اذهب الي المحتوي
ArabHosters
Mohd Hafez

... هل نحن متخلفون بشكل جيني .......

Recommended Posts

طبعا التخلف اللى أحنا فية ده مش جينات ولا حاجة

لأن زى ما سبق و ذكر أحد الأعضاء أن الدرسات العلمية أثبتت أن الأطفال المصريين حتى سن خمس سنوات أعلى ذكاء من الأطفال فى أوربا و لكن بعد كده بينخفض ذكائهم لية ؟؟ ده السؤال سواء تعليم بيعتمد على الحفظ عدم وجود حرية للتعبير كل حاجة غلط و حرام مافبش مجال مفتوح للمناقشة أى حاجة و كل حاجة و بما فيها الدين عشان يبقى الولد عارف أنه كل حاجة بالعقل و التعلم مافبش حاجة هى كده وخلاص وبكدة يبقى عندنا جيل يقدر يفكر و يجى بعد كده التوجية يعنى نشوف كل واحد ممكن يبقى ممتميز فى أية و نوجهه يعنى ده ممكن يبقى فنان ننمى مواهبة مش لازم يدرس زى بتاع الطب ولا الهندسة وده ناوى يبقى مهندس يبقى ما نزهقوش يدرس عربى كأنة حيكتب شعر و فرنساوى زى مايكون حيدخل كلية الأداب .

والأهم من ده وده مش لما نلاقى حد متميز نقعد نقطم فية لأسباب أى أن كانت واحد تانى محسوبية عايزينة ولا دية بنت ولا ده معرفش أية

وطبعا التاريخ بيأكد كده لأن الحضارة الفرعونية و حاضرة بابل فى العراق و الحضارة الفنيقية كلها كانت حاضرات فى دولنا العربية وكمان الحضارة الأسلامية وقت الخلفاء الراشيدين وقت ما كانوا بيحترموا العلم و بالعكس بيستقطبوا العلماء وقت ما كانت الكنيسة بتعمل زى ما بنعمل دلوقتى بالظبط كل حاجة حرام و الكرة الأرضية مش مدورة وألا ربنا كان قال كده فى الأنجيل و ده طبعا سواء فهم و سؤ تفسير منهم .

يعنى من الأخر كدم العيب فى التربية و الفساد و سؤ فهم للأديان .

و ليا تعليق صغير و هو أنا بعتبر نفسى عربية و رغم أنى مش مسلمه ولا حاجة لكن بتكلم عربى و عادتنا و تقاليدنا واحدة تقريبا بغض النظر عن اللى أحنا فية من كام سنة .

شارك هذه المشاركه


رابط المشاركه
شارك
السؤال ده فكرني بمشهد شفته من قريب في فيلم نهاية العالم 2012

كان المشهد عباره عن بروفيسور بيناقش شخص مسؤول عن انقاذ عدد محدود من سكان الارض لينجوا من طوفان قادم هيدمر العالم بالي فيه ..

البروفيسور سأل المسؤول وقاله على اي اساس تم اختيار الناجين الي هيركبوا الفلك من دون كل سكان الارض..

رد المسؤول بان الاختيار تم على اساس ( جيني ) بمعنى البقاء للاصلح ومن تتوافر فيه صفات جينية معينة تستحق انها تنجوا وتكمل الانسانية على الارض ..

بالطبع المسؤول كان بيكذب لان الاختيار تم وفقا لقواعد تانية خالص منها مين الي دفع ..

اشار البروفيسور لطابور ماشي من الركاب الي رايحين يركبوا السفينة .. وقاله مستهزئا على اساس جيني برضه ؟

في اللحظه دي كانت الصورة المعروضه على الشاشه لواحد قصير ماشي وتبعه مباشرة راجل بزيه العربي ( الغترة والعقال ) ومعاه زوجته بجواره وهي ترتدي زي الجواري القديم ده مع غطاء شفاف للوجه ..

كان المشهد عابر ولكن المغزى منه واضح تماما .. فالفكرة المراد ترسيخها ان العربي ده عيب خلقي لايستحق الحفاظ على نوعه ..

