اذهب الي المحتوي
فولان بن علان

اكتشاف نظريات جديدة في الطبيخ

Recommended Posts

النظرية الاولى هي نظرية (كله على كله مش ها تفرق)

المحترفين بيحبكوها بيقولك قلب اللحوم في البصل المقطع لغاية ما يتغير لونه وبعدين ضيف البهارات واحد واحد
وبعدين الفلفل الأخضر المقطع وقلب
كل حاجة ضيف وقلب
وده قبل ده وقلب
واللون بيتغير والبهارات بالترتيب
لا وايه أكلة فيها البصل قطع صغيرة وأخرى مفروم خشن وأخرى مفروم ناعم
وتانية التوم كامل وأخرى مفروم وتانية مهروس
خد مني الاكتشاف الجديد سعادتك
مش ها تفرق
قلب في الزيت أو حط كله فوق بعضه وبعدين الزيت فوق كل ده
حط كله كله في نفس الوقت فوق بعضه
البهارات والبصل والتوم والفلفل مقطع كبير ولا صغير ولا مهروس ولا ببعضه
اللحمة والفراخ والخضار
المهم غطيه وحطه على النار وعيش حياتك
والنتيجة سعادتك هيا هيا
والطعم هو هو يا مؤمن
المهم سعادتك اضبط كمية الميه عشان الأكلة ما تتحرقش
وتشمت فيك أبلة ظاظا
ناس بس بتحب تعمل مهمة وخبراء
الطبيخ ده حاجة سهلة خالص
وإلى اللقاء فى الحلقة القادمة مع نظرية طبخ جديدة
"نظرية سيب الطعم عليه",,,
 

شارك هذه المشاركه


رابط المشاركه
شارك

هذا الكلام خطير جدا. .. إنقلاب  هل حضرتك "مقدر" تبعات هذا الكلام على كل المستويات ؟

حضرتك ممكن بكرة  أو يمكن  دلوقتي تلاقي مظاهرات و وقفات احتجاجية و الذي منه حضرتك كدة بتقطع عيش فئات كبيرو من المجتمعً

عن نفسي  و بكل حذر  و صوت خافت سأعرض هذا الكلام على زوجتنا العزيزة   في وجود حد كبير لزوم الأمان

شارك هذه المشاركه


رابط المشاركه
شارك
11 hours ago, عادل أبوزيد said:

هذا الكلام خطير جدا. .. إنقلاب  هل حضرتك "مقدر" تبعات هذا الكلام على كل المستويات ؟

حضرتك ممكن بكرة  أو يمكن  دلوقتي تلاقي مظاهرات و وقفات احتجاجية و الذي منه حضرتك كدة بتقطع عيش فئات كبيرو من المجتمعً

عن نفسي  و بكل حذر  و صوت خافت سأعرض هذا الكلام على زوجتنا العزيزة   في وجود حد كبير لزوم الأمان

سعادتك دي خبرة ثلاث سنوات من حياة العزوبية المتقطعة

طبعا الموضوع لم يكن بهذه السهولة

لابد من الجرأة والشجاعة

ومفيش ضرر ولا ضرار

احنا اللي بنطبخ واحنا اللي بناكل

أنا عايز أقول لحضرتك إن فلسفة الأكل عندنا في العيلة اتغيرت بعون الله

وبدلا من احتاجي للسؤال أصبحت ولا فخر مصدر للجواب

علاوة على التجديد والابتكار

وهو من قبيل احنا ها نخسر ايه لو حطينا ده على ده أو العكس

وده كان سبب لاختراع أكلات جديدة

وتبديد أوهام قديمة عن حاجات كان لازم ولابد تتعمل

 هيا مش كيميا

جرب يا فندم ها تكتشف طعم جديد للحياة بالهنا والشفا

شارك هذه المشاركه


رابط المشاركه
شارك

نظرية سيب الطعم عليه

المسالا الهندي(التوابل) البهارات

اوعى وشك... لو دخلت عالم البهارات الهندي فلن تخرج إلا بوزن مضاعف أو ثقب في المعدة !!!مش مهم

المهم المذاق الرائع..طعم الحياة الذي حرمت منه لعدم الاطلاع عليه

التنوع والغنى واختلاف نظريات الطبخ من شوية كمون على شوية فلفل على...الخ الخ

الهنود وفروا عليك..توابل الفراخ جاهزة يامعلم وتوابل اللحمة غير وتوابل السمك شئ تالت مختلف

مش بس كده طريقة طبخ كل حاجة لها عدة طرق مختلفة

كله جاهزة في العلبة عشرين أو أكثر بهار مجمع في بودر مجفف

ومسالا بالهندي تعني خليط

و86 % من التوابل في العالم من انتاج الهند

البهارات زمان كانت سبب في حروب وتعادل قيمتها الذهب

ومن أسباب الاستعمار السيطرة على تجارة التوابل

وكانت تهدى للملوك يقال إن الهدية المرسلة من ملكة سبأ لسيدنا سليمان كان من ضمنها بهارات

والقافلة التي انتشلت سيدنا يوسف من الجب وباعته في مصر كانت قافلة لتجارة التوابل

الاكتشافات والرحلات البحرية لفاسكو دي جاما وكريستوفر كولمبس كانت للبحث عن طرق للحصول على التوابل والسيطرة على تجارتها

الموضوع كبير يافندم

جرب سعادتك التوابل الهندي وها تكتشف انك ماكنتش بتاكل قبل كده وانضحك علينا طول عمرنا

شارك هذه المشاركه


رابط المشاركه
شارك

نظرية اللي انت قرفان منه غيرك بيعشقه

سبحان الله

 شعوب عندها  الأكل سبايسي مولع

وشعوب كل الأكل عليه سكر

دعيت في فرح فلبيني

واتفضل يا مؤمن واحراج لازم تاكل

كله بيعزم عليك

مش قادر هااجيب اللي في بطني بره 

سكر على الفراخ سكر على السمك

 جربت سوس الجمبري في مطعم سيزلر هاوس مقبول نوعا ما

 لكن سكر على السمك صعبة اوي

اسمعوا فؤاد المهندس الأكل أذواق

 

 

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×