اذهب الي المحتوي
Grandma

طُرق كارثية و مقاولين عاوزين الحرق

Recommended Posts

استهتار شركات المقاولات بحياة المواطن المصري يتطلب من الحكومة وقفة عاجلة . قلت من فترة ان منظومة الطرق و الكباري الجديدة اللي بيتم انشاءها في مصر شىء عظيم لكن لو اتعمل واتخطط صح ولو لم يؤدي الى حوادث كارثية .. حوادث الطرق في مصر تجاوزت كل الحدود و أغلبها حوادث  تؤدي الى الوفاة .
هرفق لحضراتكم صورة بالموضوع لكوبري بيتم انشاءه في ( شارع الملاحات) بالاسكندرية اللي بيقع فيه كارفور العروبة و بيربط بين طريق الساحل وتحديدا أمام قرية كرير وبين الطريق المؤدي الى مطار برج العرب .. هتلاحظوا في الصورة ان السيارة المتجهة نحو طريق الساحل بتعدي تحت الكوبري اللي بيتم انشاءه في طريق tmp_2018030720560768679.thumb.jpg.8f002139d603fdec428a2cc316861115.jpg عرضه لا يتسع بالكاد الا لسيارة واحدة فقط ومع ذلك السائق بيتفاجىء ان الطريق رايح جاي رغم ان مرور سيارة أخرى في نفس الطريق شبه مستحيل.. وللأسف لا يوجد اي اشارة او لوحة تنبه السائق لخطورة الطريق او للاتجاه اللي لازم يمشي فيه .. وضع عجيب يشعرك ان لا شىء مخطط له وان المهندسين والعمال قرروا فجأة يمرروا السيارات بهذه الطريقة العشوائية .. هل تتخيلوا حجم الكارثة بالليل هتكون شكلها ايه !! طبعا لا توجد اضاءة و السائق اذا لم يصطدم بالسيارة من الجهة المقابلة له هيخبط في تراكتور او رافعة من الواقفين على جانب الطريق ..
نفس هذه المنظومة البائسة عانى منها سكان منطقتنا لمدة عامين ومازلنا نعاني حتى وبعد ان قارب المقاول على الانتهاء من الطريق .. فالطريق تخطيطه سيىء للغاية ولا يراعي سكان الطريق على الجانبين وتنقصه اللوح الارشادية و الاضاءة الليلية .. اما الاسفلت الجديد فحدث ولا حرج عن سوء تنفيذه .
نسيت اذكر ان شركة المقاولات اللي بتنفذ الكوبري اسمها ( السعداء)
الحقيقة احنا اللي سعداء جدا بالشركة و الشغل اللي بتقوم به سفيرة عزرائيل .

شارك هذه المشاركه


رابط المشاركه
شارك
7 ساعات مضت, Grandma said:

نسيت اذكر ان شركة المقاولات اللي بتنفذ الكوبري اسمها ( السعداء)
الحقيقة احنا اللي سعداء جدا بالشركة و الشغل اللي بتقوم به سفيرة عزرائيل .

الحكاية دائما ماشية بالبركة أو بتمشية الحال أو صبح صبح ياعم الحال وآهي ماشية بالطول أو بالعرض ومتحبكهاش

المفروض يكون كل حاجه معمول حسابها أولها الأمن والسلامة 

لكن الفوضى الاستهتار بنتولد بيهم أجيال ورا أجيال

ربنا يهدي وتتحط في العقود شررط تضمن أمن وسلامة الناس

شارك هذه المشاركه


رابط المشاركه
شارك

حالة نموذجية لما يحدث حال غياب دور المنسق المسئول ياب المايسترو هذا إذا كان هذا الدور موجود أصلا.

نظريا عملية إنشاء كوبري  تتطلب تنسيقا بين القائمين على إنشاء الكوبري و القائمين على إدارة الطريق اتصورهم ادارة المرور و كل طرف يقدم متطلباته. و يزرجن مانيش شغال غير الحاجات لما تكون متوفرة

ما يحدث نوع من الطلسقة  .... عندنا الموظفين العدد في الليمون  لكن من يقرأ و من يسمع

شارك هذه المشاركه


رابط المشاركه
شارك

أول امبارح  كنت ماشية من تحت نفس الكوبري الجديد مرة تانية.. المشاكل اللي تحت الكوبري فكت شوية لكني فوجئت ان دا عمل مشترك بين ( شركة السعداء ) و ( القوات المسلحة ) و مع اني عارفة ان القوات المسلحة بتشرف على كل الطرق و الكباري الحديثة .. بس مش عارفة اتفاجئت ليه !! يمكن لاني ما كنتش أتصور ان الاهمال دا كله يحصل في مكان بتشرف عليه القوات المسلحة للأسف ... أنا قلت يمكن فيه مقاول باطن بيشتغل وحده . 

 

 

20180511_101954.jpg

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×