لما بستعيد المشهد ده مبستغربش ابدا اسئلة من النوع الي طرح هنا في التوبيك ده ولا بستغرب تبني البعض ممن تم غسل ادمغتهم لوجهة النظر دي من ان العرب او حتى المسلمين طفرات جينية بصفات غير مرغوب فيها وبالتالي يجب منعها من الاستمرار ..

على كل حال واجابة مني للسؤال المطروح هنا فاقولها بثقة .. لا طبعا ..

التخلف مش صفة جينية في العرب تحديدا .. من قصر النظر اننا نقيس الامور على الوضع الحالي الي فيه العرب .. لو عاوزين نقيسها صح نضم لها الفترات الي عاشت فيها المنطقة العربية ازهى عصورها فترة الحكم العباسي او الاموي على سبيل المثال والي وقتها كان التخلف سمة اوروبية صرفة لدرجه ان اطلق على حياة الغرب في فترة ما ( عصور الظلام )

ده غير ان لا احد ينكر ان كتير جدا من العلماء والمشاهير والناجحين في كافة المجالات في الغرب يعودون لاصول عربية ولم يمنعهم انحدارهم الجيني من النبوغ او التفوق ..

اضافة لحقيقة ثالثه وهي ان في ( اعراق ) اخرى اشد تخلفا منا نحن العرب زي كتير من الي عايشين في دول افريقية او في امريكا الجنوبية او اسيا وكلهم لا عرب ولا مسلمين ومع ذلك شديدي التخلف ومسمعناش عمرنا عن حد فيهم عمل شيء يستحق الذكر .

مش هقول الي الي بيحصل في الموضوع ده ومواضيع مشابهة هو جلد للذات لان الي قاعد يجلد .. ويسلخ .. مش مننا .. دي قوالب جاهزه بيحاولوا يحشروا تفكيرنا فيها ولو بالغصب لمحاولة فرض تميز جنس بعينة عن الآخر ..

لا استغرب ابدا المحاولات دي منهم ولكني استغرب وبشده ايمان البعض منا بهكذا مقوله .. ان كان العرب متخلفين امال انت يلي بتتكلم عربي طلعت ناصح لمين ؟

المداخلة دى للفاضلة/ ضحى عبرت عما أردت قوله بدقة

وأحب أن أضيف أن بعض حكومات الغرب عندما بدأ يتقدم علمياً أصبح يسرق العقول العربية وغيرها التى تنبغ لتصب فى تقدمه ولن ألومه على ذلك فهذا حقه.

ولكنه أيضاً يدخل أنفه فى أى شيء لكبت أى تقدم علمى فى بلادنا ورفع الجهلة والجهلاء للتحكم فى مصائر النابهين ودفن مواهبهم.

ويصل الأمر أحياناً لقتلهم كما حدث مع الكثير من علماء الذرة والطاقة النووية المصريين.

وحيث أنه تم إتهام العرب بأنهم لم يخرج منهم مبدع بسبب الجينات وأن كل العلماء فى عصر النهضة الإسلامية كانوا من غير العرب

لذا أحب أن أطرح مسابقة نشارك فيها جميعاً وكل واحد يذكر عالم عربى يثبت أن الجين العربى بريء من هذه التهمة وأن التهمة هى للنظم الفاسدة التى تكبت العلماء ولا تحتضنهم، لا يهم العالم مسلم أو مسيحى أو يهودى الآن فالجين هو المتهم وليس الدين.

وأبدأ بجابر بن حيان الأزدى من قبيلة أزد باليمن وطبعاً هو غنى عن التعريف.

وهناك خالد بن يزيد الأموى العالم الذى ترك قصور الحكم ليتفرغ لعلم الكيمياء.

وابن النفيس "القرشى" الذى اكتشف الدورة الدموية وله مؤلفات كثيرة فى الطب

طبعاً مش قادر أجيب أسماء علماء من الكوفة والبصرة ومصر حتى لا يقال أن هؤلاء دخلت فيهم جينات أخرى وليسوا بجينات عرب 100%.

وأنتظر إضافة المزيد والمزيد

تم تعديل بواسطة msayed

شارك هذه المشاركه


رابط المشاركه
شارك

السلام عليكم

اخوتى الكرام بعد بحث صغير على ويكيبيديا وجدت

http://ar.wikipedia.org/wiki/%D8%B9%D9%84%...%85%D9%88%D9%86

لمن يريد معرفه معلومات اكثر يدخل الرابط و يبحث فى الاسم ..

