توقف عن الكتابة .. فإذا كان الشعر هو ديوان العرب .. ففى رأيى أن محاورات المصريين هى ديوان المصريين  

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة

تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...