رابعها:العلوم الطبيعية

1. علوم الطب والصيدلة

طب وصيدلة المسلمين ابن أبي أصيبعة - ابن ربَّن الطبري - ابن الصوري - أبو الحكم الدمشقي - ابن باجه - ابن الرحبي - ابن العطار - أبو عثمان الدمشقي - ابن البطريق - ابن رشد - ابن القس - أبو الفرج اليبرودي - ابن بطلان - ابن القف - أبو الفضل الحارثي - ابن البيطار - ابن السراج - ابن كشكاريا - أبو القاسم الزهراوي - ابن التلميذ - ابن سعد - ابن ماسويه - أبو النصر التكريتي - ابن توما - ابن سقلاب - ابن المجوسي - الإدريسي - ابن الجزار - ابن سمجون - ابن المقشر - البغدادي - ابن جزلة - ابن السمح - ابن ملكا - البيروني - ابن جلجل - ابن سينا - ابن مندويه - ثابت بن قرة - ابن الخطيب - ابن الصباغ - ابن مهند - الرازي - ابن الخوام - ابن صغير - ابن النفيس - ابن الخياط - ابن الصلاح - ابن الهيثم - موفق الدين عبد اللطيف البغدادي - عز الدين بن السويدي - رشيد الدين علي بن خليفة - علي بن رضوان - ابن زهر -

2. من الرياضيين

ابن باجه - ابن الصفار - أبو الحسن بن العطار - البتاني - ابن البرغوث - ابن عراق - أبو الرشيد الرازي - البغدادي - ابن البناء - ابن اللجائي - أبو سهل الكوهي - البوزجاني - ابن الخوام - ابن المجدي - أبو الفضل الحارثي - البيروني - ابن الخياط - ابن مسعود - أبو القاسم الإنطاكي - ثابت بن قرة - ابن السمح - ابن الهائم - أبو كامل الحاسب - الخوارزمي - ابن سمعون - ابن الهيثم - أبو معشر البلخي - الطوسي - ابن سينا - أبو بكر بن أبي عيسى - محمد بن السراج - المجريطي - ابن الشاطر - أبو جعفر الخازن - عمر الخيام - ابن حمزة المغربي

3. من المهندسين

ابن البناء ابن المجدي أبو القاسم الإنطاكي البيروني ابن الخياط ابن الهيثم أبو كامل الحاسب ثابت بن قرة ابن سفر أبو بكر بن أبي عيسى أبو معشر البلخي الخوارزمي ابن الصفار أبو سهل القوهي المجريطي ابن الصلاح أبو الفضل الحارثي البوزجاني

4. من الفلكيين

سند بن علي- ابن باجه- ابن عراق- أبو الفضل الحارثي- البيروني- ابن البرغوث- ابن اللجائي- أبو كامل الحاسب- ثابت بن قرة- ابن البناء- ابن المجدي- أبو معشر البلخي- الخازن- ابن الخياط- ابن مسعود- أبو النصر التكريتي- الخوارزمي- ابن سمعون- أبو بكر بن أبي عيسى- الإدريسي- الطوسي- ابن سينا- أبو جعفر الخازن- البتاني- القزويني- ابن الشاطر- البغدادي- المجريطي- ابن الصفار- أبو علي الخياط- البوزجاني الفرغاني- الأخوة الثلاثة بنو موسى- عبد الرحمن الصوفي- أبو سهل القوهي- البطروجي- الزرقالي - نصير الدين الطوسي

6. من الزراعيين

ابن البيطار- ابن سيده- ابن العوام- أبو الخير الإشبيلي - ابن الخطيب- ابن سينا- ابن مهند- الإدريسي- ابن الرومية- ابن الصوري- ابن وحشية- الدينوري- ابن السراج- ابن السراج- مجدى محمود-

..ما سبق كان عينه ............إيه رأيك يا محمد ؟

شارك هذه المشاركه


رابط المشاركه
شارك

جميل جدا ان الشباب يشارك ويثور غيرة على دينه واصله ، وقد كان هذا هو غرضى من رفع الموضوع .

ولمن لايعرف فانا مصرى اعتز بمصريتى وبعروبتى وبدينى ، ودائما اقولها بكل فخر لمن يسألنى عن جنسيتى اننى مصرى .

ولكن الملاحظ ان البعض يحاول دائما الخلط بين الامور والخلط بين اى شيئ نتحدث عنه وبين الدين وهى ظاهرة موجودة ليس فى المنتدى فقط بل على مستوى الشارع ايضا .

احيانا اتسائل لماذا هذا الخلط؟ هل هو لقلة الالمام بجوانب الامر فيتم تعويض النقص المعرفى بعباءة الدين حتى يتوه محدثك ولايستطيع الرد؟

اليس من الافضل ان تبحث فى الموضوع لتصل الى الفكرة التى يتحدث عنها محدثك وتعرف مصادرها وبالتالى تزداد معرفة وخبرة؟ ام اننا من كثرة ماتعلمناه فى المدارس ان نحفظ القوالب كما هى ونخرجها عند اللزوم؟

عموما هذا كوضوعا كنت كتبته منذ ثلاث سنوات وادرجت فيه معظم اسماء علماء امسلمين الذين أناروا مشاعل المعرفة اثناء عصور الظلام ، ولازلت ادعى ان العلم لاوطن له ولا دين ، بل تواصل جهود البشر من كل مكان لخدمة البشر ايضا .

شارك هذه المشاركه


رابط المشاركه
شارك
6. من الزراعيين

ابن البيطار- ابن سيده- ابن العوام- أبو الخير الإشبيلي - ابن الخطيب- ابن سينا- ابن مهند- الإدريسي- ابن الرومية- ابن الصوري- ابن وحشية- الدينوري- ابن السراج- ابن السراج- مجدى محمود-

..ما سبق كان عينه ............إيه رأيك يا محمد ؟

مين ده :lol:

شارك هذه المشاركه


رابط المشاركه
شارك
6. من الزراعيين

ابن البيطار- ابن سيده- ابن العوام- أبو الخير الإشبيلي - ابن الخطيب- ابن سينا- ابن مهند- الإدريسي- ابن الرومية- ابن الصوري- ابن وحشية- الدينوري- ابن السراج- ابن السراج- مجدى محمود-

..ما سبق كان عينه ............إيه رأيك يا محمد ؟

مين ده :lol:

يعنى كنا عرفنا الباقيين يا msayed , و اللا علشان مفيش إبن فى إسمه متزعلش يا عم خليه ( مجدى بن محمود)

بس تقريبا ده واحد صاحب أبو عمر

شارك هذه المشاركه


رابط المشاركه
شارك
جميل جدا ان الشباب يشارك ويثور غيرة على دينه واصله ، وقد كان هذا هو غرضى من رفع الموضوع .

ولمن لايعرف فانا مصرى اعتز بمصريتى وبعروبتى وبدينى ، ودائما اقولها بكل فخر لمن يسألنى عن جنسيتى اننى مصرى .

ولكن الملاحظ ان البعض يحاول دائما الخلط بين الامور والخلط بين اى شيئ نتحدث عنه وبين الدين وهى ظاهرة موجودة ليس فى المنتدى فقط بل على مستوى الشارع ايضا .

احيانا اتسائل لماذا هذا الخلط؟ هل هو لقلة الالمام بجوانب الامر فيتم تعويض النقص المعرفى بعباءة الدين حتى يتوه محدثك ولايستطيع الرد؟

اليس من الافضل ان تبحث فى الموضوع لتصل الى الفكرة التى يتحدث عنها محدثك وتعرف مصادرها وبالتالى تزداد معرفة وخبرة؟ ام اننا من كثرة ماتعلمناه فى المدارس ان نحفظ القوالب كما هى ونخرجها عند اللزوم؟

السلام عليكم

اخى الحبيب محمد المسلم المصرى العربى .

اى خلط تتكلم عنه

و الله لقد اجبت بشكل علمى منطقى و كنت اتمنى ان ترد بنفس الطريقه .

إثبت لى يا محمد ان هناك عامل اخر غير الاسلام كان السبب المباشر و الوحيد

فى ظهور قيمه للعرب و علو شأنهم بين الامم و إنشائهم حضاره غير مسبوقه فى التاريخ البشرى

من اين لك بالحكم على نقص معرفتى و اى توهان تقصده المجال مفتوح امامك هات ما عندك ..

الاسلام ليس عقيده و شعائر فقط يا محمد

الاسلام نظام حياه كامل متكامل يلازم الانسان منذ مولده و حتى موته

اول اوامر الاسلام يا محمد ..إقرأ..و ايات القرأن التى تحث على التفكر و التدبر و التعلم كثيره

و سنه المصطفى و توجيهه لصحابته و الحث على العلم كل ذلك موثق

و الاهم ان الاسلام لم يقف حائلا امام الابداع العقلى و العلمى المنضبط بحدود الشرع

و الدليل هذا العدد الهائل من العلماء العرب المسلمين فى المداخله السابقه و هو عينه فقط ..

بل إن المناخ الذى هيئه الاسلام للعلم و الاجتهاد و البحث العلمى استفاد ليس فقط المسلمين

بل هناك من غير المسلمين من يهود و نصارى برزوا فى كنف النهضه الاسلاميه ..

.

العرب هم العرب و جيناتهم هى جيناتهم ..المتغير الوحيد ..الاسلام ..

تم تعديل بواسطة abaomar

شارك هذه المشاركه


رابط المشاركه
شارك

هاه فيه ايه؟

اهدوا شويه

اللى هيدخل على هذا الموضوع مش هيطلع بحاجه...هيدوخ ويرجع ويقفل الكمبيوتر

عايزين اجابه محدده

1- هل التخلف جينى؟

2- اذا كان نعم فكيف؟

3- اذا كان لا

4- فما سبب تخلفنا؟

5- ومن يقول السبب يقول ماهو الحل؟

اللى بيقول الاسلام هو الحل....يقول ازاى

واللى بيقول العلمانيه هى الحل يقول ازاى

واللى بيقول المهلبيه هى الحل...يقول ازاى

ارجو اللى يجاوب مايخرجشى عن هذه الاسئله حتى نستفيد

انا هابدا بنفسى

1- هل التخلف جينى؟

الاجابه: لا

5- سبب تخلفنا

الاجابه: مش عارف

6- الحل؟

الاجابه: بصراحه شديده...لا ارى حل فى الوقت القريب

تحياتى

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • لماذا نحن متخلفون؟

      كثيراً ما سالت نفسي هذا السؤال لماذا نحن متخلفون؟ والسؤال علي الرغم من بساطته واهميته الا اننا لم نحاول الاجابة عليه بجديه ابداً... اعتقد ان اهم اسباب تخلفنا هو عدم تقديس النظام... النظام هو الدولة وهو المؤسسات التي تحمل كلٍ منها وظيفة لو ادتها علي ما يرام لواصلت الدولة تقدمها, وهو القوانين التي "تطبق" علي كل مواطن. نحن لسنا فقط لانقدس النظام ,بل اننا لا نعرف مفرداته اصلاً , ولو انك سألت 100 من المارين في شارع ما في مدينة عربية ما ما الفرق بين الكلمات التالية :(الحكومة الدولة الدستور والقانو

      في سياسة داخلية

    • 10% من أطفال مصر متخلفون عقلياً..عليه العوض!

      10% من أطفال مصر متخلفون عقلياً الوكالات-القاهرة كشفت دراسة طبية حديثة ان 10 بالمائة من الاطفال المصريين يعانون من التخلف العقلى. ونسبت الصحف المصرية الى عميد كلية الطب الاسبق بجامعة أسيوط الدكتور محمد قنديل قوله ان مرض التخلف العقلى يرجع الى نقص بعض الانزيمات التى تقوم بتمثيل الغذاء فى الجسم والتى ينتج عنها الاضطرابات فى نسبة هرمون الغدة الدرقية بالدم. واشار الباحث الى ان الدراسة اجريت على 109 حالات وجاءت النتيجة بعد علاج 8 بالمائة منها انهم يعانون من تأخر شديد و30 بالمائة من تأخر متوسط و6

      في استشارات طبية و نفسية

×
×
  • اضف...